Stoðir segjast ekki hafa tekið stöðu gegn krónunni

Eignarhaldsfélagið Stoðir, sem áður hét FL Group, tók ekki stöðu gegn íslensku krónunni. Þetta kemur fram í tilkynningu frá félaginu.

Björgvin G. Sigurðsson, viðskiptaráðherra, hefur sagt að komi það í ljós að grafið hafi verið grafið undan fjármálakerfinu þá hafi það átt stóran þátt í bankahruninu og það þurfi að rannsaka sérstaklega.

Yfirlýsing Stoða:

,,Vegna umræðu í fjölmiðlum síðastliðna daga um að stærstu eigendur bankanna hafi tekið stöðu gegn krónunni, vilja Stoðir taka fram að umfang gjaldmiðlasamninga félagins á síðastliðnu ári var óverulegt miðað við umsvif. Samningarnir miðuðu eingöngu að því að verja eigið fé gegn gengisáhættu. Þegar Stoðir fóru í greiðslustöðvun 29. september 2008 var nettó staða gjaldmiðlasamninga félagsins neikvæð um 18,4 milljónir króna.  Stoðir tóku því ekki stöðu gegn íslensku krónunni."