Fleiri fréttir

Fallið aldrei verið meira

Krónan veiktist um 3,9 prósent í viðskiptum gærdagsins. Hrapið ágerðist eftir fregnir af aðkomu ríkisins að Glitni. Úrvalsvísitalan féll um 4,8 prósent.

Sterling segir upp 25 flugmönnum

Lággjaldaflugfélagið Sterling sagði upp 25 flugmönnum í gær. Þetta var gert þar sem Sterling mun minnka flugflota sinn um 5 vélar frá og með áramótum.

Ellefu íslendingum sagt upp hjá Primera Air

Ellefu flugliðum sem starfa hjá íslenska flugfélaginu Primera Air sem meðal annars sér um allt leiguflug Heimferða hefur verið sagt upp störfum. Jón Karl Ólafsson forstjóri Primera Air segir að um varúðarráðstafanir sé að ræða en félagið hefur fundið fyrir samdrætti undanfarið.

Nokia eignast OZ

Nokia farsímafyrirtækið hefur gert samning um kaup á OZ fyrirtækinu sem stofnað var hér á landi. Í tilkynningu sem félögin sendu frá sér segir að um 220 manns starfi hjá OZ. Höfuðstöðvar fyrirtækisins eru í Montreal í Kanada. OZ framleiðir kerfi sem gerir kleift að senda sms og tölvupósta úr farsímum.

Finnar tæma innlánsreikninga í Glitni

Viðskiptavinir Glitnis í Finnlandi hafa tæmt innlánsreikninga sína þar í nokkrum mæli í kjölfar fréttarinnar um kaup ríkissjóðs á 75% hlut í Glitni hér heima. Í blaðinu Huvustadbladet segir að upphæðin nemi nokkrum milljónum evra.

Krónan fellur gegnum falska botninn

Krónan féll um 5,3 prósent í dag og stendur gengisvísitalan í 196,5 stigum. Hún hefur aldrei nokkurn tíma verið veikari. Aðrir gjaldmiðlar hafa sömuleiðis aldrei verið dýrari í krónum talið ef frá er skilinn Bandaríkjadalur, sem hefur ekki verið dýrari síðan um miðjan desember árið 2001.

Úrvalsvísitalan hrundi í dag

Gengi hlutabréfa í Glitni hrundi um 71 prósent í Kauphöllinni í dag og dró Úrvalsvísitöluna með sér í fallinu. Hún fór niður um 16,59 prósent og hefur aldrei lækkað jafn mikið á einum degi.

Fitch lækkar lánshæfismatið hjá Straumi

Fitch Ratings lækkaði í dag lánshæfiseinkunn Straums í kjölfar þess að tilkynnt var í gær að íslensk stjórnvöld myndu leggja Glitni Banka hf. til nýtt hlutafé og eignast 75% hlut í bankanum.

Bandaríkin opna í plús

Gengi hlutabréfa hækkaði almennt við upphaf viðskiptadagsins í Bandaríkjunum í dag eftir versta skell sem fjárfestar hafa séð þar í landi í um 21 ár.

Fitch lækkar lánshæfismat Landsbankans

Alþjóðlega matsfyrirtækið Fitch hefur í dag lækkað lánshæfismatseinkunn langtímaskuldbindinga Landsbankans í BBB úr A , einkunnir vegna innlendra og erlendra skammtímaskuldbindinga bankans í F3 úr F1 og einkunn fyrir fjárhagslegan styrk sem C úr B/C.

Fitch lækkar lánshæfismat Glitnis

Lánshæfismatsfyrirtækið Fitch Ratings Services tilkynnti í dag breytingu á langtíma lánshæfismatseinkunn Glitnis úr A- í BBB-.

Útflutningur á áli hefur tvöfaldast á einu ári

Mikil aukning er í útflutningi á áli, en á föstu gengi tvöfaldaðist verðmæti álútflutnings í ágúst miðað við sama mánuð í fyrra. Á fyrstu 8 mánuðum ársins hefur verið flutt út 65% meira af áli en á sama tímabili í fyrra.

Óljóst hvort Salt muni styðja ríkisvæðingu Glitnis

Árni Harðarson, forstjóri Salt Investments, segir að þar á bæ séu menn súrir yfir atburðum gærdagsins þegar ríkið yfirtók Glitni að stórum hluta. Salt Investments, sem er í eigu Róberts Wessman, var sjöundi stærsti hluthafinn í Glitni og reiknað er með að félagið hafi tapað tæpum fimm milljörðum á gjörningnum. Hann segir þó að Salt muni þola ágjöfina. Óvíst er hvort Salt muni styðja ríkisvæðinguna á hluthafafundi.

Inngrip stjórnvalda gæti valdið óróa í stað þess að draga úr spennu

Inngrip ríkisins hjá Glitni og þar með stærsta hluthafanum, Stoðum, gæti valdið meiri óróa á markaðnum í stað þess að draga úr spennu. Viðræður voru í gangi við Landsbankann um sameiningu við Glitni áður en ríkið greip inn í en í dag gæti Landsbankinn fengið Glitni á mun hagstæðari kjörum en fyrir helgina.

Hagnaður ríkisins af Glitnishlut yfir 200 milljarðar

Ríkið hefur grætt 204 milljarða á 75 prósent hlut sínum í Glitni það sem af er morgni. Á sama tíma hafa aðrir hluthafar bankans tapað um 137 milljörðum. Gengi bréfa í bankanum hefur fallið um rétt tæp 60 prósent í morgun.

Írska ríkið tryggir bankana

Írska ríkið hefur gengist í ábyrgðir fyrir skuldbindingar banka þar í landi næstu tvö árin. Ákvörðunin kemur í framhaldi af mikilli lækkun á gengi hlutabréfa í írskum fjármálafyrirtækjum í gær en tilefni þótti til að róa fjárfesta.

Keypt í Landsbankanum fyrir 6,5 milljarða

Tvenn stór utanþingsviðskipti áttu sér stað með bréf í Landsbankanum í morgun upp á 5,6 milljarða króna. Önnur viðskiptin voru upp á 4,5 milljarða króna en hin upp á rúman 1,1 milljarð.

Leitað til Landsbankans vegna sameiningar við Glitni

Á sunnudag var leitað til Landsbankans vegna málefna Glitnis. Þetta segir Ásgeir Friðgeirsson talsmaður Björgólfsfeðga sem eiga ráðandi hlut í Landsbankanum. „Þá fóru af stað svona ákveðnar hugmyndir varðandi sameiningu Landsbankans og Glitnis, þá í ljósi þess að það yrði einhver aðkoma ríkisins að því," segir Ásgeir.

Stjórnendabreytingar hjá Eimskipum

Breytingar hafa verið gerðar á stjórnendahópi Eimskips eftir því sem fram kemur í tilkynningu félagsins til Kauphallarinnar. Hilmar Pétur Valgarðsson, Steingrímur Sigurðsson, Ingvar Sigurðsson og Ásbjörn Skúlason hafa verið ráðnir framkvæmdastjórar hjá félaginu og verða í hópi lykilstjórnenda félagsins.

Fráleitt að segja að Landic muni selja eignir vegna Stoða

Páll Benediktsson fjölmiðlafulltrúi Landic Property segir það fráleitt að segja að Landic muni selja eignir í Danmörku vegna erfiðleika Stoða. "Þetta er bara enn eitt bullið í Börsen og við vísum því til föðurhúsa," segir Páll.

Glitnir á tæpar fjórar krónur?

Kauptilboð er í hlutabréf Glitnis upp á 3,2 krónur á hlut í kerfi Kauphallarinnar fyrir upphaf viðskiptadagsins. Sölutilboð hljóðar upp á 4,8 krónur á hlut. Til samanburðar stóð lokagengi bréfa í Glitni í 15,7 krónum á hlut í enda viðskiptadagsins á föstudag.

Sjá næstu 50 fréttir

Mest lesið