Víða getur nætt um fólk

Við Smáratorg í Kópavogi er að rísa hæsta bygging landsins og gnæfir þar yfir nærsveitir. Á efstu hæð verður forláta veitingastaður og sjálfsagt unun að horfa yfir. Mikil er eftirvæntingin því heyrst hefur af því að þegar hafi verið lögð inn pöntun fyrir jólahlaðborð starfsmanna deCODE í turninum.

Lífsstíll fremur en áhugamál

Í hátt í tuttugu ár hefur Ásgeir Margeirsson, forstjóri Geysis Green Energy, stundað hestamennsku af miklu kappi. Hann kynntist henni sem unglingur í sveit og keypti sér sinn fyrsta hest þegar hann var ekki nema sextán ára. „Hestamennskan var mér alltaf mjög nærri, þrátt fyrir að mitt fólk vissi ekki hvað sneri fram og hvað aftur á hestum. Hún togaði hins vegar alltaf í mig, allt frá þessum tíma.“

Engin kreppa á toppnum

Á meðan sala á „venjulegum“ bílum dregst saman eykst sala á bílum sem kosta yfir fimm milljónir króna. Bílasalar merkja engan samdrátt í eftirspurn.

Sófi fyrir nýsköpun

Um þessar mundir er Klak nýsköpunarmiðstöð að flytja af efstu hæð Nýherja í Borgartúni í efstu hæðina á húsi Háskólans í Reykjavík við Kringluna sem áður hýsti Morgunblaðið. Í húsakynnum Klaks getur að líta forláta sófasett úr leðri, Chesterfield. Settið mun hafa verið eign ungs stjórnmálamanns sem nýverið settist á þing og gegnir hárri stöðu.

Sprotafyrirtækin stíga fram úr skugganum

Fjárfestingaþing Seed Forum fer fram á föstudag. Þetta er í sjötta sinn sem þing sem þetta er haldið í Reykjavík en þar kynna fulltrúar íslenskra og erlendra sprotafyrirtækja sig fyrir fjárfestum. Jón Aðalsteinn Bergsveinsson spjallaði við framkvæmdastjóra Seed Forum, og kynnti sér fyrirtækin.

Forstjóri SPRON ánægður með fyrsta daginn í kauphöllinni

Forstjóri SPRON segist vera ánægður með fyrsta dag sjóðsins í kauphöllinni. Hann segist ekki hafa áhyggjur af því þótt hlutabréf í sjóðnum hafi fallið um rúm 11 prósent frá opnun markaðar til lokunar.

Icelandic Group stærst í Evrópu

Icelandic Group er orðið stærsta sjávarútvegsfyrirtæki Evrópu og hefur þar með skotið spænska risanum Pescanova aftur fyrir sig. Þetta er niðurstaða úttektar sem IntraFish hefur látið gera.

Afkoma Handelsbanken á pari við væntingar

Sænski Handelsbanken hagnaðist um rúma 2,5 milljarða króna, jafnvirði 24 milljarða íslenskra króna, á þriðja ársfjórðungi. Þetta er sextán prósenta aukning frá sama tíma í fyrra og lítillega yfir væntingum markaðsaðila.

Rúmlega helmingur tekna bankanna erlendis frá

Um 54 prósent tekna íslensku viðskiptabankanna á fyrri hluta ársins kom erlendis frá samkvæmt hálfs árs uppgjöri þeirra. Þá mátti rekja 45 prósent heildareigna bankanna til erlendra dótturfélaga og um helmingur starfsmanna bankanna starfaði í útlöndum.

Olíuverð lækkar í verði

Heimsmarkaðsverð á hráolíu lækkaði talsvert á fjármálamörkuðum í dag eftir að viðræður hófust á milli stjórnvalda í Tyrklandi og Kúrda í norðurhéruðum Írak. Þá spilar inní að gert er ráð fyrir að olíubirgðir hafi aukist á milli vikna í Bandaríkjunum.

SPRON féll um 10% á fyrsta degi

Hlutabréf í SPRON virðast hafa verið of hátt metin á fyrsta degi í kauphöllinni því þau hafa fallið um tæp 10% frá opnun markaðarins. Við opnun stóðu þau í 18,9 á hlut en nú við lokun var gengið komið í 16,7 á hlut.

Kaupþing toppar "300 stærstu" listann

Kaupþing banki er í fyrsta sæti á "300 stærstu" lista Frjálsrar verslunnar sem kom út í dag. Raunar var Kaupþing einnig í fyrsta sæti í fyrra og ekki eru miklar breytingar á fimm efstu sætum listans. Velta Kaupþings er áberandi mest eða tæpir 306 milljarðar kr. Í öðru sæti kemur Landsbankinn með veltu upp á 185 milljarða kr.

Bakkavör er stærsti vinnuveitandinn

Bakkavör Group er stærsti vinnuveitandi landsins en hjá fyrirtækinu vinna nú tæplega 16.000 manns. Flestir starfsmennirnir vinna á vegum fyrirtækisins erlendis. Þetta kemur fram í nýjustu útgáfu Frjálsrar verslunnar af bókinni "300 stærstu".

Hagvöxtur áfram - ekkert stopp

Hagvöxtur áfram - ekkert stopp. Þetta segir Ásgeir Jónsson, forstöðumaður greiningadeildar Kaupþings en greiningardeild gaf í morgun út hagvaxtarspá fyrir árin 2007-2010.

Gengið sterkt út árið að mati Kaupþings

Greiningardeild Kaupþings banka gerir ráð fyrir að gengi krónunnar verði fremur sterkt út árið og að gengisvísitalan sveiflist í kringum 116 stig. Mesta óvissan lýtur að framgangi alþjóðlegra vaxtamunaviðskipta og má fastlega gera ráð fyrir áframhaldandi sveiflum.

Mikil spenna á vinnumarkaði

Mikil spenna á íslenskum vinnumarkaði um þessar mundir kemur berlega fram í örum launahækkunum. Atvinnurekendur reyna að halda í fólk sitt með launahækkunum og laða að nýtt starfsfólk með freistandi launatilboðum. Fjallað er um málið í Morgunkorni Glitnis

Ólöglegt niðurhal stöðvað

Lögregluyfirvöld í Bretlandi og Hollandi hafa lokað einni stærstu sjóræningjavefsíðu tónlistar í heiminum. Gerðar voru húsleitir í nokkrum íbúðum í Amsterdam og einni í Teesside þegar alþjóðalögreglan Interpol réðist til atlögu gegn meðlimavefsíðunni OiNK. Karlmaður á þrítugsaldri var handtekinn í Bretlandi í tengslum við málið í morgun.

Úrvalsvísitalan lækkar lítilega

Úrvalsvísitalan hefur lækkað lítilega í morgun eða um 0.80% og stendur nú í 8.235 stigum. Exista hefur hækkað mest eða um 1,67%.

Lífleg viðskipti með SPRON-hluti

Nokkuð lífleg viðskipti hafa verið með hluti í SPRON í kauphöllinni í morgun á fyrsta degi sparisjóðsins þar. Fjöldi viðskipta er nú kominn í 139 og markaðvirði þeirra nemur 750 milljónum kr. Kaupgengið er 16,5

Meðallaun í Straumi-Burðarás 22,7 milljónir kr.

Straumur-Burðarás er það fyrirtæki landsins sem gerðir hæstu meðallaunin á landinu. Samkvæmt bók Frjálsrar verslunnar "300 stærstu" er hver starfsmanna Straums-Burðarás með 22,7 milljónir kr. í árslaun að meðaltali.

Nýr tvíhliða samningur um tekjuskatt

Árni M. Mathiesen fjármálaráðherra undirritar í dag fyrir hönd íslenska ríkisins nýjan tvíhliða samning við Bandaríkin um tekjuskatt. Frá þessu er greint á fréttavef Nasdaq.

Nike kaupir Umbro

Íþróttavöruframleiðandinn Nike hefur fest kaup á Umbro, helsta keppinaut sínum í Bretlandi og er kaupverðið rúmlega 30 milljarðar kr. Nokkur aðdragandi hefur verið að kaupunum því í síðustu viku gaf Umbro út yfirlýsingu um að áhugi væri fyrir kaupum á félaginu.

Kristján hættur hjá FL Group

Kristján Kristjánsson hefur látið af störfum sem forstöðumaður upplýsingasviðs FL Group. Starfsmönnum var tilkynnt um ákvörðunina í gær. Kristján, sem áður var í Kastljósi Sjónvarpsins, var ráðinn til starfa hjá félaginu í fyrrahaust og hefur því starfað hjá félaginu í rétt rúmt ár.

Hlutabréf hækka í Bandaríkjunum

Gengi hlutabréfa hækkaði nokkuð á fjármálamörkuðum í Bandaríkjunum í dag eftir skell á föstudag. Fjárfestar biðu með eftirvæntingu eftir uppgjöri tæknifyrirtækja, ekki síst Apple, sem skilaði afar góðum afkomutölum.

Afkoma Apple langt umfram væntingar

Bandaríski tölvu- og hugbúnaðarframleiðandinn Apple hagnaðist um 904 milljónir bandaríkjadala, jafnvirði 55,7 milljarða íslenskra króna, á þriðja fjórðungi, sem er fjórði fjórðungur félagsins, samanborið við 542 milljónir dala á sama tíma í fyrra. Þetta er 67 prósenta aukning á milli ára og langt umfram spár fjármálasérfræðinga.

MP Pension opnar í Litháen

MP Pension Fund Baltic opnaði við hátíðlega viðhöfn í Vilníus þann 11. október síðastliðinn. Ramūnas Stankevičius, framkvæmdastjóri félagsins, kynnti þar meginmarkmið og verkefni félagsins en markmið þess er að örva frjálsan lífeyrissparnað í Litháen og upplýsa litháískt samfélag um ágæti lífeyrissjóða.

Úrvalsvísitalan niður um tæp tvö prósent

Íslensku fyrirtækin sem skráð eru í Kauphöllina fóru ekki varhluta af alþjóðlegu lækkanaferli á hlutabréfamörkuðum í dag. Gengi bréfa í FL Group féll um 4,36 prósent en gengi bréfa í Existu um 3,67 prósent. Gengi bréfa í einungis tveimur félögum hækkaði eftir daginn, í Flögu og Föroya banka.

News Corp. verðmætasta fjölmiðlaveldið

News Corp. er nú orðið verðmætasta fjölmiðlaveldi heims en það er að mestu í eigu Rupert Murdoch. Við niðursveifluna á mörkuðum vestan hafs á föstudag fór New Corp. framúr Time Warner hvað verðmætið varðar.

Sheffield Wednesday bloggarar í vandræðum

Æstir áhangendur breska knattspyrnuliðsins Sheffield Wednesday gætu átt yfir höfði sér himinháar sektir vegna ummæla sem féllu á spjallsíðu félagsins. Þar kepptust menn við að hrauna yfir stjórnendur félagsins sem þóttu ekki standa sig sem skyldi við reksturinn.

Rauður dagur í Kauphöllinni

Gengi hlutabréfa hefur lækkað talsvert frá því viðskipti hófust í Kauphöll Íslands í dag en Úrvalsvísitalan hefur lækkað um 2,99 prósent. Gengi bréfa í Exista lækkaði um sex prósent skömmu eftir að viðskipti hófust en næstmest í FL Group, sem fór niður um fimm prósent.

Pétur frá Glitni til Símans

Pétur Þ. Óskarsson, forstöðumaður kynningarmála hjá Glitni, hefur verið framkvæmdastjóri samskiptasviðs Skipta, móðurfélags Símans, Skjásins, Mílu, Þjónustufyrirtækisins Já og fleiri félaga.

Lækkun á flestum hlutabréfamörkuðum

Hlutabréfavísitölur hafa lækkað víða um heim í dag í kjölfar lækkunar á hlutabréfamarkaði í Bandaríkjunum á föstudag en fjárfestar óttast að óróleiki á fjármálamörkuðum geti dregið úr hagvexti. Gengi bandaríkjadals er sömuleiðis komið í lægstu lægðir gagnvart evru.

Hefnd þróunarlandanna

Það er ekki ólíklegt að það hafi ískrað kátínan í fulltrúum þriðja heims landa á fundi Alþjóða gjaldeyrissjóðsins sem hófst í Washington í gær.

Baugur ætlar að opna um 300 verslanir í Þýskalandi

Baugur ætlar á næstu árum opna um 300 tískuvöruverslanir í Þýskalandi. Þá er fyrirtækið einnig að skoða markaði á Indlandi fyrir mögulega útrás.

Stjórnarformaður Northern Rock fýkur

Stjórnarformaður breska bankans Northern Rock hefur axlað ábygð á óförum bankans og sagt af sér.

Verðmat á AMR lækkar

Bandarískur greinandi mælir með því í nýju verðmati á bandaríska flugrekstrarfélaginu AMR, móðurfélagi American Airlines, stærsta flugfélagi Bandaríkjanna, að fjárfestar bæti við eignasafn sitt í félaginu. Þetta er lækkun á verðmati félagsins en í fyrri spá var mælt með kaupum á bréfunum.

Baugur sagt bjóða 180 milljarða í Saks

Baugur Group er sagt koma sterklega til greina sem einn af hugsanlegum kaupendum á bandarísku lúxusversluninni Saks en breska blaðið Times taldi í gær líkur á að félagið myndi gera tilboð upp á þrjá milljarða dala í keðjuna á næstunni. Þetta jafngildir 180 milljörðum íslenskra króna.

Gengi Google aldrei hærra

Hagnaður bandaríska netleitarrisans Google nam tæpum 1,1 milljörðum dala, rúmum 66 milljörðum íslenskra króna, á þriðja ársfjórðungi. Þetta er heilum 46 prósentum meira en félagið skilaði í kassann í fyrra og nokkru yfir væntingum markaðsaðila.

Jákvæðir fyrir einkavæðingu

Vilji Svía til að einkavæða er fyrir hendi svo framarlega sem ferlið er gagnsætt og ljóst er að allir sitji við sama borð. Þetta sagði Karin Forseke, fyrrverandi forstjóri sænska fjárfestingabankans Carnegie, á fundi sem Sænsk-íslenska verslunarráðið hélt í gær.

Vilja slá skjaldborg um Sparisjóð Vestmannaeyja

Bæjarfulltrúar í bæjarstjórn Vestmannaeyja vilja koma í veg fyrir að Sparisjóður Vestmannaeyja verði yfirtekinn líkt og gerðist í Hafnarfirði. Bæjarstjórnin heitir á stjórn og stofnfjáreigendur að standa saman og sækist eftir að kaupa stofnfjárbréf til að gæta að hagsmunum bæjarfélagsins.

Spá meiri hagvexti

Samtök atvinnulífsins telja að líkur séu á að hagvöxtur á árinu 2007 mælist yfir fimm prósent en ekki innan við eitt prósent eins og fjármálaráðuneytið heldur fram.

FL spáð miklu tapi á þriðja fjórðungi

Dropinn dýrkeyptur

Fasteignaverð hækkar enn

Vísitala íbúðaverðs hækkaði um 0,8% í september samkvæmt tölum frá Fasteignamati ríkisins, eftir því sem fram kemur í Hálf-fimm fréttum Kaupþings.

Askar Capital byggir borgarhluta á Indlandi

Askar Capital ætlar að taka þátt í uppbyggingarverkefnum á Indlandi í samstarfi við Nikhil Ghandi, einn þekktasta athafnamann Indverja. Tryggvi Þór Herbergsson, forstjóri Askar, segir bankann hafa fjárfest í fyrstu eigninni en í kjölfarið muni rísa nýr borgarhluti sem skipulagður er og hannað frá grunni með tileyrandi afþreyingu og öryggisgæslu.