Bríet Sunna datt út

Þau Ína Valgerður Pétursdóttir og Snorri Snorrason keppa til úrslita í Idol-Stjörnuleit næsta föstudagskvöld. Það var Bríet Sunna Valdemarsdóttir sem féll úr keppni eftir símakosningu í undaúrslitaþættinum sem fram fór í kvöld.

Þrír eftir - syngja topplög ársins 2005

Næst síðasti og um leið næst mikilvægasti úrslitaþátturinn í Idol-Stjörnuleit er á dagskrá Stöðvar 2 í kvöld föstudaginn, 31. mars. Einungis þrír keppendur eru eftir og í þættinum ræðst hvaða tveir munu ná alla leið í sjálfan lokaúrslitaþáttinn og keppa um það hver verður valin næsta íslenska Idol-Stjarnan.

Ný tónlistarhátíð - Rite of Spring

Ný tónlistarhátíð, Rite of Spring, verður haldin á NASA síðustu helgina í apríl. Vefsíða hátíðarinnar hefur nú opnað á www.riteofspring.is. Mr. Destiny hefur allan veg og vanda af skipulagningu hátíðarinnar en fyrirtækið skipuleggur einnig Icelandic Airwaves, stærstu tónlistarhátíð Íslands.

Grænmetisréttur Þórhildar

Þórhildur Jónsdóttir er yfirkokkur á Fjalakettinum og ein af fáum konum í þeirri stöðu hérlendis. Fjalakötturinn býður þessa dagana up á franskan matseðill og það er Þórhildur sem útbýr hann af mikilli snilld. Hún valdi sérstakan grænmetisrétt til að deila með lesendum blaðsins.

Lokaviðureign 16 manna úrslita og Strákarnir keppa í Meistaranum

Inga Þóra Ingvarsdóttir og Friðbjörn Eiríkur Garðarsson mætast í síðustu viðureign 16 manna úrslita í spurningaþættinum Meistaranum sem sýndur er á stöð 2 í kvöld fimmtudaginn 30. mars kl. 20:05. Áður en viðureignin hefst ætla Strákarnir, hinir einu sönnu að mætast í meistaraslag sem hefst kl. 19:35

Jóhannes í Bónus aðalgestur

Jóhannes Jónsson kaupmaður, Jóhannes í Bónus verður aðalgestur Strákanna á Stöð 2 í kvöld. Jóhannes breðgur rækilega á leik með Strákunum en þeir skora meðal annars á hann í svínakapphlaupi.

Allt um Erró í haust

Nýlega var undirritaður samningur um nýja veglega listaverkabók um feril Errós. Hafþór Yngvason safnstjóri Listasafns Reykjavíkur segir að bókin, sem ber vinnutitilinn Erró í tímaröð, komi út í fyrrihluta októbermánaðar en stefnt er að því fagna tilefninu með veglegu hætti og er listamaðurinn væntanlegur til landsins.

Godfather kominn út

Tölvuleikurinn Godfather er kominn út fyrir PC, Playstation 2, Xbox og PSP. Leikurinn er byggður á bókinni Godfather eftir Mario Puzo og samnefndri kvikmynd. Hefur leikurinn þegar fengið mjög góða dóma gagnrýnenda.

Lofa glæsilegri rokkhátíð alþýðunnar

Notalegheit og náungakærleikur verða í fyrirrúmi þegar rokkhátíð alþýðunnar, Aldrei fór ég suður, verður haldin í þriðja sinn á Ísafirði nú um páskana. Yfir tuttugu sveitir, allt frá heimsfrægum aðkomumönnum til lítt þekktra heimamanna, munu þar skemmta sér og öðrum en færri sveitir komust að en vildu.

Illugi komst naumlega áfram

Illugi Jökulsson tryggði sér í kvöld sæti í 8 manna úrslitum í spurningaþættinum Meistaranum á Stöð 2. Þótt sigur Illuga hafi á endanum verið naumur, hafði hann framan af keppni mikla yfirburði yfir mótherja sínum Ágústi Erni Gíslasyni. Illugi var þá í banastuði og svaraði hverri spurningunni á fætur annarri, enda annálaður alfræðingur og víðlesin með afbrigðum. Þá gerði Illugi sér og lítið fyrir og vann sér inn peningapottinn, sem kominn var uppí heilar 150 þúsund krónur.

Ísland síðast á svið

Eins og greint var frá í gær stígur Silvía Nótt síðust á svið í undankeppni Eurovision sem fram 18.maí í Grikklandi. Verði hún meðal tíu efstu kemst sjónvarpsdívan áfram í aðalkeppnina laugardaginn 20.maí.

Illugi Jökuls mætir næturverðinum

Illugi Jökulsson fjölmiðlamaður mætir Ágústi Erni Gíslasyni næturverði. Illugi Jökulsson og Ágúst Gíslason mætast í næst síðustu viðureign 16 manna úrslita í spurningaþættinum Meistaranum sem sýndur er á Stöð 2 í kvöld fimmtudag, 23. mars.

Rufus Wainwright á Hróarskeldu í sumar

Bandaríski tónlistarmaðurinn Rufus Wainwright, sem þykir einn af hæfileikaríkari lagahöfundum samtímans, mun spila á Hróarskelduhátíðinni í sumar.

Fólk vill alltaf sjá fólk

Ljósmyndasýning Friðriks Arnar Hjaltested 10.000 hefur heldur betur slegið í gegn hjá höfuðborgarbúum en fullt hefur verið út úr húsi síðustu helgar. Myndirnar hafa nánast verið rifnar út og hafði ljósmyndarinn ekki tölu hversu margar hefðu verið seldar.

Líf Jacks Bauer

Leita að söngvara

Tommy Lee, trommari Mötley Crüe, Jason Newsted, fyrrum bassaleikari Metallica og núverandi meðlimur Voivod, og Gilby Clarke, fyrrum gítarleikari Guns N"Roses, hafa stofnað ofurgrúppuna Supernova sem verður í aðalhlutverki í annarri þáttaröðinni af Rock Star.

Myndband Silvíu Nætur

Eurovision keppnin í Grikklandi er rétt handan við hornið. Lag Þorvaldar Bjarna, Til hamingju Ísland í flutningi Silvíu Nætur, tekur þátt í forkeppni á fimmtudagskvöldið og ef allt gengur að óskum verðum við meðal hinna útvöldu sem halda áfram í aðalkeppnina laugardagskvöldið 20.maí. Hluti af kynningu á laginu er gerð myndbands og fóru tökur á því fram í upptökuveri fyrir aftan Loftkastalann á miðvikudaginn. Þegar Fréttablaðið bar að garði var allt á fullu en myndbandið getur reynst dýrmætt í öllu kynningarstarfinu.

Upptökur klárast á árinu

Önnur plata Orgelkvartettsins Apparat er í vinnslu en óvíst er hvort hún nái að koma út á þessu ári.

Mörður Árnason kominn í 8 manna úrslit

Mörður Árnason tryggði sér fyrr í kvöld sæti í 8 manna úrslitum í spurningaþættinum Meistaranum sem sýndur er á Stöð2. Mörður lagði Stefán Má Halldórsson deildarstjóra hjá Landsvirkjun í skemmtilegri viðureign, sem Logi Bergmann stýrði af röggsemi og viðeigandi léttleika.

Deildarstjórinn hjá Landsvirkjun snýr aftur og mætir nú Merði Árnasyni

Stefán Már Halldórsson og Mörður Árnason mætast í sjöttu viðureign 16 manna úrslita í spurningaþættinum Meistaranum á Stöð 2 fimmtudaginn 16. mars. Stefán Már mætir nú til leiks í annað sinn en hann lagði Gísla Tryggvason talsmann neytenda næsta örugglega í fyrstu umferð. Að þessu sinni mætir hann heldur ekki neinum aukvisa því andstæðingur hans er enginn annar en Mörður Árnason alþingismaður, íslenskufræðingur og annálaður spurningahaukur.

Ég skemmti mér

Guðrún Gunnarsdóttir og Friðrik Ómar flytja lög af einni söluhæstu plötu síðastliðins árs ásamt 9 manna stórhljómsveit undir stjórn og í útsetningum Ólafs Gauks. Einnig flytja þau perlur Ellýjar og Vilhjálms.

Báglegar aðstæður á barnaspítala og misrétti gegn fórnarlömbum ofbeldisglæpa

Það verða tvö mál á dagskrá íslenska fréttaskýringaþáttarins Kompáss: Fjallað verður um þörfina á hágæsluherbergi á Barnaspítala Hringsins og að fórnarlömb ofbeldisglæpamanna þurfa sjálf að rukka ofbeldismenn um dæmdar bætur.

Sveiflan tekur völdin í Idol-Stjörnuleit

Klassísk sveiflulög verða í aðalhlutverki í sjöunda úrslitaþætti Idol-Stjörnuleitar - Big Band-þættinum - sem sýndur verður í beinni útsendingu frá Smáralind á Stöð 2 í kvöld, 10 mars.

Ólína mætir fyrrverandi menntaskólakennara

Ólína Þorvarðaradóttir og Erlingur Sigurðarson mætast í fimmtu viðureign 16 manna úrslita í spurningaþættinum Meistaranum sem sýndur er á Stöð 2 næstkomandi fimmtudag.

Óvæntur árekstur á Óskarsverðlaunum

Það kom flestum í opna skjöldu að kvikmyndin Crash skyldi hreppa Óskarsverðlaunin sem besta myndin þegar þessi eftirsóttu verðlaun voru afhent í 78. skipti aðfaranótt mánudagsins.

Ótrúlegt, Crash vann

Crash er besta myndin þetta árið. Frábær mynd en þar sem hún var sýnd snemma á síðasta ári var hún hálf gleymd þannig að þetta er þvert á alla spádóma sem flestir gerðu ráð fyrir að Brokeback Mountain ætti þessa styttu vísa. Ang Lee, leikstjóri þeirrar myndar, fékk þó verðlaun fyrir leikstjórn þannig að flestir ættu að geta farið sáttir heim.

Hoffman og Witherspoon, en ekki hvað?

Allt fullkomlega eðlilegt og samkvæmt spádómum hvað varðar besta leikarann og leikkonuna. Philip Seymour Hoffman fyrir Capote og Reese Witherspoon fyrir Walk the LIne.

Heiðursverðlaun fyrir Altman

Lily Tomlin og Meryl Streep tóku að sér að heiðra mistæka snillinginn Robert Altman en George Clooney sá um að minnast bíófólks sem lést á síðasta ári. t´s Hard out there for a pimp er besta frumsamda lagið. Queen Latifah mætti í öllu sýnu veldi til að afhenda verðlaunin.

Sigurganga mörgæsanna heldur áfram

Mörgæsasnilldin vann sem besta heimildarmyndin. Eðlilega. Frakkarnir mættu með mörgæsir á sviðið og þökkuðu fyrir sig á mörgæsamáli. Þetta kom svo sem heldur ekki á óvart. Það mun þurfa meira en kaffi til að halda manni vakandi yfir þessu ef þetta á að halda svona áfram. Það vantar eitthvað í þetta. Veit ekki hvað en það er ekki við kynninn að sakast. Hann er alveg að massa þetta.

2-0

Annað mark kvöldsins er komið. Auðvitað vann Rachel Weisz fyrir bestan aukaleik í The Constant Gardener. Weisz er ótrúlega heillandi leikkona og toppar alltaf, alveg sama hvort það er í The Mummy myndunum eða About a boy og öllu þar á milli.

Ha, Ísland vann ekki

Síðasti bærinn vann ekki fyrir bestu stuttmyndina. Six Shooter tók þetta. Það gilda greinilega sömu lögmál um Óskarinn, Eurovision og meiriháttar íþróttaviðburði þegar Íslendingar eru annars vegar. Okkur er bara ekki ætlað að vinna en það datt í það minnsta enginn af okkar mönnum þannig að við berum höfuðið hátt enda alvön að vinna "næstumþví".

Yeeeeeeessss!

Fyrsta mark kvöldsins hefur verið skorað og leikurinn er varla byrjaður. Erkitöffarinn George Clooney fékk verðskulduð verðlaun fyrir bestan aukaleik í Syriana. John Stewart er býnsa brattur sem kynnir og gæti jafnvel fengið að endurtaka leikinn ef hann heldur áfram á þessari braut

Nótt ljótu eyrnalokkanna

Jæja, helstu froðufulltrúar amerísku pressunnar eru byrjaðir að þusa um allt það sem engu máli skiptir í upphituninni á rauða dreglinum. Nenni ekki að fylgjast með því og ætla að horfa á SAW II á meðan ég býð eftir aðalgigginu. Þeir sem nenna ekki að hlusta á innihaldslausan vaðalinn geta tékkað á blogginu mínu frá 2003. Þar bar hæst ljóta eyrnalokka og Michael Moore sem dissaði Bush eftirminnilega. Já, og René Zellweger var eins og fífl með sítrónu í kjaftinum.

Óskarsblogg á Vísi

Þórarinn Þórarinsson, kvikmyndagagnrýnandi og blaðamaður á Fréttablaðinu, mun fjalla um það sem fyrir augu ber á Óskarsverðlaunahátíðinni í bloggfærslum á vísi.is aðfararnótt mánudagsins. Fyrsta færslan birtist væntanlega fljótlega upp úr eitt eða um leið og fyrstu verðlaunin sem máli skipta, fyrir bestu leikkonuna í aukahlutverki, verða afhent. Bloggfærslurnar birtast svo með reglulegu millibili fram eftir nóttu jafnóðum og til tíðinda dregur.

Palladómar um myndir og leikara

"Þó að óskarsverðlaunin séu að öllu leyti yfirgengilega amerísk og hallærisleg hátíð þá er þetta engu að síður stórhátíð bíónördanna. Þetta er álíka okkur fyrir og EM og HM í fótbolta. Stærsti viðburðurinn í þessum geira," segir Þórarinn Þórarinsson sem mun lýsa Óskarsverðlaunaafhendingunni á vísi.is aðfararnótt mánudags.

Samtökin Forma fá Samfélagsverðlaun Fréttablaðsins

Forma, samtökum átröskunarsjúklinga á Íslandi, var veitt Samfélagsverðlaun Fréttablaðsins í dag. Ólafur Ragnar Grímsson, forseti Íslands, afhenti Ölmu Geirdal og Eddu Ýr Einarsdóttur, stofnendum Forma, verðlaunin alls eina milljóna króna.

Blaðamaðurinn snýr aftur og mætir nú umhverfisfræðingi

Steinþór H. Arnsteinsson og Björn Guðbrandur Jónsson mætast í fjórðu viðureign 16 manna úrslita í spurningaþættinum Meistaranum sem sýndur er á stöð 2 í kvöld, fimmtudaginn 2. mars.