Nicklas Bendtner tryggði Arsenal sigur í uppbótartíma

Daninn Nicklas Bendtner er svo sannarlega hetja Arsenal-manna þessa dagana því hann fylgdi á eftir þrennunni á móti Porto í Meistaradeildinni í vikunni með því að skora sigurmark Arsenal í 2-1 útisigri á Hull í ensku úrvalsdeildinni í kvöld.

Tvö Grindavíkurmörk eftir að þeir misstu mann útaf

Grindavík vann dramatískan 3-2 sigur á Þór Akureyri í Akraneshöllinni í dag í riðli 1 í A-deild Lengjubikars karla. Þór var 2-1 yfir í leiknum þegar Grindvíkingurinn Grétar Ólafur Hjartarson var rekinn útaf fimm mínútum fyrir leikslok en Grindavíkurliðið skoraði tvö mörk manni færri.

Ancelotti um Turnbull: Ég held bara að hann verði í markinu á móti Inter

Carlo Ancelotti, stjóri Chelsea, var ánægður með frammistöðu Ross Turnbull í 4-1 sigri á West Ham í ensku úrvalsdeildinni í dag. Ross Turnbull átti engan möguleika á að verja þrumuskot Scott Parker sem jafnaði leikinn.

Hjálmar innsiglaði sigur 3-0 útisigur IFK Gautaborg

IFK Gautaborg byrjaði vel í sænsku úrvalsdeildinni í dag þegar liðið vann 3-0 útisigur á Kalmar í opnunarleik tímabilsins.

Harry Redknapp: Webb hefur aldrei dæmt vel hjá mér

Harry Redknapp var ekkert alltof ánægður þrátt fyrir 3-1 sigur Tottenham á Blackburn í ensku úrvalsdeildinni í dag. Hann fagnaði þó mikilvægum sigri.

Gylfi skoraði bæði mörk Reading - Kári líka á skotskónum

Gylfi Þór Sigurðsson skoraði bæði mörk Reading í 2-0 sigri á Bristol City í ensku b-deildinni í dag. Kári Árnason kom Plymouth í 1-0 í 1-1 jafntefli á útivelli á móti Coventry.

Chelsea aftur á toppinn eftir 3-1 sigur á West Ham - stórsigur Bolton

Florent Malouda lagði upp tvö fyrstu mörk Chelsea og skoraði síðan það þriðja sjálfur þegar Chelsea komst aftur á topp ensku úrvalsdeildarinnar með 4-1 sigri á West Ham á Stamford Bridge í dag.

Gareth Bale: Það vita allir hversu góður Pav er

Tottenham er í góðri stöðu í baráttunni um fjórða sæti ensku úrvalsdeildarinnar eftir flottan sigur á heimavelli í dag. Gareth Bale átti góðan leik þegar Tottenham vann 3-1 sigur á Blackburn.

Guardiola segir dómarann hafa logið í skýrslu sinni

Pep Guardiola, þjálfari Barcelona, segist ekki vera stoltur af sjálfum sér eftir framkomu sína á leik Barcelona og Almeria um síðustu helgi. Guardiola segist hafa áfrýjað leikbanni sínu þar sem dómari leiksins hafi logið um það sem hann sagði.

Arsene Wenger ætlar að taka í höndina á Phil Brown í kvöld

Arsene Wenger, stjóri Arsenal, ætlar að gleyma gömlum stríðum og taka í höndina á Phil Brown, stjóra Hull, fyrir leik liðanna í ensku úrvalsdeildinni í kvöld.

Tottenham styrkti stöðu sína í 4. sætinu - tvenna hjá Pavlyuchenko

Tottenham vann 3-1 sigur á Blackburn í hádegisleiknum í ensku úrvalsdeildinni og er þar með komið með þriggja stiga forskot á Mancheser City í baráttunni um fjórða sæti deildarinnar.

Robbie Keane skoraði þrennu fyrir Celtic í skoska bikarnum

Robbie Keane er búinn að finna markaskónna hjá Celtic því hann skoraði þrennu í 3-0 sigri liðsins á Kilmarnock í átta liða úrslitum skosku bikarkeppninnar í dag.

Verkfall MLS-deildarinnar gæti komið sér vel fyrir Everton

Landon Donovan gæti spilað lengur með Everton í ensku úrvalsdeildinni víst að leikmenn bandarísku atvinnumannadeildarinnar, MLS, kusu það að fara í verkfall ef samningar takast ekki fyrir opnunarleik tímabilsins sem fer fram 25. mars.

Skagamenn lentu 0-4 undir en náðu að tryggja sér jafntefli

ÍA og Stjarnan gerðu 4-4 jafntefli í miklum markaleik í Akraneshöllinni í Riðli 1 í Lengjubikar karla í dag þar sem Stjörnumenn fóru illa með frábæra stöðu.

Eiður Smári og Peter Crouch byrja á bekknum hjá Tottenham

Jermain Defoe er aftur kominn í byrjunarlið Tottenham fyrir leik liðsins á móti Blackburn hádegisleik ensku úrvalsdeildarinnar og mun Defoe spila við hlið Rússans Romans Pavlyuchenko í framlínunni.

Ross Turnbull í marki Chelsea í dag - Cech og Hilario meiddir

Carlo Ancelotti, stjóri Chelsea, hefur staðfest það að hinn 25 ára Ross Turnbull muni standa í marki liðsins á móti West Ham í ensku úrvalsdeildinni í gær.

Leikur Inter hrundi á síðustu sextán mínútunum

Ítölsku meistararnir í Inter Milan koma með slæmt tap á bakinu inn í leikinn á móti Chelsea í Meistaradeildinni í næstu viku eftir að liðið fékk á sig þrjú mörk á síðustu sextán mínútunum á móti Catania í gær. Smáliðið vann 3-1 sigur og AC Milan getur því minnkað forskot Inter á toppnum í eitt stig.

Tógó-maðurinn sem reis upp frá dauðum kominn til Frakklands

Kodjovi Obilale, markvörður Tógó, er kominn til Frakklands þar sem hann mun fá frekari læknismeðferð en hann slasaðist mjög alvarlega er gerð var árás á landslið Tógó fyrir Afríkukeppnina.

Komst ekki til Þýskalands vegna flughræðslu

Þýska félagið HSV endurheimti Perúmanninn Paolo Guerrero loks í gær eftir að hann hafði dvalið í heimalandinu í heila tvo mánuði þar sem hann varð allt í einu flughræddur.

Tímabilið hugsanlega búið hjá Nesta

Ítalski varnarmaðurinn Alessandro Nesta hjá AC Milan spilar hugsanlega ekki meira í vetur því hann þarf væntanlega að leggjast undir hnífinn vegna hnémeiðsla.

Andri Steinn í Keflavík

Andri Steinn Birgisson hefur náð samkomulagi við Keflavík og spilar með liðinu í Pepsi-deildinni í sumar. Andri samdi nýlega við Raufoss í Noregi en er núna kominn heim.

Bikarúrslit karla og kvenna um sömu helgi

Stjórn KSÍ ákvað á fundi sínum í gær að bikarúrslitaleikur kvenna skildi fara fram sömu helgi og karlaleikurinn. Úrslitaleikurinn hjá konunum verður því sunnudaginn 15. ágúst.

Blikar safna peningum fyrir knattspyrnudeildina

Stuðningsmenn Breiðabliks hafa hrundið af stað fjársöfnun til handa knattspyrnudeildinni. Blikar eru nýbúnir að punga út kaupverði fyrir framherjann Guðmund Pétursson og borguðu Blikar meira fyrir leikmanninn en þeir upprunalega voru til í að borga.

Barmby og Bullard slógust í almenningsgarði

Það er lítill vinskapur á milli Nicky Barmby og Jimmy Bullard þessa dagana en þeir leika með Hull City. Þeir lentu í miklum slagsmálum á æfingu sem einhverra hluta fór fram í almenningsgarði.

Robinho til varnar Kaka: Útlendingunum er alltaf kennt um hjá Real Madrid

Brasilíumaðurinn Robinho hefur komið landa sínum hjá Real Madrid til varnar en Kaka fékk mikla gagnrýni fyrir frammistöðu sína á móti Lyon í Meistaradeildinni í vikunni.

Ferguson: Ryan Giggs verður með á móti Liverpool um næstu helgi

Ryan Giggs verður búinn að ná sér af meiðslum sínum þegar Manchester United mætir Liverpool í stórleik ensku úrvalsdeildarinnar um næstu helgi. Velski vængmaðurinn handleggsbrotnaði í leik á móti Aston Villa 10. febrúar síðastliðinn og er því búinn að vera í meira en mánuð í burtu.

Quinn: Steve Bruce öruggur í starfi þótt að Sunderland falli

Niall Quinn, stjórnarformaður Sunderland, hefur sagt stjóranum Steve Bruce að hann sé öruggur í starfi þótt að liðið falli úr ensku úrvalsdeildinni í vor. Sunderland vann sinn fyrsta sigur í 14 leikjum í vikunni þegar lærisveinar Bruce skelltu Bolton 4-0 og útlitið er nú aðeins bjartara þegar liðið var ekki búið að vinna leik síðan í nóvember.

Veigar Páll: Ætla að sýna það að Nancy hafði rangt fyrir sér

Veigar Páll Gunnarsson er kominn aftur til Stabæk eftir martröðina með Nancy í franska fótboltanum og um helgina er fyrsta umferð norsku úrvalsdeildarinnar. veigar Páll var af því tilefni í viðtali hjá NTB, stærstu fréttastofunni í Noregi.

Allir HM-leikirnir í beinni í Sjónvarpinu eða á Stöð 2 Sport

Ríkisútvarpið og Stöð 2 Sport hafa gert með sér samstarfssamning um beinar útsendingar frá Heimsmeistarakeppni landsliða í knattspyrnu sem fer fram í Suður-Afríku í sumar. Sjónvarpið hafði tryggt sér sýningarréttinn frá keppninni en Stöð 2 Sport mun nú einnig sýna leiki í beinni.

Skilaboð Arsene Wenger til Real Madrid: Ekki hringja í mig

Arsene Wenger, stjóri Arsenal, talaði um það á léttu nótunum á blaðamannfundi í gær að stjórnarmenn spænska liðsins Real Madrid ættu að sleppa því að hringja í sig í sumar þegar þeir fara að leita að eftirmanni Manuel Pellegrini.

Didier Drogba kosinn besti knattspyrnumaður Afríku

Didier Drogba var í gærkvöldi valinn Knattspyrnumaður Afríku árið 2009. Þetta er í annað skiptið á ferlinum sem þessi öflugi sóknarmaður frá Fílabeinsströndinni hlýtur þessi verðlaun en hann var einnig valinn árið 2006.

Leikmönnum United bannað að tala um Glazer-andspyrnuhreyfinguna

Manchester United hefur bannað öllum sínum leikmönnum að tala um andspyrnuhreyfingu stuðningsmanna félagsins á móti Malcolm Glazer, aðaleiganda United en grænu og gulu treflunum fjölgar nú stöðugt á Old Trafford.

Lengjubikarinn: Jafntefli hjá Fram og Val

Tveir leikir voru í Lengjubikarnum í fótbolta í kvöld þar sem Reykjavíkurlið voru í eldlínunni. Fram og Valur gerðu jafntefli 1-1 í baráttuleik.

Benítez: Menn lögðu sig alla fram

Rafael Benítez, stjóri Liverpool, segist sjá framfarir á sínu liði þrátt fyrir að það hafi tapað 1-0 fyrir Lille í kvöld. Þetta var fyrri leikur liðanna í sextán liða úrslitum Evrópudeildarinnar.

Evrópudeildin: Juventus vann Fulham

Juventus vann 3-1 sigur á Fulham í fyrri leik liðanna í sextán liða úrslitum Evrópudeildarinnar. Leikið var á Ítalíu í kvöld.

Evrópudeildin: Liverpool tapaði í Frakklandi

Liverpool lék í kvöld fyrri leik sinn gegn Lille í sextán liða úrslitum Evrópudeildarinnar. Leikurinn sem fram fór í Frakklandi endaði með 1-0 sigri heimamanna í Lille.

David Seaman skilinn

Það eru ekki bara núverandi knattspyrnumenn sem standa í framhjáhöldum því fyrrverandi knattspyrnumenn eru líka að komast í blöðin fyrir sama hlut.

Allardyce þolir ekki Benitez

Sam Allardyce, stjóri Blackburn, er ekki hættur að rífast við Rafa Benitez, stjóra Liverpool, en þeir hafa verið að skiptast á skotum síðustu vikur.

Danir rifja upp þrennuna hans Michael Laudrup á móti Val 1986

Nicklas Bendtner varð á þriðjudagskvöldið fyrsti Daninn til þess að skora þrennu í Meistaradeildinni þegar hann var maðurinn á bak 5-0 sigur Arsenal á Porto í seinni leik liðanna í 16 liða úrslitunum.

Stjórn Real Madrid stendur við bakið á Pellegrini

Jorge Valdano, íþróttastjóri Real Madrid, segir að stjórn félagsins standi með þjálfaranum Manuel Pellegrini. Pressan á Pellegrini jókst eftir að Real mistókst að komast áfram úr sextán liða úrslitum Meistaradeildarinnar.

Lionel Messi er nýr velgjörðasendiherra UNICEF

Lionel Messi er að margra mati einn allra besti knattspyrnumaður heims en hann er líka duglegur að láta til sína taka utan vallar. Í dag var þessi argentínski knattspyrnusnillingur útnefndur sem velgjörðasendiherra UNICEF.

Wenger: 0,5 prósent líkur á því að Fabregas verði með á móti Hull

Það lítur út fyrir að Cesc Fabregas geti ekki spilað með Arsenal á móti Hull í ensku úrvalsdeildinni um helgina þar sem að spænski fyrirliðinn er enn að glíma við meiðsli aftan í læri.

Rooney: Vonast eftir því öðlast sömu virðingu hjá United og Beckham

Wayne Rooney talaði um það eftir tvennu sína í 4-0 sigri á AC Milan í Meistaradeildinni í gær að hann vonaðist til þess að stuðningsmenn Manchester United mun sjá hann í sama ljósi og David Beckham sem fékk vasaklúta-móttökur á Old Trafford í gær.

Benítez fékk upplýsingar um Lille frá sínu gamla liði á Spáni

Rafael Benítez, stjóri Liverpool, heimtar betri frammistöðu frá lærisveinum sínum í Liverpool, á móti Lille í Evrópudeildinni í kvöld, heldur en í tapinu á móti Wigan á mánudaginn.

Spænsku blöðin fara hamförum í umfjöllun sinni um klúður Real Madrid

Leikmenn Real Madrid hafa væntanlega sleppt því að líta í spænsku blöðin í morgun enda fór svo að spænsku blaðamennirnir fóru hamförum í harðorðri umfjöllun sinni það að dýrasta lið heims skyldi enn einu sinni detta út úr sextán liða úrslitum Meistaradeildarinnar.