Fleiri fréttir

Mögulegir mótherjar KR og FH - dregið á eftir

KR-ingar og FH-ingar geta grætt á því að hafa dregist gegn sterkum mótherjum í 2. umferð forkeppni Evrópudeildar í knattspyrnu. C.D. Nacional og MSK Zilina eru metin það sterk af UEFA að slái íslensku liðin þau úr keppni eru þau í efri styrkleikaflokki í keppninni. Dregið verður í keppninni á eftir.

Ekkert tilboð frá Juventus í Tevez

Manchester City segja ekkert hæft í því að ítalska knattspyrnufélagið Juventus hafi gert boð í Carlos Tevez. Forseti brasilíska knattspyrnufélagsins Corinthians, Andres Sanchez, lét hafa eftir sér að Juventus hefði gert 45 milljóna punda tilboð í Tevez eða sem nemur 7,5 milljörðum króna.

Falcao skrifar undir samning til 2015

Kólumbíski framherjinn Radamel Falcao, einn eftirsóttasti sóknarmaður Evrópu um þessar mundir, hefur skrifað undir nýjan samning við Porto. Í samningnum kemur fram að Falcao megi yfirgefa portúgalska liðið komi tilboð upp á 45 milljónir evra í hann eða sem nemur um 8,5 milljörðum króna.

Dalglish heim frá Asíu - gengið frá samingi við Downing

Kenny Dalglish knattspyrnustjóri Liverpool flaug í gærkvöld til Englands frá Asíu þar sem Liverpool er á æfingaferð. Dalglish ætlar að nýta heimferðina til þess að sigla samningnum við Stewart Downing í höfn.

KR-ingar fóru á kostum - myndir

KR-ingar unnu frækinn sigur á slóvakíska liðinu MSK Zilina er liðin mættust á KR-vellinum í Evrópudeild UEFA. Leiknum lyktaði með 3-0 sigri Vesturbæinga.

FH óheppið að vinna ekki Nacional - myndir

FH spilaði líkega sinn besta leik í sumar er portúgalska liðið Nacional kom í heimsókn í Kaplakrikann. Leikurinn var í Evrópudeild UEFA og endaði með 1-1 jafntefli.

Stuðningsmenn Bayern sömdu reglur fyrir Neuer

Harðkjarna stuðningsmenn Bayern Munchen taka það ekki í mál að sætta sig við markvörðinn Manuel Neuer sem markvörð liðsins. Neuer kom til liðsins frá Schalke og er yfirlýstur stuðningsmaður liðsins og það kunna harðkjarnastuðningsmennirnir ekki að meta.

Magnús Már: Ég hleyp utan í hann og fæ víti

Magnús Már Lúðvíksson hefur farið á kostum í hægri bakverðinum í sumar. Magnús átti stóran þátt í þriðja marki KR-inga. Magnús fékk boltann úr stuttri hornspyrnu, lék inn á teiginn og féll eftir samstuð við varnarmann Zilina.

Macheda ætlar ekki að yfirgefa Man. Utd

Ítalinn ungi Federico Macheda hjá Man. Utd segist ekki vera að leita eftir því að komast frá félaginu. Þessi 19 ára strákur lék seinni hluta síðasta tímabils með Sampdoria.

Heimir: Eigum enn möguleika

"Við spiluðum virkilega vel í þessum leik og fengum mörg fín færi,"sagði Heimir Guðjónsson, þjálfari FH eftir leikinn.

Shaq verður með Barkley í sjónvarpinu

Shaquille O´Neal ætlar ekki að sitja auðum höndum næsta vetur þó svo skórnir séu farnir upp í hilluna góðu. Shaq er búinn að skrifa undir samning við TNT og verður með þeim Charles Barkley og Kenny Smith í þættinum Inside the NBA.

Björgvin hættur: Fékk ekki nægan stuðning

Fremsti skíðamaður Íslands undanfarin ár, Björgvin Björgvinsson, hefur lagt skíðin á hilluna. Hann segist ekki hafa fengið þann stuðning sem afreksíþróttamaður þarf að fá.

Tvítugur áhugamaður jafnaði við Bjorn

Hinn tvitugi, enski áhugamaður, Tom Lewis, gerði sér lítið fyrir og jafnaði árangur Danans Thomas Bjorn á opna breska meistaramótinu í golfi í dag.

Werder Bremen bannar leikmönnum að fá sér húðflúr

Þýska knattspyrnufélagið Werder Bremen hafa ákveðið að meina leikmönnum sínum að fá sér húðflúr. Ástæðan er hættan við að leikmenn missi af leikjum vegna sýkingar af völdum nýrra húðflúra.

Poulsen fer ekki frá Liverpool

Umboðsmaður Danans Christian Poulsen segir að skjólstæðingur sinn sé ekki á förum frá Liverpool. Poulsen hefur verið orðaður við FCK síðustu daga.

54 laxar úr síðasta holli í Víðidalsá

Víðidalsá er í góðum málum þessa daganna en laxinn virðist vera að láta sjá sig af meira mæli. Síðasta holl kláraði í 54 löxum en það er talsvert meira en hollið á undan sem kláraði í 3 löxum.

Björn á slæmar minningar frá Sandwich

Daninn Thomas Björn er efstur þegar líður að lokum fyrsta dags á Opna breska meistaramótinu í golfi. Björn spilaði á fimm höggum undir pari í dag. Björn hefur aldrei unnið stórmót en komst næst því á Royal St. George's vellinum fyrir átta árum. Sama velli og mótið fer fram í ár.

Boateng á leið til Bayern München

Þýski varnarmaðurinn Jerome Boateng er á leið til Bayern München. Félögin hafa komist að samkomulagi um kaupverð og reiknað með því að Boateng skrifi undir fjögurra ára samning.

Inter og United komast að samkomulagi - Ferguson blæs á sögusagnir

Enski vefmiðillinn Goal.com greinir frá því að Manchester United og Inter hafi komist að samkomulagi um kaupverðið á Wesley Sneijder. Kaupverðið er talið rúmar 35 milljónir punda eða sem nemur 6.6 milljörðum íslenskra króna. Sir Alex Ferguson neitar sögusögnum af Sneijder í bandarískum fjölmiðlum.

Mjög gott í Straumunum og Norðurá

Síðasta tveggja daga holl í Straumunum fékk 37 laxa á tvær stangir. Þeir sem tóku við létu sitt ekki eftir liggja og voru komnir með sextán laxa í morgun.

Umfjöllun: FH á enn möguleika fyrir síðari leikinn

FH gerði jafntefli við C.D. Nacional í 2. umferð forkeppni Evrópudeildar UEFA í fyrri leik liðanna á Kaplakrikavelli í kvöld, en sá síðari fer fram í Portúgal í næstu viku. Freyr Bjarnason skoraði eina mark FH í leiknum í kvöld, en það kom á 67. mínútu með skalla.

Þjálfari Zilina ánægður með gluggatjöldin

MSK Ziliana frá Slóvakíu mæta KR í annarri umferð í forkeppni Evrópudeildar í kanttspyrnu í kvöld. Á heimasíðu slóvaska félagsins segist þjálfari Zilina afar ánægður með gluggatjöldin á hótelinu í Reykjavík.

Mikið líf í Elliðaánum

Líflegt er við Elliðaárnar þessa dagana en áin er komin í 317 laxa og tala bara hækkar á hverjum degi. Mikið líf er á flestum stöðum neðan stíflu og eitthvað af laxi farið að veiðast fyrir ofan stífluna líka. Hefðbundnir veiðistaðir uppfrá eins og Hraun og Hundasteinar skila gjarnan góðri veiði á þessum tíma en eins er töluvert að laxi í Breiðholtsstrengjunum.

Eiður Smári í læknisskoðun hjá West Ham

Enski fjölmiðillinn Talksport greindi frá því á heimasíðu sinni í morgun að Eiður Smári Guðjohnsen færi síðdegis í læknisskoðun hjá West Ham. Skoðunin fari fram á sjúkrahúsi í Essex og gangi allt eftir verði hann orðinn leikmaður West Ham.

Veiðin á heiðunum farin að glæðast við hlýindin

Af þeim veiðimönnum sem Veiðivísir hefur haft spurnir af á hálendinu eru menn sammála um að veiðin sé núna loksins að fara almennilega af stað. Um síðustu helgi fréttum við af mönnum við Baulárvatn, Hraunsfjarðarvatn og Hraunsfjarðarlón sem voru búnir að veiða ágætlega þrátt fyrir glampandi sól, en mesta veiðin var þó á morgnana og seinni partinn.

Patrick Vieira leggur skóna á hilluna

Franski miðjumaðurinn Patrick Vieira hefur lagt skóna á hilluna 35 ára gamall. Vieira sem var á mála hjá Manchester City verður áfram á launaskrá félagsins og starfa að þróun knattspyrnumála hjá félaginu.

Meiðslapési verður samherji Heiðars Helgusonar

Kantmaðurinn Kieron Dyer hefur skrifað undir eins árs samning við nýliða QPR í ensku úrvalsdeildinni í knattspyrnu. Dyer þótti á sínum tíma einn efnilegasti knattspyrnumaður Englands. Erfið meiðsli hafa gert það að verkum að ferill hans hefur ekki náð þeim hæðum sem reiknað var með.

Björn Bergmann: Aldrei verið jafnhræddur

Norski fjölmiðillinn Nettavisen greinir í dag frá því að Björn Bergmann Sigurðarson hafi skotið liðsfélaga sinn hjá Lilleström í afturendann með loftbyssu árið 2010. Liðsfélaginn, Maríus Johnsen, fékk uppreisn æru þegar hann hræddi líftóruna úr liðsfélaga sínum.

Norðurá efst með 810 laxa

Á vef LV www.angling.is má sjá nýjar uppfærðar veiðitölur úr ám landsins. Þar er Norðurá efst á listanum með 810 laxa sem er í alla staði prýðisgóð veiði. Blanda er í öðru sæti komin með 569 laxa og veiðin þar síðustu daga hefur verið góð og er að glæðast mikið á efri svæðunum.

Björn fer á kostum - róleg byrjun hjá McIlroy

Daninn Thomas Björn hefur farið á kostum á fyrsta hringnum á Opna breska meistaramótinu í golfi á Royal St. George's vellinum í Sandwich á Englandi. Björn fékk sjö fugla á fyrsta hring mótsins sem hófst í dag.

Gunnar Einarsson leggur skóna á hilluna

Körfuknattleikskappinn Gunnar Einarsson hefur lagt skóna á hilluna. Gunnar sem er 34 ára er leikjahæsti leikmaður Keflavíkur frá upphafi. Víkurfréttir greina frá þessu á heimasíðu sinni.

Macheda með tvö í sigri Man Utd

Ítalinn Federico Macheda minnti á sig í 4-1 sigri Manchester United á New England Revolution í Massachusetts-ríki í gærkvöld. Ji-Sung Park og Michael Owen skoruðu einnig í leiknum.

Pato og Neymar tryggðu Brasilíu efsta sætið

Brasilía sýndi loks sitt rétta andlit þegar liðið vann 4-2 sigur á Ekvador í lokaumferð B-riðils Suður-Ameríkukeppninnar í knattspyrnu. Alexandre Pato og Neymar skoruðu tvö mörk hvor en Felipe Caicedo jafnaði í tvígang fyrir Ekvador. Venesúela og Paragvæ fóru bæði áfram þrátt fyrir 3-3 jafntefli.

Einar Daði í 15. sæti á EM eftir fyrri daginn

Tugþrautarkappinn Einar Daði Lárusson úr ÍR hóf í dag keppni á Evrópumeistaramótinu í frjálsum íþróttum fyrir keppendur yngri en 23 ára. Keppt er í Ostrava í Tékklandi.

Fluguveiðinámskeið á Þingvöllum

Veiðikortið, Veiðiheimur og Þjóðgarðurinn á Þingvöllum standa að fluguveiðinámskeiði á Þingvöllum 17. júlí næstkomandi á milli kl. 9-14. Að auki er boðið upp á leiðsögn um vatnið.

Elfar var seldur á 21 milljón króna

Samkvæmt áreiðanlegum heimildum Fréttablaðsins er kaupverðið á Elfari Frey í kringum 21 milljón íslenskra króna. Þá fá Blikar 40 prósent af söluverði verði hann seldur frá félaginu í framtíðinni.

Sjá næstu 50 fréttir

Mest lesið