Fleiri fréttir

SkySports: Eiður Smári lánaður til Fulham

Eiður Smári Guðjohnsen hefur verið lánaður til Fulham frá Stoke samkvæmt heimildum SkySports. Eiður Smári fór í læknisskoðun í kvöld og í framhaldinu var síðan fengið frá lánsamningnum. BBC hefur síðan staðfest þessar fréttir.

Durant segir að Bosh sé ekki alvöru „nagli“

Kevin Durant stigahæsti leikmaður NBA deildarinnar er ekki þekktur fyrir að missa stjórn á skapi sínu en hann lenti í orðaskaki við Chris Bosh miðherja Miami Heat í gær þegar liðin áttust við. Durant og Bosh fengu báðir tæknivillu í kjölfarið en Durant skaut föstum skotum á Bosh í viðtölum eftir leikinn – sem telst vera fréttaefni því Durant hefur aldrei sagt slíkt áður.

Carroll gerði fimm og hálfs árs samning eins og Suarez

Andy Carroll er búinn að ganga frá fimm og hálfs árs samning við Liverpool og verður því samningsbundinn til ársins 2016. Þetta er jafnlangur samningur og Luis Suarez skrifaði undir hjá félaginu fyrr í dag.

Barcelona seldi 19 ára framherja til Blackburn

Barcelona seldi í kvöld varaliðsframherjan Rubén Rochina til enska félagsins Blackburn fyrir um 450 þúsund evrur eða tæpar 72 milljónir íslenskra króna. Það var annars ekki mikið að gerast á félagsskiptamarkaðnum á Spáni í dag.

Bolton fær Daniel Sturridge á láni frá Chelsea

Chelsea hefur lánað Daniel Sturridge til Bolton til loka tímabilsins og mun Sturridge vera í hópnum hjá Bolton í leiknum á móti Wolverhampton Wanderers á miðvikudagskvöldið.

Kovalainen og Trulli aka með Team Lotus

Team Lotus liðið sem er í dómsmáli og slag við Lotus Renault GP liðið um notkun á Lotus nafninu kynnti bíl sinn í dag. Ökumenn liðsins eru Heikki Kovalainen og Jarno Trulli.

Fótbrotnaði í brunkeppni en vissi ekki af því

Svissneski skíðamaðurinn Georg Streitberger féll illa í brunkeppni á heimsbikarmótinu í Chamonix á laugardag en eftir fallið stóð hann upp og renndi sér sjálfur niður brekkuna inn í endamarkið þrátt fyrir að vera úr leik. Streitberger áttaði sig ekki á því að hann var fótbrotinn og með illa löskuð liðbönd í hné og missir hann af því sem eftir lifir af keppnistímabilinu.

Guardian: Eiður Smári á leið í læknisskoðun hjá Fulham

Það skipast fljótt veður í lofti á félagsskiptamarkaðnum í Englandi en samkvæmt heimildum Stöðvar 2 Sport og Sunnudagsmessunnar fyrr í kvöld leit út fyrir að Eiður Smári Guðjohnsen yrði áfram hjá Stoke. Nýjustu fréttirnar í enskum fjölmiðlum eru hinsvegar þær að Eiður sé í raun á leiðinni til Fulham og það á láni til loka tímabilsins.

Liverpool staðfestir sölu á Torres til Chelsea

Liverpool hefur staðfest að félagið hafi náð samkomulagi við Chelsea um kaup Chelsea á spænska landsliðsframherjanum Fernando Torres. Torres er kominn til London og hefur fengið leyfi til þess að fara í samningaviðræður við Chelsea.

Robert Kubica vill keppa við Ferrari, McLaren og Red Bull

Robert Kubica hjá Lotus Renault GP liðinu er spenntur fyrir næsta tímabili eftir vetrarfrí og afhjúpaði nýja keppnisbíl liðsins í dag á Spáni. Félagi hans Vitaly Petrov fer fyrsta sprettinn á Lotus Renault bílnum í Valencia brautinni á morgun.

Newcastle að leita að eftirmanni Andy Carroll

Newcastle seldi í dag stjörnuframherjann sinn Andy Carroll til Liverpool og eru forráðamenn félagsins víst á fullu þessa stundina að finna nýjan sóknarmann til að fylla skarð Carroll.

Liverpool reyndi líka að kaupa Micah Richards

Það hefur verið nóg að gera hjá forráðamönnum Liverpool í dag. Þeir hafa þegar keypt Andy Carroll frá Newcastle fyrir metfé og eru langt komnir með að selja Fernando Torres fyrir metfé til Chelsea.

Eiður Smári verður áfram hjá Stoke

Eiður Smári Guðjohnsen mun verða áfram í herbúðum Stoke City út þetta tímabil en ekkert er að gerast í hans málum og félagsskiptaglugginn lokar eftir aðeins fjóra klukkutíma. Þetta kom fram í íþróttafréttum Stöðvar 2 í kvöld.

Carroll bað sjálfur um vera seldur til Liverpool

Andy Carroll bað um að vera seldur til Liverpool í dag og eftir að Newcastle sættist á það að selja stjörnuframherjann sinn þá fór félagið í viðræður við Liverpool um kaup á leikmanninum.

Spænska pressan: Búið spil hjá Real Madrid

Real Madrid á ekki lengur möguleika á því að verða spænskur meistari samkvæmt spænskum fjölmiðlum eftir að liðið tapaði óvænt á móti fallbaráttuliði Osasuna í spænsku úrvalsdeildinni í gærkvöldi. Barcelona er búið að vinna fimmtán deildarleiki í röð og er komið með sjö stiga forskot á toppnum.

Hreyfingar hjá Stoke - Tuncay Sanli til Wolfsburg

Tyrkneski landsliðsmaðurinn Tuncay Sanli samdi í dag við þýska félagið Wolfsburg en hann hefur alls ekki náð sér á strik hjá enska úrvalsdeildarliðinu Stoke City. Það er því einhver að vinna á skrifstofunni hjá Stoke þessa stundina en engar fregnir hafa borist af væntanlegum félagaskiptum Eiðs Smára Guðjohnsen sem er sagður á förum frá Stoke.

Arjen Robben kýldi liðsfélaga sinn

Hollenski landsliðsmaðurinn Arjen Robben var allt annað en ánægður með liðsfélaga sinn Thomas Müller þrátt fyrir 3-1 sigur Bayern München gegn Werder Bremen um helgina í efstu deild þýsku knattspyrnunnar.

Liverpool búið að kaupa Andy Carroll fyrir 35 milljónir punda

Enskir fjölmiðlar hafa heimildir fyrir því að Newcastle sé búið að samþykkja 35 milljón punda tilboð Liverpool í framherjann Andy Carroll. Þetta ýtir líka undir það að Liverpool sé í raun búið að selja Spánverjann Fernando Torres til Chelsea.

Larry Bird missti þolinmæðina og rak Jim O'Brien

Larry Bird forseti NBA liðsins Indiana Pacers missti þolinmæðina gagnvart þjálfaranum Jim O'Brien í gær og Frank Vogel aðstoðarþjálfari liðsins mun stýra liðinu út leiktíðina.

Anna Úrsúla besti leikmaðurinn í fyrri hluta N1-deildarinnar

Anna Úrsúla Guðmundsdóttir leikmaður Íslandsmeistaraliðs Vals var í dag valinn besti leikmaðurinn á fyrri hluta Íslandsmóts kvenna í handbolta, N1-deildinni. Gústaf Adolf Björnsson var valinn besti þjálfarinn en HSÍ tilkynnti um val á sjö manna úrvalsliði 1.-9. umferðar í hádeginu.

Ivica Kostelic sigraði enn og aftur

Ivica Kostelic frá Króatíu virðist í sérflokki á heimsbikarmótunum í alpagreinum í karlaflokki. Kostelic sigraði í gær í alpatvíkeppni og hefur hann sigrað á sjö heimsbikarmótum á einum mánuði. Kostelic, sem er 31 árs gamall, er efstur á heimsbikar stigalistanum í samanlögðum árangri og hann er efstur á heimsbikar stigalistanum í svigi

Tvö lið kynnt undir merkjum Lotus og deilt un notkun á nafninu

Lotus Renault GP liðið frumsýndi 2011 bíl sinn formlega á Spáni í dag, á Ricardo Tormo brautinni, en liðið hét áður Renault og ökumenn liðsins eru Robert Kubica frá Póllandi og Vitaly Petrov frá Rússlandi. Sömu ökumenn og óku með Renault í fyrra. Sömu ökumenn og óku með Renault í fyrra, en nýja liðið er staðsettt í Enstone í Bretlandi eins og Renault í fyrra.

Newcastle hafnaði tilboði Liverpool í Andy Carroll

Hlutirnir gerast hratt hvað leikmannamálin varðar á Englandi en síðasti dagur félagaskiptagluggans er í dag. Það er eflaust nóg að gera á skrifstofunni hjá Kenny Dalglish en eins og kunnugt vill Fernando Torres fara frá félaginu.

Dalglish segir að Torres sé ekki til sölu

Kenny Dalglish knattspyrnustjóri Liverpool sagði í morgun að félagið hafi ekki skipt um skoðun frá því á föstudag og spænski framherjinn Fernando Torres er því ekki til sölu.

Redknapp neitar því að hafa boðið 38,5 milljónir punda í Aguero

Harry Redknapp knattspyrnustjóri Tottenham hefur neitað þeim fregnum að félagið hafi boðið 38,5 milljónir punda í framherja Atletico Madrid Sergio Aguero. Redknapp telur að það séu litlar líkur á því að hinn 22 ára gamli landsliðsmaður frá Argentínu verði leikmaður Tottenham áður en félagaskiptaglugganum lokar í dag.

Sauber kynnti 2011 bílinn og mexíkanska ökumenn

Sauber liðið frumsýndi í dag nýjan 2011 keppnisbíl sinn og einnig tvo nýja ökumenn liðsins sem báðir eru frá Mexíkó. Mexíkaninn Sergio Perez mun aka sem keppnisökumaður við hlið Japanans Kamui Kobayashi, en landi Perez frá Mexíkó, Esteban Gutiegraverrez verður þróunar og varaökumaður liðsins.

Watson stóð af sér áhlaup Mickelson á Torrey Pines

Bubba Watson sýndi það og sannaði í gær að hann er á góðri leið með að skipa sér í hóp bestu kylfinga heims þegar hann tryggði sér sigur á Farmer meistaramótinu á PGA mótaröðinni í golfi sem fram fór á Torrey Pines vellinum í San Diego. Fyrir sigurinn fékk Watson um 120 milljónir kr. í verðlaunafé.

JR bikarmeistari á afmælismóti Júdósambandsins

Afmælismót Júdósambands Íslands fór fram í gær og voru keppendur rúmlega 50 og komu þeir frá öllum aðildarfélögum JSÍ. Júdófélag Reykjavíkur fagnaði sigri í bikarkeppni karla sem fram fór strax að loknu afmælismótinu .

Mun Chelsea bjóða 9 milljarða kr. í Torres?

Enskir fjölmiðlar greina frá því í dag að Chelsea hafi hækkað tilboð sitt í spænska framherjann Fernando Torres í 50 milljón pund eða rúmlega 9 milljarða kr. Hinn 26 ára gamli framherji Liverpool hefur óskað eftir því að vera settur á sölulista en samkvæmt samningi hans við liðið getur hann farið ef eitthvað lið býður 50 milljón pund í hann.

Mikkel Hansen markakóngur HM - Alexander í hópi þeirra markahæstu

Mikkel Hansen frá Danmökur var markakóngur heimsmeistaramótsins í handbolta í Svíþjóð en stórskyttan skoraði alls 68 mörk fyrir silfurlið Dana. Alexander Petersson var markahæsti leikmaður Íslands með alls 53 mörk og endaði hann í 4.-6. sæti yfir markahæstu leikmenn mótsins. Guðjón Valur Sigurðsson er í hópi 10 efstu á þessum lista.

Boston sýndi styrk sinn gegn meistaraliði Lakers

Fjölmargir spennandi leikir fóru fram í NBA deildinni í körfubolta í gær þar sem að viðureign gömlu stórveldana, Boston Celtics og LA Lakers bar hæst. Meistaraliðið Lakers varð að játa sig sigrað á heimavelli í Los Angeles, 109-96, þrátt fyrir að Kobe Bryant hafi skorað 41 stig.

Omeyer: Erum enn hungraðir í meiri árangur

Thierry Omeyer, markvörður franska liðsins, brosti til blaðamanna eftir sigur Frakka á Dönum, 37-35, í gær enda ástæða til. Frakkar tryggðu sér með sigrinum heimsmeistaratitilinn í annað skiptið í röð og í fjórða skiptið alls.

Sjá næstu 50 fréttir

Mest lesið