Liðsandinn lykillinn að sigri

Flavio Briatore, stjóri Renault-liðsins í Formúlu 1, segir að liðsandinn hafi verið lykillinn að tvöföldum sigri Renault í ár, en liðið fagnaði sem kunnugt er sigri í bæði keppni ökumanna og bílasmiða á nýafstöðnu keppnistímabili.

Ferguson tekur ekki við Írum

Sir Alex Ferguson brást ókvæða við þegar hann var spurður hvort hann ætlaði að taka við stöðu landsliðsþjálfara Íra eftir að Brian Kerr hætti með liðið, en haft var eftir Dennis Irvin, fyrrum leikmanni Manchester United, að Ferguson hefði verið í sambandi við írska knattspyrnusambandið um að taka við stöðunni.

Henry í hópnum gegn Sparta Prag

Thierry Henry hefur óvænt verið settur inn í leikmannahóp Arsenal fyrir leikinn gegn Sparta Prag í Meistaradeildinni annað kvöld, en mikil meiðsli eru í hóp Arsenal þessa dagana. Henry hefur ekki spilað leik fyrir Arsenal síðan í lok ágúst vegna nárameiðsla.

Xavier féll á lyfjaprófi

Portúgalski varnarmaðurinn Abel Xavier hjá Middlesbrough er kominn tímabundið leikbann í öllum keppnum, eftir að hafa fallið á lyfjaprófi sem hann fór í eftir leik Boro og Xanthi þann 29. september síðastliðinn.

Kári og Sölvi sænskir meistarar ?

Úrslitin í sænsku úrvalsdeildinni í fótbolta þetta tímabilið gætu ráðist ráðist á næstu 2 klukkutímum en nú kl. 17 hófust fjórir síðustu leikir næst síðustu umferðar. Djurgården sem er á toppnum heimsækir Örgryte og getur með sigri nánast gulltryggt sér sænska titilinn. Kári Árnason og Sölvi Geir Ottesen eru báðir á varamannabekk Djurgården.

Rooney verður í banni gegn Lille

Manchester United verður án Wayne Rooney í leiknum gegn Lille í Meistaradeildinni annað kvöld, en liðið getur huggað sig við að Ryan Giggs kemur aftur inn í hópinn eftir að hafa misst af leiknum gegn Sunderland um helgina vegna tognunar á læri.

Larry Brown hellti sér yfir nýliða

Larry Brown, nýráðinn þjálfari New York Knicks, las nýliðanum Nate Robinson pistilinn um helgina þegar hann reyndi að kasta boltanum af spjaldinu og troða í leik gegn New Jersey Nets, með sinni fyrstu snertingu í leik með New York Knicks.

Djurgården sænskir meistarar

Hvorki Kári Árnason né Sölvi Ottesen komu við sögu með liði sínu Djurgården sem tryggði sér sænska meistaratitilinn í knattpspyrnu í kvöld þegar liðið gerði markalaust jafntefli við Örgryte í næst síðustu umferð úrvalsdeildarinnar. Kári og Sölvi sátu á varamannabekknum allan leikinn.

Djurgarden sænskur meistari

Djurgarden, lið Kára Árnasonar og Sölva Geirs Ottesen, tryggði sér sænska meistaratitilinn í knattspyrnu í kvöld, þegar liðið krækti í stig gegn liði Jóhanns Guðmundssonar, Örgryte. Þar með tryggði liðið sér sigur í deildinni þegar ein umferð er eftir, því Gautaborg tapaði fyrir Hammarby á sama tíma.

Jafnt hjá Charlton og Fulham

Charlton og Fulham gerðu 1-1 jafntefli í leik kvöldsins í ensku úrvalsdeildinni. Collins John kom Fulham yfir í fyrri hálfleik en Danny Murphy jafnaði fyrir Charlton í upphafi síðari hálfleiks. Hermann Hreiðarsson lék allan tímann í vörn Charlton, en Heiðar Helguson fékk ekki tækifæri með Fulham.

Allan Houston hættur

Skotbakvörðurinn Allan Houston hjá New York Knicks, ákvað í gærkvöldi að leggja skóna á hilluna vegna þrálátra hnémeiðsla. Houston er 34 ára gamall og lék í tólf ár í deildinni, lengst af með New York, þar sem hann skrifaði undir samning upp á 100 milljónir dollara árið 2001, en náði aldrei að vinna fyrir broti af þeirri upphæð, stuðningsmönnum liðsins til mikils ama.

Manchester United ræður þjálfara

Manchester United tilkynnti í dag ráðningu nýs þjálfara fyrir unglingalið félagsins í stað Ricky Sbragia, sem gekk í raðir Bolton á dögunum. Nýji þjálfarinn heitir Rene Meulensteen og er hollenskur. Hann hefur verið hjá Manchester United síðan 2001 og hefur fram til þessa starfað sem tækniþjálfari hjá liðinu.

Real Madrid komið á toppinn

Ronaldo skoraði þrennu og skaut Real Madrid á topp spænsku úrvalsdeildarinnar í fótbolta í gærkvöldi með 3-0 sigri á Atlético Madrid í gærkvöldi en þá fóru fram 3 leikir í deildinni. Deportivo La Coruña gerði jafntefli við Barcelona í 6 marka þriller.

Ítalía: Kýldi vallarstarfsmann

Alessandro Del Piero skoraði eina mark Juventus sem heldur áfram ótrauðri sigurgöngu sinni í ítölsku úrvalsdeildinni í fótbolta með 1-0 sigri á Messina í gærkvöldi. Juve er nú með fullt hús stiga að loknum 7 umferðum. Í hinum leik gærkvöldsins tapaði Siena fyrir Udinese, 2-3 í leik þar sem afar sjaldgæf sjón varð fyrir augum áhorfenda.

Mourinho hrósað fyrir Eið Smára

Breskir fjölmiðlar hrósa Jose Mourinho knattspyrnustjóra Chelsea í hástert fyrir breytinguna sem hann gerði á liðinu í hálfleik gegn Bolton í ensku úrvalsdeildinni í gær. Þá skipti hann Eiði Smári Guðjohnsen inn á í staðinn fyrir Asier del Horno í stöðunni 0-1 fyrir Bolton og sú breyting gjörbreytti gangi leiksins sem Chelsea vann 5-1.

Guðjón og Alexander í ham

Guðjón Valur Sigurðsson skoraði 13 mörk og Róbert Gunnarsson 2 þegar Gummaersbach vann Concorida 29-23 í þýsku úrvalsdeildinni í handknattleik. Alexsander Petterson skoraði 11 og Einar Hólmgeirsson 5 þegar Grosswallstadt lagði Hamborg á útivelli 37-29. Þá gerðu Göppingen og Düsseldorf jafntefli, 31-31. Jaliecky Garcia skoraði 4 mörk fyrir Göppingen og Markús Máni Micaelsson 3 fyrir Düsseldorf.

Fyrsta tap Skjern í deildinni

Íslendingaliðið Skjern tapaði sínum fyrsta leik í dönsku fyrstu deildinni í handknattleik þegar liðið beið lægri hlut fyrir Holstebro 32-28. Vilhjálmur Halldórsson og Jón Þorbjörn Jóhannesson skoruðu tvö mörk hvor fyrir Skjern en Vignir Svavarsson, sem fékk að líta rauða spjaldið í leiknum, komst ekki á blað.

Óvæntur sigur Álasunds á Start

Það urðu óvænt úrslit í norsku úrvalsdeildinni í knattspyrnu þegar efsta liðið Start tapaði á heimavelli 5-4 fyrir Álasundi. Jóhannes Harðarson var í byrjunarliði Start en Haraldur Guðmundsson kom inn á sem varamaður í liði Álasunds.

Haukar mæta Meran í dag

Haukar mæta í dag ítalska liðinu Meran í Meistaradeildinni í handknattleik, en bæði lið hafa tapað báðum leikjum sínum í keppninni til þessa. Haukar ætla sér þriðja sætið í riðlinum en það gefur sæti í þriðju umferð í Evrópukeppni félagsliða. Leikur liðanna í dag verður sýndur beint á Sýn klukkan fimm.

Sögulegur sigur Aston Villa

Kevin Phillips stimplaði sig í sögubækurnar hjá Aston Villa í dag þegar hann skoraði sigurmark liðsins í 0-1 sigri í nágrannaslagnum við Birmingham í ensku úrvalsdeildinni í fótbolta. Þetta var fyrsti úrvalsdeildarsigur Villa á nágrönnum sínum í 7 viðureignum eða síðan Birmingham endurheimtu sæti sitt í úrvalsdeild árið 2002.

Rúnar Kristins á heimleið

Rúnar Kristinsson, leikmaður Lokeren í Belgíu og einn af leikjahæstu leikmönnum íslenska landsliðsins frá upphafi, segist vel geta hugsað sér að koma heim til Íslands í vor en þá rennur samningur hans við belgíska félagið Lokeren út. „<em>Ég er mikill KR-ingur og auðvitað kemur það til greina að leika með liðinu þegar ég kem heim</em>...„

Leikmenn Guðjóns án sjálfstrausts

Guðjón Þórðarson þjálfari enska 2. deildarliðsins Notts County veit ekki sitt rjúkandi ráð þessa dagana en lið hans lék í gær áttunda leik sinn í röð án sigurs þegar það steinlá fyrir Rochadale, 3-0. <em>"...Þegar menn vorkenna sjálfum sér hjálpar það engum og þess gætir einmitt meðal minna leikmanna um þessar mundir."</em>

Renault meistari bílsmiða

Spánverjinn Fernando Alonso á Renault sem á dögunum tryggði sér heimsmeistaratitil ökuþóra í Formúlu 1 kappaksktrinum, gulltryggði Renault, heimsmeistaratitil bílsmiða eftir auðveldan sigur í Shanghai-kappakstrinum í morgun. Renault hampaði titli bílsmiða með 191 stigi en McLaren varð í 2. sæti bílsmiða í ár með 182 stig.

Ívar & Brynjar með í sigri Reading

Brynjar Björn Gunnarsson og Ívar Ingimarsson léku báðir allan leikinn með Reading sem endurheimti 2. sætið í ensku 1. deildinni í knattspyrnu í dag með 2-0 sigri á Ipswich. Reading er 3 stigum á eftir toppliði Sheffield Utd í deildinni.

Valsstúlkur úr leik í UEFA Cup

Kvennalið Vals er úr leik í Evrópukeppni félagsliða í knattspyrnu eftir 11-1 tap gegn Evrópumeisturum Turbine Potsdam en leikurinn sem fór fram ytra í dag var síðari viðureign liðanna í 8 liða úrslitum keppninnar. Margrét Lára Viðarsdóttir skoraði mark Vals þegar hún minnkaði muninn í 2-1 en hún tábrotnaði skömmu síðar og var skipt af velli...

Heil umferð í körfunni í kvöld

Heil umferð er á dagskrá Iceland Express-deildar karla í körfubolta í kvöld og hefjast leikirnir allir kl. 19:15. Stórleikur umferðarinnar er án efa viðureign KR og Njarðvíkur í DHL-höllinni en þessum liðum er spáð góðu gengi í vetur af forsvarsmönnum, þjálfurum og fyrirliðum félaganna. Njarðvík er spáð meistaratitlinum en KR fjórða sæti.

Inter í 2. sætið á Ítalíu

Inter Milan lyfti sér upp í 2. sæti ítölsku úrvalsdeildarinnar í fótbolta í dag með stórsigri á Livorno, 5-0. Inter er 6 stigum á eftir toppliði Juventus sem er með fullt hús stiga eftir 7 umferðir. Fiorentina sem var jafnt AC Milan í 2. sæti fyrir umferðina mistókst að saxa á forskot Juve þar sem liðið tapaði fyrir Lazio, 1-0 í dag.

Man City í fjórða sætið

Andy Cole skoraði bæði mörk Manchester City sem læddi sér upp í 4. sæti ensku úrvalsdeildarinnar í fótbolta nú síðdegis með sigri á West Ham 2-1. City komst í 2-0 en Bobby Zamara minnkaði muninn á lokamínútunum. City er með 17 stig í fjórða sætinu, jafnmörg stig og Man Utd sem er í 3. sæti. West Ham er í 9. sæti með 12 stig.

Spánn: Taplausu liðin töpuðu

Spútniklið spænska fótboltans á þessu tímabili, Getafe, mistókst að endurheimta toppsætið í La Liga í dag þegar liðið tapaði sínum fyrsta leik á leiktíðinni, 1-0 á útivelli fyrir Real Betis. Osasuna skaust upp í 2. sæti deildarinnar með 2-0 sigri á Celta Vigo og er nú jafnt toppliði Real Madrid að stigum.

Haukar yfir í hálfleik gegn Meran

Haukar voru fjórum mörkum yfir í hálfleik, 15-11 gegn ítalska liðinu Meran í Meistaradeildinni í handbolta eftir að hafa verið undir í fyrri hálfleik. Verið var að flauta til síðari hálfleiks en leikið er að Ásvöllum. Jón Karl Björnsson er markahæstur Haukamanna með 7 mörk og Árni Sigtryggsson kemur næstur með 4 mörk.

Tvö mörk hjá Gunnari Heiðari í dag

Gunnar Heiðar Þorvaldsson heldur áfram að fara hamförum í sænska fótboltanum en hann skoraði tvö mörk fyrir Halmstad í dag sem valtaði fyrir botnlið sænsku úrvalsdeildarinnar, Assyriska, 5-0. Gunnar er nú einn markahæstur í deildinni með 16 mörk þegar liðið á aðeins einn leik eftir af mótinu.

Haukasigur í Meistaradeildinni

Haukar unnu 3 marka sigur á ítalska liðinu Meran 32-29 Meran í Meistaradeildinni í handbolta nú undir kvöldið en leikið var að Ásvöllum. Haukar voru fjórum mörkum yfir í hálfleik, 15-11 eftir að hafa verið undir á tímabili í fyrri hálfleik.

Fjögur lið með fullt hús

Njarðvíkingar gerðu góða ferð í Vesturbæinn í kvöld og sigruðu þar KRinga 69-59. Jeb Ivey var stigahæstur í liði Njarðvíkur með 21 stig, en Ashley Champion skoraði 19 stig hjá KR og reyndar flest þeirra snemma leiks. Njarðvíkingar voru skrefinu á undan lengst af, en segja má að Jeb Ivey hafi gert út um leikinn í fjórða leikhluta þegar hann fór mikinn í sókninni.

Pearce ánægður með Andy Cole

Stuart Pearce, knattspyrnustjóri Manchester City, var ánægður með frammistöðu Andy Cole í gær, þegar hann skoraði bæði mörk liðsins í sigri 2-1 á nýliðum West Ham á afmælisdaginn sinn.

Markið læknaði sár Cissé

Franski sóknarmaðurinn Djibril Cissé hjá Liverpool virðist hafa gleymt óánægju sinni í herbúðum félagsins eftir að mark hans tryggði liðinu sigur á Blackburn í gær og hefur nú tekið stjóra sinn í sátt. Hann vandaði þó stuðningsmönnum Blackburn ekki kveðjurnar eftir leikinn.

Robson tekur ekki við Írum

Gamla kempan Sir Bobby Robson hefur vísað þeim getgátum að hann muni taka við írska landsliðinu á bug og segir að liðið sé nú þegar með góðan þjálfara í Brian Kerr. Ekki er þó búist við að samningur hans verði endurnýjaður úr því að liðið komst ekki í lokakeppni HM.

Drungi á æfingum Atlanta Hawks

"Ég hef lent í ýmsu á 23 ára ferli sem þjálfari, en ekkert getur búið mann undir svona lagað," sagði Mike Woodson, þjálfari Atlanta Hawks, sem í gær stýrði fyrstu æfingu liðsins eftir að miðherjinn Jason Collier lét lífið á heimili sínu um helgina.

Naumur sigur Fram á ÍBV

Fram vann á sunnudagskvöld sinn fimmta sigur í jafnmörgum leikjum í DHL-deild karla í handbolta þegar liðið vann nauman sigur á ÍBV, 28-27 í Framhúsinu. Staðan í hálfleik var 14-12 fyrir ÍBV en heimamenn bitu frá sér þrátt fyrir mýmörg sóknarmistök og knúðu fram sigur. Fram er með fullt hús stiga eftir fyrstu fimm leiki sína í deildinni.

Curry með hjartað á réttum stað

Miðherjinn Eddy Curry, sem nýverið gekk í raðir New York Knicks frá Chicago Bulls, skoraði 16 stig í fyrsta æfingaleik sínum með liðinu um helgina, eftir að hafa fengið grænt ljós á að spila þrátt fyrir að hafa tvisvar greinst með óreglulegan hjartslátt á ferlinum.

Wigan lagði Newcastle

Wigan skaust í 2. sæti ensku úrvalsdeildarinnar í fótbolta í dag með 1-0 sigri á Newcastle og eru nýliðarnir nú með 16 stig eða átta stigum á eftir toppliði Chelsea. Jason Roberts skoraði eina mark leiksins fyrir Wigan sem léku manni færri frá 83. mínútu. Newcastle sem eru í 12. sæti deildarinnar með 9 stig.

Leeds í 4. sætið

Gylfi Einarsson lék síðustu tvær mínúrnar með Leeds sem vann 1-2 útisigur á Burnley í ensku 1. deildinni í fótbolta í dag. Gylfi kom inn á sem varamaður á 88. mínútu í liði Leeds sem náði 4. sæti deildarinnar með sigrinum með 21 stig, níu stigum á eftir toppliði Sheff Utd.

Bolton yfir gegn Chelsea

Bolton er strax komið yfir gegn toppliði Chelsea í leik liðanna í ensku úrvalsdeildinni í fótbolta en Grikkinn Stelios Giannakopoulos skoraði markið á 4. mínútu. Þetta er aðeins þriðja markið sem Chelsea fær á sig á tímabilinu en liði er með fullt hús á toppi deildarinnar eftir 8 umferðir. Eiður Smári Guðjohnsen er á varamannabekk Chelsea í dag.

NBA TV komið á fullt

Ný sjónvarpsstöð, NBA TV, er farin í loftið á Digital Ísland. NBA TV er gríðarlega stór sjónvarpsstöð sem sérhæfir sig í NBA körfuboltanum.  Á stöðinni eru yfir 250 beinar útsendingar frá NBA á ári auk fjölda NBA-sjónvarpsþátta á hverjum degi. NBA TV er á Digital Ísland og er í sportpakkanum. Ráðgerðar eru 36 beinar útsendingar í nóvember.

Þórarinn á förum frá Þrótti

Knattspyrnumaðurinn Þórarinn Kristjánsson er hættur hjá Þrótti sem féll úr Landsbankadeildinni í haust. Þórarinn gekk í raðir Þróttar eftir að hafa verið leystur undan samningi hjá Aberdeen í Skotlandi og lék 16 leiki með liðinu í sumar. Hann náði sér þó engan veginn á strik og skoraði aðeins tvö mörk.

Man Utd og Bolton yfir í hálfleik

Bolton er 0-1 yfir gegn Chelsea og Man Utd 0-1 yfir gegn Sunderland þegar flautað hefur verið til hálfleiks í fimm leikjum sem nú standa yfir í ensku úrvalsdeildinni í fótbolta. Staðan hjá W.B.A. og Arsenal er jöfn 1-1, markalaust er hjá Tottenham og Everton og sömuleiðis hjá Liverpool og Blackburn.