Haukar í eldlínunni um helgina

Karlalið Hauka mætir danska úrvalsdeildarliðinu Århus GF í C-riðli meistaradeildar Evrópu á laugardaginn kl. 16:00 á Ásvöllum. Århus GF er eitt sterkasta lið Danmerkur en það lenti í öðru sæti á síðustu leiktíð.>

Boris hálfu stigi frá úrslitunum

Kristinn Óskar Haraldsson "Boris", var afar óheppinn að komast ekki í úrslit í keppninni Sterkasti maður heims í Kína í nótt, en hann var aðeins hálfu stigi á eftir Rússanum sem komst áfram. Boris verður engu að síður varamaður í lokakeppninni, þar sem hann var með bestan árangur þeirra sem ekki komust beint inn í keppnina.

Beckham fer í gömlu stöðuna

Talið er víst að David Beckham muni fá gömlu stöðuna sína á hægri kantinum hjá enska landsliðinu aftur þegar liðið mætir Austurríki í undankeppni HM í byrjun mánaðarins. Þá stendur landsliðsþjálfarinn fram fyrir erfiðum ákvörðunum varðandi nokkrar stöður í liðinu.

Keane ekki forgangsatriði

Carlos Queiroz, aðstoðarmaður Alex Ferguson hjá Manchester United, segir að samningaviðræður við fyrirliðann Roy Keane hafi ekki forgang í augnablikinu, heldur séu menn í herbúðum liðsins fyrst og fremst að einbeita sér að leiknum við Fulham í deildinni á sunnudaginn.

Birgir Leifur á tveimur undir pari

Kylfingurinn Birgir Leifur Hafþórsson er núna að hefja leik á öðrum degi á opna Toulouse-mótinu í golfi. Birgir Leifur lék á tveimur undir parinu í gær og var í 17.-34. sæti. Englendingurinn Denny Lucas hafði forystu eftir keppni gærdagsins, lék á 7 höggum undir pari.

Þórður á heimleið frá Stoke

Landsliðsmaðurinn í knattspyrnu, Þórður Guðjónsson, segir í samtali við <em>Morgunblaðið</em> í dag að hann hafi tekið þá ákvörðun að snúa heim til Íslands þegar samningur hans við enska 1. deildarliðið Stoke City rennur út næsta vor. Þórður sem orðinn er 32 ára hefur ekkert leikið með Stoke á þessri leiktíð og ekki er gert ráð fyrir því í áætlunum knattspyrnustjóra liðsins, Johans Boskamp.

ÍSÍ úthlutar styrkjum

<font face="Times New Roman"> Framkvæmdastjórn ÍSÍ samþykkti á fundi sínum í gær að úthluta fjórum milljónum króna til karlalandsliðsins í handknattleik vegna þátttöku í Evrópukeppninni í janúar á næsta ári. Auk þess fékk Fimleikasambandið 300 þúsund króna styrk vegna þátttöku Rúnars Alexanderssonar og Viktors Kristmannssonar á heimsmeistaramótinu í fimleikum í nóvember. </font>

Jafnaði vallarmetið á Forest Oaks

Bandaríski kylfingurinn Charles Warren jafnaði vallarmetið á Forest Oaks vellinum í Greensboro í Norður-Karólínu þegar hann lék á 62 höggum eða 10 undir pari á fyrsta degi á Chrysler-mótinu. Hinn þrítugi Warren hefur ekki komist í gegnum niðurskurðinn á 13 af síðustu 15 mótum sínum.

NBA á Digital Íslandi í vetur

Útsendingar NBA TV hefjast á Digital Íslandi laugardaginn 15. október. Þetta eru góðar fréttir fyrir alla áhugamenn um körfubolta en leikmenn í NBA eru þeir bestu í heimi. NBA TV sýnir hundruð leikja í beinni útsendingu auk ótal þátta um körfubolta. Ráðgert er sýna frá 170 leikjum á komandi keppnistímabili en deildin hefst í byrjun nóvember. Til viðbótar verða sýndir tæplega 100 leikir frá úrslitakeppninni auk leikja í kvennadeildinni, WNBA.

Úlfar hættur með Breiðablik

Úlfar Hinriksson, sem stýrði kvennaliði Breiðabliks til sigurs í deild og bikar í sumar, hefur ákveðið að segja starfi sínu lausu hjá félaginu, þar sem honum þykir liggja í augum uppi að starfskrafta hans sé ekki óskað í framtíðinni.

Mikil meiðsli hjá Birmingham

Steve Bruce, stjóri Birmingham í ensku úrvalsdeildinni, á í stökustu erfiðleikum með að ná í fullskipað lið fyrir leikinn gegn Arsenal á sunnudaginn vegna meiðsla sem hrjá leikmenn liðsins.

Stack sýknaður

Markvörður Arsenal, Graham Stack, sem er í láni hjá liði Reading, var í dag sýknaður af nauðgunarákæru sem hann fékk á sig fyrir ári síðan. Hann hafði verið sakaður um að hafa nauðgað 22 ára gömlum laganema í London þann 1. september í fyrra.

Gerrard vill meiri ævintýramennsku

Steven Gerrard, fyrirliði Liverpool, segir að Chelsea séu langt í frá ósigrandi og vill að lið sitt verði frakkara í sóknarleiknum á sunnudaginn þegar liðin mætast í ensku úrvalsdeildinni.

Marel á leið heim

Marel Jóhann Baldvinsson, knattspyrnumaður Lokeren í Belgíu, er á heimleið eftir rúm fimm ár í atvinnumennsku. Marel hefur átt við erfið meiðsli á hné að stríða undanfarin ár og sækist nú eftir starfslokasamningi hjá belgíska liðinu.

Táningarnir fá tækifæri

Eyjólfur Gjafar Sverrisson, landsliðsþjálfari ungmennaliðs Íslands í knattspyrnu skipað leikmönnum 21 árs og yngri, hefur ákveðið að gefa þremur unglingum tækifæri í landsleik gegn Svíum í undankeppni Evrópukeppninnar árið 2006 þann 11. október nk.

Þóra í handboltann

Þóra B. Helgadóttir, landsliðsmarkvörður Íslands í fótbolta verður með liði FH sem mætir Víkingum í Fossvogi í DHL-deild kvenna í handbolta í dag.

Haukar í eldlínunni í dag

Það verður hart barist á Ásvöllum í dag þegar kvenna- og karlalið Hauka í handbolta verða í eldlínunni í Evrópukeppninni í handbolta. Karlaliðið mætir danska liðinu Århus GF í C-riðli Meistaradeildar Evrópu en Þorvarður Tjörvi Ólafsson hefur leikið með báðum liðunum og þekkir því vel til þeirra beggja.

Ósáttir við ákvörðun Úlfars

Úlfar Hinriksson, annar tveggja þjálfara Íslands- og bikarmeistara Breiðabliks í knattspyrnu kvenna, er hættur að þjálfa liðið en Úlfar sendi frá sér yfirlýsingu þess efnis í gær. Úlfar var einnig yfirþjálfari yngri flokka hjá Breiðabliki en árangur þeirra var afar glæsilegur á Íslandsmótunum í sumar.

Erlingur hættur að þjálfa

"Ég er ekki að hoppa frá skútunni heldur þvert á móti að berjast enn frekar fyrir merki ÍBV með því að láta til mín taka inni á vellinum í stað þess að standa á hliðarlínunni," sagði Erlingur Richardsson, þjálfari ÍBV, í samtali við Fréttablaðið en hann hefur ákveðið að hætta sem þjálfari Eyjaliðsins en snúa sér að því að spila með liðinu í staðinn.

Fylkir semur við leikmenn

Fjórir lykilmenn hjá Fylki skrifuðu undir nýja samninga við félagið. Haukur Ingi Guðnason, Helgi Valur Daníelsson, Eyjólfur Héðinsson og Hrafnkell Helgason gerðu allir þriggja ára samning við Árbæjarliðið en þeir voru allir orðaðir við önnur lið í Landsbankadeildinni.

Skagamenn ræða við Þórð

Skagamenn eiga í viðræðum við Þórð Guðjónsson um að hann gangi á ný til liðs við félagið. Þórður hefur fengið þau skilaboð frá Johan Boskamp, knattspyrnustjóra Stoke City, að hann muni ekki fá tækifæri í liðinu í vetur.

Birgir Leifur á pari

Kylfingurinn Birgir Leifur Hafþórsson úr GKG lék annan keppnisdaginn á Áskorendamótinu í Toulouse í Frakklandi á pari og er því samtals á tveimur höggum undir pari eftir fyrstu tvo hringina. Birgir er í 44.-53. sæti á mótinu.

Birgir fer vel af stað í Toulouse

Kylfingurinn Birgir Leifur Hafþórsson fer vel af stað á Opna Toulouse mótinu í Golfi sem fram fer í Frakklandi. Birgir var á fjórum höggum undir pari þegar hann hafði lokið við fimm holur og var í öðru sæti, en mótið er liður í áskorendamótaröð Evrópu. Keppni á mótinu heldur áfram í dag.

Sigurður kennir varnarleikinn

"Við erum að sýna liðunum hvernig á að spila vörn! Þetta hefur ekki sést í mörg ár," sagði Sigurður Sveinsson þjálfari Fylkis eftir að lærisveinar hans sigruðu FH-inga 27-22 í Árbænum í gær.

Wembley verður klár

Enska knattspyrnusambandið segir að það hafi fengið staðfestingu á því frá verktökum um að bygging hins nýja þjóðarleikvangs verði tilbúin á tilsettum tíma fyrir bikarúrslitaleikinn í ensku knattspyrnunni þann 13. maí á næsta ári.

Boris hársbreidd frá úrslitunum

Kristinn Óskar Haraldsson, eða Boris eins og hann er jafnan kallaður, er hársbreidd frá því að tryggja sér sæti í úrslitum í keppninni Sterkasti maður heims sem fram fer í Chengdu í Kína um þessar mundir.

Chelsea er hrætt við okkur

Rafael Benitez, knattspyrnustjóri Liverpool, segir að Chelsea-liðið sé líklega hrætt við Liverpool og segir að dómarinn hafi sleppt þremur augljósum vítaspyrnum í leik liðanna í Meistaradeildinni á Anfield í gærkvöldi.

Lampard vill Crouch í landsliðið

Leikur Liverpool og Chelsea í Meistaradeildinni í gær var nokkuð stíft leikinn og mikið var um hörð návígi. Frank Lampard, miðjumaður Chelsea og lykilmaður í enska landsliðinu, gaf sér þó tíma til að hrósa landa sínum leggjalanga, Peter Crouch, og telur að hann ætti að eiga fast sæti í landsliði Englendinga.

Uefa-bikarinn í kvöld

Fjölmargir leikir fara fram í Evrópukeppni félagsliða í dag og í kvöld, en tveimur þeirra er þegar lokið. Stuttgart tryggði sig áfram í riðlakeppnina nú áðan, þrátt fyrir tapi gegn NK Domzale 1-0, en þýska liðið vann fyrri leikinn 2-0. Landar þeirra í Leverkusen voru ekki jafn heppnir og féllu úr keppni fyrir CSKA Sofia, samanlagt 2-0.

Bolton áfram á elleftu stundu

Úrvalsdeildarlið Bolton tryggði sér dramatískan sigur á búlgarska liðinu Lokomotiv Plovdov í Evrópukeppni félagsliða nú rétt áðan. Bolton vann fyrri leik liðanna á heimavelli á dögunum 2-1, en lenti undir á 52. mínútu í dag og um tíma leit út fyrir að liðið væri að falla úr keppni fyrir minni spámönnum.

Greta fór á kostum

Markahrókurinn Greta Mjöl Samúelsdóttir fór á kostum í dag þegar íslenska U-19 ára landslið kvenna vann stórsigur á liði Bosníu og Hersegóvínu í undankeppni EM.

Loeb nálægt titlinum

Franski ökuþórinn Sebastien Loeb, sem ekur á Citroen, getur tryggt sér heimsmeistaratitilinn í rallakstri um helgina, þegar keppt verður á eyjunni Hokkaido í Japan. Hann er staðráðinn í að láta dauðaslysið í Wales á dögunum ekki hafa áhrif á sig, en viðurkennir að allir séu enn harmi slegnir eftir atburðinn.

Hetjuleg barátta Brann dugði ekki

Kristján Örn Sigurðsson og félagar í Brann háðu hetjulega baráttu við rússnenska liðið Lokomotiv frá Moskvu í Evrópukeppni félagsliða nú síðdegis. Rússarnir unnu fyrri leikinn í Noregi 2-1, en Brann stríddi þeim vel í Moskvu í kvöld.

Tromsö sló út Galatasaray

Norska liðið Tromsö gerði sér lítið fyrir og sló tyrkneska liðið Galatasaray út í Evrópukeppni félagsliða nú í kvöld. Norska liðið vann fyrri leikinn í Tromsö 1-0, og náði svo jafntefli í Tyrklandi í kvöld 1-1.

Grétar og félagar áfram

Grétar Rafn Steinsson og félagar í hollenska liðinu AZ Alkmaar unnu góðan sigur á rússneska liðinu Krylya Sovietiov í Evrópukeppni félagsliða nú áðan 3-1, eftir að hafa tapað fyrri leiknum 5-3 og eru því komnir áfram í keppninni. Grétar Rafn fékk að spila síðustu mínúturnar í leiknum eftir að hafa komið inná sem varamaður.

KR yfir gegn ÍR

KRingar hafa forystu í hálfleik 37-27 gegn ÍR á Reykjavíkurmótinu í körfuknattleik í Vesturbænum. KRingar geta með sigrinum tryggt sér Reykjavíkurmeistaratitilinn. Staðan eftir fyrsta fjórðung var 27-14 fyrir KR. Pálmi Sigurgeirsson hefur skorað mest í liði KR, 12 stig og Skarphéðinn Ingason hefur skorað 7 stig og hirt 7 fráköst. Theo Dixon er atkvæðamestur ÍRinga með 11 stig, en liðið hefur hitt afar illa í fyrri hálfleik.

KRingar Reykjavíkurmeistarar

KRingar tryggðu sér í kvöld Reykjavíkurmeistaratitilinn í körfubolta þegar þeir lögðu meistarana frá því í fyrra, ÍR, 87-59 í Vesturbænum. KR var yfir í hálfleik, 37-27. Pálmi Sigurgeirsson var stigahæstur í liði KR og skoraði 21 stig og hitti mjög vel.

Everton úr leik

Everton er fallið úr leik í Evrópukeppni félagsliða í knattspyrnu, þrátt fyrir að hafa sigrað rúmenska liðið Dinamo Búkarest 1-0 í kvöld, með marki frá Tim Cahill. Dinamo vann fyrri leikinn í Rúmeníu 5-1 og samanlagt 5-2. Þetta er enn eitt áfallið fyrir Everton, sem hefur byrjað leiktíðina skelfilega í ár, eftir gott gengi á síðustu leiktíð.

Gunnar skoraði - Halmstad áfram

Markahrókurinn Gunnar Heiðar Þorvaldsson var enn eina ferðina á skotskónum fyrir lið sitt Halmstad í Svíþjóð, þegar það gerði sér lítið fyrir og sló Sporting frá Lissabon út úr Evrópukeppni félagsliða í Portúgal í kvöld.

Fer Keane frá United?

Roy Keane, fyrirliði Manchester United segist ekki eiga von á öðru en hann muni yfirgefa félagið næsta sumar þegar samningur hans rennur út.

Sigurvin fer frá KR

Stjórn KR-Sport hefur ákveðið að semja ekki að nýju við miðjumanninn Sigurvin Ólafsson. Samningur Sigurvins við KR rennur út um áramótin og í gær tilkynnti KR sport þessa ákvörðun félagsins og greinilegt að Teitur Þórðarson, nýráðinn þjálfari KR, er farinn að taka til í leikmannahópnum.

Hörkurimmur UMFG og UMFN

Njarðvíkingar unnu Reykjanesmótið í körfubolta á dögunum en liðið vann alla sex leiki sína í mótinu. Það gat þó varla munað minna í leikjunum gegn Grindvíkingum en Njarðvík vann þá tvo leiki með samtals þremur stigum, þann fyrri á heimavelli með tveimur stigum í framlengdum leik og þann seinni með einu stigi í Grindavík á miðvikudagskvöldið.

Helga til ÍS

Reykjavíkurmeistarar ÍS í kvennakörfunni fengu mikinn liðstyrk í gær þegar landsliðskonan Helga Jónasdóttir ákvað að spila með liðinu í 1. deild kvenna í vetur en með hennar liðsinni er ÍS-liðið orðið allra hávaxnasta lið deildarinnar.

Logi heitur með Bayeruth

Landsliðsbakvörðurinn Logi Gunnarsson byrjar vel með sínu nýja liði Bayreuth í þýsku 2. deildinni en hann átti mjög góðan leik í æfingaleik gegn TSV Troester Breitenguessbach en þetta var fyrsti leikur hans fyrir félagið.

Óljós framtíð Viktors Bjarka

Viktor Bjarki Arnarsson, sem lék með Fylki í Landsbankadeildinni í sumar, er enn samningsbundinn Víkingi en hann er á lánssamningi hjá Fylki. Að óbreyttu ætti hann því að verða leikmaður Víkings en Viktor er þó ekki viss um hver niðurstaða hans verður.