LuaLua með malaríu

Kongómaðurinn Lomana LuaLua hjá Portsmouth hefur verið lagður inn á sjúkrahús vegna veikinda, sem talið er að sé malaría, og gæti orðið frá keppni í allt að sex vikur.

Kewell að ná sér

Ástralski miðjumaðurinn Harry Kewell hjá Liverpool, er nú byrjaður að æfa með liðinu í fyrsta sinn síðan í úrslitaleiknum gegn AC Milan í Meistaradeildinni í vor, en hann hefur þurft að gangast undir tvær aðgerðir tengdar kviðsliti.

Við erum betri núna

Rafael Benitez telur að Liverpool sé með betra lið nú en í fyrra og segir að það muni ráða úrslitum í annars jafnri viðureign liðsins við Chelsea í Meistaradeildinni í kvöld, rétt eins og í slag liðanna í ensku úrvalsdeildinni um næstu helgi.

Íslenska landsliðið sektað

Íslenska karlalandsliðið í knattspyrnu hefur fengið sekt frá Alþjóða knattspyrnusambandinu fyrir fjölda gulra spjalda sem liðið fékk í leikjunum tveimur gegn Króatíu og Búlgaríu í undankeppni HM í byrjun mánaðarins.

Messi vakti athygli

Argentínska ungstirnið Lionel Messi hjá Barcelona átti stórleik fyrir lið sitt í gærkvöldi, þegar spænska liðið vann auðveldan 4-1 sigur á Udinese frá Ítalíu. Þó svo að Brasilíumaðurinn Ronaldinho hafi skoraði þrennu í leiknum og verið í fyrirsögnum blaða á Spáni, var það frammistaða unglingsins sem var á allra vörum í gær.

Mourinho hugsar enn um "markið"

Jose Mourinho, knattspyrnustjóri Chelsea, hefur nú enn vakið athygli á þeirri ósk sinni að tekinn verði upp búnaður til að ákvarða hvort boltinn fer inn fyrir línuna í leikjum á Englandi og í Meistaradeildinni, eftir að lið hans féll úr Meistaradeildinni í fyrra á vafasömu marki á Anfield.

Sjö leikir í handboltanum í kvöld

Þriðja umferðin í DHL deild karla í handknattleik karla fer fram í kvöld og þá verða spilaðir sjö leikir. Stórleikur verður í Laugardalshöll, þar sem Valsmenn taka á móti Íslandsmeisturum Hauka. Valur hefur unnið tvo fyrstu leiki sína, en Haukarnir hafa enn ekki fundið taktinn það sem af er tímabilinu.

Ballesteros snýr aftur

Spænski kylfingurinn Seve Ballesteros hefur tilkynnt að hann ætli sér að snúa aftur í atvinnumennsku fljótlega, en hann hefur ekki spilað sem atvinnumaður í næstum tvö ár.

Ásgeir og Logi völdu einn nýliða

Landsliðsþjálfararnir Ásgeir Sigurvinsson og Logi Ólafsson hafa valið íslenska landsliðshópinn sem mætir Pólverjum og Svíum í byrjun næsta mánaðar. Eiður Smári og Hermann Hreiðarsson eru ekki í hópnum vegna leikbanns, en Sölvi Geir Ottesen hjá Djurgarden er eini nýliðinn í hópnum.>

Liverpool - Chelsea að byrja á Sýn

Leikur Liverpool og Chelsea  í Meistaradeild Evrópu er nú að hefjast og verður hann sýndur í beinni útsendingu á sjónvarpsstöðinni Sýn. Eiður Smári er á varamannabekknum hjá Chelsea, sem vilja eflaust hefna ófaranna frá í fyrra, þegar þeir duttu út úr meistaradeildinni á Anfield.

Jafnt hjá Liverpool og Chelsea

Nú er kominn hálfleikur í leikjum kvöldsins í Meistaradeild Evrópu. Enn er markalaust á Anfield þar sem Liverpool tekur á móti Chelsea í stórleik kvöldsins.

Leikjum lokið í Meistaradeid

Leikjunum átta í Meistaradeild Evrópu í kvöld er nú lokið. Liverpool og Chelsea gerðu markalaust jafntefli á Anfield eins raunar margir reiknuðu með. Leikurinn var mjög harður, en hvorugt lið gaf nokkurt færi á sér eða tók áhættu í sóknarleiknum.

Fram efst í DHL deild karla

Fram er eitt í efsta sæti DHL deild karla í handbolta eftir leiki kvöldsins og hefur unnið alla þrjá leiki sína. Liðið lagði Aftureldingu 26-21 í Safamýrinni í kvöld. Íslandsmeistarar Hauka lögðu Val á útivelli 32-29 og nýliðar Fylkis skelltu FHingum 27-22, en hafnfirska liðið hefur nú tapað öllum þremur leikjum sínum á mótinu.

Tölfræði úr handboltanum í kvöld

Sebastian Alexandersson var maður kvöldsins í DHL deildinni, þegar hann varði hvorki meira né minna en 30 skot í marki Selfyssinga í sigri þeirra á Þór í kvöld. Þar af varði Sebastian þrjú vítaköst og kórónaði frammistöðu sína með því að skora mark.

Boris að slá í gegn í Kína

Kristinn Óskar Haraldsson "Boris" er að standa sig ágætlega í Chengdu í Kína um þessar mundir, þar sem hann stendur í ströngu í undankeppninni um titilinn Sterkasti maður heims. Boris hefur unnið hug og hjörtu heimamanna með glettni sinni og tilburðum, en mikill áhugi ku vera á kraftasportinu þarna austurfrá.

Dómaraskortur í körfunni

"Það hefur vantað körfuboltadómara undanfarin ár. Dómarar hafa verið yfirhlaðnir verkefnum og hver einasta helgi frá október og fram í apríl hefur verið undirlögð. Við þurfum að manna leiki í meistaraflokkum og yngri flokkum og alls eru þetta 1500 leikir," sagði Hannes Þ. Jónsson, formaður dómaranefndar Körfuboltasambandsins við Fréttablaðið.

Magnús á leið í Víking?

Magnús Gylfason verður að öllum líkindum næsti þjálfari Víkinga, samkvæmt heimildum Fréttablaðsins og leysir Sigurð Jónsson af hólmi. Magnús var sem kunngt er leystur undan störfum hjá KR í sumar.

Logi lenti í hörðum árekstri

Logi Ólafsson, landsliðsþjálfari í knattspyrnu, lenti í gær í alvarlegum árekstri við 17 tonna malarflutningabíl fyrir utan höfuðstöðvar KSÍ. Bíll Loga er líklega ónýtur en betur fór en á horfðist því hann slapp með minniháttar meiðsli.

Óvíst með Árna Gaut

Óvíst er hvort Árni Gautur Arason landsliðsmarkvörður geti leikið gegn Pólverjum og/eða Svíum 7. og 12. október næstkomandi þar sem sambýliskona hans á von á barni og er skrifuð á fæðingardeildina daginn eftir Svíaleikinn.

Ungu stelpurnar standa sig vel

Kvennalið HK í handboltanum er að stíga sín fyrstu spor í meistaraflokki en hefur komið flestum á óvart með því að vinna tvo fyrstu leiki sína í DHL-deild kvenna. HK vann Gróttu 30-26 á laugardaginn og fylgdi því síðan eftir með tíu marka sigri á Fram, 30-20, á þriðjudagskvöldið.

FH efst hjá Fréttablaðinu

Fréttablaðið var með einkunnagjöf í fyrsta sinn í sumar og var öllum leikmönnum leikjanna 90 gefin einkunn á bilinu 1 til 10. Yfirburðir FH-inga á Íslandsmótinu kristölluðust einnig í einkunnagjöf blaðsins en það voru hins vegar Fylkir og Þróttur sem léku betur en árangur liðanna gaf til um ef marka má frammistöðumat Fréttablaðsins.

Íslendingar undir smásjánni

Það verður vel fylgst með leikmönnum ungmennalandsliðs Íslands í knattspyrnu þegar það mætir Svíum, en leikurinn fer fram hinn 11. október í Svíþjóð. Að sögn Ólafs Garðarssonar, umboðsmanns nokkurra leikmanna liðsins, má búast við því að forráðamenn flestra félaganna í Svíþjóð muni fylgjast með leiknum.

Grétar vill vera áfram hjá Val

Grétar Sigfinnur Sigurðsson, sem lék með Val í Landsbankadeild karla í sumar, hefur áhuga á því að vera áfram leikmaður hjá Val en framtíð hans til þessa hefur verið óljós þar sem Grétar er einungis á lánssamningi frá Víkingi, sem komst upp úr 1. deildinni í sumar.

Kalandadze frá í sex vikur?

Georgíumaðurinn Tite Kalandadze, rétthenta skyttan sem Stjarnan fékk til sín eftir að hann sló í gegn á síðustu leiktíð með ÍBV, er fingurbrotinn og gæti misst af næstu 4-6 vikum með liði sínu.

Borgvardt bestur

Daninn Allan Borgvardt fór hreinlega á kostum með FH í sumar. Skoraði 13 mörk í 15 leikjum og lagði upp 6 önnur. Hann fiskaði þar að auki víti sem skilaði marki. Frábært sumar og viðeigandi endir á glæstum ferli hans hjá FH. Fréttablaðið valdi hann enda leikmann sumarsins í Landsbankadeild karla.

Nowitzki bestur á EM

Þjóðverjinn Dirk Nowitzki, sem leikur með Dallas Mavericks í NBA deildinni, var valinn maður Evrópumótsins í körfuknattleik sem lauk í Serbíu um helgina. Hann var yfirburðamaður í liði Þjóðverja á mótinu og raunar yfirburðamaður í keppninni allri.

Bjarni æfir með Odd Grenland

Bjarni Ólafur Eiríksson, knattspyrnumaður í Val, hélt í morgun til Noregs og æfir með norska liðinu Odd Grenland fram að helgi. Í norska blaðinu <em>Varden</em> í morgun er sagt frá komu Bjarna Ólafs til Noregs og haft eftir þjálfara Odd Grenland, Gaute Larsen, að Bjarni sé efnilegur leikmaður.

Gautaborg sækir á Djurgården

IFK Gautaborg sigraði Malmö 2-1 í sænsku úrvalsdeildinni í knattspyrnu í gærkvöldi og saxaði þar með á forystu Djurgården. Þegar þrjár umferðir eru eftir hefur Djurgarden 46 stig, IFK Gautaborg 43 og Malmö 38 í þriðja sæti.

Thomas Björn ekki með á Dunhill

Danski kylfingurinn Thomas Björn keppir ekki á Dunhill-mótinu í golfi um helgina. Björn var lagður inn á sjúkrahús um helgina með veirusýkingu í hálsi og eyra. Thomas Björn er í sjöunda sæti á peningalistanum í Evrópsku mótaröðinni og með sigri á Dunhill-mótinu hefði hann náð þriðja sæti á þessum lista. Tveir efstu menn, þeir Michael Campbell og Retief Goosen, taka ekki þátt í mótinu sem fram fer á St. Andrews vellinum í Skotlandi..

Ekki samið aftur við Krankl

Austurríska knattspyrnusambandið ætlar ekki að endurráða Hans Krankl sem landsliðsþjálfara þegar samningur hans rennur út í árslok. Austurríkismenn eiga ekki lengur möguleika á því að komast í úrslit heimsmeistarakeppninnar á næsta ári.

Leikið gegn Pólverjum 7. október

Pólverjar mæta Íslendingum í vináttulandsleik í knattspyrnu 7. október og Englendingum í undankeppni HM fimm dögum síðar. Landsliðsþjálfari Pólverja er búinn að velja 23 leikmenn fyrir þessa leiki. Leikmennirnir spila í 11 löndum. Leikur Pólverja og Íslendinga 7. október verður sýndur beint á Sýn.

Þjálfari Lecce rekinn

Ítalska fótboltaliðið Lecce rak í morgun knattspyrnustjórann sinn, Angelo Grugucci. Gregucci var ráðinn til félagsins í sumar þegar hann tók við af Tékkanum Zdenek Zeman. Undir stjórn Gregucci lék Lecce fimm leiki og tapaði fjórum þeirra.

Fær spænskan ríkisborgararétt

Brasilíski knattspyrnumaðurinn Marcos Senna hjá Villareal er búinn að fá spænskan ríkisborgararétt. Spænski landsliðsþjálfarinn Luis Aragones getur því valið hann í spænska landsliðið. Senna er fæddur í Sao Paulo í Brasilíu en gekk í raðir Villareal fyrir þremur árum. Hann er búinn að vera einn besti maður Villareal undanfarin ár.

Cocu ekki með Hollendingum

Knattspyrnumaðurinn Philip Cocu missir af tveimur næstu leikjum Hollendinga í undankeppni HM eftir að hafa verið rekinn út af í leik gegn Andorra fyrr í þessum mánuði. Hollendingar hafa forystu í 1. riðli og þurfa eitt stig í viðbót til þess að tryggja sér farseðilinn í úrslitakeppnina í Þýskalandi á næsta ári.

Queiroz ver Ferguson

Carlos Queiroz, aðstoðarmaður Alex Ferguson hjá Manchester United, kom sínum manni til varnar í dag í ljósi gagnrýni sem hann hefur fengið að heyra eftir tapið fyrir Blackburn um helgina.

Dregið í SS bikarnum

Í hádeginu í dag var dregið í 32-liða úrslit karla og 16-liða úrslit kvenna í SS bikarnum í handknattleik, en leikirnir fara fram í næsta mánuði.

Forsetinn vill fleiri titla

Patrick Faure, forseti akstursíþróttasviðs Renault, vill að liðið bæti heimsmeistaratitli bílasmiða við titil ökumanna, sem Fernando Alonso tryggði sér um helgina.

Meistaradeildin á Sýn í kvöld

Það verður mikið um dýrðir í Meistaradeild Evrópu í kvöld og áskrifendur Sýnar fá að sjá leiki Ajax og Arsenal í beinni útsendingu klukkan 18:30, og síðar í kvöld verður sýndur leikur Manchester United og Benfica, en sá leikur er raunar í beinni útsendingu á Sýn Extra.

Sænska landsliðið tilkynnt

Í dag var tilkynnt hvaða leikmenn skipa sænska landsliðshópinn sem mætir Króötum og Íslendingum í undankeppni HM dagana 8. og 12. október næstkomandi.

Hálfleikur í Meistaradeildinni

Nú er kominn hálfleikur í leikjunum átta í Meistaradeild Evrópu. Bayern Munchen hefur yfir 1-0 gegn Club Brugge frá Belgíu, Juventus leiðir 1-0 gegn Rapid Vín, þar sem David Trezeguet skoraði mark ítalska liðsins.

HK sigraði Fram

HK skellti Fram 30-20 í Digranesi í DHL deild kvenna í handknattleik í kvöld, eftir að staðan hafði verið 13-9 fyrir HK í hálfleik. Það var Arna Sif Pálsdóttir sem var atkvæðamest í liði HK með 9 mörk, en hin 15 ára gamla Rut Jónsdóttir skoraði 7 mörk úr aðeins 8 skotum, öll í síðarihálfleik.

Leikjum lokið í Meistaradeildinni

Manchester United tryggði sér nauman sigur á Benfica á elleftu stundu í Meistaradeildinni nú áðan. Það var Ryan Giggs sem kom heimamönnum yfir rétt fyrir lok fyrri hálfleiks, en gestirnir jöfnuðu metin á 59. mínútu. Það var svo markahrókurinn Ruud van Nistelrooy sem tryggði liði United sigurinn fimm mínútum fyrir leikslok, en sigur enska liðsins var ekki mjög sannfærandi.

Enska fyrsta deildin í kvöld

Íslendingarnir í enska boltanum riðu ekki feitum hesti frá viðureignum sínum í enska boltanum í kvöld, en leikið nokkrir leikir voru á dagskrá í fyrstu deildinni og þá töpuðu Guðjón Þórðarson og félagar í Notts County nokkuð illa í kvöld.

Liðsstyrkur til FH

"Ég geri fastlega ráð fyrir því að þetta sé einn besti leikmaður sem komið hefur hingað til lands sem atvinnumaður í kvennaboltanum, án þess að ég vilji vera að kasta rýrð á þá leikmenn sem fyrir eru," sagði Örn Magnússon, formaður handknattleiksdeildar FH, þegar Fréttablaðið spurði hann út í nýja leikmann liðsins, dönsku skyttuna Maju Grönbek, sem lék sinn fyrsta leik fyrir liðið í gærkvöld.

Risinn í dvala

Það er ljóst að Risinn í Hafnarfirði er ennþá í dvala í handboltanum en FH tapaði í gær fyrir Stjörnunni í Kaplakrika. Þar með hefur liðið tapað fyrstu tveimur leikjum sínum í mótinu, en ljóst er að þeirra bíður mikið verk ef liðið ætlar sér að vera í toppbaráttunni í vetur.