Haukar keppa við Sporting Neerpelt

Íslandsmeistarar Hauka í handbolta keppa við belgíska liðið Sporting Neerpelt í forkeppni meistaradeildar Evrópu um helgina. Báðir leikirnir verða að Ásvöllum í Hafnarfirði, sá fyrri í dag klukkan 16:30 og seinni leikurinn annað kvöld.

Massenheim sigraði Grosswaldstadt

Keppni í þýska handboltanum hófst í gærkvöldi með tveimur leikjum. Þrír Íslendingar komu við sögu þegar Wallau Massenheim sigraði Grosswaldstadt, 24-22. Einar Örn Jónsson skoraði fjögur mörk fyrir Wallau en í liði Grosswaldstadt skoraði Snorri Steinn Guðjónsson fjögur mörk og Einar Hólmgeirsson þrjú.

Rússar mætast á Opna bandaríska

Tvær rússneskar stúlkur mætast í úrslitum á Opna bandaríska meistaramótinu í tennis. Elena Dementieva keppir þá við Svetlönu Kuznetsovu. Hin 19 ára Kuznetsova vann Lindsay Davenport frá Bandaríkjunum í undanúrslitum en sú bandaríska hafði unnið 22 leiki í röð.

Finnar sigruðu Bandaríkjamenn

Finnar sigruðu Bandaríkjamenn 2-1 í undanúrslitum heimsbikarkeppninnar í íshokkí í New York í gærkvöldi. Tékkar og Kanadamenn mætast í hinum undanúrslitaleiknum í dag. Úrslitaleikurinn verður í Torontó á þriðjudag.

Williams mætir Klitschko í boxinu

Enski hnefaleikakappinn Danny Williams mætir Vitaly Klitschko í keppni um heimsmeistaratitilinn í þungavigt hjá WBO-hnefaleikasambandinu. Bardaginn verður í Bandaríkjunum í desember. Williams vakti athygli þegar hann vann Mike Tyson í bardaga í júlí.

Weir með forystu á Opna kanadíska

Kanadamaðurinn Mike Weir hefur forystu á Opna kanadíska mótinu í golfi þegar keppni er hálfnuð. Weir er á níu höggum undir pari en Fídjimaðurinn Vijay Singh er höggi á eftir. Singh byrjaði illa og eftir níu holur á fyrsta degi var hann á fjórum höggum yfir pari.

Maradona fluttur á spítala

Knattspyrnugoðið Diego Armando Maradona var fluttur á spítala fyrr í dag vegna öndunarerfiðleika. Að sögn frænda Maradona var ekkert alvarlegt á ferðinni en ákveðið var að hafa varann á og fara með knattspyrnumanninn fyrrverandi á sjúkrahús þegar erfiðleikarnir voru orðnir nokkuð meiri en eðlilegt getur talist.

Valur og Þróttur í úrvalsdeild

Valur og Reykjavíkurþróttarar tryggðu sér í dag sæti í úrvalsdeild karla í knattspyrnu á næsta ári. Þróttur sigraði Hauka 2-1 á Valbjarnarvelli og Valur sigraði Stjörnuna 4-0 á Stjörnuvelli.

Bikarinn til Eyja

Stelpurnar úr ÍBV voru rétt í þessu að tryggja sér bikarmeistaratitilinn í knattspyrnu með 2-0 sigri á Íslandsmeisturum Vals.

Verður FH Íslandsmeistari?

FH gæti fagnað sínum fyrsta Íslandsmeistaratitli í knattspyrnu karla í dag en þá fer fram 17. og næstsíðasta umferðin í Landsbankadeild karla í knattspyrnu.

ÍBV bikarmeistari

ÍBV tryggði sér bikarmeistaratitilinn í knattspyrnu í gærdag með sanngjörnum 2-0 sigri á Íslandsmeisturum Vals.

Albert hættur með Grindavík

Albert Sævarsson, markvörður knattspyrnuliðs Grindavíkur, er hættur að leika með liðinu vegna launadeilna við forráðamenn félagsins. Albert segir að ekki hafi verið gerður við sig samningur, þrátt fyrir mikinn þrýsting af hans hálfu, og að félagið hafi ekki staðið við það sem um var samið.

Páll Axel bjartsýnn fyrir leikinn

Páll Axel Vilbergsson, fyrirliði íslenska körfuknattleikslandsliðsins, er bjartsýnn fyrir leikinn gegn Dönum í B-deild Evrópumótsins á útivelli í kvöld. Hann segir liðið aldrei hafa undirbúið sig jafn vel og í sumar.

Þýski handboltinn að byrja

Þýska úrvalsdeildin í handknattleik hefst í dag. Þrettán Íslendingar leika að þessu sinni í deildinni og hafa þeir aldrei verið fleiri. Áttatíu og einn útlendingur er á mála hjá liðunum átján í þýsku úrvalsdeildinni og er mál manna að deildin hafi aldrei verið jafn sterk og í ár.

Erla og Erna til Skovlunde

Erla Hendriksdóttir og Erna Björk Sigurðardóttir, knattspyrnukonur úr Breiðabliki og leikmenn landsliðsins, eru gengnar til liðs við danska úrvalsdeildarliðið Skovlunde og leika með félaginu í vetur. Erla mun væntanlega leika með félaginu í dönsku deildinni um helgina gegn Fortuna Hjörring en Erna Björk þarf að bíða til áramóta vegna meiðsla.

Þórður frá í 2-6 vikur

Þórður Guðjónsson, landsliðsmaður í knattspyrnu, verður frá næstu 2-6 vikur vegna ristarbrots. Hann fór meiddur af velli í landsleiknum við Ungverja í fyrrakvöld og eftir nánari skoðun kom í ljós að ristin er brotin. Logi Ólafsson landsliðsþjálfari staðfesti þetta nú fyrir stundu.

Fréttir af Patta og Gunna

Patrekur Jóhannesson hefur tekið við fyrirliðastöðunni hjá Minden í þýsku úrvalsdeildinni í handbolta.

Enska landsliðið í fjölmiðlabanni

Leikmenn enska landsliðsins í knattspyrnu neituðu að veita viðtöl eftir sigurleikinn gegn Pólverjum í Póllandi í undankeppni HM 2006.

Everton vill Djorkaeff

Forráðamenn Everton eru á höttunum eftir franska framherjanum Youri Djorkaeff sem orðinn er 36 ára gamall.

Makalele hættur með landsliðinu

Claude Makalele, félagi Eiðs Smára Guðjohnsen hjá Chelsea, hefur tilkynnt að hann hafi lokið keppni endanlega með franska landsliðinu.

Louis Saha meiddur

Það á greinilega ekki af framherjum Manchester United að ganga þessi misserin. Louis Saha meiddist í landsleik með Frökkum gegn Færeyingum í vikunni og haltraði af velli eftir aðeins 9 mínútna leik og virtist sárkvalinn.

Advocaat sækir um hjá Blackburn

Það eru margir sem vilja starf framkvæmdastjóra Blackburn. Nú hefur Hollendingurinn Dick Advocaat skilað inn umsókn um stöðuna en hann hætti þjálfun hollenska landsliðsins eftir EM í Portúgal í sumar.

Eriksson styður þagnarbindindi

Sven Göran Eriksson, landsliðsþjálfari enska knattspyrnulandsliðsins hefur lýst yfir stuðningi við þá ákvörðun leikmanna sinna að sniðganga fjölmiðla í kjölfar 2-1 sigurs á Pólverjum í gærkvöld.

Oliver Panis lýkur keppni

Oliver Panis, sem ekur fyrir Toyota, hefur tilkynnt að hann ætli að hætta keppni í Formúla 1 kappakstrinum eftir lokamót tímabilsins sem verður haldið í Sao Paulo í Brasilíu innan tíðar.

Þórey Edda fjórða

Þórey Edda Elísdóttir hafnaði í fjórða sæti í stangarstökkskeppni á frjálsíþróttamóti sem fram fór í Rovereto á Norður-Ítalíu í fyrradag.

Slóvaki til Vals

Handknattleikslið Vals hefur fengið góðan liðsstyrk fyrir komandi átök í vetur en félagið hefur samið við Slóvakíska landsliðsmanninn Pavol Polakovic.

Newcastle vildu stóra Sam

Sam Allardyce, knattspyrnustjóri Bolton Wanderers, segist hafa fengið tilboð um að taka við framkvæmdastjórastöðu Newcastle United. Stóri Sam eins og hann er jafnan kallaður segist hafa verið mjög upp með sér með tilboð Newcastle, en hins vegar hafi hann nýlega skrifað undir 10 ára samning við Bolton, sem hann hyggist standa við.

Jón Arnór með gegn Dönum í dag

Íslenska landsliðið í körfuknattleik er statt í Danmörku um þessar mundir en liðið mætir heimamönnum í undankeppni Evrópukeppninnar í dag.

Gary Payton fullur undir stýri

NBA-leikmaðurinn Gary Payton á ekki sjö dagana sæla um þessar mundir.

Þórir lætur vita af sér

Þórir Ólafsson hefur leikið geysilega vel með Íslandsmeisturum Hauka á undirbúningstímabilinu og er á góðri leið með að verða einn okkar albesti hægri hornamaður. Þórir, sem verður 25 ára gamall í nóvember, er Selfyssingur í húð og hár, fæddur þar og uppalinn, en gekk í raðir Hauka fyrir tveimur árum.

Chaouki kærður fyrir nauðgun

Hafin hefur verið opinber rannsókn á máli franska hlauparans Faoud Chaouki sem hefur verið kærður fyrir að nauðga 14 ára stúlku í frönsku borginni Strasbourg á laugardag. Chaouki neitar öllum ásökunum.

Arnar og Arnar saman á miðjunni

Arnar Þór Viðarsson og Arnar Grétarsson verða saman á miðjunni þegar íslenska landsliðið mætir því ungverska í undankeppni HM 2006 í kvöld. Hetjan frá því í Ítalíuleiknum, Gylfi Einarsson, hefur verið settur á bekkinn í kjölfar tapleiksins gegn Búlgörum en Arnar Grétarsson heldur hinsvegar sæti sínu.

Viera rekinn útaf í Færeyjum

Patrick Viera, fyrirliði enska úrvalsdeildarliðsins og franska landsliðsins, fékk áðan að líta rauða spjaldið í leik Frakka og Færeyinga sem fram fer í Þórshöfn í Færeyjum í undankeppni HM 2006.

Shearer fagnar komu Souness

Alan Shearer segist fagna komu Skotans Graeme Souness til Newcastle.

Hughes orðaður við Blackburn

Mark Hughes, þjálfari velska knattspyrnulandsliðsins, er nú orðaður við framkvæmdastjórastöðuna hjá Blackburn eftir brotthvarf Graeme Souness.

Skörð höggvin í þýska landsliðið

Gríðarlega stórt skarð hefur verið höggvið í þýska handknattleikslandsliðið en á dögunum tilkynntu þeir Stefan Kretzschmar og Cristian Schwarzer að þeir hefðu lokið keppni endanlega með landsliðinu.

Jón Arnór fer vel af stað

Óhætt er að segja að íslenski landsliðsmaðurinn, Jón Arnór Stefánsson, fari vel af stað með nýja félaginu sínu, Dynamo St. Petersburg frá Rússlandi.

Jon Dahl semur við AC Mílan

Hinn íslenskættaði Dani, Jon Dahl Tomasson, hefur gert nýjan samning við Ítalíumeistara AC Mílan.

NHL-leikmaður í klandri

Mike Danton, fyrrum leikmaður St. Louis Blues í NHL-deildinni í íshokkíi, stendur frammi fyrir dómsmáli í lok október en honum er gefið að sök að hafa fengið leigumorðingja til að ráða umboðsmanninn sinn af dögum.

Maradona í umsjá Castro?

 Það líður varla sá dagur að ekki heyrist eitthvað fréttnæmt af Diego Armando Maradona, einum af umdeildustu knattspyrnumönnum sögunnar.

Anna Yakova hætt í handbolta

 Anna Yakova, leikmaður Íslandsmeistara ÍBV í handknattleik kvenna hefur tilkynnt að hún sé hætt í handbolta.

Drukknuðum í súpunni

Íslenska landsliðið í knattspyrnu er í frekar vondum málum eftir fyrstu tvo leikina í undankeppni HM

Mottukeppni strákanna

Leikmenn íslenska ungmennalandsliðsins í knattspyrnu hafa brugðið á leik fyrir viðureign sína gegn Ungverjum í undankeppni Evrópumótsins.

Við munum vinna Ungverja

Þórður Guðjónsson tjáir sig um leikinn við Ungverja í einkaviðtali við fréttablaðið. Hann segir úrslit leikjanna í íslenska riðlinum á laugardaginn hafa verið hræðileg fyrir íslenska landsliðið.

Eyjólfur stefnir enn á sigur

Íslenska landsliðið í knattspyrnu skipað leikmönnum 21 árs og yngri mætir í dag jafnöldrum sínum frá Ungverjalandi í Búdapest í undankeppni Evrópumótsins. Leikurinn leggst þokkalega vel í Eyjólf Sverrisson, þjálfara liðsins, en tíu leikmenn hafa átt við magaveiru að stríða síðustu daga.