Síðasta geimferjulendingin

Geimferjan Atlantis lenti í Flórída í dag eftir sína síðustu ferð út í geiminn. Þetta var jafnframt síðasta ferð bandarískrar geimferju og er því lokið 30 ára merkum kafla í geimferðasögunni.

Offitusjúklingar glíma við mjólkurfíkn

Yfir helmingur þeirra sem glíma við mjög alvarleg offituvandamál þjáist af mjólkurfíkn eða eru háðir mjólkurvörum.

Fellibylurinn Dóra stefnir á Mexíkó

Fellibylurinn Dóra stefnir nú í átt að Kyrrhafsströnd Mexíkó og gæti náð þar landi fyrir helgina.

Fundu 22 milljónir í söfnunargámi Rauða krossins

Starfsmönnum Rauða krossins í smábænum Tornved á Sjálandi í Danmörku brá heldur betur í brún í vikunni þegar þeir fundu eina milljón danskra kr. í seðlum, jafnvirði 22 milljóna kr., í fatahrúgu í söfnunargámi fyrir utan starfsstöð sína í bænum.

Lögðu hald á 1,7 tonn af kókaíni

Portúgölsk yfirvöld hafa lagt hald á 1,7 tonn af kókaíni en verðmæti þess er talið nema 80 milljónum evra eða yfir 13 milljörðum kr.

Forsetinn framdi sjálfsvíg

Krufning á líki Salvadors Allende, sem var forseti Síle fram til ársins 1973, sýnir að hann framdi sjálfsvíg. Rannsóknin leiddi í ljós að hann skaut sig í höfuðið með AK-47 riffli sem Castro Kúbuforseti hafði gefið honum tveimur árum fyrr.

13 ára drengur stunginn til bana af jafnaldra sínum

Afbrýðissemi olli því að 13 ára drengur í Sönderborg í Danmörku stakk jafnaldra sinn til bana með hníf í gærkvöldi.

Kamikaze flugmaður reynir að myrða móður sína

Hinn 47 ára gamli svissneski Konrad Schmidt flaug tveggja hreyfla flugvél inn í hús móður sinnar síðastliðinn sunnudag. Að hennar sögn hringdi hann í hana stuttu áður en vélin skall á húsinu og sagði "Ertu heima mamma? Ég er í þann mund að detta í heimsókn."

Stress á meðgöngu gæti haft varanleg áhrif

Sé barnshafandi kona undir miklu álagi gæti stressið haft varanleg áhrif á fóstrið í móðurkviði samkvæmt niðurstöðum rannsóknar þýskra sálfræðinga sem birtist í virtu sálfræðitímariti.

Hlébarði beit 11 manns

Hlébarða tókst að bíta 11 manns í vesturhluta Bengal fylkis í Indlandi áður en hann var drepinn í gær. Dýrið hafði villst inn í þorpið og reyndu skógarverðir að koma því aftur út í náttúruna, en dýrið tók því afar illa og réðst á fjóra skógarverði auk sex þorpsbúa sem og lögreglumann sem kom á vettvang.

Eftirlýstur stríðsglæpamaður handtekinn

Serbnesk yfirvöld hafa handtekið Goran Hadzic síðasta serbneska herforingjann sem var eftirlýstur af Stríðsglæpadómstól Sameinuðu þjóðanna í Haag. Hadzic stýrði serbneskum hersveitum í stríðinu í Króatíu. Þar er hann sakaður um að hafa myrt hundruð Króata og aðra sem ekki voru af serbneskum uppruna.

Nýtt tungl fannst við Plútó

Stjörnufræðingar hafa með hjálp Hubble geimsjónauka NASA og ESA fundið fjórða tunglið á braut um dvergreikistjörnuna Plútó. Tungið er um þrettán til þrjátíu og fjórir kílómetrar í þvermál og hefur tímabundið verið gefið nafnið P4.

Óheppilegir kviðmágar

Fyrrverandi eiginkona Tigers Wood er sögð í sárum eftir að í ljós kom að nýr kærasti hennar hefur einnig deilt sæng með einni af hjákonum Tigers. Á slúðurvefnum TMZ segir að Elin Nordgren sé öskureið út í Jamie Dingman fyrir að hafa ekki sagt henni að hann hefði einnig legið Rachel Ucitel.

Hitler í fjöldauppsögnum

Adolf Hitler hefur verið sviptur titli heiðursborgara í bænum Klagenfurt sem er sjötti stærsti bær Austurríkis. Íbúar þar eru um 100 þúsund.

Hungursneyð í Sómalíu - helmingur íbúa í suðurhlutanum vannærðir

Í morgun lýstu Sameinuðu þjóðirnar formlega yfir hungursneyð í tveimur héruðum Sómalíu, Bakool og í Neðri-Shabelle. Í tilkynningu frá UNICEF segir að hvergi í heiminum sé meiri vannæring en í landinu.

Hversu hátt er Everest

Yfirvöld í Nepal hafa ákveðið að mæla Everest á nýjan leik til að fá endanlega úr því skorið hversu hátt þetta hæsta fjall heims er. Opinberlega er hæð fjallsins 8,848 metrar.

Sacre bleu! Fengu skaðabætur fyrir að vera ávörpuð á ensku

Kanadisk hjón hafa fengið sér dæmdar eina og hálfa milljón króna í skaðabætur frá flugfélaginu Air Canada vegna þess að þau voru ekki uppvörtuð á frönsku. Hjónin eru frá Quebec þar sem þorri manna talar frönsku. Talsverður hluti íbúa fylkisins vill raunar sjálfstæði frá Kanada.

Tveir embættismenn teknir af lífi í Kína vegna spillingar

Kínversk stjórnvöld hafa tekið af lífi tvo háttsetta embættismenn í framhaldi af því að þeir voru dæmdir fyrir spillingu í starfi sínu.

Ný rannsókn á embættisverkum Berlusconi

Ný rannsókn er hafin á embættisverkum Silvio Berlusconi forsætisráðherra Ítalíu.

Hjónabandslottó meðal samkynhneigðra í New York

New York borg stendur nú fyrir hjónabandslottói meðal samkynhneigðra borgarbúa.

Gæti orðið nagli í líkkistu fernufyllibyttna

Carl B. Hamilton, þingmaður Þjóðarflokksins í Svíþjóð, leggur til að viðskiptavinir Systembolaget, sænsku áfengisverslunarinnar, geti fengið vörurnar sendar heim. Bindindissamtökin IOGT-NTO telja tillöguna ganga óþarflega langt og segja að þetta geti orðið nagli í líkkistu fernufyllibyttnanna.

Mikil hitabylgja hrjáir Bandaríkjamenn

Mikil hitabylgja hrjáir nú íbúa í mið- og suðurhluta Bandaríkjanna. Alls hafa 13 manns látist vegna hennar.

Tæplega 60 á götunni eftir stórbruna í Kaupmannahöfn

Tæplega 60 íbúar á Austurbrú í Kaupmannahöfn eru á götunni eftir að mikill eldsvoði eyðilagði þakíbúðir í fjölmennri íbúablokk í gærkvöldi.

Öflugur jarðskjálfti í Úsbekistan

Öflugur jarðskjálfti upp á 6,4 á Richter skók Ferghana dalinn í Úsbekistan og annar skjálfti upp á 6,2 á Richter varð í nágrannríkinu Kirgistan í gærdag.

Varað við mislingafaraldri

Meira en tólf þúsund manns greindust með mislinga í Evrópu á fyrstu sex mánuðum ársins, fleiri en allt árið í fyrra. Alþjóðaheilbrigðismálastofnunin hefur varað við því að tilfellum fari fjölgandi, sérstaklega þar sem meira sé um mannfagnaði á sumrin. Stofnunin hvetur fólk því til að láta bólusetja sig fyrir sjúkdómnum.

Upphafið að löngum viðræðum

„Eftir eitt ár getum við vonandi verið komin með samkomulag um nýja sjávarútvegsstefnu,“ sagði Maria Damanaki, sem fer með sjávarútvegsmál í framkvæmdastjórn Evrópusambandsins eftir að hafa hlýtt á viðbrögð sjávarútvegsráðherra aðildarríkjanna við tillögum framkvæmdastjórnarinnar.

Vilja mann á loftstein 2025

Ómönnuð geimflaug Geimferðastofnunar Bandaríkjanna (NASA) komst nýverið á braut um loftstein í loftsteinabeltinu á milli Mars og Júpíters.

Samræma þarf fitumörk barna

Hvenær er barn orðið svo þungt að heilsa þess skaðast? Og hvenær er skaðinn svo mikill að taka þarf barnið frá foreldrunum? Danski þjóðarflokkurinn segir að um þetta verði sveitarfélögin að vera sammála til þess að hægt sé að taka afstöðu til hvort alltof þung börn séu vanrækt.

Sjálfbær þróun næstu árin

Sjálfbær þróun sem dregur úr fátækt en varðveitir umhverfið verður meginviðfangsefni næstu fimm ára í starfi Ban Ki-moon hjá Sameinuðu þjóðunum.

Ísraelar stöðvuðu för skútu

Ísraelski herinn stöðvaði í gær för franskrar skútu sem stefndi í áttina að Gasaströnd. Ísraelsher segir skipverja ekki hafa sýnt neina mótstöðu.

Bregðast við neyðarástandi vegna þurrka

Ákveðið var á fundi ríkisstjórnarinnar í gær að íslensk stjórnvöld muni verja 18,5 milljónum króna til neyðaraðstoðar í austanverðri Afríku, að tillögu Össurar Skarphéðinssonar utanríkisráðherra.

Feðgarnir segjast ekkert hafa vitað um hleranirnar

Í yfirheyrslum breskrar þingnefndar yfir eigendum og fyrrverandi framkvæmdastjóra vikublaðsins News of the World héldu þau öll því fram að þau hefðu ekkert vitað um ólöglegt athæfi á vegum blaðanna.

Umhverfið æ mikilvægara

Rúmlega 90 prósent Evrópubúa segja umhverfið verða æ mikilvægara fyrir sig. Þetta kemur fram í könnun sem framkvæmdastjórn Evrópusambandsins lét gera. Bágt efnahagsástand virðist ekki hafa dregið úr áhuga á umhverfisvernd og 89 prósent aðspurðra vilja láta setja meira fé í málaflokkinn.

Genin blönduðust utan Afríku

Nútímamenn blönduðust að einhverju leyti Neanderdalsmönnum í Evrópu samkvæmt niðurstöðum nýrrar rannsóknar á genamengi nútímamannsins.

Nýi maðurinn í lífi Jennifer Lopez kærður fyrir nauðgun

Maðurinn sem stórstjarnan Jennifer Lopez er sögð hafa haldið við hefur verið kærður fyrir nauðgun. William Levy er talinn hafa brotið gegn ólögráða unglingsstúlku á hóteli í Glendale í Kaliforníu.

Sakaður um 4.400 morð til viðbótar

Saksóknari í Þýskalandi rannsakar nú hvort dæmdur fangavörður nasista í síðari heimsstyrjöldinni hafi átt þátt í dauða 4.400 manna í Flossenbuerg-fangabúðunum í Þýskalandi.

Evrópuþingið vill kynjakvóta

Evrópuþingið kallar eftir kynjakvóta í stjórnum fyrirtækja innan Evrópusambandsins. Samkvæmt ályktun þingmanna á hlutfall kvenna í æðstu stöðum stærstu fyrirtækja innan ESB að ná 30% fyrir árið 2015 og 40% fyrir 2020. Ef þessum markmiðum verður ekki náð verður lagt fram lagafrumvarp til að ná þeim. Frá þessu er greint á vef Jafnréttisstofu.

Ráðist á Murdoch við yfirheyrslur hjá þingnefndinni - myndband

Ungur karlmaður réðist fyrir stundu á Rupert Murdoch þar sem hann sat fyrir svörum hjá breskri þingnefnd vegna hlerunarmálsins.

Vill árásir á vestræn flugfélög

Íranskur klerkur hefur hvatt til árása á skrifstofur bandarískra og evrópskra flugfélaga. Bandaríkin og Evrópusambandið neita að afgreiða eldsneyti til íranskra flugvéla. Það er liður í refsiaðgerðum Sameinuðu þjóðanna vegna deilna um kjarnorkuáætlunar Írans.

Glæpagengi hindra hjálparstarf

Sameinuðu þjóðirnar eiga í mikilum erfiðleikum við að hjálpa milljónum manna sem líða hungur og vatnsskort í Sómalíu. Þar vaða uppi vopnaðir hópar sem ekkert er hægt að treysta. Sameinuðu þjóðirnar neita að senda starfsmenn sína til svæða þar sem ekki er hægt að tryggja öryggi þeirra.

Skógrækt mun þýðingarmeiri en áður var talið

Skógrækt og verndun skóga eru mun þýðingarmeiri í baráttunni gegn loftlagsbreytingum en áður var talið. Þetta sýnir ný rannsókn sem tímaritið Nature Geoscience hefur birt en þar kemur fram að eyðing skóga hefur mun verri afleiðingar í för með sér en til þessa hefur verið sýnt fram á.

Murdoch vissi ekki neitt

Fyrirtækið News Corp sem heldur utanum rekstur fjölmiðla Rúperts Murdoch segir að óvandað fólk í lágum stöðum innan fyrirtækisins hafi svikið og gabbað stjórnendur þess, þar á meðal Murdoch sjálfan.

Borders bókabúðunum lokað

Næst stærsta bókabúðakeðja Bandaríkjanna er komin í þrot. Um 10 þúsund manns missa vinnuna þegar 399 bókabúðum í Bandríkjunum verður lokað. Verslanakeðjan Borders var opnuð árið 1971 og á velmektrarárum sínum rak hún yfir 1.250 verslanir í Bandaríkjunum.

Bandaríkjamenn ræða við fulltrúa Gaddafis

Bandarískir embættismenn áttu fund með fulltrúum Moammars Gaddafi um helgina en málsaðilar eru ekki alveg sammála um hvað þeir töluðu.

Fylgi breska Íhaldsflokksins stendur í stað

Samkvæmt nýrri skoðanakönnun breska blaðsins The Guardian stendur fylgi Íhaldsflokksins í stað, Verkamannaflokkurinn tapar þremur prósentustigum en Frjálslyndi flokkurinn bætir við sig fjórum prósentustigum frá síðustu könnun.