Thriller jakkinn á uppboð

Heimsfrægi jakkinn rauði og svarti, sem poppgoðið Michael Jackson klæddist í tónlistarmyndbandinu við lagið "Thriller", verður boðinn upp á svokallaðri tónlistargoðasýningu í Beverly Hills þann 25. og 26. júní næstkomandi. Auk jakkans verða boðnir upp minjagripir frá Bítlunum, Madonnu, Lady Gaga, Frank Sinatra, Elvis og Justin Bieber svo dæmi séu nefnd.

Gúrkur í geimnum sem ekki má borða

Gúrkur verða ræktaðar um borð í geimfari sem leggur af stað á sporbraut um jörðina á morgun, miðvikudaginn 8. júní, en geimförunum verður hinsvegar stranglega bannað að leggja þær sér til munns sökum e-coli veirunnar sem sýkt hefur grænmeti í Evrópu undanfarið.

Ók á konu sem slasaðist lítið - drap hana til að komast hjá skaðabótum

Kínverskur námsmaður hefur verið tekinn af lífi fyrir morð á ungri konu. Ungi maðurinn ók á konu á hjóli í október síðastliðinn og slasaðist hún lítillega. Hann óttaðist hinsvegar að hún myndi fara fram á skaðabætur fyrir óhappið þannig að hann brá á það ráð að stinga hana margsinnis með hnífi og flýja síðan af vettvangi.

Fjórtán látnir eftir flóð í Kína

Að minnsta kosti fjórtán eru látnir og yfir fimmtíu og er saknað eftir að flóð reið yfir Guizhou-svæðið í suðvestur Kína í dag.

Hélt´ann væri Gillzenegger

Grátklökkur þingmaður demokrataflokksins í Bandaríkjunum hefur viðurkennt að hafa sjálfur sent myndir af sér fáklæddum til annarra kvenna en eiginkonu sinnar. Í rúma viku hafði Anthony Weiner logið því til að einhver hefði hakkað sig inn á twitter síðu hans og gert það að sér forspurðum.

Börn og fjölskyldur á vergangi í Abidjan

Börn og fjölskyldur eru á vergangi í Abidjan, stærstu borg Fílabeinsstrandarinnar, í kjölfar þeirra átaka sem urðu í kringum forsetakosningar þar í landi og geta foreldrar enn ekki tryggt börnum sínum næringu, jafnvel nú þegar sex mánuðir eru liðnir frá kosningum. Í tilkynningu frá Barnaheill - Save the Children á Íslandi segir að þörfin fyrir hjálp á svæðinu sé brýn en fjármagn samtakanna sé nú að þrotum komið.

Allir æfir út í alla

Landbúnaðarráðherrar Evrópusambandsins koma saman til neyðarfundar í Lúxemborg í dag til þess að reyna að finna lausn á þeim vanda sem hrjáir grænmetisframleiðendur -og neytendur. Tuttugu og tveir hafa látist og yfir 2000 veikst alvarlega síðan nýtt afbrigði af E-Coli bakteríu fannst í grænmeti.

Norður-Kórea næstbest í heiminum

Kína er heimsins besta land að búa í og Norður-Kórea er númer tvö. Þetta er niðurstaða ítarlegrar rannsóknar sem sjónvarpsstöð í Norður-Kóreu gerði. Rannsóknin tók til eitthundrað og tveggja landa sem gátu fengið stig frá núll upp í eitthundrað.

Fátækum Dönum fjölgar stórlega

Dönum sem lifa undir fátækramörkum OECD hefur fjölgað verulega á undanförnum árum. Í nýjum upplýsingum frá Atvinnuráði dönsku verkalýðshreyfingarinnar segir að árið 2009 hafi 234 þúsund manns lifað undir fátækramörkum. Þeim hafði fjölgað um 55 prósent á sjö árum.

Ban Ki-moon áfram framkvæmdastjóri SÞ

Ban Ki-moon framkvæmdastjóri Sameinuðu þjóðanna (SÞ) hefur formlega lýst því yfir að hann gefi kost á sér í önnur fimm ár í embættinu.

ESB heldur neyðarfund um kóligerilsmitið

Landbúnaðarráðherrar Evrópusambandsins munu halda neyðarfund í dag vegna kóligerilsmitfaraldursins sem geysað hefur í norðanverði Evrópu undanfarna daga og þegar kostað 22 lífið.

Þrumuveður kveikti í fjórum húsum í Danmörku

Þrumuveðrið sem gekk yfir Danmörku í gærkvöldi olli því að eldur varð laus í fjórum húsum á Sjálandi eftir að eldingum laust niður í þau. Í Haslev kviknaði í tveimur húsum, þar á meðal íbúðarhúsi prestsins í bænum.

Titanic II sekkur í jómfrúarferð sinni

Smábátaeigandinn Mark Wilkinson hefði mátt hugsa sig tvisvar um áður en hann skírði nýja bátinn sinn Titanic II en báturinn virðist hafa tekið nafngiftina alvarlega og sökk skömmu áður en Wilkinson náði í land að fyrstu siglingunni lokinni.

Bannað að flúra ferðamenn?

Menningamálaráðuneytið í Tælandi vinnur nú að því að stöðva húðflúrun heilagra tákna á erlenda ferðamenn en mikill fjöldi aðkomumanna virðist sækja í að fá heilagar myndir og munstur flúruð á sig og það oft í fagurfræðilegum tilgangi frekar en trúarlegum.

Frakkar banna "Facebook" og "Twitter"

Frakkar hafa nú bannað notkun á orðunum "Facebook" og "Twitter" í útsendingu þar sem þeir telja viðstöðulausa notkun á þessum nöfnum í raun vera auglýsingu á vörunum sem nöfnin standa fyrir.

Grænfriðungar fá risareikning

Skoska fyrirtækið Cairn Energy krefur Grænfriðunga um 320 milljónir íslenskra króna fyrir hvern dag sem þeir trufla boranir á olíuborpallinum Leifi Eiríkssyni undan strönd Grænlands.

Strauss-Kahn segist saklaus

Dominique Strauss-Kahn lýsti sig í dag saklausan af ákærum sem bornar hafa verið á hann en hann er sagður hafa nauðgað þjónustustúlku á hóteli í New York. Réttarhöldin Strauss-Kahn, sem er fyrrum forstjóri Alþjóðagjaldeyrissjóðsins hófust í New York í dag. Hann mætti til dómshússins í fylgd eiginkonu sinnar Anne Sinclair sem er sjónvarpsfréttakona í Frakklandi. Hópur starfsmanna hótelsins þar sem nauðgunin á að hafa átt sér stað mættu á staðinn og hrópuðu að Strauss-Kahn þegar hann gekk inn í salinn. Með þessu vildu þau sýna þjónustustúlkunni stuðning sinn í verki.

Mamma er ekki fyrsta orðið

Það hefur verið viðtekinn sannleikur að fyrsta orðið sem börn segja er "mamma." Ekki lengur. "Mamma" er að meðaltali fjórtánda orðið sem börn segja, ef marka má niðurstöðu þrjátíu ára rannsókna við Syddansk Universitet. Rannsóknin náði til 6.112 barna á aldrinum 8-36 mánaða. Auk þess var stuðst við viðtöl við foreldra á þrjátíu ára tímabili.

Rauðklædd lið vinna frekar

Að horfa á rauðan lit gefur aukinn kraft og snerpu, en eykur jafnframt áhyggjur og dregur úr einbeitingu, samkvæmt niðurstöðum vísindamanna sem birtar eru í vísindaritinu Emotion.

Réttarhöldin yfir Strauss-Kahn hefjast í dag

Réttarhöldin yfir Dominique Strauss-Kahn fyrrum forstjóra Alþjóðagjaldeyrissjóðsins hefjast í New York í dag.

Leita að krókudílum í vatni í Englandi

Lögreglan í Norfolk á Englandi leitar nú að tveimur krókudílum í vatni við vinsælan ferðamannastað í héraðinu.

Vilhjálmur prins og Katrín flytja í Kensingtonhöll

Hertoginn og hertogaynjan af Cambrigde, þau Vilhjálmur prins og Katrín Middleton, munu flytja inn í nýtt heimili sitt í Kensingtonhöll á næstunni. Þetta kemur fram í tilkynningu frá bresku konungsfjölskyldunni.

Saleh á batavegi en óvíst hvort hann snúi aftur til Jemen

Ali Abdullah Saleh forseti Jemen er sagður vera á batavegi eftir aðgerð sem hann gekkst undir á sjúkrahúsi í Saudi Arabíu. Aðgerðin var vegna sára sem forsetinn hlaut í tilræði við hann síðast liðinn föstudag.

Jafnaðarmenn viðurkenna ósigur í Portúgal

Stjórn Jafnaðarmanna í Portúgal hefur viðurkennt ósigur sinn í þingkosningunum sem fóru fram í landinu um helgina.

Danir varaðir við miklu þrumuveðri í dag

Danir hafa verið varaðir við miklu þrumuveðri sem gengur yfir Damörku í dag. Búist er við miklu úrhelli samfara þessu veðri víða í landinu.

Eldgos í Síle

Gos hófst í eldfjallakeðju í suður-Síle í gærkvöldi. Þetta er í fyrsta sinn í hálfa öld sem eldfjallakeðjan gýs.

Mikil óvissa í Jemen eftir forsetatilræði

Mikil óvissa ríkir í Jemen eftir að forseti landsins, Ali Abdullah Saleh, flúði til Sádí Arabíu eftir að hann særðist í árás á heimili sitt á föstudag. Saleh hefur nokkrum sinnum lofað að láta af embætti og því er óvíst hvort hann snýr aftur til Jemen en landið rambar nú á barmi borgarastyrjaldar.

Tuttugu látnir og yfir tvö þúsund sýktir í kólígerlafaraldri

Þjóðverjar lifa í stanslausum ótta við Kolígerla faraldurinn. Tuttugu er nú látnir og yfir tvö þúsund sýktir en verst segja Þjóðverjar, er að vita ekki hverju er um að kenna.

Lögreglan þjálfar hrægamma

Lögreglan í Þýskalandi ætlar á næstunni að beita nýstárlegum aðferðum við að leita uppi lík á víðavangi. Dýraþjálfarar eru nú að þjálfa þrjá hrægamma til að leita að líkum.

Banna útflutning á geislavirku tei

Heilbrigðisyfirvöld í Japan hafa bannað útfluning á grænum telaufum frá fjórum héruðum í landinu vegna geislavirkni. Geislavirkni greindist í laufunum og er talsvert yfir hættumörkum.

Playboy-klúbbur opnar á ný í Englandi - femínistar mótmæla

Eilífðarglaumgosinn, Hugh Hefner, ætlar að opna á ný Playboy-klúbb í Englandi. Um er að ræða spilavíti og veitingastað í miðborg Lundúna. Þjónustustúlkurnar verða svo allar klæddar í hinn fræga kanínubúning sem hylur ekki mikið.

Kólígerlafaraldur rakinn til hafnarhátíðar í Hamburg

Þjóðverjar hafa rekið Ecoli faraldur sem valdið hefur dauða að minnsta kosti átján manns í Þýskalandi til hafnarhátíðar í Hamburg sem haldin var í byrjun maí.

Utanríkisráðherra Bretlands heimsækir Líbíu

Utanríkisráðherra Bretlands, William Hague og ráðherra þróunarmála í Bretlandi, Andrew Mitchell, heimsóttu Líbíu í dag.

Þjálfa hrægamm til þess að leita að líkum

Hrægammurinn Sherlock hefur gengið til liðs við þýsku lögregluna. Að því er fram kemur á vef breska ríkisútvarpsins mun hann vera betri en nokkur hundur eða lögreglumaður í að finna lík á stórum opnum svæðum.

Staðfesta að árásarþyrlur hafi verið notaðar í Líbíu

NATÓ hefur staðfest að árásarþyrlur hafi verið notaðar í fyrsta sinn í aðgerðum sambandsins í Líbíu.

John Edwards ákærður

Fyrrum öldungadeildarþingmaðurinn og varaforsetaefnið John Edwards var í dag ákærður fyrir samsæri og brot á lögum um fjárframlög til kosninga auk fjögurra ákæruliða til viðbótar. Verði hann fundinn sekur á hann yfir höfði sér allt að 30 ára fangelsisvist og greiðslu sektar sem gæti numið allt að 1,5 milljón bandaríkjadala.

Telur breska kvótakerfið hafa brugðist

Í Bretlandi er líkt og hér á landi hávær umræða um kvótakerfið. sjávarútvegsráðherra Breta segir kerfið hafa brugðist. Óþolandi sé að einstaklingar eða félög sem ekki komi nálægt sjávarútvegi fái kvóta sem þeir geti selt einsog hverja aðra vöru.

Doktor Dauði dauður

Jack Kevorkian, betur þekktur sem “Doktor Dauði”, gaf upp öndina í Bandaríkjunum í dag, 83 ára að aldri, en hann er sagður hafa veitt hjálparhönd í 130 sjálfsmorðum í gegnum tíðina.

Hrottalegt dýraofbeldi í sjónvarpsauglýsingu

Áströlsku grasrótarsamtökin GetUp! vinna nú hörðum höndum að því að koma átakanlegri auglýsingu í sjónvarpið þar sem sjá má hrottalega meðferð á dýrum sem flutt eru frá Ástralíu til Indónesíu. Rúmlega tvö hundruð þúsund Ástralir rituðu nafn sitt á undirskriftalista sem afhentur var á ástralska þinginu í gær en undirskriftunum var safnað á aðeins tveimur dögum.

Enn sprengt í Trípólí

Að minnsta kosti tíu sprengjuárásir voru gerðar í nótt og í morgun í Trípólí höfuðborg Líbíu en flugvélar NATO hafa undanfarið hert árásir sínar á borgina. Í nótt var ráðist á herstöð nálægt höfuðstöðvum Gaddafís einræðisherra í miðborginni og á lögreglustöð í nágrenninu. Ekki er ljóst hvort mannfall hefur orðið. Árásum á borgina var hætt fyrr í vikunni þegar Jakob Zuma forseti Suður Afríku ræddi við Gaddafí og reyndi að finna lausn á málinu, án árangurs.

Níðingur dæmdur í 430 ára fangelsi

Hjónin Philip og Nancy Garrido hafa verið dæmd í fangelsi fyrir ránið á Jaycee Lee Dugard árið 1991. Parið rændi stúlkunni þegar hún var aðeins ellefu ára gömul fyrir utan heimili sitt í Kalíforníu. Þau fóru með hana heim til sín og héldu nauðugri í tæpa tvo áratugi uns hún fannst fyrir tilviljun.

Myrti fimm í Arizona

Sjötíu og þriggja ára gamall maður í bænum Yuma í Arizona myrti í gær fimm manns og særði einn alvarlega, áður en hann tók sitt eigið líf. Lögregla segir enn óljóst hvað manninum gekk til en svo virðist vera sem hann hafi þekkt öll fórnarlömb sín. Á meðal hinna látnu voru fyrrverandi eiginkona hans og lögfræðingurinn sem sá um skilnað þeirra hjóna.

Stríðið gegn fíkniefnum virkar ekki - vilja lögleiða maríjúana

Baráttan gegn eiturlyfjum í heiminum hefur misheppnast að því er fram kemur í skýrslu alþjóðlegrar nefndar. Nefndin er skipuð heimsþekktum einstaklingum á borð við Kofi Annan fyrrverandi framkvæmdastjóra Sameinuðu þjóðanna, kaupsýslumanninum Richard Branson og Nóbelsverðlaunahafanum Mario Vargas Llosa. Þá sitja fyrrverandi forsetar Brasilíu, Kólombíu og Mexíkó í nefndinni.

Messi kýldur í andlitið í Argentínu

Þær voru ekki blíðar móttökurnar sem Lionel Messi, besti knattspyrnumaður í heimi, fékk þegar hann heimsótti heimabæ sinn í Argentínu í gær. Þegar knattspyrnumaðurinn var að gefa áhorfendum eiginhandaráritun fyrir utan veitingastað kom ungur maður upp að honum og kýldi hann í andlitið.

Dregur úr HIV-smitum

HIV smitum fækkaði um næstum 25 prósent frá árinu 2001 til 2009 samkvæmt nýrri skýrslu frá Sameinuðu þjóðunum.