Engin fangaskipti fyrr en ísraelski hermaðurinn kemur heim

Ehud Olmert, forsætisráðherra Ísraels, sagði í morgun að ekki kæmi til greina að sleppa úr haldi neinum palestínskum föngum fyrr en ísraelski hermaðurinn Gilad Shalit fær að snúa heim aftur. Shalit var rænt af Palestínumönnum í lok júní og hefur hann verið í haldi á Gaza.

Ein stúlka og byssumaður létust í gíslatöku í Colorado

Umsátur lögreglu um framhaldsskóla þar sem vopnaður maður hélt sex stúlkum föngnum í Koloradó í Bandaríkjunum í gærkvöldi endaði með því að ein af stúlknanna lést af skotsárum sínum, sem og byssumaðurinn. Lögregla segir að hann hafi framið sjálfsmorð eftir að hann særði gísl sinn til ólífis.

Fyrirfór sér eftir að hafa skotið gísl

Gíslatökumaðurinn í skóla í Colorado í Bandaríkjunum fyrirfór sér eftir að hafa skotið stúlku sem hann hélt í gíslingu. Stúlkan, sem er nemandi í skólanum, lifði árásina af en er þó alvarlega slösuð.

Umsátri við framhaldsskóla lokið

Umsátri lögreglu við framhaldsskóla í Bailey í Colarado í Bandaríkjunum er lokið. Fréttavefurinn CNN greinir frá því að byssumaður, sem hélt tveimur stúlkum í gíslingu, sé látinn. Maðurinn réðst inn í skólann fyrr í dag, hóf skothríð og tók sex manns í gíslingu.

Tveir gíslar í haldi byssumanns

Rýma þrufti bæði grunn- og framhaldsskóla í Bailey í Colarado í Bandaríkjunum þar sem karlmaður vopnaður byssu hóf skothríð fyrr í dag. Maðurinn segist hafa sprengju meðferðis og hefur í haldi tvo gísla.

Barnaskóli rýmdur í Colarado

Rýma þurfti framhaldsskóla í Bailey í Colarado í Bandaríkjunum á sjöunda tímanum í kvöld eftir að tilkynning barst um skotárás inni í skólanum. Sérstök sprengisveit lögreglunnar er nú að störfum í skólanum. Ekki er vitað til þess að neinn hafi særst í árásunum.

Skurðaðgerð í þyngdarleysi

Franskir skurðlæknar fjarlægðu í dag æxli úr manni við afar óvenjulegar aðstæður. Aðgerðin var gerð um borð í Airbus-þotu sem með reglulegu millibili lyfti sér upp í þyngdarleysi.

Krajisnik fékk 27 ár

Stríðsglæpadómstóll Sameinuðu þjóðanna dæmdi í dag Momcilo Krajisnik fyrrverandi þingforseta Bosníu-Serba, í 27 ára fangelsi fyrir ýmsa stríðsglæpi á tímum Balkanstríðanna.

Kanslari stappar stálinu í þjóðina

25 uppreisnarmenn í Afganistan drepnir

Afgangskar öryggissveitir skutu 25 uppreisnarmenn til bana í Helmand-héraði í suðurhluta Afganistans í morgun. Uppreisnarmennirnir gerðu áhlaup á lögreglustöð í héraðinu en öryggissveitum tókst að hrinda því og felldu 25 menn.

Telja veru erlends herliðs ógna öryggi sínu

Stærstur hluti Íraka telur að vera erlendra hermanna í landinu dragi úr öryggi í stað þess að auka það. Þetta sýna skoðanakannanir sem utanríkisráðuneyti Bandaríkjanna og óháðir sérfræðingar hafa gert og greint er frá í bandaríska stórblaðinu Washington Post.

Íhuga skattlagningu til að hvetja til meiri barneigna

Rússnesk yfirvöld íhuga að leggja aukaskatt á barnlaust fólk til þess að hvetja til meiri barneigna í landinu. Vladímír Pútín forseti sagði í síðustu stefnuræðu sinni að lág fæðingartíðni væri eitt alvarlegasta vandamál sem þjóðin ætti við að stríða.

Samkynhneigð dýr

Kristjanía hefur runnið sitt skeið

Dæmdur fyrir stríðsglæpi en sýknaður af ákæru um þjóðarmorð

Stríðsglæpadómstóll Sameinuðu þjóðanna í Haag dæmdi í dag fyrrverandi forseta þings Bosníu-Serba í 27 ára fangelsi fyrir stríðsglæpi en hann var sýknaður af ákæru um þjóðarmorð.

Bush afléttir leyndinni

Bush Bandaríkjaforseti hefur aflétt leynd af skýrslu leyniþjónustunnar um alþjóðlega hryðjuverkastarfsemi en niðurstaða hennar er að íslamskir öfgahópar hafi eflst vegna Íraksstríðsins. Þrátt fyrir þetta segir hann þá sem gagnrýna stríðsreksturinn hegða sér barnalega. Skýrslan um stöðu og horfur í hryðjuverkastarfsemi heimsins er runnin undan rifjum sextán leyniþjónustustofnana Bandaríkjanna en hluta hennar var lekið til dagblaðsins New York Times um helgina.

Vilja banna steikingarfeiti á veitingastöðum

Bush fundar með Karzai og Musharraf til að minnka spennu

George Bush Bandaríkjaforseti mun í dag funda með bæði Hamid Karzai, forseta Afganistans, og Pervez Musharraf, forseta Pakistans, vegna vaxandi spennu milli landanna.

Tvíburamæður hærri í loftinu

Ný bandarísk rannsókn sýnir að hávaxnar mæður eignist frekar tvíbura en þær sem lægri eru í loftinu. Vísindamenn sem söfnuðu upplýsingum um hæð tvíburamæðra og báru saman við meðalhæð í Bandaríkjunum komust að því að tvíburamæður reyndust um 4-5 sentimetrum yfir meðalhæð að meðaltali.

Hundarnir þefa uppi sjóræningjadiska

Nýjasta vopn Samtaka kvikmyndaframleiðenda í Ameríku gegn sjóræningjaútgáfu á DVD diskum var kynnt í gær. Nú hafa hundar verið þjálfaðir til að greina lykt af afrituðum DVD diskum og skiptir þá ekki máli hvort það er einn diskur eða hundruð. Hundar hafa margfalt sterkara þefskyn en mannfólkið.

Krani féll á blokk í Battersea í London

Mildi þykir að ekki fór verr þegar 50 metra hár byggingarkrani hrundi á íbúðarblokk í suðvesturhluta Lundúna í gær. Kraninn var við störf nærri Battersea rafstöðinni, á bökkum Thames-árinnar. Tveir menn létust, stjórnandi kranans og annar, sem ekki er talinn hafa verið starfsmaður við bygginguna.

Hvetja Evrópubúa til að borða minna af fiski

Dýraverndunarsamtökin World Wildlife Fund eru nú að hefja herferð þar sem Evrópubúar verða hvattir til að borða minni fisk. Með þessu segjast samtökin ætla að berjast gegn ofveiði sem ógni ýmsum fiskstofnum. Samtökin segja að of mikið af fiski á evrópskum markaði sé afurð sjóræningjaveiða eða sé landað fram hjá vigt.

Kólumbískir glæpabræður í fangelsi

Tveir kólumbískir bræður sem stýrðu hinum alræmda Cali-glæpahring játuðu í gær að hafa smyglað eiturlyfjum og þvegið peninga í tímamótasamkomulagi að mati bandarískra yfirmanna í baráttunni gegn eiturlyfjum. Þeir segja Cali-glæpahringinn, undir stjórn Orejuela-bræðranna, hafa haldið í Kólumbíu heljargreipum á sínum tíma og ráðið kókaínmarkaðnum í Bandaríkjunum.

Fjórtán ára stúlka lést í árásum á Gaza

Palestínsk unglingsstúlka lést í loftárásum Ísraelsmanna á Gazasvæðið í kvöld. Kona og drengur særðust einnig í árásinni. Stúlkan sem var fjórtán ára lést þegar að bygging féll saman í ársáum Ísraelsmanna. Ísraelski herinn segir árásirnar í kvöld hafa verið gerðar á göng sem notuð hafa verið til að smygla vopnum.

Lítill drengur þungt haldinn eftir árás Rottweiler hunds

Fjórtán mánaða drengur liggur þungt haldin á spítala í Sussex á Englandi eftir að Rottweiler hundur réðst á hann. Ástand hans er þó stöðugt og hann er ekki talinn í lífshættu.

Ætlar að aflétta trúnaði á skýrslu um Íraksstríðið

George Bush, Bandaríkjaforseti, ætlar að aflétta trúnaði á nokkrum hlutum skýrslu sem lekið var í fjölmiðla um helgina. Í henni kemur fram að stríðið í Írak hafi aukið hryðjuverkaógnina í heiminum.

Þora ekki að setja upp Mozart af ótta við múslima

Upphlaup vegna orða Cherie Blair

Blair þakkar þjóðinni og flokknum fyrir sig

Tony Blair, forsætisráðherra Bretlands, þakkaði bæði bresku þjóðinni og Verkamannaflokknum fyrir það tækifæri að fá að leiða þau undanfarin ár í síðustu ræðu sinni á ársþingi Verkamannaflokksins í dag.

Vill vernda au pair stúlkur

Russell Crowe endurlífgar skylmingaþrælinn

Dauðinn er ekki endanlegur í Hollywood. Kvikmyndin um skylmingaþrælinn, sem færði Russell Crowe Óskarsverðlaunin, naut mikilla vinsælda. Svo mikilla að nú stendur til að gera mynd númer tvö um Maximus Decimus. Leikstjórinn Ridley Scott og Crowe, hafa tekið höndum saman um það.

Rúmenía og Búlgaría fá inngöngu í ESB um áramót

Framkvæmdastjórn Evrópusambandsins gaf í dag grænt ljós á það að Búlgaría og Rúmeníua gengju í sambandið í janúar næstkomandi fremur en ári. Löndin þurfa þó líklega að uppfylla ýmiss konar sérákvæði áður en þau verða fullgildir meðlimir.

Eiturefnaskipi haldið í Eistlandi

Eiturefnaskipið Probo Koala liggur nú í höfn í Eistlandi. Skipið losaði farm af eiturefnaúrgangi í Abidjan á Fílabeinsströndinni í ágúst og hafa sjö manns þegar látist vegna þessa og tugþúsundir hafa þurft að leita læknisaðstoðar.

Miklar breytingar framundan í Kristjaníu

Áætlun Fasteigna danska ríkisins um framtíð fríríkisins Kristjaníu í Kaupmannahöfn verður kynnt í Fjármálaráðuneytinu nú um hádegisbil. Miklar breytingar eru framundan og lögmaður Kristjaníu segir áætlunina jaðra við aftökuskipun. Ný hús verða byggð í fríríkinu Kristjaníu og önnur jöfnuð við jörðu. Þau hús sem fá að standa verða aðeins friðuð í 10 ár. Þetta kemur fram á vefsíðu Jyllandsposten.

Fjögurra ára fangelsi fyrir að misþyrma félaga sínum í hernum

Rússneskur dómstóll dæmdi í dag hermann í fjögurra ára fangelsi fyrir að misþyrma nýliða í hernum svo alvarlega að læknar þurftu að taka af honum báða fæturna og kynfærin.

Tímaáætlun ESB vegna inngöngu Rúmeníu og Búlgaríu kynnt fljótlega

Evrópusambandið mun innan skamms birta tímaáætlun fyrir inngöngu Rúmeníu og Búlgaríu í Evrópusambandið. Búist er við að ríkjunum verði formlega tilkynnt 1. janúar næstkomandi að þau fái inngöngu að uppfylltum ströngum skilyrðum.

Saddam Hussein hent út úr dómssal fyrir frammíköll

Saddam Hussein, fyrrverandi forseta Íraks, var hent út úr dómssal í þriðja sinn á innan við viku fyrir að trufla störf dómsins og stanslaus frammíköll. Verið er að rétta yfir Hussein og sex öðrum háttsettum mönnum í tíð hans vegna þjóðarmorðs á Kúrdum árið 1988.

Hafmeyjustúlka tekur fyrstu skrefin

Perúsk stúlka sem fæddist með leggina samfasta tók í gær sín fyrstu skref eftir að fætur hennar voru aðskildir í þremur flóknum skurðaðgerðum, þeirri fyrstu í júní 2005.

Ritari Þjóðarflokksins grunaður

Ritari sænska Þjóðarflokksins til skamms tíma, Johan Jakobsson, er grunaður um að hafa hvatt til innbrots á lokað gagnanet Jafnaðarmannaflokksins. Settur saksóknari óskaði í gær eftir að Jakobson fái lögfræðing en hann hefur hingað til sagst saklaus.

Spiluðu í fyrsta sinn í Superdome eftir hamfarir

Fagnaðarlætin voru mikil þegar fótboltaliðið New Orleans Saints hljóp inn á heimavöll sinn Louisiana Superdome í New Orleans í gærkvöld, í fyrsta skipti síðan fellibylurinn Katrina stórskemmdi íþróttahöllina.

Sjö fangar létust í átökum í Gvatemala

Að minnsta kosti sjö fangar létust í Pavon-fangelsinu í Gvatemala þegar lögregla og hermenn réðust inn í fangelsið og til harðra átaka kom milli þeirra og fanganna.

Útilokar ekki að nefna fyrrverandi hershöfðingja sem forsætisráðherra

Leiðtogi valdaráns hersins í Taílandi tilkynnti í morgun að herforingjastjórnin hafi lagt lokahönd á bráðabirgðastjórnarskrá landsins og sé að þrengja hringinn í leitinni að nýjum forsætisráðherra eftir að hafa velt Thaksin Shinawatra úr sessi þann 19. september síðastliðinn.

Abe nýr forsætisráðherra Japans

Þjóðernissinninn Shinzo Abe, var kjörinn forsætisráðherra Japans í morgun með öruggum meirihluta í báðum þingdeildum. Abe er hernaðarsinni og einnig dyggur stuðningsmaður nánara sambands við Bandaríkin.

Vara við ferðum um Oaxaca í Mexíkó

Bandaríska sendiráði í Mexíkó hefur aftur gefið út viðvörun til bandarískra ríkisborgara sem eiga leið um Oaxaca. Þar hafa mótmælendur hafst við í nokkra mánuði, kveikt í strætisvögnum og hafa ítrekuð átök átt sér stað milli mótmælenda og lögreglu.

Erfiðar aðstæður hjálparstarfsmanna í Darfur

Hjálparstarfsmenn í Darfurhéraði í Súdan hafa ekki verið í jafnmiklum erfiðleikum með að nálgast bágstadda í landinu síðan í ágúst 2003. Talið er að fimmtíu þúsund manns hafi þurft að flýja heimili sín í septembermánuði.