Lýðræði og frelsi bannorð í Kína

Kínverskir bloggarar fá skammir frá ritskoðurum ef þeir skrifa inn orð eins og „lýðræði“, „frelsi“ eða „mannréttindi“. Þeim er sagt að slíkt orðbragð sé bannað.

Tekið fyrir sölu á eBay

Uppboðsvefurinn eBay hefur ákveðið að stöðva sölu á miðum á Live 8 tónleikana sem haldnir verða í Lundúnum 2. júlí næstkomandi.

Kólerufaraldur í uppsiglingu

Yfir tvö þúsund manns hafa greinst með kóleru í Kabúl, höfuðborg Afganistans, undanfarnar vikur og segja erlendir heilbrigðisstarfsmenn að faraldur sé við það að brjótast út verði ekkert að gert.

Spennandi kosningar framundan

Allt útlit er fyrir afar spennandi lokaumferð líbönsku þingkosninganna á sunnudaginn. Óvæntur sigur Michel Aoun, fyrrverandi hershöfðingja, kom eins og köld vatnsgusa framan í and-sýrlensku flokkana sem búist hafði verið við að ynnu yfirburðasigur í kosningunum. Þeir reyna nú að ná vopnum sínum aftur.

Rafsanjani sigurviss

Talsverðar líkur eru á að enginn frambjóðandi fái hreinan meirihluta í fyrstu umferð írönsku forsetakosninganna sem fram fara 17. júní. Því er búist við að kjósa þurfi aftur í næstu viku á milli þeirra tveggja efstu. Slíkt hefur aldrei gerst áður í Íran.

Trausti lýst á stjórnina

Yfirgnæfandi meirihluti íraskra þingmanna lýsti yfir trausti á ríkisstjórn Ibrahim al-Jaafari en slík yfirlýsing var á dagskrá þingsins í gær.

Blóðugur dagur í Írak

Í það minnsta 27 fórust í tveimur sprengjuárásum í norðanverðu Írak í gær. Þá hafa fundist lík 24 manna sem bersýnilega höfðu verið teknir af lífi.

Hittir halastjörnuna þann 4. júlí

Bandaríska geimferðastofnunin ætlar að skjóta eldflaug á halastjörnuna Tempel-1 hinn 4. júlí. Búast má við miklu sjónarspili í geimnum.

Aubenas segir frá eldraun sinni

Frönsku blaðakonunni Florence Aubenas var um helgina sleppt úr fimm mánaða haldi mannræningja. Hún ræddi við blaðamenn á fundi í París í gær. Á meðal áheyrenda var Bergþór Bjarnason.

Rokkað með Mandela gegn eyðni

Nelson Mandela og alþjóðleg breiðfylking tónlistarstjarna þrýstu á ríkar þjóðir heims að leggja meira af mörkum til baráttunnar gegn eyðnisjúkdómnum og fátækt á góðgerðartónleikum í Tromsø í Norður-Noregi á laugardagskvöld.

10 létust og 80 særðust í Íran

Minnst tíu manns létust og meira en áttatíu særðust í sex sprengjuárásum í Íran í gær. Í borginni Ahvaz, sem er við landamæri Íraks, sprungu fjórar öflugar sprengjur fyrir utan ráðuneyti og aðrar byggingar stjórnvalda með þeim afleiðingum að nokkrir létust og tugir slösuðust.

Tvöfalt fleiri látnir í Kína?

Flóðbylgjan sem skall á barnaskóla í Kína á laugardaginn kann að hafa orðið allt að 200 manns að bana, einkum börnum. Frá þessu greindu kínverskir fjölmiðlar í morgun. Í nokkrum þeirra er fullyrt að minnst tvöfalt fleiri hafi látist en greint hafi verið frá hingað til.

Fimm létust í Kandahar

Að minnsta kosti fimm bandarískir hermenn létust og nokkrir særðust í sjálfsmorðsárás í borginni Kandahar í suðurhluta Afganistans í morgun. Árásarmaðurinn var í kyrrstæðum leigubíl sem sprakk í loft upp þegar bifreið hermanna fór fram hjá.

Frakkland vinsælasta landið

Frakkland er vinsælasti ferðamannastaður í heimi. Á síðasta ári komu tæplega áttatíu milljónir ferðamanna til Frakklands, eða meira en tuttugu milljónum fleiri en komu til Spánar sem er næstvinsælasta landið. Í þriðja sæti voru svo Bandaríkin en þangað komu ríflega fjörutíu milljónir ferðamanna á síðasta ári.

Bretar fái ekki afslátt hjá ESB

Frakkar beita nú Breta miklum þrýstingi til þess að fá þá til að falla frá afslætti af framlögum til Evrópusambandsins sem þeir hafa fengið frá 1984. Bretland var á þeim árum eitt af fátækari löndum ESB og fékk lítið í sinn hlut af landbúnaðarstyrkjum sem þá voru sjötíu og fimm prósent af fjárlögum sambandsins.

Ellefta eiginkona konungsins

Konungur Svasílands hefur gengið að eiga tvítuga jómfrú sem er ellefta eiginkona hans. Svasíland er sjálfstætt smáríki í Suður-Afríku. Maswati konungur er einvaldur í landi sínu og allir þegnarnir sitja og standa eins og hann vill.

Saddam vill réttarhöld í Svíþjóð

Saddam Hussein hefur krafist þess að réttað verði í máli hans utan Íraks og vill helst að það verði gert í Svíþjóð þar sem hann hefur áhuga á að afplána dóm, verði hann dæmdur til fangavistar.

Akstur kvenna skaðar ríkið

Innanríkisráðherra Sádi-Arabíu hefur brugðist ókvæða við tillögum um að leyfa konum að aka bílum. Ráðherrann segir að það myndi skaða konungsríkið.

Hindra barnaníðinga í Rússlandi

Lögregluyfirvöld í Svíþjóð, Noregi og Finnlandi starfa nú með lögreglunni í Rússlandi að því að hindra barnaníðinga í að misnota börn í Rússlandi. Rannsóknarlögreglan á Storskog-landamærastöðinni á landamærum Noregs og Rússlands hefur lengi haft grun um að dæmdir barnaníðingar ferðist til norðurhluta Rússlands í þeim tilgangi að misnota börn.

3000 föngum sleppt í S-Afríku

Yfirvöld í Suður-Afríku hafa gefið rúmlega þrjú þúsund föngum frelsi á þeim forsendum að þeir hafi verið endurhæfðir. Fréttaskýrendur segja að sum fangelsin hýsi allt að þrisvar sinnum fleiri fanga en þau hafi pláss fyrir með tilheyrandi loftleysi og plássleysi og umhverfið sé gróðastía nauðgana og ofbeldis.

Ók á 250 km hraða en sleppur

Þýskur methafi í hraðakstri verður huldumaður enn um sinn eftir að þýska lögreglan gafst upp á að hafa hendur í hári hans. Maðurinn náðist á myndband þar sem hann ók á 250 kílómetra á hraða á klukkustund á vélhjóli rétt fyrir utan Berlín.

Myndband birt af Saddam Hussein

Myndband þar sem Saddam Hussein sést í yfirheyrslum hefur nú verið gefið út af dómstólnum sem var sérstaklega skipaður til að fjalla um mál hans.

Sjálfsmorðsárás í Kasmír

Fimmtán létust og sextíu særðust í sjálfsmorðssprengjuárás í Kasmír í gær. Á meðal þeirra sem létust var fjórtán ára gamall piltur.

Rúandskir flóttamenn sendir heim

Ráðamenn í Búrúndí hafa sent nauðuga heim 3.600 flóttamenn frá Rúanda. Sameinuðu Þjóðirnar og samtökin Læknar án landamæra segja að yfirvöld í Búrúndí hafi meinað þeim aðgöngu að flóttamannabúðunum þar sem flóttamennirnir bjuggu áður.

Dræm kosningaþáttaka á Ítalíu

Ítalir kusu í gær og í fyrradag um það hvort slaka eigi á löggjöf um frjósemisaðgerðir. Kosningarnar voru hins vegar marklausar þar sem þátttaka var heldur dræm.

Þrjú tonn af kókaíni haldlögð

Spænska lögreglan lagði hald á þrjú tonn af kókaíni í dag sem fundust í bát sem var á leið til landsins. Nítján voru handteknir í aðgerðinni, þrír sem voru um borð í bátnum en hinir sextán voru handsamaðir á Suður- og Norðvestur-Spáni, grunaðir um að tengjast smyglinu.

Mladic að gefa sig fram?

Fjölmiðlar og mannréttindasamtök í Serbíu segja að Ratko Mladic hershöfðingi sé að semja við stjórnvöld um að gefa sig fram við stríðsglæpadómstólinn í Haag. Mladic stjórnaði persónulega aðgerðum í Srebrenitsa þar sem talið er að átta þúsund múslima hafi verið myrt.

Þjóðaratkvæðagreiðsla ógild

Þjóðaratkvæðagreiðsla um hvort milda eigi lög um gervifrjóvgun, á Ítalíu var ógild vegna ónógrar þátttöku. Kaþólska kirkjan, með Benedikt páfa í broddi fylkingar, barðist hart gegn því að lögunum yrði breytt og hvatti fólk til þess að sitja heima og kjósa ekki.

Jackson sýknaður af öllum ákæruatriðum

Kviðdómur sýknaði nú fyrir stundu Michael Jackson af öllum ákæruatriðum en Jackson var ákærður fyrir að hafa misnotað 13 ára dreng og gefið honum áfengi. Kviðdómur taldi Michael Jackson saklausan í öllum tíu atriðum ákærunnar. Michael Jackson gengur því frjáls maður úr dómhúsinu í Santa María í Kaliforníu.

Hryðjuverkamanna leitað stíft

Írakski herinn gerir nú hverja árásina af annarri á stöðvar hryðjuverkamanna. Það er þó ekkert lát á sprengjutilræðum í borgum landsins.

Enn eitt áfall ESB?

Útlit er fyrir að Evrópusambandið sé að verða fyrir enn einu áfallinu, að þessu sinni út af fjárlögum þess. Það eru langtímafjárlög Evrópusambandsins sem nú er deilt um.

Jackson er saklaus

Michael Jackson var í gær sýknaður af öllum ákæratriðum um að hafa misnotað þrettán ára gamlan pilt á búgarði sínum snemma árs 2003. Jackson mætti nokkuð seint í dómsalinn og sýndi engin svipbrigði þegar dómurinn var kveðinn upp.

Ný reikisstjarna fundin

Bandarískir stjörnufræðingar hafa fundið reikistjörnu sem er sú smæsta sem vitað er um utan okkar sólkerfis.

92 farast í flóði í Kína

Nú er ljóst að í það minnsta 92 fórust í skyndilegu aurflóði sem féll á barnaskóla í Shalan, Heilongjiang-héraði í Kína á föstudag. 88 þeirra sem létust voru lítil börn sem komust ekki út úr kennslustofu sinni þegar flóðbylgjan skall á skólanum.

Aoun kom sá og sigraði

Þriðja og næstsíðasta umferð þingkosninganna í Líbanon var haldin í fyrradag. Flokkum maroníta og sjía vegnaði ágætlega en kosið var í austur- og miðhluta landsins. Flokkar sem börðust gegn áhrifum Sýrlandsstjórnar eru með sterk ítök á þessu landsvæði en fyrir fram var búist við því að þeir færu með öruggan sigur af hólmi.

Blair og Pútín funda

Tony Blair, forsætisráðherra Bretlands, sótti Vladimir Pútín, Rússlandsforseta, heim í gær. Niðurfelling skulda þróunarlandanna og umhverfismál voru þar ofarlega á baugi. Í kjölfar fundarins hélt svo Blair til Þýskalands þar sem hann hitti Gerhard Schröder, kanslara.

Felldu 40 uppreisnarmenn í V-Írak

Fjörutíu manns létust í loftárás Bandaríkjahers í Vestur-Írak í gær. Hernaðaryfirvöld segja mennina hafa verið uppreisnarmenn sem ógnuðu óbreyttum borgurum. Á svæðinu, sem er við landamæri Sýrlands, hefur andspyrna uppreisnarmanna verið gríðarleg. Bandaríkjamenn notuðu hvort tveggja flugvélar og þyrlur vð árásina.

Franskri blaðakonu sleppt í Írak

Franskri blaðakonu og íraskum ökumanni hennar hefur verið sleppt úr haldi mannræningja í Írak. Þeirra hefur verið saknað í fimm mánuði. Blaðakonunni Florence Aubenas var ásamt ökumanninum Hussein al-Saadi rænt fyrir utan hótel í Bagdad í byrjun janúar. Í mars sendu mannræningjar myndband af Aubenas sem sýndi hana illa á sig komna og biðja um hjálp.

Lestarslys vegna sprengju á teinum

Tólf manneskjur slösuðust í lestarslysi í Rússlandi í morgun. Lestin var á leið frá Tsjetsjeníu til Rússlands. Að sögn lestarstjórans sprakk sprengja á lestarteinunum sem varð þess valdandi að lestin fór út af sporinu. Enginn hefur enn lýst sig ábyrgan fyrir sprengjutilræðinu.

Gruna uppreisnarmenn um tilræði

Grunur leikur á að tsjetsjenskir uppreisnarmenn beri ábyrgð á sprengingunni á brautarteinum í Rússlandi í morgun sem varð þess valdandi að farþegalest fór út af sporinu. Fimmtán slösuðust, meðal annars 18 mánaða stúlkubarn sem hlaut alvarleg brunasár. Lestin var á leið frá Tsjetsjeníu til Moskvu.

87 börn látin eftir flóð í Kína

Björgunarmenn hafa fundið lík 87 barna sem drukknuðu þegar flóðbylgja reið yfir barnaskóla í Heilongjiang-héraði í norðaustur Kína í fyrrakvöld. Fjórir fullorðnir hafa fundist látnir eftir hamfarirnar en fjölda er saknað. Þá eru á þriðja tug á spítala eftir að hafa slasast í flóðinu; enginn þeirra er þó í lífshættu.

Ítalir kjósa um frjósemislög

Ítalir ganga nú til þjóðaratkvæðagreiðslu til að skera úr um hvort fella eigi úr gildi lög sem setja hömlur á frjósemisaðgerðir. Vatíkanið hefur tekið fullan þátt í kosningaherferðinni.

20 Írakar teknir af lífi

Lögregla í Bagdad greindi frá því í dag að hún hefði fundið lík af 20 mönnum sem teknir höfðu verið af lífi á skotæfingasvæði hersins í austurhluta borgarinnar. Líkin fundust á föstudag og samkvæmt lögreglunni virðast þau hafa verið í nokkurn tíma á staðnum þar sem þau fundust. Ekki er ljóst hverjir hinir látnu voru en fólkið hafði verið bundið og skotið í höfuðið af stuttu færi.

Kona skipuð ráðherra í Kúveit

Kona var í fyrsta sinn skipuð ráðherra í ríkisstjórn Kúveits í dag. Massouma al-Moubarak var skipuð ráðherra skipulagsmála en hún mun einnig stjórna þróunarmálum í stjórnsýslu Kúveits. Moubarak er stjórnmálafræðiprófessor við Kúveitháskóla en hún hefur lengi barist fyrir réttindum kvenna í landinu. Kúveit verður með þessu þriðja landið á Persaflóasvæðinu til að skipa konu í ríkisstjórn.

Sprengjutilræði í Suðvestur-Íran

Að minnsta kosti átta létust og 36 særðust, þar á meðal konur og börn, þegar fjórar sprengjur sprungu við stjórnarbyggingar í olíubænum Ahvaz í suðvesturhluta Írans í dag. Sprengjurnar sprungu á tveggja klukkustunda tímabili og mistókst sprengjusérfræðingum að aftengja fjórðu sprengjuna eftir að hinar þrjár höfðu sprungið.