Chirac í kröppum dansi

Jacques Chirac, forseti Frakklands, rær nú öllum árum að því að sannfæra landa sína um að leggja blessun sína yfir stjórnarskrá Evrópusambandsins.

Enginn neyðarútgangur á hóteli

Tíu börn eru meðal þeirra sem fórust þegar hótel í París brann til kaldra kola í nótt. Enginn neyðarútgangur var á hótelinu og eldurinn læsti sig í stigaganginn svo fjöldi fólks hafði enga undankomuleið.

Vonarstjarna almennra flokksmanna

Helle Thorning-Schmidt er fyrsta konan til að leiða danska jafnaðarmannaflokkinn og um leið fyrsta konan í sögu danskra stjórnmála sem á raunhæfan kost á að verða forsætisráðherra. Hún hyggst færa stefnu flokksins nær miðju.</font /></b />

Grátbað um að lífi sínu yrði þyrmt

Að minnsta kosti ellefu manns létust og um tuttugu særðust þegar tvær bílsprengjur sprungu í námunda við græna svæðið í Bagdad um klukkan sex í morgun. Sjónvarpsstöðin al-Jazeera birti í gær myndir af bandarískum ríkisborgara sem írakskir uppreisnarmenn rændu á mánudaginn. Hann grátbað um að lífi sínu yrði þyrmt

Beita neitunarvaldi gegn Ratzinger

Meirihluti bandarísku og þýsku kardinálanna sem mega kjósa nýjan páfa munu beita neitunarvaldi gegn því að Joseph Ratzinger, þýski kardinálinn sem rekið hefur Vatíkanið undanfarin ár, verði næsti páfi. Þetta segir ítalska dagblaðið <em>La Repubblica</em>.

Rassía hjá þýsku lögreglunni

Þýska lögreglan gerði húsleit í þrjátíu byggingum í morgun í leit að íslömskum hryðjuverkamönnum og stuðningsmönnum þeirra. Ekki verður gefið upp fyrr en á hádegi hver árangurinn var en í svipaðri aðgerð í janúar voru 22 handteknir fyrir ýmis konar stuðning við hryðjuverkahópa.

Átta fótboltabullur handteknar

Átta stuðningsmenn ítalska liðsins Juventus voru handteknir í gær eftir að hafa ráðist með hafnaboltakylfu á stuðningsmann enska liðsins Liverpool. Þá reyndu stuðningsmenn ítalska liðsins einnig að ráðast að rútu sem í voru Englendingar á leið á leikinn.

Chirac reynir að sannfæra Frakka

Jacques Chirac Frakklandsforseti mun í kvöld taka þátt í sjónvarpskappræðum með áttatíu frönskum ungmennum þar sem fjallað verður um stjórnarskrá Evrópusambandsins. Chirac mun reyna að koma þeim skilaboðum til þjóðarinnar að hún verði að samþykkja stjórnarskrána í lok maí.

Páfi í dýrlingatölu?

Kaþólikkar í Póllandi róa nú að því öllum árum að reyna að koma Jóhannesi Páli páfa II í dýrlingatölu. Síðan páfinn lést hefur Vatíkaninu borist þúsundir bréfa frá Póllandi þar sem fullyrt er að hann hafi búið yfir óvenjulegum lækningamætti. Höfundar bréfanna rekja í þeim fjölda dæmisagna af kraftaverkum páfans.

Styrkja kjarnorkuvarnir sínar

Norður-Kórea segist ætla að styrkja kjarnorkuvarnir sínar vegna fjandsamlegrar afstöðu Bandaríkjanna til landsins, að sögn Itar-Tass fréttastofunnar.

Eina stjórnarandstaðan í Bretlandi

Frjálslyndir demókratar í Bretlandi hófu kosningabaráttu sína í dag með því að lýsa því yfir að þeir væru eina raunverulega stjórnarandstaðan í landinu. Demókratarnir voru einir stóru flokkanna á móti innrásinni í Írak.

Mikil spenna vegna geimskotsins

Mikil spenna ríkir hjá Geimferðastofnun Bandaríkjanna vegna fyrirhugaðrar ferðar geimferjunnar Discovery um miðjan næsta mánuð. Geimskot hennar verður fyrsta mannaða geimferð Bandaríkjanna síðan Kólumbía fórst í lendingu árið 2003.

Dæmdur fyrir árásina í Atlanta ´96

Hægrisinnaður öfgamaður í Bandaríkjunum viðurkenndi í gær fyrir dómi að hafa staðið fyrir sprengjuárás á Ólympíuleikunum í Atlanta árið 1996, auk þriggja annarra árása á árunum 1996-1998. Tveir létust í árásunum og meira en eitt hundrað manns særðust.

Hyggja ekki á hernaðaraðgerðir

Ariel Sharon, forsætisráðherra Ísraels, hefur tjáð bandarískum embættismönnum að Ísraelar hyggi ekki á hernaðaraðgerðir gegn Írönum til að koma í veg fyrir að þeir eignist kjarnorkuvopn.

1,4 milljarðar vegna Helfararinnar

Alríkisdómstóll í New York dæmdi í gær svissneskan banka til að greiða fjórtán ættingjum tveggja fórnarlamba Helfararinnar 1,4 milljarða króna eftir áralöng málaferli.

Landamæraeftirlit ESB í Póllandi

Höfuðstöðvar Landamæraeftirlits Evrópusambandsins verða í Póllandi. Þetta verður fyrsta Evrópusambandsstofnunin með höfuðstöðvar í einu hinna tíu nýju ríkja sambandsins.

Neyðarfundur á Ítalíu

Ríkisstjórn Silvios Berlusconis, forsætisráðherra Ítalíu, er í kreppu. Neyðarfundur var haldinn í dag en ríkisstjórnarflokkarnir töpuðu miklu fylgi í héraðskosningum í síðustu viku.

Líkið af Norrænum manni

Ekki hefur enn tekist að bera kennsl á karlamannslík sem fannst sundurhlutað í miðborg Stokkhólms fyrir skemmstu. Það er talið vera af norrænum manni.

Stolin forrit fyrir milljarða

Sjö menn hafa verið dæmdir til fangelsisvistar í Danmörku fyrir stórfelldan stuld á tölvuforritum. Er talið að þeir hafi hagnast um milljarða króna.

Hermennirnir saklausir?

Bandarísku hermennirnir sem skutu ítalska leyniþjónustumanninn Nicola Calipari til bana og særðu blaðakonuna Giuliönu Sgrena, bera ekki ábyrgð á því hvernig fór. Þetta hefur bandaríska sjónvarpsstöðin NBC eftir heimildarmönnum að sé niðurstaða ítalsk-bandarískrar rannsóknarnefndar sem er í þann mund að ljúka störfum.

Veirunni eytt

Rannsóknarstofur um allan heim eru nú að eyða banvænni flensuveiru sem var send til þeirra fyrir misskilning. Veiran olli heimsfaraldri árið 1957 og kostaði þá fjórar milljónir manna lífið.

Tíu þúsund bófar gómaðir

Á aðeins einni viku hafa lögreglusveitir um gervöll Bandaríkin klófest 10.340 glæpamenn sem voru eftirlýstir fyrir margvísleg brot.

Tíu þúsund bófar gómaðir

Á aðeins einni viku hafa lögreglusveitir um gervöll Bandaríkin klófest 10.340 glæpamenn sem voru eftirlýstir fyrir margvísleg brot.

Drottningin varar við trúaröfgum

Margrét Þórhildur Danadrottning segir í nýútkominni ævisögu sinni að Danir verði að sporna við uppgangi heittrúaðra múslima í landinu.

Drottningin varar við trúaröfgum

Margrét Þórhildur Danadrottning segir í nýútkominni ævisögu sinni að Danir verði að sporna við uppgangi heittrúaðra múslima í landinu.

Í stríði gegn fóstureyðingum

Dómstóll í Atlanta í Georgíuríki hefur dæmt Eric Rudolph í ferfalt lífstíðarfangelsi fyrir fjögur sprengjutilræði, þar á meðal sprengingu í almenningsgarði rétt fyrir Ólympíuleikana 1996.

3.000 hjónabönd ógilt

Hæstiréttur Oregonríkis í Bandaríkjunum hefur ógilt næstum 3.000 hjónabönd samkynhneigðra.

Hryðjuverkamenn herða árásir sínar

Hryðjuverkamenn í Írak virðast vera að herða árásir sínar en verulega hafði dregið úr þeim eftir þingkosningarnar í landinu. Fjölmargar skotárásir og sprengjutilræði voru gerð í Írak í dag og státa al-Qaida hryðjuverkasamtökin af því að bera ábyrgðina.

Dæmdir fyrir mútugreiðslur

Bandarískur alríkisdómstóll hefur ákært Breta, Búlgara og Bandaríkjamann fyrir misferli í tengslum við olíusöluáætlun Sameinuðu þjóðanna í Írak.

Síðbúin stefnuskrá frjálslyndra

Breskt herlið verður kallað heim frá Írak í byrjun næsta árs ef frjálslyndir demókratar komast í valdastöðu. Flokkurinn kynnti stefnuskrá sína fyrir þingkosningarnar í gær, síðastur stóru flokkanna.

Málverk af pyntingunum í Írak

Hinn heimsfrægi kólumbíski listmálari, Fernando Botero, hefur málað fimmtíu mynda röð af misþyrmingum fanga í Abu Ghraib fangelsinu í Írak. Botero, sem er einn af ríkustu listamönnum heims, er best þekktur fyrir myndir sínar af þybbnu fólki í friðsælu umhverfi. Fyrir vikið virka myndir hans úr fangelsinu enn sterkari og hrottalegri.

Næsti páfi ítalskur?

Talið er líklegt að margir kardinálar kaþólsku kirkjunnar muni leggja áherslu á að næsti páfi verði ítalskur. Kjör nýs páfa hefst á mánudaginn.

Ófriðarbálið í Írak magnast á ný

Átján manns biðu bana og 36 særðust þegar tvær bílsprengjur sprungu nálægt skrifstofum innanríkisráðuneytisins í Bagdad í gærmorgun. Al-Kaída í Írak kveðst bera ábyrgð á tilræðunum.

Níu létust í sprengingu

Níu manns féllu í valinn og fjórir særðust þegar bílsprengja sprakk nærri borginni Kirkuk í Írak í morgun. Allir þeir sem létust voru starfsmenn olíufyrirtækis í nágrenninu. Sprengjan sprakk þegar öryggisverðir fyrirtækisins reyndu að aftengja hana.

25.000 hafa yfirgefið heimili sín

Meira en tuttugu og fimm þúsund manns hafa þurft að yfirgefa heimili sín á eyjunni Súmötru á Indónesíu vegna virkni í eldfjallinu Talang. Í morgun voru eldglæringar í fjallinu og eins urðu enn á ný nokkrir litlir jarðskjálftar á svæðinu. Búist er við að enn fleiri íbúar verði fluttir burt frá nágrenni fjallsins þegar líða tekur á daginn.

Ákærðir fyrir ætluð hryðjuverk

Yfirvöld í Bandaríkjunum hafa ákært þrjá Breta fyrir að hafa lagt á ráðin um stórfelldar hryðjuverkaárásir í New York, New Jersey og Washington á árunum 2000 og 2001. Mennirnir þrír hafa verið í haldi í Bretlandi síðan í ágúst á síðasta ári þar sem þeirra bíða sambærilegar ákærur og í Bandaríkjunum.

Banvæn veira send fyrir mistök

Fjögur þúsund rannsóknarstofum í átján löndum hefur verið gert að eyða sýnishornum af banvænni inflúensuveiru sem rannsóknarstofunum voru send fyrir mistök. Veiran varð fjórum milljónum manna að bana í lok sjötta áratugar síðustu aldar en hennar hefur ekki orðið vart síðan árið 1968.

Sambærilegt falli Berlínarmúrsins

Fall styttu Saddams Husseins í Bagdad fyrir tveimur árum er sambærilegt falli Berlínarmúrsins, að mati George Bush Bandaríkjaforseta. Á fundi með bandarískum hermönnum í Texas í gær sagði Bush að talað yrði um fallið á styttu Saddams í Bagdad í sömu andrá og fall Berlínarmúrsins þegar fram líða stundir.

Ráðherrann lenti í lífshættu

Helen Clark, forsætisráðherra Nýja-Sjálands, er illa blá og marin eftir að flugvél hennar lenti í svo mikilli ókyrrð að henni þurfti að nauðlenda. Hurð flugvélarinnar fauk upp í átta þúsund feta hæð.

Þunglyndi eins og blóðþrýstingur?

Læknar í New York bjóða fólki nú upp á að svara einföldum spurningalista sem á að segja til um hvort viðkomandi eigi á hættu að verða þunglyndur. Vonast er til að með tíð og tíma líti fólk þetta svipuðum augum og að láta athuga í sér blóðþrýstinginn eða kólesterólmagn í blóði.

Aðgangur að legstaðnum opnaður

Aðgangur að legstað Jóhannesar Páls páfa II, í grafhvelfingunni í kjallara Péturskirkjunnar í Róm, var opnaður í morgun. Þeir fyrstu mættu í röðina í nótt en hún hefur gengið hratt þar sem bannað er að stoppa við legstaðinn og harðbannað er að skilja eftir blóm eða annars konar gjafir.

Sex grunaðir um mansal í Svíþjóð

Saksóknari í Svíþjóð hefur farið fram á gæsluvarðhaldsúrskurð yfir sex mönnum sem eru grunaðir um mansal og fíkniefnabrot í Norrköping. Útlenskar konur hafa verið fluttar inn til að stunda vændi. Saksóknarinn segist telja að málið tengist alþjóðlegri glæpastarfsemi.

Rúmenía og Búlgaría í ESB

Rúmenía og Búlgaría munu verða fullgildir meðlimir Evrópusambandsins 1. janúar árið 2007, ef allt gengur eftir. Evrópuþingið samþykkti þetta í dag.

Blair kynnir loforð sín

Skoðanakannanir sýna að breski Verkamannaflokkurinn muni sigra auðveldlega í kosningunum 5. maí. Tony Blair kynnti stefnuskrá flokks síns í gær þar sem hamrað var á stöðugleika í efnahagsmálum.

Ráðgerði eiturefnaárás

Sakadómur Lundúnaborgar hefur dæmt alsírskan flóttamann fyrir samsæri um að fremja eiturefnaárás gegn almenningi.