Þörf á menningarlegri fjölbreytni

Mótun pólitískrar stefnu sem viðurkennir menningarlegan fjölbreytileika ríkja er ekki aðeins ákjósanleg stefna heldur beinlínis nauðsynleg í nútímasamfélögum. Þetta er meðal þess sem kemur fram í skýrslu Þróunaráætlunar Sameinuðu þjóðanna um menningarlegan fjölbreytileika í ríkjum heims í dag.

Öryggisráðið fundar um múrinn

Öryggisráð Sameinuðu þjóðanna mun síðar í dag fjalla um ályktunartillögu þar sem Ísraelsríki er skyldað til að fara að úrskurði Alþjóðadómstólsins í Haag þess efnis að rífa beri hluta öryggismúrsins sem skilur að Ísraela og Palestínumenn.

OPEC-ríkin auka olíuframleiðslu

OPEC-ríkin ætla að auka olíuframleiðslu sína frá og með 1. ágúst. Óvíst var hvort af aukningunni yrði vegna nokkurrar verðhjöðnunar fyrr í mánuðinum en nú segja talsmenn OPEC að 500 þúsund föt verði framleidd aukalega á hverjum degi.

Skelfilegt ástand í Chad

Alvarleg vannæring hrjáir eitt af hverjum þremur börnum sem halda til í flóttamannabúðum í Chad eftir flótta frá Darfúr-héraði í Súdan. Ástandið þar versnar sífellt og svo virðist sem mannúðaraðstoð sé ekki nema dropi í hafið.

Martha Stewart fær 5 mánuði

Bandaríska kaupsýslu- og sjónvarpskonan Martha Stewart var dæmd í fimm mánaða fangelsi fyrir að ljúga til um hlutabréfaviðskipti í New York í dag. </font />

Réttarhöldum Milosevic frestað

Vörn Slobodans Milosevic, fyrrverandi forseta Júgóslavíu, í réttarhöldunum yfir honum fyrir stríðglæpadómstólnum í Haag hefur aftur verið frestað, nú til 31. ágúst. Ástæðan er sögð vera heilsufar Milosevic en blóðþrýstingur hans er víst mjög hár þessa dagana.

Siniscalco settur ráðherra

Domenico Siniscalco mun verða settur efnahags- og viðskiptaráðherra Ítalíu í dag að því er Reuters-fréttastofan hefur eftir heimildarmönnum sínum innan ítölsku stjórnarinnar.

Yfirkennari skólans handtekinn

Yfirkennarinn í grunnskólanum í Kumbakonam á Indlandi, sem brann í morgun, hefur verið handtekinn. AP fréttastofan segir að a.m.k. 80 börn hafi látið lífið í eldsvoðanum og 100 liggi sár á sjúkrahúsi, þar af um 30 sem séu alvarlega slösuð. 

Strandaglópar á eyðieyju

Þrír ástralskir táningar syntu níu kílómetra að eyðieyju eftir að bát þeirra hvolfdi. Þaðan syntu þeir til annarrar eyjar þar sem þeir lifðu á kókósmjólk og ostrum í tæpa viku. 

Líf hundruð þúsunda í hættu

Þjóðarmorð og hungursneyð gætu leitt til dauða hundruð þúsunda í Darfur-héraði í Súdan. Íslensk kona, sem bjó um hríð í Súdan, segir ástandið hluta af víðtækari deilum í landinu sem eigi sér langa sögu.

Verkamannaflokkurinn fær á baukinn

Breski Verkamannaflokkurinn fékk á baukinn hjá kjósendum í aukakosningum sem fram fóru í gær. Innan flokksins hafa menn af því vaxandi áhyggjur að stríðið í Írak gæti reynst flokknum dýrkeypt í næstu kosningum.

A.m.k. 75 börn dáin í eldsvoða

Að minnsta kosti 75 börn létust í eldsvoða í grunnskóla á Indlandi í dag. 32 börn liggja slösuð á sjúkrahúsi. 300 börn voru í leikskóladeildinni á þriðju hæð skólahússins. 

Sex vikna hámark olíu

Olíuverð náði sex vikna hámarki í gær. Hráolíufatið kostaði 40 dollarar og 97 sent þegar lokað var á markaði í New York í gær. Meginástæðan er sú að olíubirgðir í Bandaríkjunum hafa snarminnkað, auk þess sem áhyggjur af olíuflæði frá Miðausturlöndum virðast ætla að vera viðvarandi.

Engin fyrirskipun um brotthvarf

Algjör óvissa ríkir enn um hvort og þá hvenær sveitir Filipseyinga í Írak yfirgefa landið. Mannræningjar sem halda filipseyska gíslinum Angelo de la Cruz hafa hótað að drepa hann hverfi sveitirnar ekki til síns heima fyrir tuttugasta þessa mánaðar.

Slitið sambandi við Ísrael

Ríkisstjórn Nýja Sjálands hefur slitið sambandi við ísraelsk stjórnvöld í kjölfar þess að tveir meintir ísraelskir njósnarar voru fangelsaðir fyrir að reyna að verða sér út um nýsjálensk vegabréf.

Borgarstjórnarkosningar í Englandi

Borgarstjórnarkosningar verða í tveimur borgum á Englandi í dag og segja stjórnmálaskýrendur að niðurstöður þeirra kosninga sýni betur en nokkuð annað stöðu Tonys Blairs og Verkamannaflokksins, daginn eftir að skýrsla Butlers lávarðar birtist.

Árásum linnir ekki

Árásum í Írak linnir ekki og nokkur fjöldi fólks fórst í árásum í morgun. Bílsprengja varð tíu að bana skammt norðvestur af Bagdad í morgun. Fjörutíu særðust í árásinni. Tvö börn voru meðal fallinna, auk fjölda lögreglumanna, en sprengjan sprakk utan við höfuðstöðvar lögreglunnar.

Segist koma heim bráðlega

Filipeyskur gísl, í Írak, hefur sent fjölskyldu sinni myndbandsspólu af sér, þar sem hann segist koma heim bráðlega. Hann þakkaði jafnframt ríkisstjórn Filipseyja fyrir að hraða brottflutningi hermanna sinna frá Írak.

Barroso stendur sig vel

Jose Manuel Durao Barroso, fyrrverandi forsætisráðherra Portúgal, er talinn hafa staðið sig með eindæmum vel á þeim tveim dögum sem hann hefur setið fyrir svörum hjá fulltrúum pólitískra fylkinga sem eiga sæti í Evrópusambandinu. Það er því talið nokkuð víst að hann taki við embætti forseta framkvæmdastjórnar Evrópusambandsins í næstu viku.

Dýr ólympíueldur

Ólympíukyndillinn er nú að ljúka ferð sinni um heiminn, fyrir setningu leikanna þrettánda ágúst. Hvar sem kyndillinn hefur komið hefur verið tekið á móti honum eins og þjóðhöfðingja. Bílalestar hafa ekið honum um miðborgir, öryggisgæslan hefur verið gríðarleg, og heil Boeing breiðþota var leigð til þess að flytja hann á milli landa. Kostnaðurinn ? Tveir og hálfur milljarður króna.

Þing verður sett í Brunei

Sóldáns og olíuríkið Brunei mun endurvekja þing sitt í fyrsta sinn síðan þing var rofið fyrir 20 árum. Soldánin Hassanal Bolkiah hefur stjórnað ríkinu frá árinu 1967 og gegnir stöðu forsætisráðherra, varnarmálaráðherra og fjármálaráðherra. Hann hefur ekki sagt hvort þingmenn verði kosnir eða skipaðir í sæti.

Höfuðlaust lík í Tígris

Höfuðlaust lík í appelsínugulum galla fannst í fljótinu Tígris í Írak í dag. Líkið hefur verið afhent bandaríska heraflanum en ekki hefur verið borið kennsl á það enn. Líklegt er talið að líkið sé af búlgörskum gísl, en myndband með afhöfðun hans var sent arabísku sjónvarpsstöðinni al-Jazeera fyrr í vikunni.

Kók vill málamiðlun

Coca Cola fyrirtækið hefur boðist til að gera verulegar breytingar á viðskiptaháttum sínum í Evrópu. Með því vonast fyrirtækið til að binda endi á rannsókn samkeppnismálayfirvalda Evrópusambandsins sem hefur staðið yfir í sex ár.

James Brown í Höllinni

James Brown heldur tónleika í Laugardalshöll 28. ágúst næstkomandi. Stefán Hjörleifsson, forsvarsmaður tónleikanna, segir að þau hjá fyrirtækinu tonlist.is og erlend umboðsskrifstofa hafi í sameiningu fengið Brown til þess að koma til landsins

Skapar frið á götum

Dönsk lögregluyfirvöld hafa heimild til að banna þekktum ofbeldismönnum aðgang að þekktum veitingahús- og næturklúbbahverfum í landinu.

Skapar frið á götum

Dönsk lögregluyfirvöld hafa heimild til að banna þekktum ofbeldismönnum aðgang að þekktum veitingahús- og næturklúbbahverfum í landinu.

Skapar frið á götum

Dönsk lögregluyfirvöld hafa heimild til að banna þekktum ofbeldismönnum aðgang að þekktum veitingahús- og næturklúbbahverfum í landinu.

Lýsti sig saklausan

Rússneski auðkýfingurinn, Mikhail Khodorkovsky, lýsti yfir sakleysi í öllum ákæruatriðum í dómssal í Moskvu í gær.

Uppsveifla í vopnasölu

Rússneskir vopnasalar eru himinlifandi en viðskiptin blómstra og skapar þessi iðnaður miklar tekjur fyrir landið. Sem fyrr eru það Kínverjar og Indverjar sem eru áhugasamastir um kaup af Rússum og er þá ekki eingöngu um tæki og tól að ræða heldur ennfremur tækni.

Eldsvoði skapar glundroða

Loka varð stórum hluta miðbæjar Madrid, höfuðborgar Spánar, um nónbil í gær braust út mikill eldsvoði í rafstöð einni sem staðsett er í þröngu húsasundi. Gríðarmikill svartur reykur gaus upp og fór rafmagn af mörgum af helstu ferðamannastöðum borgarinnar

Fjárhagsaðstoð æ algengari

Sá fjöldi ungs fólks í Bretlandi sem lent hefur í alvarlegum fjárhagsvandræðum og þurft á hjálp að halda hefur tífaldast á síðustu tveimur árum.

Kveikt í barni

Lögregla í bænum Minto í Ástralíu leitar nú tveggja stúlkna sem gerðu sér lítið fyrir og kveiktu í níu ára stelpu í almenningsgarði í gær.

Lífslíkur þverrandi í sumum löndum

Lífslíkur fólks í mörgum ríkjum Afríku eru komnar niður í 33 ár og hafa minnkað til muna vegna alnæmisfaraldursins sem leikur ýmsar þjóðir afar grátt. Þetta eru niðurstöður skýrslu Þróunarstofnunar Sameinuðu þjóðanna sem kynnt var fyrir skemmstu. Kemur fram að í 20 ríkjum heimsins fara lífsskilyrði stöðugt versnandi.

Herör gegn ólöglegum lyfjum

Tæplega 150 manns voru handteknir á Spáni eftir eina stærstu samhæfðu aðgerð spænskra lögregluyfirvalda gegn ólöglegum lyfjum.

Innflytjendur á glapstigum

Meirihluti er fyrir því á danska þinginu að láta kanna ástæður þess að innflytjendur lenda hlutfallslega mun oftar í fangelsi en aðrir þegnar landsins.

Dýr myndi Hafliði allur

Þýskur karlmaður hefur kært unga konu sem starfar hjá erótískri símaþjónustu til lögreglu eftir að honum barst um hálfrar milljónar króna símreikningur vegna samtals við konuna sem stóð yfir næturlangt.

Ekkert framlag er of smátt

Nelson Mandela fyrrverandi forseti Suður-Afríku sendir ákall til ríkja heims, fyrirtækja og einstaklinga um framlög í baráttuna gegn alnæmi. Stefna Bandaríkjamanna hefur verið harðlega gagnrýnd á ráðstefnu um alnæmi.

Bráðnun jökla mikil ógnun

Margir vísindamenn búast við að íshellan yfir Grænlandi fari að bráðna verulega á þessari öld. Þegar og ef það gerist verður eina leiðin til að skoða London eða Los Angeles úr kafbáti. </font /></b />

Búlgarskur gísl tekinn af lífi

Skæruliðahópur í Írak, sem haft hefur tvo búlgarska gísla í haldi, drap í gær annan þeirra til að auka þrýsting á stjórnvöld í Búlgaríu að kalla herlið sitt heim. Sjónvarpsstöðin al-Jazeera fékk myndbandsupptöku þar sem sést þegar maðurinn er skorinn á háls, en myndbandið var ekki sýnt.

Tíu farast við höfuðstöðvar

Að minnsta kosti tíu fórust í öflugri sprengingu við græna svæðið sem umlykur höfuðstöðvar Bandaríkjahers í Bagdad í morgun. Yfir fjörutíu slösuðust. Talið er að um bílsprengju hafi verið að ræða. Svo virðist sem sprengingin hafi orðið þar sem bílar bíða í röð eftir starfsfólki á græna svæðinu. Árásir á þeim stað eru mjög algengar, enda jafnan mikið af fólki á ferð þar á þessum tíma sólarhrings.

Samstarfsmaður gefur sig fram

Náinn samstarfsmaður Ósama bin Ladens til margra ára, Khaled al-Harby, gaf sig í gær fram við stjórnvöld í Sádi-Arabíu. Sádar segja þetta stórfréttir, en Bandaríkjamenn eru ekki jafn sannfærðir um að uppgjöf al-Harbys skipti nokkru eða að mikilvægar upplýsingar fáist frá honum.

Stórfelldir gallar á upplýsingum

Stórfelldir gallar voru á upplýsingum bresku leyniþjónustunnar um gereyðingavopaneign Íraka og stjórnvöld tóku upplýsingar alvarlegar en tilefni var til. Þetta kemur fram í nýrri skýrslu Butlers lávarðar sem byrjað var að kynna fyrir hálftíma síðan. Butler hóf að kynna skýrslu sína klukkan hálf tólf í dag, um hvort innrás Breta í Írak hafi verið byggð á vafasömum upplýsingum.

Tala látinna hækkar enn

Tala látinna vegna flóðanna í Suður Asíu hækkar enn. Þrjú hundruð hafa þegar látist og er búist við að ástandið versni enn frekar á næstu dögum. Brynja Þorgeirsdóttir. Þetta eru mestu rigningar og flóð á svæðinu í áratug.

Helmingur vinnur hjá hinu opinbera

Nær helmingur vinnuafls á Grænlandi er í starfi hjá hinu opinbera. Þetta kemur fram í Hagtölum Grænlands sem grænlenska útvarpið (KNR) greindi frá. Samkvæmt tölunum, sem eru frá árinu 2002, starfa um 47,5 prósent Grænlendinga við opinbera stjórnsýslu og þjónustu.

Einokun á áfengi ekki réttmæt

Framkvæmdastjórn ESB hefur komist að þeirri niðurstöðu að einokun ríkisins í Svíþjóð á áfengissölu stríði gegn viðskiptafrelsi innan ESB. Framkvæmdastjórn ESB telur að ekki megi  koma í veg fyrir að Svíar geti keypt vörur frá öðru ESB ríki.