Lýsti sig saklausan

Rússneski auðkýfingurinn, Mikhail Khodorkovsky, lýsti yfir sakleysi í öllum ákæruatriðum í dómssal í Moskvu í gær. Réttað er yfir honum vegna ákæru um skattsvik. Aðrir yfirmenn olíufyrirtækisins Yukos, sem er að meirihluta í eigu Khodorkovskys, sem einnig voru fyrir rétti, neituðu líka sök. Eru þetta fyrstu skref ákæruvaldsins en margir telja að Khodorkovsky sé fyrir rétti á fölskum forsendum þar sem hann hefur alla tíð barist gegn Pútin, forseta landsins, og sé að gjalda þess nú. Hann hefur boðist til þess að láta af hendi 44 prósenta hlut í fyrirtækinu sem hann ræður yfir til stjórnenda félagsins ef það mætti verða til þess að aflétta skattaskuld fyrirtækisins. Handtaka Khodorkovsky hefur valdið óróa á mörkuðum í Rússlandi og lækkað hlutabréf olíufélaga þar í landi þrátt fyrir gósentíð í greininni í kjölfar hækkunar olíuverðs. Krafa rússneskra stjórnvalda er að Yukos greið jafnvirði 240 milljarða króna í sekt.