Ýtti við yfirmanni Dróma og ruddist inn á heimilið

Ráðist var á yfirmann hjá Dróma á heimili hans í gær. Lögregla var strax kölluð til. Árásarmaðurinn er ósáttur viðskiptavinur sem taldi sig eiga harma að hefna. Hann sér eftir því að hafa farið heim til mannsins.

Jón Baldvin krefst þess að sjá umfjöllun Nýs Lífs - íhugar ella lögbann

Jón Baldvin Hannibalsson fyrrverandi ráðherra og sendiherra krefst þess að fá að sjá umfjöllun Nýs Lífs um hann sem birtist í nýjasta tölublaðinu sem kemur út á morgun. Hann segir ennfremur skýlausa kröfu að hann fái að svara fyrir sig í sama blaði. Ella íhugi hann að sækjast eftir lögbanni á dreifingu þess. Þetta staðfestir Þóra Tómasdóttir ritstjóri tímaritsins í samtali við fréttastofu en hún hefur ekki svarað kröfu Jóns Baldvins.

Halda minningu Ólafs á lofti á Rósenberg

Fíkniefni fundust í skrifstofuhúsnæði

Lögreglan á höfuðborgarsvæðinu fann 120 grömm af marijúana við húsleit í skrifstofuhúsnæði í Kópavogi í fyrradag en hluti þess var í söluumbúðum. Á sama stað var ennfremur lagt hald á 10 e-töflur. Húsráðandi, karl á þrítugsaldri, var yfirheyrður í þágu rannsóknarinnar en þess má geta að rýmið hafði verið innréttað sem íbúðarhúsnæði.

Reyndi að smygla stinningarlyfinu Kamagra til landsins

Rúmlega fimmtugur maður var dæmdur í Héraðsdómi Reykjavíkur í morgun fyrir tollalagabrot þegar hann kom hingað til lands með skipinu Arnarfelli, þar sem hann er bátsmaður, aðfaranótt miðvikudagsins 9. febrúar 2011.

Sýslumenn svara HH fullum hálsi

Stjórn Sýslumannafélags Íslands hefur sent frá sér yfirlýsingu þar sem fullyrðingum Hagsmunasamtaka heimilanna frá því í gær er svarað. Samtökin sögðu í gær að í ljósi nýgengins Hæstaréttardóms um ólögmæti vaxtaútreikninga gengistryggðra lána, hefðu sýslumenn sem framkvæmt hafa fjárnám, nauðungarsölur og gjaldþrotaúrskurði "á grundvelli slíkra ólögmætra útreikninga“ tekið sér dómsvald á meðan réttaróvissa ríkti. "þar með hafi þeir brotið stjórnsýslulög og jafnvel stjórnarskrá.“

Ráðist á starfsmann Dróma á heimili hans

Ráðist var á starfsmann Dróma á heimili hans í gærkvöldi. Starfsmenn fyrirtækisins eru slegnir og málið litið mjög alvarlegum augum.

Ákærðir fyrir tilraun til manndráps en neita sök

Allir mennirnir þrír sem ákærðir hafa verið fyrir tilraun til manndráps eftir skotárás í Bryggjuhverfinu í Reykjavík í nóvember í fyrra, neituðu sök í þeim ákærulið við þingfestingu málsins í Héraðsdómi Reykjavíkur nú fyrir stundu.

Steingrímur Sævarr sýknaður í meiðyrðamáli

Steingrímur Sævarr Ólafsson, ritstjóri vefmiðilsins Pressunnar, var í Héraðsdómi Reykjavíkur í dag sýknaður af ásökun um meiðyrði í garð Ægis Geirdal listamanns. Ægir fór fram á eina milljón í miskabætur frá ritstjóranum en dómarinn ákvað að hann skyldi í staðinn greiða Steingrími 180 þúsund krónur í málskostnað.

Grútaður fálki í Húsdýragarðinum

Starfsmenn Húsdýragarðsins í Reykjavík eru nú að undirbúa komu fálka, sem fannst ataður í grút skammt frá Grundarfirði í gær. Finnendur náðu að handsama hann og verður hann vistaður í hundabúri þar til hann kemur í Húsdýragarðinn. Að sögn Jóns Gíslasonar yfir dýrahirðis þar, verður reynt að gefa honum að éta áður en hann verður settur í bað með tilheyarndi sápu og ef allt gengur að óskum verður hann svo vistaður í nokkra daga í garðinum áður en honum verður sleppt. Ekki er vitað í hverskonar grút fálkinn lenti, en frengir hafa borist af grútarflekkjum við strendur Breiðafjarðar, sem raktir eru til dauðrar síldar.

Forrit finnur barnaníð í tölvum

Íslenskt fyrirtæki sem hannað hefur tölvuforrit sem nýtist lögreglu við rannsókn á ólöglegu myndefni hóf í gær samstarf við breskt fyrirtæki til að koma forritinu í notkun erlendis.

Hlýnun jarðar eykur raforkuframleiðslu Íslands um 20%

Aukið vatnsrennsli í ám og uppistöðulónum á Íslandi vegna hlýnunar jarðar mun auka raforkuframleiðsluna á Íslandi um 20% á árunum 2021 til 2050.

Lögreglan lýsir eftir 15 ára gömlum dreng

Lögreglan á höfuðborgarsvæðinu lýsir eftir Guðmundi Árnasyni, sem hvarf er hann var á ferð í Kópavogi, þann 17.02.2012 s.l. og er ekkert vitað um hvar hann er nú niðurkominn.

Rasisti á borði ákæruvalds

Mál yfirlýsts rasista sem réðst á fyrrverandi kennara sinn eftir deilur á Facebook hefur verið sent Ríkissaksóknara til ákærumeðferðar. Þar verður ákveðið fljótlega hvort maðurinn verður ákærður fyrir sérstaklega hættulega líkamsárás.

Tveir ofbeldisseggir teknir úr umferð

Tveir ofbeldisseggir voru teknir úr umferð á höfuðborgarsvæðinu í gærkvöldi og í nótt.

Loðnugangan rétt austan við Stokkseyri

Loðnan gengur nú hratt vestur með Suðurströndinni og eru skipin þessa stundina að veiða út af Knarraróssvita, rétt austan við Stokkseyri.

Reyndu að stela flöskum og dósum frá björgunarsveit

Lögreglan á Selfossi handtók tvo unga karlmenn á bakvið nýju björgunarmiðstöðina við Árveg, þar sem þeir voru að stela tómum flöskum og dósum, sem björgunarsveitin hefur safnað sér til fjáröflunar.

Hótar að fara fram á gjaldþrot Framsóknar

Sýslumaðurinn í Reykjavík gerði árangurslaust fjárnám hjá Framsóknarflokknum í Reykjavík á mánudaginn fyrir viku að kröfu JCDecaux á Íslandi, sem á og rekur velflest strætóskýli í Reykjavík.

Ofurölvi íslenskur sjómaður sendur heim frá Kanada

Íslenskur sjómaður sem var handtekinn ofur ölvi á bar í St. Johns á Nýfundnalandi í Kanada í fyrrakvöld, verður sendur heim til Íslands með fyrsta flugi, að sögn fréttavefsins Vocm.com.

Dómari bíður eftir sérstökum

Sex milljarða skaðabótamál slitastjórnar Glitnis, kennt við félagið Aurum Holding, á hendur stjórnendum bankans er nú í biðstöðu fyrir Héraðsdómi Reykjavíkur. Dómari vill vita hvað kemur út úr rannsókn sérstaks saksóknara á málinu áður en lengra verður haldið.

Neikvætt viðhorf til asískra kvenna algengt

Lítilsvirðing í garð asískra kvenna er áberandi í íslenskum fjölmiðlum, bókmenntum og kvikmyndum. Þetta er niðurstaða rannsóknar Cynthiu Trililani, meistaranema í menntunarfræðum í Háskóla Íslands. Í viðtali við Fréttablaðið segir Cynthia að Íslendingar séu gjarnir á að alhæfa um asískar konur. Hún kveðst tala út frá eigin reynslu og vinkvenna sinna.

200 milljarða króna sveifla í sjávarútvegi

Reikna má með að eigið fé sjávarútvegsins hafi verið um 100 milljarðar um áramótin og stefnir í að það nái 140 milljörðum í lok þessa árs, að mati Steingríms J. Sigfússonar, sjávarútvegs- og landbúnaðarráðherra. Það er viðsnúningur um 200 milljarða frá árslokum 2008 þegar það var neikvætt um 60 milljarða.

Þjóðin fái að kjósa um stjórnarskrána

Drög stjórnlagaráðs að nýrri stjórnarskrá verða borin undir þjóðaratkvæði samhliða forsetakosningum í sumar verði þingsályktunartillaga þess efnis samþykkt í dag.

Meirihlutinn tjáði sig ekki

Borgarfulltrúar meirihluta Besta flokksins og Samfylkingar vildu ekki tjá sig um verkefnisfjármögnun Hverahlíðarvirkjunar á fundi borgarstjórnar í gær.

Hrekkjalómur gerði á sig af hræðslu

Fjölskyldufaðir var í gær fundinn sekur um frelsissviptingu í Héraðsdómi Reykjavíkur og gert að greiða ellefu ára dreng hundrað þúsund krónur í bætur fyrir að valda honum miklu andlegu áfalli í janúar 2010. Drengurinn, þá níu ára, gerði dyraat heima hjá manninum að kvöldi til ásamt vini sínum. Maðurinn bar við yfirheyrslu hjá lögreglu að hann hafi verið orðinn langþreyttur á reglubundnu dyraati heima hjá sér undanfarna þrjá mánuði. Hann hafi því hlaupið út á sokkaleistunum, staðráðinn í að hafa hendur í hári pörupiltanna.

Tekist á um frávísun á hluta málsins

Tekist var á um frávísunarkröfu á atriði sem Guðlaugur Sigmundsson og eiginkona hans bættu við meiðyrðamálsókn sína á hendur Teiti Atlasyni kennara í Héraðsdómi Reykjavíkur á mánudag.

Hver maður borðar 10 kíló

Landsmenn borðuðu samtals 3.134 tonn af nautakjöti á síðasta ári samkvæmt samantekt Landssambands kúabænda. Það þýðir að hver Íslendingur borðaði að meðaltali tæp tíu kíló af nautakjöti á árinu.

Með fjóra bása í Kolaportinu

Fjölskylduhjálp Íslands verður með fjóra sölubása í Kolaportinu fyrstu þrjár helgarnar í mars. Tugir sjálfboðaliða munu selja þar notaðan og nýjan fatnað til styrktar starfinu.

Afhentu 38.000 undirskriftir

Stjórn Hagsmunasamtaka heimilanna (HH) fundaði með Ólafi Ragnari Grímssyni, forseta Íslands, á mánudag. Þar voru honum afhentar tæplega 38.000 undirskriftir til stuðnings kröfunni um leiðréttingu á stökkbreyttum lánum heimilanna og afnám verðtryggingar eða þjóðaratkvæðagreiðslu þar um.

Helmingi fleiri ferðamenn

Árið 2011 komu rúmlega helmingi fleiri ferðamenn til Ísafjarðar heldur en árið 2008. Þetta kemur fram í nýrri könnun sem Rannsóknir og ráðgjöf ferðaþjónustunnar vann fyrir Markaðsstofu Vestfjarða og greint er frá á vef Bæjarins besta.

Íslenskur sjómaður handtekinn í Kanada - ofurölvi á bar með tvo hnífa

Íslenskur sjómaður var handtekinn í bænum St. John á Nýfundnalandi í Kanada í gærkvöldi eftir að hann varð ofurölvi á bar þar í bæ og féll af stólnum sínum. Hann sýndi einnig af sér ógnandi hegðun gagnvart starfsmönnum barsins samkvæmt kanadíska fréttavefnum vocm.com.

Ögmundur: Þarf að fara varlega þegar auðmenn sveifla peningabúntum

"Við þurfum að fara varlega þegar auðmenn eru að veifa framan í okkur þykkum seðlabúntum,“ segir Ögmundur Jónasson innanríkisráðherra, spurður út í eignarhald erlendra aðila og fjárfesta á íslensku landi í útvarpsþættinum Reykjavík Síðdegis á Bylgjunni í dag. Sveitarfélagið Norðurþing íhugar að kaupa jörðina Grímsstaði á Fjöllum með láni frá Huang Nubo og leigja honum hana síðan. Sveitarfélagið myndi þá eiga jörðina á móti ríkinu sem á fjórðungshlut.

Djarfir öskudagsbúningar vekja hörð viðbrögð

Öskudagsbúningar sem seldir eru börnum og þykja djarfir hafa vakið hörð viðbrögð. Ráðskona í Femínistafélaginu segir þá endurspegla klámvæðingu í samfélaginu.

Mikill skortur á tækjum í skólastofur - sjálfir keypt skjávarpa

Grunnskólakennarar eru margir orðnir þreyttir á lélegum tækjabúnaði skólanna sem hefur verið að úreldast síðustu ár vegna sparnaðar. Dæmi eru um að kennarar hafi sjálfir keypt skjávarpa í kennslustofur vegna skorts á tækjum.

Segja ríkisstjórnina reyna að vinna stuðning Hreyfingarinnar

Þingmenn tókust á um hvernig ætti að fara með frumvarp stjórnlagaráðs um breytingar á stjórnarskránni á Alþingi í dag. Ríkisstjórnin var sökuð um að þrýsta málinu í gegn til að tryggja stuðning Hreyfingarinnar við stjórnina.

Kryddjurtir og karrý virka vel gegn elliglöpum

Vilhjálmur Ari Arason læknir var gestur í Reykjavík Síðdegis á Bylgjunni í dag. Hann ræddi um óhefðbundnar lækningar og fyrirbyggjandi áhrif kryddjurta og karrýs.

Fyrst Íslendinga til að ljúka doktorsprófi í músíkþerapíu

Valgerður Jónsdóttir lauk í nóvember síðastliðnum, fyrst Íslendinga, doktorsprófi í músíkþerapíu frá Álaborgarháskóla í Danmörku. Ritgerð hennar nefnist "Music-caring within the framework of early intervention. The lived experience of a group of mothers of young children with special needs, participating in a music therapy group“.

Flugstöðin orðin mikilvægasta vinnusvæði Suðurnesja

Flugstöðin á Keflavíkurflugvelli og næsta nágrenni hennar eru orðin stærsta vinnusvæði Suðurnesja og skapa allt að fimmtánhundruð manns atvinnu. Lengi vel stóð Leifsstöð heldur einmana uppi á Miðnesheiði en á seinni árum hafa aðrar þjónustubyggingar sprottið upp við hlið hennar.

Fékk nóg af dyraati - dæmdur fyrir að svipta dreng frelsinu

Karlmaður var dæmdur fyrir frelsissviptingu í Héraðsdómi Reykjavíkur í dag. Maðurinn elti uppi níu ára gamlan dreng sem hafði ítrekað gert dyraat heima hjá honum, og neyddi hann heim til sín í janúar árið 2010.

Skófar kom upp peningaskápaþjófa

Þrír karlar á þrítugsaldri hafa játað að hafa brotist inn á tveimur stöðum í austurborginni í fyrrinótt og stolið peningaskápum. Reyndar fóru þjófarnir tómhentir frá fyrri staðnum því ekki tókst þeim að opna peningaskápinn sem þar var að finna og eins reyndist hann vera of stór og þungur til að flytja á annan stað þar sem halda mætti verkinu áfram. Þrátt fyrir þetta neituðu mennirnir að gefast upp enda brotavilji þeirra mjög einbeittur. Þeir fóru því í beinu framhaldi og brutust inn hjá öðru fyrirtæki á svipuðum slóðum en þar var að finna tvo peningaskápa, öllu minni, sem mennirnir tóku með sér af vettvangi. Þessu næst var ekið á afvikinn stað og þar voru skáparnir brotnir upp en í þeim báðum var að finna reiðufé. Því var skipt bróðurlega á milli mannanna sem síðan héldu til síns heima.

Játar að hafa ætlað að flytja úrin úr landi

Marcin Tomasz Lech, sem er einn fjögurra Pólverja sem komu hingað til lands í október í fyrra til þess að ræna úraverslunina Michelsen við Laugaveg, játaði sinn þátt í ráninu fyrir dómara í Héraðsdómi Reykjavíkur í dag. Ríkissaksóknari krefst fimm ára fangelsis yfir honum.

Tekist á um breytingar meirihlutans á tillögu Þórs Saari

Hart var tekist á um það á Alþingi í dag hvort breytingartillaga meirihluta stjórnskipunar- og eftirlitsnefndar, á þingsályktunartillögu Þórs Saari um meðferð frumvarps stjórnlagaráðs til stjórnskipunarlaga, sé svo mikil að um nýja tillögu sé í raun að ræða. Þingmenn Sjálfstæðisflokks og Framsóknarflokks tóku málið upp áður en tillagan var tekin til annarar umræðu í dag. Meðal annars var gagnrýnt að ekki sé fyrir hendi kostnaðargreining í málinu.

Ópið fer á uppboð

Eintak af málverkinu Ópið eftir Edvard Munch fer á uppboð seinna á árinu. Talið er að málverkið fari á 80 milljón dollara eða um tíu milljarða króna.

Steingrímur: Hafði engin afskipti af ákvörðun stjórnar FME

Aðalsteinn Leifsson, stjórnarformaður Fjármálaeftirlitsins, gerði Steingrími J. Sigfússyni, efnahags- og viðskiptaráðherra, grein fyrir uppsagnarferli Gunnars Þ. Andersen á fundi í síðustu viku. Steingrímur segir að fundurinn hafi einungis verið í upplýsingaskyni og að hann hafi ekki haf afskipti af ákvörðun stjórnarinnar. Gunnar Bragi Sveinsson, þingmaður Framsóknarflokksins, spurði Steingrím um fundinn í óundirbúnum fyrirspurnum í dag. Steingrímur sagði í fréttum Stöðvar 2 á sunnudaginn að hann hefði frétt af uppsögn Gunnars Þ. Andersen í fjölmiðlum á föstudaginn en samkvæmt svari Steingríms á Alþingi í dag fundaði hann með stjórninni í sömu viku. Samkvæmt Steingrími var tilgangur fundarins með stjórn FME verið að greina honum og öðrum starfsmönnum í ráðuneytinu frá stöðu mála. Þar hafi honum verið tjáð að þetta ferli hafi verið í gangi í nokkurn tíma og verið væri að afla gagna frá lögmönnum. Þá hafi honum verið tjáð að þegar niðurstaða væri komin í málið yrði rætt við Gunnar og reynt að leysa málið. Hann þvertekur fyrir að hafa vitað af uppsögn forstjórans. Í svari sínu til Gunnars Braga undirstrikaði hann að Fjármálaeftirlitið væri sjálfstæð stofnun og færi með sín mál. "Ég fullyrði það að í þessum samskiptum okkar hefur algjörlega verið farið eftir því,“ sagði Steingrímur.

Ekkert nammi í Mosó fyrr en eftir hálf tvö

Öskudagurinn er á morgun og þá tíðkast víða að krakkar gangi á milli fyrirtækja og fái sælgæti eða aðra umbun fyrir söng. Í tilkynningu frá skólastjórnendum í Mosfellsbæ er bent á að þar í bæ sé kennsla í skólum til klukkan 13:20 á öskudag. Því séu börn sem komi fyrir þann tíma í fyrirtæki líklegast að skrópa í skólanum eða þá úr öðrum sveitarfélögum. Þeim tilmælum er því beint til fyrirtækja að þau gefi krökkum ekki sælgæti fyrr en eftir að skóla lýkur.