52% vilja Ólaf ekki í framboð

Tæplega helmingur landsmanna vill að Ólafur Ragnar Grímsson, forseti Íslands, gefi kost á sér fyrir fimmta kjörtímabilið í forsetakosningum sem fara fram á næsta ári, samkvæmt skoðanakönnun Fréttablaðsins og Stöðvar 2. Alls sögðust 47,6 prósent þeirra sem afstöðu taka í könnuninni vilja að Ólafur Ragnar bjóði sig fram að nú, en 52,4 prósent eru því andvíg.

Óviss stuðningur nýrra vina

Grétar Þór Eyþórsson stjórnmálafræðingur segir afstöðuna til forsetans, sem fram kemur í könnun Fréttablaðsins, ekki koma á óvart. Forsetinn hafi aflað sér margra vina í Sjálfstæðis- og Framsóknarflokki með notkuninni á málskotsréttinum, en eignast óvini í eigin röðum. Þessi hlutföll þurfi því ekki að koma á óvart, þjóðin skiptist til helminga í afstöðu til hans. „Hann er hins vegar umdeildur og hvergi nærri víst að það sé á vísan að róa ákveði hann að fara fram.“

Börn verða að læra að fara með peninga

„Fólk sem tekur lán til að greiða upp eldri lán er ekki með stjórn á fjármálum sínum. Þetta virðist algengt hér á landi,“ segir dr. Adele Atkinson, sérfræðingur Efnahags- og framfarastofnunarinnar (OECD).

Furðar sig á töfum málsins

Samningar hafa ekki tekist um sölu á eftirstandandi eignum þrotabús útgerðarfyrirtækisins Eyrarodda á Flateyri. Sigurður Pétursson, framkvæmdastjóri Arctic Fish, sem lagði fram tilboð í eignirnar í ágúst, segir furðu sæta að niðurstaða sé ekki komin í málið. Ekki náðist í skiptastjóra Eyrarodda í gær.

Segja samkynhneigð synd og fá ekki styrk

„Reglurnar bitna á okkur því við höfum þá skoðun að samlíf samkynhneigðra sé ekki gott og hollt fyrir okkur," segir Friðrik Schram, safnaðarprestur Íslensku Kristskirkjunnar, sem fær ekki fyrirhugaðan fjárstyrk frá Reykjavíkurborg vegna skoðana safnaðarins á samkynhneigð.

Þolinmæði lögreglumanna er á þrotum

Lögreglumenn á Suðurnesjum segja þolinmæði stéttarinnar vegna kjaramála á þrotum. Lögreglumenn hafa verið með lausa kjarasamninga í 283 daga.

Unglingur bætist í hóp ákærðu

Réttarhöldin í handrukkunarmálinu gegn tveimur liðsmönnum vélhjólagengisins Black Pistons tóku óvænta stefnu í gær þegar halda átti áfram aðalmeðferð þess í Héraðsdómi Reykjavíkur. Í ljós kom að fórnarlambið hafði bendlað þriðja manninn við hrottafengna árás á sig og hefur ákæra verið gefið út á hendur honum vegna málsins. Þriðji maðurinn er rétt tæplega sautján ára, og var áður á lista yfir vitni í málinu. Vitað var að hann hefði verið viðstaddur árásina á heimili eins hinna ákærðu, Ríkharðs Júlíusar Ríkharðssonar, forsprakka Black Pistons.

Misheppnaðar löggur og lögfræðingar

"Þetta er þessi lögfræðingur sem ætlar að tækla allt á amerískan hátt. Af því að hann veit ekki hvernig réttarkerfið er að virka nema úr bíómyndum. Það var þessi týpa sem eru í þessum þætti. Við erum að leika löggur sem eru alveg að misskilja,“ segir Bergur Ebbi Benediktsson, einn af þeim sem standa að baki Mið-Ísland þáttunum sem verða sýndir á Stöð 2 í vetur.

Fylgi ríkisstjórnarinnar hríðfellur

Fylgi við ríkisstjórnina hríðfellur en aðeins um fjórðungur landsmanna styður hana samkvæmt nýrri könnun Vísis, Stöðvar 2 og Fréttablaðsins.

Enginn ætti að þurfa að hugleiða sjálfsvíg

Fjögurra barna faðir, sem missti son sinn þegar hann fyrirfór sér, segir sjálfsvígið hafa skilið eftir margar spurningar og sektarkennd. Forvarnir gegn sjálfsvígum séu mikilvægar því engum eigi að líða svo illa að hann vilji ekki lifa. Benedikt Guðmundsson þekkir af eigin raun áhrif sjálfsvíga. Hann missti son sinn fyrir rúmum fimm árum. Hann var tuttugu og eins árs og segir Benedikt að það hafi verið mikið högg fyrir fjölskylduna. ,, Þetta skilur eftir margar spurningar og sektarkenndin og allt sem kemur í kjölfarið og allar spurningarnar. Þetta er nánast óbærilegt."

Forsætisráðherra ætlar að funda með forseta vegna gagnrýni hans

Forsætisráðherra ætlar að eiga orð við Ólaf Ragnar Grímsson, forseta Íslands vegna gagnrýni hans á ríkisstjórnina í erlendum fjölmiðlum. Hún segir fráleitt að ríkisstjórnin hafi látið beygja sig í Icesave-málinu.

Sameiningin snýst ekki um Jón Bjarnason

Forsætisráðherra segir fyrirhugaða sameiningu ráðuneyta ekki snúast um Jón Bjarnason heldur um að bæta stjórnarhætti. Hún segir það óskynsamlegt af honum að vera andsnúinn sameiningunni.

Jóhanna sækist eftir áframhaldandi formennsku

Jóhanna Sigurðardóttir forsætisráðherra mun bjóða sig fram aftur til formanns Samfylkingarinnar á landsþingi flokksins sem fram fer í næsta mánuði. Jóhanna tilkynnti þetta í pósti sem hún sendi flokksmönnum í Samfylkingunni í dag.

Yfirgnæfandi meirihluti samþykkir verkfallsboðun

Allsherjarverkfall hjá félagsráðgjöfum hjá Reykjavíkurborg vofir yfir. Kosning um boðun verkfallsins fór fram dagana 7. - 9 . september og í tilkynningu frá Félagsráðgjafafélagi Íslands segir að 83% félagsmanna hafi greitt atkvæði og af þeim 94% verfallsboðun.

Borgarafundur í Iðnó um stjórnarskrármálið

Hreyfingin stendur fyrir borgarafundi á mánudagskvöldið um tillögu stjórnlagaráðs að nýrri stjórnarskrá fyrir Ísland. Á fundinum verður spurt: „Viljum við að þjóðin fái að kjósa um tillöguna áður en Alþingi taki hana til efnislegrar meðferðar, svo vilji þjóðarinnar fari ekki á milli mála?“

Þolinmæði lögreglumanna vegna kjaramála á þrotum

Fjölmennur félagsfundur Lögreglufélags Suðurnesja var haldinn í gær en tilefni fundarins var að ræða veika kjaralega stöðu lögreglumanna. Í ályktun sem samþykkt var á fundinum er vakin athygli á því að lögreglumenn hafi verið kjarasamningslausir í 281 dag. Það sé með öllu óviðunandi.

Fundu landaverksmiðju í Kópavogi

Lögreglan uppgötvaði í morgun stóra landaverksmiðju í iðnaðarhúsnæði í Kópavoginum þegar glöggur lögreglumaður rann á lyktina af landanum. Um þúsund lítra af gambra var að ræða og 300 lítra af tilbúnum landa. Ómar Smári Ármannsson aðstoðaryfirlögregluþjónn segir ekki algengt í seinni tíð að verksmiðjur af þessu tagi finnist.

Chomsky fjallar um heimsmálin í Háskólabíó

Bandaríski málvísindamaðurinn og samfélagsrýnirinn dr. Noam Chomsky, öndvegisfyrirlesari Hugvísindasviðs, flytur í dag tvo fyrirlestra á vegum Hugvísindasviðs Háskóla Íslands. Chomsky kom til landsins í gær. Chomsky fundaði í morgun með Jóni Gnarr borgarstóra og eiginkonu hans en á hádegi flutti hann fyrirlestur á námskeiði um áhrif hugmynda hans á rannsóknir og umræðu í mannlegum fræðum. Námskeiðið er kennt á Hugvísindasviði Háskóla Íslands. Fyrirlestur dr. Chomskys fjallaði um málfræði og nefnist „The ´Generative Enterprise´: Its origins, goals, prospects" að því er fram kemur í tilkynningu frá Háskólanum.

Nota Facebook við rannsókn sakamála

Dæmi eru um að lögreglan hafi nýtt sér upplýsingar af samskiptavefnum facebook við lausn sakamála. Lögreglan hefur haldið úti facebook síðu í hátt í ár með góðum árangri.

Ekki alvarlega slasaður

Ökumaður mótórhjóls var fluttur á slysadeild eftir að hann missti stjórn á hjóli sínu á Nauthólsvegi í Reykjavík um klukkan níu í morgun. Samkvæmt upplýsingum frá lögreglu var maðurinn að taka fram úr þegar hann missti stjórnina á hjólinu. Hann lenti á ljósastraur og kastaðist út á götu. Vakthafandi læknir á slysadeild segir að maðurinn sé ekki alvarlega slasaður en verður þó í rannsóknum í dag á spítalanum.

Fíkniefnahundurinn Lúna fann spítt og gras

Tvö fíkniefnamál komu upp í Vestmannaeyjum í gærkvöldi. Þar voru tveir piltar um tvítugt teknir með fíkniefni þegar þeir komu með ferjunni Baldri, sem leysir nú Herjólf af.

Eldur í gaskút

Minnstu munaði að mikil sprenging varð í gagnvari Verne á Ásbrú í Reykjanesbæ í morgun þegar eldur kom upp í gaskúti. Slökkviliðið var kallað til og náði að ráða niðurlögum eldsins en súrefnisflaska sem var við hlið gaskútsins var orðin sjóðandi heit og hefði getað sprungið. Þetta kemur fram á vef Víkurfrétta. Vel gekk að ráð niðurlögum eldsins, sem var ekki mikill. Enginn slasaðist og engar skemmdir urðu á húsnæðinu.

Fyrrum sambýlismaður Sivjar neitar sök

Þorsteinn Húnbogason, fyrrverandi sambýlismaður Sivjar Friðleifsdóttur alþingismanns, segist saklaus af ákærum um brot á friðhelgi einkalífsins og brot á fjarskiptalögum. Ákæra gegn honum var þingfest í Héraðsdómi Reykjavíkur í morgun.

Skoða tillögur um byggingu unglingafangelsis

Velferðarráðherra skoðar um þessar mundir tillögur til úrbóta í barnaverndamálum. Eins og Vísir greindi frá um síðustu helgi hefur Barnaverndastofa sent ráðherranum geinargerð með tillögum til úrbóta.

Missti stjórn á mótórhjólinu

Ökumaður mótórhjóls var fluttur á slysadeild eftir að hann missti stjórn á hjóli sínu á Flugvallarvegi í Reykjavík um klukkan níu í morgun. Samkvæmt upplýsingum frá lögreglu er talið að maðurinn hafi hafnað utanvegar en ekki liggur fyrir hversu alvarlega hann er slasaður.

Kjósendur VG helst á móti kaupum Nubo

Stuðningsmenn Vinstri grænna skera sig frá öðrum með almennri andstöðu við að Huang Nubo fái að kaupa Grímsstaði samkvæmt nýrri skoðanakönnun Fréttablaðsins og Stöðvar 2. Meirihluti landsmanna vill heimila landakaupin.

Lögreglan auglýsir eftir bifreið

Bíl var stolið við Kaupvangsstræti á Akureyri laust fyrir klukkan tvö í nótt. Jakka eiganda bílsins var stolið skömmu áður inni á veitingastað við götuna og fann þjófurinn þar bíllykla og tók bílinn í kjölfarið. Bíllinn hefur ekki fundist og lýsir lögreglan eftir honum. Hann er með skráningarnúmerið BX-763 og er hvít Toyota Corolla.

Fékk að hlýja sér í fangaklefa

Einn gisti fangageymslu hjá lögreglunni á höfuðborgarsvæðinu í nótt en samkvæmt upplýsingum frá varðstjóra hafði maðurinn í engin hús að vernda og fékk að sofa úr sér inni í hlýjunni.

Meirihluti hlynntur Nubo

Meirihluti landsmanna er hlynntur því að leyfa kínverska kaupsýslumanninum Huang Nubo að kaupa stóra landareign á Grímsstöðum á Fjöllum, samkvæmt niðurstöðum skoðanakönnunar Fréttablaðsins og Stöðvar 2 sem gerð var í gærkvöldi.

Tappinn skrúfaður í flöskur Klettavatns

Framleiðsla á gosdrykkjum úr íslensku vatni undir merkjum Gosverksmiðjunnar Kletts í Reykjavík var lögð niður í ágúst og starfsfólk sent heim. Viðræður um endurfjármögnun fyrirtækisins standa nú yfir. Óvíst er hvenær viðræðum lýkur og framleiðsla kemst í gang á ný.

Ráðherra sakaður um afskipti af sölu

Þingmenn Sjálfstæðisflokksins kröfðust þess að fjármálaráðherra gæfi þeim munnlega skýrslu um aðkomu sína að kaupum Magma Energy á hlut Geysis Green Energy í HS Orku. Vitnuðu þeir í frétt Morgunblaðsins, þar sem segir að Steingrímur J. Sigfússon hafi verið í leynimakki vegna málsins.

Neyðaráætlun um Kvikmyndaskóla

Svandís Svavarsdóttir, starfandi mennta- og menningarmálaráðherra, hefur skipað hóp til að finna lausn á málefnum nemenda Kvikmyndaskóla Íslands.

Réttmæti neyðarlaganna í umræðu fyrir Hæstarétti

Málflutningur fór fram í gær fyrir Hæstarétti í máli almennra kröfuhafa í þrotabú gamla Landsbankans sem krefjast þess að innstæður á Icesave-reikningunum verði ekki metnar sem forgangskröfur í búið.

Skólasetning bíður nýrrar byggingar

Barnaskóli Hjallastefnunnar í Hafnarfirði hefur ekki verið settur formlega þar sem hús undir starfsemina er ekki tilbúið. Skólastarf er engu að síður hafið og nýbygging að rísa við hlið upprunalegs leikskóla Hjallastefnunnar.

Spítalinn verði austan Elliðaáa

„Það er gjörsamlega galið hvernig farið hefur verið með almannafé. Það hefur verið varið hátt í þrjú þúsund milljónum í vangaveltur um hönnun einstakra bygginga nýs Landspítala án þess að almennileg, forsvaranleg staðarvalsgreining hafi verið gerð.“

Kallað eftir forsætisráðherra

Stjórnarandstaðan fór mikinn á þingi í gær og kvartaði yfir því að Jóhanna Sigurðardóttir forsætisráðherra væri ekki viðstödd óundirbúinn fyrirspurnartíma ráðherra. Ragnheiður Ríkharðsdóttir, forseti Alþingis, útskýrði að forsætisráðherra væri upptekinn vegna komu erlendra ráðamanna. Það sló ekki á gagnrýni stjórnarandstöðunnar.

Sýni varúð með barnamyndir

Heimili og skóli – landssamtök foreldra og SAFT skora á alla skóla, frístundaheimili og aðra í íþrótta- og tómstundastarfi með börnum og unglingum að fara gætilega með ljósmyndir úr starfinu.

Ekki heimilt að krefjast veiða

Samtök íslenskra fiskimanna (SÍF) telja að ekki sé heimilt að krefjast þess að skip búi yfir aflaheimildum til þess að stunda fiskveiðar í atvinnuskyni, eins og segir í kvótafrumvarpi sjávarútvegs- og landbúnaðarráðherra. Þetta kemur fram í tilkynningu frá samtökunum.

Krefjast þess að Obama beiti Íslendinga viðskiptaþvingunum

Hópur umhverfisverndasamtaka krefjast þess að Barack Obama, forseti Bandaríkjanna, beiti Íslendinga viðskiptaþvingunum vegna hvalveiða Íslendinga. Þess er krafist að forsetinn tilkynni fulltrúadeild þingsins fyrir 17. september næstkomandi hvaða þvingana hann geti gripið til.

Ferðamaður slapp með skrekkinn

Danskur ferðamaður slapp með skrekkinn þegar hann velti bíl sínum nokkrar veltur á malarvegi á Rangárvallavegi, við Keldur á Rangárvöllum, í dag. Daninn steig ómeiddur úr flaki bílsins, sem lögreglan á Hvolsvelli telur ónýtan. Ekki er talið ólíklegt að ferðamaðurinn hafi verið á of mikilli ferð, að minnsta kosti miðað við aðstæður.

Staðgengli borgarstjóra fundið nýtt starfsheiti

Borgarráð samþykkti að stofnað verði nýtt embætti borgarritara. Samkvæmt tillögunni á borgarritari að hafa yfirumsjón með miðlægri stjórnsýslu og stoðþjónustu á vegum Reykjavíkurborgar. Hann á að vera staðgengill borgarstjóra og hafa aðsetur á skrifstofu hans.

Markmiðið að öll börn hafi aðgang að tannlæknaþjónustu

Guðbjartur Hannesson velferðarráðherra útilokar ekki að börnum tekjulágra verði áfram boðin ókeypis tannlæknaþjónusta á vegum ráðuneytisins og Háskóla Íslands. Tilraunaverkefni um slíkt fór fram í sumar og er ekki að fullu lokið. Tannlæknir sem var ósáttur við að börnunum væri boðin þessi þjónusta kærði málið til Samkeppniseftirlitið í sumar, en þeirri kæru var vísað frá í dag.

Innan við 10% kennara eru konur

Af áttatíu og fjórum kennurum við læknadeild Háskóla Íslands eru átta konur í kennaraliðinu og ein kona er prófessor við deildina. Konur sækja síður um stöður skólans segir dósent við læknadeild. Þá kenna mun færri konur en karlar í deildum verkfræði- og náttúruvísindasviðs.

Vilja að fjöldi ráðuneyta sé ákveðinn í lögum

Minnihlutinn í allsherjarnefnd leggst gegn þeirri tillögu sem kemur fram í lagafrumvarpi um stjórnarráð Íslands að forsætisráðherra ákveði hvaða ráðuneyti starfi á hverjum tíma fyrir sig í stað þess að slíkt sé ákveðið með lögum. Frumvarpið er nú til annarrar umræðu á Alþingi.

Stal bíl sem hann var að reynsluaka

Lögreglan á Suðurnesjum lýsir eftir bíl sem stolið var í Grindavík í dag. Sá sem fékk bílinn lánaðan til reynsluaksturs skilaði honum ekki á tilsettum tíma. Eigandinn kærði málið til lögreglu.