Fleiri fréttir

Lögreglan stöðvaði dópaða ökumenn

Lögreglan á Akureyri tók tvo ökumenn úr umferð í gærkvöldi og í nótt vegna aksturs undir áhrifum fíkniefna. Þá tók lögreglan í Borgarnesi konu úr umferð í gærkvöldi fyrir sömu sakir, þar sem hún var á leið í Hvalfjarðargöngin. Kannabisefni og kókaín fundust i fórum hennar.

Sóttu fasta ferðamenn

Björgunarsveitarmenn Landsbjargar á Flúðum sóttu í nótt tvo erlenda ferðamenn, sem fest höfðu bíl sinn á vegslóða á Hrunamannaafrétti, og komu þeim til byggða. Vegslóðinn er aðeins notaður við smalamennsku síðsumars og var hann vart fær vegna aurbleytu. Leiðangurinn gekk vel og sakaði engan.

Göngukona féll í klettabelti

Erlend göngukona féll og slasaðist þegar hún var á göngu í klettabelti við Vatnsfjörð á Barðaströnd í gærkvöldi.

Tveir enn á gjörgæslu eftir slysið í Víðidal

Tveir liggja enn á gjörgæsludeild Landsspítalans eftir þriggja bíla árekstur í Víðidal í gærdag, og tveir eru á almennri sjúkradeild. Aðrir hafa verið útskrifaðir og er engin þeirra alvarlega meiddur. Ekki fást nánari upplýsingar um líðan þeirra sem dvelja á gjörgæsludeildinni. Tildrög slyssins eru enn i rannsókn.

Gamall bíll tengdur við leka gasleiðslu

Á urðunarstöðinni á Álfsnesi má finna gamlan bílgarm sem líklegast getur státað af lengsta púströri í heimi. Þannig vill til að púströr bílsins hefur verið lengt og síðan tengt í gaslögn eina sem er um kílómetri að lengd.

Vitnuðu í siðareglur sem eru ekki til

Isavia hefur ekki sett sér siðareglur er varða birtingar auglýsinga í Leifsstöð, heldur er stuðst við siðareglur Sambands íslenskra auglýsingastofa. Þetta kemur fram í svari Björns Óla Haukssonar, forstjóra Isavia, við fyrirspurn Marðar Árnasonar þingmanns um auglýsingar dýraverndunarsamtakanna International Fund of Animal Welfare (IFAW).

Stofnunum hefur fækkað um fimmtán prósent

Alls hefur ríkisstofnunum og ráðuneytum fækkað um 30 síðan í ársbyrjun 2010, eða um 15 prósent. Þetta er samkvæmt áætlun ríkisstjórnarinnar um að fækka stofnunum um 60-80 til ársloka 2012. Alls voru stofnanir ríkisins 200 og því gert ráð fyrir fækkun um 30 til 40 prósent.

Gott að hitta gamla skólafélaga

Honum líkar vel og er alsæll. Hann er búinn að hitta gamla bekkjarfélaga og leikur sér við þá. Þetta gengur bara ofsalega vel,“ segir Óskar P. Friðriksson, afi Leifs Magnúsar, átta ára drengs í Vestmannaeyjum.

Bannað eiturefni í flugeldum

Efnagreiningar Umhverfisstofnunar sýna að flugeldar sem seldir eru hér á landi innihalda þrávirka eiturefnið hexaklórbensen (HCB). Efnið hefur verið bannað um langt skeið vegna alvarlegra áhrifa þess á umhverfið og heilsu manna.

Framtíð útgerðar á Flateyri að skýrast

Friðbjörn Garðarsson, þrotabússtjóri Eyrarodda á Flateyri, sem varð gjaldþrota þann 17. janúar síðastliðinn, segist bjartsýnn á að það takist að ganga frá sölu eigna fyrirtækisins innan fimmtán daga.

Landaði risalaxi í Aðaldalnum

Guðlaug K. Kristinsdóttir landaði 104 sentimetra hrygnu á Eyrinni á svæði eitt í Laxá í Aðaldal í gær. Laxinn var 49 sentimetrar í ummál og því líklega yfir 25 pundum að þyngd.

Nýjasti íbúi Húsdýragarðsins

Kálfurinn Gjafar er nýjasti íbúi Húsdýragarðsins, en hann er í hópi þess ungviðis sem nú hefur lagt garðinn undir sig. Þó hann sé fjörugur er talið ólíklegt að hans bíði starf sem þarfanaut garðsins.

Féll fram af klettum - flutt á spítala með þyrlu

Konan sem þyrla Landhelgisgæslunnar sótti í Vatnsdalsfjörð á Barðaströnd fyrr í kvöld er norskur jarðfræðingur en hún var að vinna að jurtasöfnun á svæðinu þegar hún féll fram af klettum.

Fimm Íslendingar á Ólympíuleikana í eðlisfræði

Fimm íslenskir framhaldsskólanemar halda til Taílands í lok vikunnar þar sem þeir munu keppa á Ólympíuleikunum í eðlisfræði, sem nú verða haldnir í 42. sinn. Leikarnir eru alþjóðleg keppni framhaldsskólanema en í ár taka þátt lið frá 86 löndum.

Bílslys: Þrír lagðir inn á spítala en átta á heimleið

Einn er alvarlega slasaður eftir bílslysið sem varð í Víðidal í Vestur-Húnavatnssýslu í dag. Ellefu manns voru fluttir á slysadeild, þar af níu með þyrlu en tveir með sjúkrabíl, eftir að slysið kom upp í dag. Samkvæmt upplýsingum frá slysadeild Landspítalans hafa þrír af hinum slösuðu verið lagðir inn en hinir eru á heimleið.

Barnslát: Móðirin ekki enn yfirheyrð

Konan sem er grunuð um að hafa skilið nýfætt barn sitt eftir í ruslagámi við Hótel Frón hefur enn ekki verið yfirheyrð. Hún verður væntanlega ekki útskrifuð af sjúkrahúsi fyrr eftir einn til tvo daga.

Lítil áhersla á Austurland í kynningarbæklingum

Of lítil áhersla er lögð á Austurland í kynningarbæklingum fyrir erlendra ferðamenn að mati ferðaþjónustuaðila á svæðinu. Gistihúsaeigandi segir að menn einblíni of mikið á suðvesturhorn landsins

Fleiri leita á fíknigeðdeild

Aðsókn að fíknigeðdeild Landspítalans hefur aukist um allt að tíu prósent á árinu. Geðlæknir telur það til marks um vaxandi vímuefnavanda í þjóðfélaginu.

Engir lyfjapennar á Íslandi - ofnæmissjúklingar uggandi

"Það kom röng sending til okkar sem skýrir þessa töf,“ segir Jón Ólafsson, Sölu- og markaðsstjóri lyfjaumboðsins Vistor, en lyfjapennar, sem innihalda adrenalín í sjálfvirku inndælingartæki, og eru ætlaðir til neyðarmeðferðar við bráðum ofnæmisviðbrögðum var ófáanlegur í apótekum á landinu í júní.

Tvær þyrlur sendar á vettvang

Tvær þyrlur Landhelgisgæslunnar eru lentar við Landspítalann í Fossvogi með fólk sem slasaðist í umferðarslysi í Víðidal við Gröf í Vestur-Húnavatnssýslu um hádegið í dag. Samtals voru níu manns fluttir með þyrlunum en tveir voru fluttir með sjúkrabíl. Ekki liggur fyrir hve alvarlega fólkið er slasað. Samkvæmt upplýsingum frá lögreglunni á Blönduósi þurfti að notast við klippur til þess að ná manni út úr einni bifreiðinni. Um þriggja bíla árekstur var að ræða, samkvæmt upplýsingum Vísis.

Ætlaði að pissa en réðist á lögreglumenn

Maður, sem var vistaður í fangageymslu lögreglustöðvarinnar á Selfossi, ærðist og réðist á lögreglumenn sem voru að fylgja honum á salerni fangageymslunnar samkvæmt tilkynningu frá lögreglunni.

Herjólfur strandaði næstum með 300 manns um borð

Talið er að snarræði skipstjóra Herjólfs hafi komið í veg fyrir að skipið strandaði í innsiglingunni við Landeyjarhöfn á sunnudag fyrir viku. Samkvæmt upplýsingum frá Rannsóknarnefnd sjóslysa fékk skipið sjó undir sig að aftan og snerist um 30 gráður í innsiglingunni. Skipstjóra tókst að snúa skipinu við áður en það kom inn í innsiglinguna. Rannsóknarnefnd sjóslysa er rétt að byrja að skoða málið og safnar nú göngum. Um 300 manns voru í Herjólfi þegar óhappið varð.

Krufningu að ljúka

Krufningu á kornabarninu sem fannst látið við hótel í Reykjavík um helgina er nýlokið eða rétt við það að ljúka, segir Friðrik Smári Björgvinsson, yfirlögregluþjónn hjá lögreglunni á höfuðborgarsvæðinu í samtali við Vísi. Friðrik Smári segir að á þessari stundu liggi ekkert fyrir í krufningunni sem geti varpað nánara ljósi á atburðarrásina. Hann segir að krufning hafi hafist rétt fyrir hádegi í dag. Friðrik Smári segir að móðir barnsins sé enn á sjúkrahúsi en farið væntanlega þaðan í einangrun á Litla Hrauni.

Hittu Bon Jovi á Laugaveginum

Æskuvinkonurnar, Beta Gagga og Klara Björns hittu rokkgoðið Jon Bon Jovi á Laugarveginum á laugardaginn var, þar sem hann sat úti og fékk sér léttar veitingar. Stjarnan slakar nú á hér á landi en hann er að ná sér eftir aðgerð á hné.

Barnslát: Konan enn á sjúkrahúsi

Barnið sem fannst látið í ruslagámi við Hótel Frón á Laugardaginn verður krufið í dag. Móðir þess er enn á sjúkrahúsi, en hún var úrskurðuð í gæsluvarðhald í gær.

Umferðarslys í Víðidal við Gröf

Þyrla Landhelgisgæslunnar var kölluð út vegna umferðarslyss sem varð í Víðidal við Gröf í Vestur-Húnavatnssýslu um hádegið.

Verkfalli frestað hjá Klafa

Boðuðu verkfalli hjá starfsmönnum Klafa á Grundartanga, sem átti að hefjast á miðnætti í kvöld, var í morgun frestað um viku þar sem eigendaskipti urðu að félaginu um helgina.

Keppt í Rugby á Hlíðarenda

Fyrsti opinberi Rugby leikurinn sem fram hefur farið hér á landi var leikinn á Valsvellinum að Hlíðarenda í gær. Rugby félag Reykjavíkur tók á móti Thunderbird Old Boys frá Bandaríkjunum og var Vilhelm Gunnarsson ljósmyndari Fréttablaðsins á staðnum og tók meðfylgjandi myndir.

Háskóli Íslands slítur samstarfi við Orkuveitu Reykjavíkur

Háskóli Íslands hefur slitið samstarfi við Orkuveitu Reykjavíkur og Háskólann í Reykjavík um Reyst, orkuskólann sem stofnaður var árið 2008. Fækkun nemenda og ákvörðun Orkuveitunnar að leggja ekki til fjármagn liggur til grundvallar ákvörðunar Háskólans.

Birgitta fyrsti þingmaðurinn sem heimsækir frelsisflotann

Birgitta Jónsdóttir, þingmaður Hreyfingarinnar, er fyrsti þingmaðurinn sem heimsækir skipalest Frelsisflotans árið 2011, en skipið sem hún fór um borð í var, “The Audacity of Hope”. því var snúið við af vopnuðum liðsmönnum grísku strandgæslunnar á laugardaginn. Skipið liggur við höfn í Aþenu, þar sem Birgitta er stödd núna.

Bjó um barnið í ruslagámnum

Rúmlega tvítug kona hefur verið úrskurðuð í tveggja vikna gæsluvarðhald og til að sæta geðrannsókn eftir að nýfætt barn hennar fannst látið í ruslagámi við vinnustað konunnar á laugardag.

Herjólfur sigldi í nótt

Vestmannaeyjaferjan Herjólfur fór aukaferð í Landeyjahöfn klukkan hálf þrjú í nótt og er talið að nær allir, sem biðu þess að komast í land, hafi komist með skipinu, þar sem nokkur bílastæði voru laus á bílaþilfari. Tvær ferðir voru felldar niður í gærdag vegna mikillar ölduhæðar úti fyrir Landeyjahöfn og kvöldferð var frestað nokkuð af sömu ástæðu, en útlit er fyrir að skipið geti siglt samkvæmt áætlun í dag.

Hestamaður slasaðist alvarlega á Ströndum

Hestamaður slasaðist alvarlega þegar hestur hans hrasaði undan honum í Bjarnarfirði á Ströndum í gærkvöldi, og maðurinn varð undir honum. Samferðafólk hans hringdi þegar í neyðarlínuna.

Heildarvirði bóluefnisins um 150 milljónir

Um 130 þúsund skammtar af bóluefni gegn svínainflúensu renna út um næstu áramót. Heildarvirði bóluefnisins er um 150 milljónir króna. 300 þúsund skammtar af inflúensubóluefni voru keyptir árin 2009 og 2010 og nam kostnaðurinn um 350 milljónum króna, samkvæmt upplýsingum frá sóttvarnalækni. Þeir 130 þúsund skammtar sem eru eftir eru hugsaðir sem varasjóður.

Fólksflótti mun valda skorti á vinnandi fólki

„Íslendingar eru dáðir í Litháen,“ segir Ramunas Bogdanas sem var nánasti aðstoðarmaður Landsbergis, fyrsta forseta Litháens, eftir að lýst var yfir sjálfstæði þar í landi árið 1990.

Takmarkanir á bótum ólögmætar

Það ákvæði íslensks vinnuréttar sem kveður á um að farandlaunþegi þurfi að hafa verið í fullu starfi í að minnsta kosti einn mánuð áður en hann á rétt á atvinnuleysisbótum eru ólögmætar, samkvæmt áliti ESA, eftirlitsstofnunar EFTA. Ákvæðið brýtur í bága við EES-samninginn.

Vinnsla gengur vel á Vopnafirði

Góður gangur hefur verið í vinnslu á síld og makríl í frystihúsi HB Granda á Vopnafirði í sumar. Búið er að taka á móti alls um 4.300 tonnum af síld og makríl og þar af er síldaraflinn tæplega 2.600 tonn.

Fékk koss fyrir fríið en síðan uppsagnarbréf

Haukur Holm, fyrrverandi fréttastjóri Útvarps Sögu, fékk uppsagnarbréf frá lögmanni útvarpsstöðvarinnar stuttu eftir að hann fór í sumarfrí. Hann hafði verið starfandi á stöðinni í ár.

Sjá næstu 50 fréttir

Mest lesið