Össur vitnaði í Tinu Turner á ríkjaráðstefnu ESB

Utanríkisráðherra greip til heimspeki Tinu Turner þegar hann flutti mál Íslands á ríkjaráðstefnu Evrópusambandsins á mánudag. Hann vonast til að hægt verði að setja aðildarsamning í þjóðaratkvæðagreiðslu fyrir lok kjörtímabilsins.

Gönguhópurinn fundinn

Hópurinn sem leitað var að við Illakamb í Lónsöræfum er fundinn heill á húfi. Það voru félagar í Björgunarfélagi Hornafjarðar sem fundu hópinn rétt fyrir kl. 20 í kvöld. Hópurinn mun fylgja björgunarsveitamönnunum til Hafnar. Mikil þoka var á svæðinu og rigning.

Þyrla sækir slasaðan hestamann

Þyrla Landhelgisgæslunnar er nú á leið að sækja mann sem féll af hestbaki í Bjarnarfirði nyðri, milli Skjaldbjarnarvíkur og Drangavíkur. Maðurinn var þar í hópi ferðafólks og hafði fararstjóri hópsins samband við Neyðarlínuna um klukkan 19 í kvöld og óskaði eftir aðstoð þyrlunnar, talið er að maðurinn sé fótbrotinn.

Minna af makríl vegna kuldans fyrir austan

Mun minna er af makríl á miðunum austur af landinu samanborið við sama tíma í fyrra vegna kuldatíðarinnar fyrir austan. Útgerðarmenn á Austurlandi eru uggandi, en fiskurinn sem veiðist, er einnig smærri og verðminni.

Sjö hestamenn teknir ölvaðir undir stýri

Sjö ökumenn hafa verið teknir grunaðir um ölvunakstur á Vindheimamelum í dag. Varðstjóri hjá lögreglunni á Sauðárkróki segir að nóg hafi verið að gera í dag við að stjórna umferð en Hestamannamótinu lauk í dag. Mikil umferð er nú á leiðinni frá Vindheimamelum og beinir lögregla því til ökumanna að aka varlega og hafa öryggisbeltin spennt.

Ný rannsókn sýnir marktæk áhrif farsímanotkunar á heila

Í fyrsta sinn hefur verið sýnt fram á með nýrri vísindalegri rannsókn að farsímanotkun veldur marktækum og mælanlegum áhrifum á efnaskiptin í heilaberkinum. En í nokkur ár hafa verið vangaveltur um hættu á myndun æxlis í heila vegna farsímanotkunar.

Björgunarsveitarmenn aðstoða gönguhóp í þoku

Björgunarsveit frá Slysavarnafélaginu Landsbjörg á Höfn er farin til aðstoðar gönguhóp á Lónsöræfum. Hópurinn telur 7 manns og var hann á leið af Illakambi áleiðis í Kollumúlaskála en villtist af leið í mikilli þokur.

Herjólfur siglir ekki vegna veðurs - Um tvö þúsund manns strandaglópar

"Við áætlum að hér séu um fimmtán hundruð til tvö þúsund manns sem bíða eftir að komast heim til sín,“ segir Kristín Jóhannsdóttir, menningar- og markaðfulltrúi Vestmannaeyjabæjar, sem sér um Goslokahátíðina sem fór fram um helgina á eyjunni.

Strengur fór í sundur á Austurlandi

Bilun hefur komið upp í stofnneti Mílu á Austurlandi. Um er að ræða slit á streng milli Egilsstaða og Vopnafjarðar, nánar tiltekið um 24 kílómetra frá Vopnafirði og 55 kílómetra frá Egilsstöðum.

Vill kalla saman þing til að klára frumvarp um Drekasvæðið

"Það var bara klúður hjá ríkisstjórninni að setja þetta ekki á dagskrá áður en þingi lauk í sumar,“ segir Tryggvi Þór Herbertsson, þingmaður Sjálfstæðisflokksins.

Tveggja vikna gæsluvarðhald og geðheilbrigði rannsakað

Litháísk kona á tuttugasta og öðru aldursári, sem er talin hafa fætt barn í gær sem fannst látið í ruslagámi við Hótel Frón þar sem hún vann, var úrskurðuð í tveggja vikna gæsluvarðhald í dag en henni var jafnframt gert að gangast undir rannsókn á geðheilbrigði. Kærasti konunnar er laus úr haldi lögreglu.

Líklega farið fram á gæsluvarðhald yfir konunni síðar í dag

Að öllum líkindum verður farið fram á gæsluvarðhald yfir konunni, sem er talin hafa skilið nýfætt barn sitt eftir í ruslagámi við Hótel Frón í gærmorgun, síðar í dag.

Íslenskt fyrirtæki og Wikileaks ætla í mál við Visa og Mastercard

Datacell ehf. og Wikileaks ætla að höfða mál á hendur kortafyrirtækjunum Visa og Mastercard í Danmörku og á Íslandi vegna afskipta af greiðslum til Wikileaks. Þá ætla fyrirtækin að kvarta til Evrópusambandsins vegna meintrar misnotkunar stóru kortafyrirtækjanna á markaðsráðandi stöðu en þau eru með nær 100 prósent markaðarins í Evrópu.

Himinlifandi að vera eini ráðherrann fyrir landsdómi

Geir H. Haarde segist vera himinlifandi yfir því að aðrir ráðherrar hafi ekki einnig verið dregnir fyrir landsdóm. Þetta kemur fram í viðtali sem Geir veitti AFP fréttaveitunni. Hann kveðst jafnframt hafa komið í veg fyrir að ekki fór eins fyrir Íslandi og Grikklandi.

Syngja kreppulög á Austurvelli

Austurvallarkórinn ætlar að koma saman og syngja nokkur kreppulög á Austurvelli í Reykjavík klukkan tvö í dag.

Herjólfur siglir ekki vegna veðurs

Herjólfur sigldi ekki frá Vestmannaeyjum klukkan 11:30 í dag vegna veðurs og ferðin frá Landeyjahöfn klukkan 13 var líka felld niður. Í tilkynningu segir að miða í 13:00 ferðina gildi í ferðina klukkan 16:00 í dag.

Líkfundur við Hótel Frón: Vissu ekki að konan væri ólétt

Konan sem grunuð er um að hafa skilið nýfætt barn sitt eftir í ruslagámi við hótel í Reykjavík í gærmorgun er 22 ára gömul og er frá Litháen. Kærasti hennar er enn í haldi.

Lék sér með byssu föður síns þegar skot hljóp af

Sjö ára grænlensk stúlka gekkst undir stóra kviðarholsaðgerð á Landspítalanum í gærkvöldi eftir að hafa orðið fyrir voðaskoti í heimabæ sínum Tasiilaq á Grænlandi í gærdag. Óskað var eftir sjúkraflugi til Íslands síðdegis gær en þá var stúlkan talin vera í lífshættu.

Tilkynnt um nauðgun á Hestamannamóti

Lögregla rannsakar nú meinta nauðgun sem átti sér stað Hestmannamótinu á Vindheimamelum í Skagafirði í nótt. Tilkynnt var um verknaðinn til lögreglunnar á Sauðárkróki nú undir morgun. Samkvæmt upplýsingum frá varðstjóra er málið í rannsókn lögreglu en þolandinn er kona um tvítugt.

Tveir í haldi vegna líkamsárásar - spörkuðu í hausinn á fórnarlambinu

Nóttin var erilsöm hjá lögreglunni á Akranesi vegna írskra daga sem þar fara fram um helgina. Mikill fjöldi var á Skaganum og þurfti oft að hafa afskipti af fólki með drykkjulæti. Tveir menn eru í haldi lögreglunnar vegna líkamsárásar í miðbænum í nótt. Maðurinn sem varð fyrir árásinni var fluttur til skoðunar á spítala en ekki er vitað um líðan hans. Samkvæmt upplýsingum frá lögreglu spörkuðu mennirnir meðal annars í hausinn á manninum.

Lík kornabarns finnst í ruslagámi í Reykjavík

Lögreglan á höfuðborgarsvæðinu rannsakar nú voveifilegt lát barns en lík þess fannst í ruslagámi við hótel í Reykjavík þar sem kona, sem talin er hafa fætt það, vinnur. Þetta kemur fram í tilkynningu frá lögreglunni.

Merkir munir fundust á Snæfellsnesi

Taflmenn frá síðmiðöldum, málmar, skart og gler er meðal þess sem fundist hefur í uppgreftri á fornri verstöð á Snæfellsnesi.

Exeter-dómari upplýsti um stöðu sína en taldi önnur tengsl léttvægari

Einar Ingimundarson, settur héraðsdómari í Exeter-málinu, vissi að samstarfsmaður hans hjá Íslenskum verðbréfum hefði verið vitni á rannsóknarstigi í málinu þegar hann tók að sér að dæma í því. Hann lét dómsformanninn, Arngrím Ísberg vita af stöðu sinni.

Áður óbirtar teikningar eftir Kjarval fundust í Skotlandi

Áður óbirtar teikningar eftir stórmeistarann Jóhannes Kjarval fundust nýlega í Skotlandi. Það var blaðamaður sem fann þær fyrir tilviljun þegar hann var að grúska í skjölum á ættaróðali skosks Íslandsvinar.

4 ára gamalt barn féll í Meðalfellsvatn

Tveir fullorðnir og fjögurra ára gamalt barn féllu ofan í Meðalfellsvatn af litlum árabáti seinni partinn í dag. Öll voru í björgunarvesti og sluppu vel en bátnum hvolfdi, samkvæmt varðstjóra hjá Slökkviliðinu. Það var þó óskað eftir aðstoð sjúkrabíls því þau voru blaut og köld.

Héldu að Vatnsberinn væri dottinn í það

„Ef þú strýkur og átt svona mikla hagsmuni undir, þá hlýtur eitthvað að vera komið í mikið ójafnvægi," segir Páll Winkel forstjóri Fangelsismálastofnunar aðspurður um hvers vegna fanga var lýst sem hættulegum í tilkynningu en er án eftirlits á meðferðarheimili og á hjartadeild Landspítalans.

Báturinn lítið skemmdur - dreginn á flot í kvöld

Þrír fullorðnir farþegar, þrjú börn og tveir menn í áhöfn sluppu án meiðsla þegar að skemmtibáturinn Kristína strandaði við Lundey í Kollafirði um klukkan ellefu í morgun.

Útskrifuð af gjörgæslu

Kona sem lá á gjörgæslu í nótt eftir umferðarslys á Gullinbrú um miðjan dag í gær er nú útskrifuð af deildinni. Samkvæmt upplýsingum frá vakthafandi lækni er ástand hennar stöðugt.

Tekinn tvisvar sama daginn

Lögreglan á Selfossi og Þyrludeild Landhelgisgæslunnar sinntu umferðareftirliti úr þyrlu í gærkvöldi. Farið var um Suður-, Vestur- og Norðurland og umferðinni fylgt eftir.

Læknafélagið hefur ekki haft samband við Guðbjart

Guðbjartur Hannesson, velferðarráðherra, segir að ekkert erindi hafi borist frá Læknafélagi Íslands til velferðarráðuneytisins með ósk um fund frá því að hann fundaði síðast með formanni Læknafélagsins síðastliðið haust.

Nafn konunnar sem lést

Íslenska konan sem lést í umferðarslysi í borginni Basel í Sviss í gærmorgun hét Bergþóra Bachmann. Hún var 31 árs og barnslaus.

Fólkið var komið í björgunarbát

„Þetta fór allt saman mjög vel,“ segir Kristinn Ólafsson hjá Slysavarnafélaginu Landsbjörgu sem tók þátt í að bjarga átta manns úr báti sem sigldi í strand við Lundey í Kollafirði nú rétt fyrir hádegi.

Sigldi í strand við Lundey

Bátur sigldi í strand við Lundey í Kollafirði nú fyrir stundu. Lögreglu- og björgunarsveitarmenn eru á leið á vettvang en ekki er vitað hversu margir eru um borð í bátnum. Nánari upplýsingar þegar þær berast.

Forsetahjónin í konunglegu brúðkaupi

Forseti Íslands Ólafur Ragnar Grímsson og Dorrit Moussaieff forsetafrú verða viðstödd brúðkaup Alberts II og Charlène Wittstock sem fram fer í Mónakó í dag.

Náðust á öryggismyndavélar

Tveir menn voru handteknir á miðnætti vegna gruns um að hafa brotist inn í raftækjaverslun í Síðumúla í Reykjavík í gærkvöldi.

Íslensk kona lést í bílslysi í Sviss

Íslensk kona um þrítugt lést í umferðarslysi í borginni Basel í Sviss gær. Samkvæmt upplýsingum frá utanríkisráðuneytinu varð slysið í gærmorgun. Ekki er hægt að greina frá nafni hinnar látnu að svo stöddu.

Með gras í bílnum og heima hjá sér

Kannabis fannst í bíl hjá karlmanni á þrítugsaldri sem var stöðvaður fyrir of hraðan akstur á Vesturlandsvegi um klukkan tíu í gærkvöldi. Lögreglan gerði í kjölfarið húsleit heima hjá honum þar sem töluvert magn af fíkniefninu fannst en það var í söluumbúðum. Tveir einstaklingar voru handteknir heima hjá manninum sem játaði við yfirheyrslur að eiga efnin.

Óbirtar teikningar Kjarvals

Áður óbirtar teikningar eftir Jóhannes Kjarval listmálara fundust nýlega í Skotlandi. Það var Einar Falur Ingólfsson, blaðamaður og ljósmyndari á Morgunblaðinu sem fann teikningarnar fyrir tilviljun en hann var staddur á heimaslóðum Skotans R.N Stewarts í Skotlandi.

Kveikti í sólpalli

Slökkviðliðið á höfuðborgarsvæðinu var kallað út þrisvar sinnum í nótt og í gærkvöld. Fyrst kom upp eldur í stóru vinnuvéladekki í Krísuvík sem mikinn reyk lagði frá um allt svæðið en greiðlega gekk að slökkva eldinn.

Nóg að gera í Vestmannaeyjum í nótt

Það var nóg að gera hjá lögreglunni í Vestmannaeyjum í nótt, en þar fór fram hin árlega goslokahátíð. Þrír gistu fangageymslu en einn þeirra var handtekinn á skemmtistað bæjarins þar sem hann hafði tekið upp hníf og ógnað fólki.

Afar fátítt að gæsluvarðhalds sé krafist

Helgi Gunnlaugsson, afbrotafræðingur við Háskóla Íslands, segir það ekki nýtt af nálinni að meintir kynferðisbrotamenn séu ekki settir í gæsluvarðhald eftir að kæra hefur verið lögð fram. Fjöldann sé hægt að telja á fingrum annarrar handar af tugum eða hundruðum mála.

Hundarnir drápu 29 lömb og sjö kindur

Hundarnir tveir sem réðust á fé í beitarhólfi við Þórðarkot í Eyrarbakkahreppi 9. júní drápu alls 29 lömb og sjö kindur. Sumt af fénu var dautt þegar að var komið en öðru þurfti að sálga vegna bitsára.

Tekist á um forræði kynferðisbrotamála

Forstjóri Barnaverndarstofu vill láta færa rannsókn á alvarlegum brotum til lögreglunnar á höfuðborgarsvæðinu. Sýslumaðurinn í Vestmannaeyjum gagnrýnir þessi orð harðlega og vill umboð til rannsókna í Vestmannaeyjum. Lögreglan á Selfossi sinnir rannsókn á kynferðisbrotamálum sem eiga sér stað í Vestmannaeyjum. Karlmaður á fimmtugsaldri, búsettur í Vestmannaeyjum, var úrskurðaður í mánaðar gæsluvarðhald fyrir viku síðan, grunaður um að hafa níðst kynferðislega á ungri stjúpdóttur sinni mánuðum saman árin 2009 og 2010. Maðurinn er einnig grunaður um að hafa misnotað tvær stúlkur til viðbótar.

Flestir ofbeldismenn láta kröfurnar fyrnast

Flestir dæmdir ofbeldismenn sem greiða eiga fórnarlömbum sínum bætur láta kröfurnar fyrnast án þess að greiða, segir Halldór Þormar Halldórsson, lögfræðingur hjá Sýslumanninum á Siglufirði.

Fleiri mál í Eyjum

Karlmaður á áttræðisaldri, búsettur í Vestmannaeyjum, var sýknaður í Hæstarétti af ákæru um kynferðisbrot gegn fimm ára stúlku í mars síðastliðnum. Rúmur mánuður leið frá því að stúlkan greindi lögreglu frá meintu broti þar til að hún var færð í Barnahús til skýrslutöku.