Fleiri fréttir

Fjölskylduhjálp býst við fimmhundruð fjölskyldum

„Við áætlum að um fimm hundruð fjölskyldur komi í dag,“ segir Ásgerður Jóna Flosadóttir, framkvæmdarstjóri Fjölskylduhjálpar, en í dag er þriðji úthlutunardagur mánaðarins. Í síðustu viku komu á fimmta hundrað fjölskyldna og fengu mataraðstoð. Til samanburðar þá komu um 170 til 200 fjölskyldur í janúar árið 2007.

Stórtækur niðurskurður á Álftanesi

Í skýrslu um fjárhagslega endurskipulagningu sveitarfélagsins Álftaness eru tillögur um hvernig mæta eigi slæmri fjárhagsstöðu sveitarfélagsins. Endurskoðunarfyrirtækið KPMG vann skýrsluna að beiðni sveitarfélagsins og var hún lögð fyrir bæjarstjórn í gærkvöldi.

Varðskipið Óðinn 50 ára

Varðskipið Óðinn er 50 ára í dag en skipið tók þátt í öllum þremur þorskastríðunum á 20. öldinni. Síðasta sjóferð Óðins fyrir Landhelgisgæsluna var farin fyrir fjórum árum.

Neysla á kindakjöti snar minnkaði

Neysla á kindakjöti snar minnkaði í fyrra og hefur hún ekki verið minni síðan núgildandi söluskráning hófst fyrir 30 árum.

Lýður yfirheyrður

Yfirheyrslur á vegum embættis sérstaks saksóknara vegna rannsóknar á málefnum Exista standa nú yfir. Lýður Guðmundsson, annar Bakkavarabræðranna, mætti til yfirheyrslu klukkan ellefu í morgun. Þá kom fram í hádegisfréttum RÚV að Ágúst hefði einnig verið yfirheyrður í morgun.

Samfylkingin með opið prófkjör

Á félagsfundi Samfylkingarinnar í Reykjanesbæ í gær var samþykkt að bjóða fram undir eigin nafni í komandi bæjarstjórnarkosningum og að halda opið prófkjör þar sem öllum kosningabærum bæjarbúum gefist kostur á að taka þátt. Samfylkingin, VG og Framsóknarflokkur buðu fram undir merkjum A-lista í kosningunum 2006. Framboðið fékk fjóra bæjarfulltrúa kjörna af ellefu.

Þrettán framsóknarmenn vilja í bæjarstjórn

Þrettán gefa kost á sér prófkjöri Framsóknarflokksins í Kópavogi sem fer fram laugardaginn 27. febrúar, en framboðsfrestur rann út í gær. Ómar Stefánsson, núverandi oddviti, Una María Óskarsdóttir varabæjarfulltrúi, Gísli Tryggvason, talsmaður neytenda, og Einar Kristján Jónsson, formaður knattspyrnudeildar Breiðabliks, sækjast öll eftir oddvitasætinu.

Olían reyndist vera frostlögur

Slökkviliði höfuðborgarsvæðisins barst tikynning rétt fyrir fyrir klukkan níu í morgun um olíuleka á Kringlumýrarbraut sunnan við Bústaðaveg. Þegar slökkvilið kom á staðinn kom í ljós að um frostlög en ekki olíuleka var að ræða. Að sögn varðstjóra er frostlögur fljótur að þynnast upp og því þurftu slökkviliðsmenn ekki að fara í neinar sérstakar aðgerðir.

Glysbomba í málaferlum vegna bílatryggingar

Aðalmeðferð er hafin í máli Ásdísar Ránar Gunnarsdóttur gegn tryggingafélaginu Verði vegna ágreinings um tryggingu á bifreið sem hún ók þegar hún lenti í bílslysi árið 2007.

Hægt að kjósa um Icesave frá og með morgundeginum

Atkvæðagreiðsla utan kjörfundar vegna þjóðaratkvæðagreiðslu um Icesave lögin sem Alþingi samþykkti í lok desember og forsetinn neitaði fáeinum dögum síðar að staðfesta hefst á morgun.

Norðurlöndin veiti Íslandi tafarlaust lán

Systurflokkar Vinstri grænna í Norðurlandaráði hvetja ríkisstjórnir norrænu ríkjanna til að greiða nú þegar út þau lán sem búið var að samþykkja að veita Íslendingum, og bíða ekki eftir að deilan við Hollendinga og Breta leysist. Málið var rætt á fundi VG og systurflokkanna á janúarfundi Norðurlandaráðs í Kaupmannahöfn í gær.

Ákvörðun Seðlabankans hænufet í rétta átt

Vilhjálmur Egilsson, framkvæmdastjóri Samtaka atvinnulífsins, segir ákvörðun peningastefnunefndar Seðlabankans að lækka stýrivexti um 0,5 prósentur vera hænufet á réttri leið en breyti ekki miklu varðandi fjármagnskostnað og möguleika lítilla og meðalstórra fyrirtæka til að byggja upp.

Flugmenn Icelandair boða verkfall

Flugmenn Icelandair hafa boðað verkfall sem hefst klukkan sex að morgni fimmtudags 4. febrúar og stendur það í tvo sólarhringa eða til klukkan sex að morgni 6. febrúar. Verkfallið hefst svo að nýju klukkan sex fimmtudagsmorguninn 11. febrúar og eru lok þess ótímabundin.

Hross hætt komin þegar eldur kviknaði í hesthúsi

Fimmtán hross voru hætt komin þegar eldur kviknaði í hesthúsi á móts við Dýraspítalann í Víðidal við Breiðholtsbraut upp úr klukkan hálf fimm í nótt. Slökkviliðið sendi fimm bíla og mikinn mannskap á vettvang og réðust slökkviliðsmenn þegar til inngöngu til að hleypa hrossunum út. Það gekk vel og var eldurinn, sem aðallega logaði í klæðningu á húsinu, slökktur á skammri stundu. Eftir það þurftu slökkviliðsmenn að rjúfa klæðningu og slökkva í glæðum.

Alræði útvarpsstjóra er metið óviðeigandi

Útvarpsstjóri Ríkis­útvarpsins hefur nánast alræðisvald varðandi dagskrá, mannaráðningar og stefnumótun, að mati starfshóps mennta- og menningarmálaráðherra um almannahlutverk RÚV. Þykir fyrirkomulagið ólýðræðislegt og ógagnsætt og ekki viðeigandi í félagi sem hefur mikilvægt menningar- og lýðræðishlutverk og starfar í almannaþágu.

Segist ekki hafa stundað ritstuld

„Ég hef ekki brotið neitt af mér,“ segir Jón Halldór Guðmundsson. Meistaragráða hans í lögfræði hefur nú verið felld úr gildi vegna ritstuldar. Hann segist vera að skoða málið.

Meistaragráða felld úr gildi vegna ritstuldar

Meistaragráða nemanda sem útskrifaðist með lögfræðipróf frá Háskólanum á Bifröst sumarið 2008 hefur verið felld úr gildi þar sem nemandinn varð uppvís að ritstuldi í lokaritgerð.

Ásbjörn játar brot á lögum - Bjarni segir brotið ekki hafa áhrif

Ásbjörn Óttarsson, þingmaður sjálfstæðismanna, viðurkenndi í Kastljósi Sjónvarps í gær að hafa brotið lög þegar hann greiddi sér og konu sinni tuttugu milljónir króna í arð árið 2007, fyrir árið 2006, þegar eigið fé fyrirtækisins var neikvætt.

Endurskoða ætti lögin

Nota ætti hugtakið landráð varlega í samhengi við aðdraganda og hrun íslenska efnahagskerfisins, er mat sagnfræðingsins Guðna Th. Jóhannessonar, lektors við laga- og viðskiptadeild Háskólans í Reykjavík. Í erindi sem hann flutti í vikunni á vegum lagadeildarinnar sagði hann lítið hægt að græða á sögunni í þeirri viðleitni að meta hvort landráð hafi verið framin á allra síðustu árum.

Um 8.000 tonn komin á land

Tvö þúsund tonnum af gulldeplu var landað á Akranesi í síðustu viku. Eftir brælu undanfarna daga héldu skip HB Granda á ný til gulldepluveiða í fyrrakvöld.

Yfir hundrað börn á biðlista

Rúmlega 120 börn eldri en átján mánaða bíða eftir leikskólaplássi í Reykjavík, samkvæmt upplýsingum frá leikskólasviði. Ragnhildur Erla Bjarnadóttir, sviðsstjóri leikskólasviðs, segir stöðuna ekki hafa verið betri í þau fimmtán ár sem hún hefur komið að þessum málum.

Leggur til uppsagnir og niðurskurð

Bæjarstjórn Álftaness fundaði seint í gærkvöldi um tillögur sínar til eftirlitsnefndar sveitarfélaganna, um hvernig ætti að mæta slæmri fjárhagsstöðu Álftaness.

Segir niðurstöðuna setja skýrt fordæmi

Niðurstaða áfrýjunarnefndar um samkeppnismál vegna samruna Vestia og Teymis setur skýrt fordæmi fyrir yfirtöku bankanna á fyrirtækjum á samkeppnismarkaði, segir Gylfi Magnússon, efnahags- og viðskiptaráðherra.

Mikil tækifæri í heilsuferðarþjónustu

Katrín Júlíusdóttir, iðnaðar- og ferðamálaráðherra, segir mikil tækifæri felast í heilsuferðarþjónustu hér á landi. Stofnfundur Samtaka um heilsuferðaþjónustu er á morgun.

Mannréttindi og vernd verði sett í öndvegi

Mannréttindasamtökin Amnesty Inter­national leggja áherslu á nauðsyn þess að mannréttindi og vernd þeirra verði sett í öndvegi við neyðaraðstoð og enduruppbyggingu á Haítí. Þetta kemur fram í yfirlýsingu sem samtökin sendu frá sér í gær.

Ramos skal verða framseldur

Héraðsdómur Reykjavíkur staðfesti í gær þá ákvörðun dómsmálaráðuneytisins þess efnis að orðið verði við beiðni brasilískra yfirvalda um að framselja brasilíska gæsluvarðhaldsfangann Hosmany Ramos. Að sögn Hilmars Ingimundarsonar hrl., lögmanns Ramosar, verður úrskurður héraðsdóms kærður til Hæstaréttar.

Fimm hafa skrifað undir eiðinn

Fimm alþingismenn hafa skrifað undir yfirlýsingu á heimasíðunni heidur.is en þar eru þingmenn hvattir til að heita því að fylgja ákveðnum siðareglum sem settar eru fram á síðunni. Nær þúsund manns hafa skráð sig á facebook síðu þar sem skorað er á þingmenn að skrifa undir og í dag hafa eins og áður segir fimm alþingismenn tekið áskoruninni.

Varað við lúmskri hálku

Veðurstofan varar við hálku víða um land þar sem vegir eru víða blautir eftir rigningu og spáð er hratt kólnandi veðri. Hálkan sem myndast getur því verið lúmsk og mikil og eru vegfarendur beðnir um að sýna sérstaka aðgát.

Endurgreiddi arðgreiðslu

Ásbjörn Óttarsson, þingmaður Sjálfstæðisflokksins, hefur skilað 20 milljóna arðgreiðslu úr fyrirtæki sínu fyrir árið 2006, en þá var eiginfjárstaða fyrirtækisins neikvæð og því um ólöglegan gjörning að ræða.

Nýjar upplýsingar komu fram í mansalsmálinu í dag

Réttarhöldin í mansalsmálinu svokallaða tóku óvænta stefnu þegar fórnarlambið í málinu sagði frá því að hún hafi þurft að hafa samfarir við ákærðu eftir að hún kom til Íslands. Fórnarlambið hafði ekki sagt frá þessu við rannsókn málsins.

Hollvinir harma niðurskurð

Stjórn Hollvina Ríkisútvarpsins harmar þann gríðarlega niðurskurð sem nú hefur dunið á Ríkisútvarpinu, í þriðja sinn á skömmum tíma, vegna þeirrar ákvörðunar Alþingis að klípa tíunda hluta af útvarpsgsjaldi því sem er undirstaða tekna RÚV.

Skautadrottningu komið undir læknishendur

Stúlka um tvítugt brenndist á hendi þegar yfir hana helltist heitt vatn í íbúð í Breiðholti í hádeginu í gær samkvæmt lögreglunni á höfuðborgarsvæðinu.

Tvö atriði standa eftir

Steingrímur J. Sigfússon, fjármálaráðherra, segir mikilvægt að stjórnvöld ljúki ákveðinni vinnu svo endurskoðun á efnahagsáætlun þeirra og Alþjóðagjaldeyrissjóðsins geti farið fram. Tvö atriði standi eftir.

Hjálmar Sveinsson: Tónlistarhúsið fjármagnað með Icesave

Tónlistar- og ráðstefnuhúsið við höfnina í Reykjavík er líkast til fjármagnað að hluta til með Icesave. Þetta segir útvarpsmaður Hjálmar Sveinsson sem gefur kost á sér í prófkjöri Samfylkingarinnar í Reykjavík. Húsið sé því að einhverju leyti í boði breskra líknarfélaga og bæjarfélaga.

Sjá næstu 50 fréttir

Mest lesið