Hæstiréttur skrúbbaður að utan í mótmælaskyni

Hópur fólks er nú að skrúbba hús Hæstaréttar að utan. Tilgangurinn er að mótmæla nýlegum dómi sem kveðinn var upp í Hæstarétti.

Bæjarstjóri Grundarfjarðar vill aðgerðir vegna síldardauðans

Starfsmenn Hafrannsóknastofnunar héldu frá Grundarfirði á áttunda tímanum í morgun áleiðis í Kolgrafarfjörð, þar sem þeir ætla að freista þess að mæla umfang síldardauðans núna.

Rúmlega helmingur vill halda í krónuna

Meirihluti landsmanna vill að krónan verði framtíðargjaldmiðill landsins samkvæmt niðurstöðum skoðanakönnunar Fréttablaðsins og Stöðvar 2. Fleiri vilja halda krónunni nú en fyrir tveimur árum.

Þrjú norsk skip enn á loðnumiðunum

Þrjú norsk loðnuskip eru nú á miðunum fyrir austan land og hafa þar frjálsar hendur því ekkert íslenskt skip er nú þar.

Ölvaður ökumaður ók á hús í Hafnarfirði

Ölvaður ökumaður missti stjórn á bíl sínum í Hafnarfirði um kvöldmatarleitið í gærkvöldi með þeim afleiðinugm að bíllinn fór í gegnum grindverk um húsagarð, og hafnaði á húsinu.

Lögreglumaður á slysadeild eftir að ráðist var á hann

Lögreglumaður meiddist og þurfti að leita aðhlynningar á slysadeild, eftir að ráðist var á hann í Hafnarfirði upp úr miðnætti.

Tveir ungir menn enn í haldi á Akureyri eftir fólskulega líkamsárás

Tveir ungir karlmenn sitja enn í haldi lögreglunnar á Akureyri eftir að þeir voru handteknir á Skagaströnd um hádegisbil í gær, grunaðir um að hafa undir morgun ráðist inn á heimili karlmanns á áttræðisaldri á Skagaströnd og veitt honum alvarlega höfuðáverka.

Ofurölvi ökumaður stoppaður í Grímsnesinu

Lögreglan í Árnessýslu tók ofurölvi ökumann úr umferð í Grímsnesinu í gærkvöldi.

Konan sem hrapaði í Esjunni er látin

Kona , sem hrapaði í hlíðum Esjunnar um miðjan dag í gær, var úrskurðuð látin þegar björgunarmenn komust með hana niður á láglendi í gærkvöldi eftir fjölmennan og hættulegan leiðangur.

Tugir fanga flúðu í gegnum holræsakerfið í brasilísku fangelsi

Nærri 30 föngum tókst að flýja úr fangelsi í Rio de Janeiro í Brasilíu í gegnum holræsakerfi fangelsins.

Scotland Yard notaði nöfn látinna barna í fölsk skilríki

Breska lögreglan Scotland Yard stundaði það áratugum saman að nota nöfn látinna barna í Bretlandi til að búa til fölsk skilríki fyrir þá lögreglumenn sem þurftu að villa á sér heimildir í leynilegum verkefnum fyrir Scotland Yard.

Forsetaframbjóðandi fórst í þyrluslysi í Paragvæ

Lino Oviedo einn af frambjóðendunum í forsetakosningunum í Paragvæ fórst í þyrluslysi í gærdag ásamt flugmanni þyrlunnar og lífverði sínum.

Fidel Castro kaus í þingkosningunum á Kúbu

Það vakti athygli að Fidel Castro fyrrum leiðtogi Kúbu mætti á kjörstað í gærdag þegar þingkosningar fóru fram á eyjunni.

Svíþjóð: Fleiri nýbúar þýða færri félagsleg vandamál

Ný rannsókn í Svíþjóð sýnir að þau sveitar- og bæjarfélög sem hafa hæst hlutfall innflytjenda eða nýbúa innan sinna marka glíma jafnframt við minnstu félagslegu vandamálin.

Þungt haldinn á gjörgæslu eftir árás dóttursonar síns

Nítján ára piltur braust við annan mann inn til afa síns á Skagaströnd og veitti honum alvarlega höfuðáverka. Maðurinn er grunaður um kynferðisbrot gegn tveimur frændum hans. Piltarnir voru enn í haldi í gærkvöldi.

Margar erfðabreyttar matvörur ómerktar

Neytendasamtökin krefjast þess að reglugerð um merkingar á matvælum verði hert og eftirfylgni bætt. Ítrekaðar kvartanir hafa borist samtökunum og þá sérstaklega vegna vanmerkinga á genabreyttum matvælum. Talsvert hefur einnig verið kvartað yfir viðbættu vatni í kjöti og fiski.

Fjallgöngukona fórst eftir fall í Esjuhlíðum

Kona lést er hún hrapaði í hlíðum Esjunnar í gær. Konan var á ferð við Hátind ásamt um þrjátíu manna gönguhópi er hún féll og rann yfir tvö hundruð metra.

Smókpásur útlægar í Árósum

Starfsfólk Árósaborgar munu um næstu mánaðamót þurfa að sætta sig við að mega ekki reykja á vinnutíma. Árósar eru fyrsta sveitarfélagið í Danmörku sem stígur þetta skref til fulls.

Alvarleg líkamsárás á Skagaströnd

Tveir menn eru í haldi lögreglunnar á Akureyri grunaðir um alvarlega líkamsárás á heimili á Skagaströnd snemma í morgun. Þetta staðfestir lögreglan á Akureyri í samtali við Vísi.

Björgunarmenn komnir niður með konuna

Búið er að flytja göngukonuna sem slasaðist í Esju fyrr í dag í sjúkrabíl, en fjallamenn björgunarsveitanna komu niður að vegi rétt í þessu.

Væri gaman að sjá barnavagninn eftir 40 ár

"Ég hefði nú gaman af því að sjá barnavagninn. Hann á að vera þarna," sagði Guðrún Ingibergsdóttir í þættinum "Um land allt" á Stöð 2 í kvöld, þar sem fjallað var um eldgosið á Heimaey.

Mannskæð árás á lögreglustöð í Kirkuk

Þrjátíu og þrír, hið minnsta, létust og sjötíu særðust í árás sem gerð var á lögreglustöð í íröksku borginni Kirkuk í morgun.

Komnir á slysstað í Esju

Björgunarmenn í Esju hafa nú náð til göngukonunnar sem hrapaði og þeirra samferðamanna hennar sem biðu á slysstaðnum.

Mikið um árekstra í Reykjavík

Vonskuveður er í Reykjavík og mikið um árekstra í dag. Lögreglan biður fólk að fara gætilega.

Alvarlegt slys í Esju

Slökkvilið og björgunarsveitir eru nú að störfum í Esju þar sem kona liggur slösuð eftir fall.

Farið fram á gæsluvarðhald í skotárásarmáli

Þremur af þeim fjórum sem lögregla handtók í tengslum við skotárás á Eyrarbakka í gærmorgun var sleppt seint í gærkvöldi. Lögregla hefur farið fram á gæsluvarðhald yfir einum þeirra sem kom að árásinni.

Honda smíðar bestu vélarnar

Bílar eru misjafnir að gæðum og það á einnig við um vélar þeirra. Breska tryggingafélagið Warranty Direct heldur utan um líkur þess að vélar frá hverjum bílaframleiðenda bili og miðar verð trygginga sinna meðal annars við það. Niðurstöður Warranty Direct eru þær að líkurnar eru minnstar á því að velar í Honda bílum, eða í 0,29% tilfella. Næstminnstar eru þær í bílum Toyota, en samt helmingi meiri en í Honda bílum, eða 0,58% tilfella. Listinn hér að neðan sínir 10 efstu bílamerkin og einnig þau 10 neðstu. Þar sést að ekki er endilega víst að kaup á dýrum bíl tryggi lága bilanatíðni vélar hans. Bestu vélarnar 1. Honda 0,29 % 2. Toyota 0,58 % 3. Mercedes Benz 0,84 % 4. Volvo 0,90 % 5. Jaguar 0,98 % 6. Lexus 0,99 % 7. Fiat 1,17 % 8. Ford 1,25 % 9. Nissan 1,32 % 10. Land Rover 1,38 % Verstu vélarnar 1. MG Rover 7,88 % 2. Audi 3,71 % 3. Mini 2,51 % 4. Saab 2,49 % 5. Vauxhall (Opel) 2,46 % 6. Peugeot 2,26 % 7. BMW 2,20 % 8. Renault 2,13 % 9. Volkswagen 1,91 % 10. Mitsubishi 1,70 %

Er framlag Íslands í Eurovision stolið?

"Lag sem samið er í hefðbundnum þjóðlagastíl, svo ég tali nú ekki um þegar það er í stíl sem er jafn margreyndur og hinn keltneski, og lagið heldur fast í hönd hins hefðbundna, þá er náttúrulega voðinn vís,“ segir hljómlistarmaðurinn Magnús Kjartansson í kjölfar umræðu um að framlag Íslendinga til Eurovision-keppninnar sé stolið lag.

Af hverju seljast ekki dísilbílar í Bandaríkjunum?

Bandaríkin ættu að vera heimavígi díselolíunnar. Dísilvélar ættu einmitt að henta Bandaríkjamönnum best, því þar aka bíleigendur langar vegalengdir eftir beinum og breiðum hraðbrautum og við slíkar aðstæður eru dísilvélar á heimavelli, á lágum snúningi og eyða litlu. En af hverju keyra svo til allir íbúar Bandaríkjanna á bensínbílum? Skýringin er sú að fáar eldsneytisstöðvar hafa gegnum tíðina boðið dísilolíu og fyrir vikið hefur engin verðsamkeppni myndast á dísilolíu og það hefur leitt til frjálslegrar og hressilegrar álagningar á henni. Nokkuð fáránleg skýring, en sönn engu að síður. Þessa skýringu mátti finna í mörgum löndum Evrópu fyrir um 30 árum síðan og því má segja að Bandaríkjamenn séu þremur áratugum á eftir tímanum hvað þetta varðar. Framboð á dísilolíu hefur aukist þar undanfarið eftir að þeir gerðu sér grein fyrir kostum dísilvéla í fólksbílum en mjög langt er í land að þeir jafni það hlutfall sem er í Evrópu milli dísilbíla og bensínbíla.

Tómas Lemarquis í spennutrylli McG

Íslenski leikarinn Tómas Lemarquis er meðal leikara í kvikmyndinni Three Days to Kill sem er væntanleg á árinu.

Líklegt þykir að Norður-Kórea sprengi kjarnasprengju

Norður-Kóreumenn hótuðu í síðasta mánuði að efla tilraunir sínar með kjarnorkuvopn og tilkynntu að slíkum aðgerðum yrði stefnt til höfuðs Bandaríkjamönnum.

Opið í Skálafelli og Bláfjöllum

Í dag er fyrsti opnunardagur í Skálafelli þennan veturinn en þar, og í Bláfjöllum, opnaði núna klukkan tíu og verður opið til fimm í dag.

Barack í byssó

Forseti Bandaríkjanna, Barack Obama, mundar haglabyssu á ljósmynd sem birt var á vef Hvíta hússins í gær.

Eyþór Ingi vann - Fer til Malmö í maí

Eyþór Ingi mun flytja lagið Ég á líf fyrir Íslands hönd í Eurovision í maí. Hann er jafnframt sigurvegari Söngvakeppni sjónvarpsins í ár, en úrslitin voru gerð kunn í kvöld. Lag og texti, Ég á líf, er eftir Örlyg Smára og Pétur Örn Guðmundsson.

Ég á líf og Ég syng keppa til úrslita

Tvö lög, lögin Ég á líf og Ég syng, keppa um sigurinn í Söngvakeppni Sjónvarpsins í kvöld. Þetta varð ljóst þegar fyrri atkvæðagreiðslu lauk í kvöld. Það lag sem vinnur verður fulltrúi Íslands í Eurovision í Malmö í Svíþjóð í maí. Sigurvegarinn verður kjörinn í síðari atkvæðagreiðslu í kvöld.

Punxsutawney Phil sá ekki skuggann sinn

Frægasta múrmeldýr heims, Punxsutawney Phil, sá ekki skuggann sinn þegar hann skreið úr holu sinni við hátíðlega athöfn í Pennsylvaníufylki Bandaríkjanna í gær. Samkvæmt gamalli þjóðtrú á þeim slóðum þýðir það að vorið komi snemma í ár.

Skotárás á Eyrarbakka tengist frásögn af misnotkun

Frásögn stúlku inni á umdeildri Facebook-síðu tengist skotárás á Eyrarbakka í morgun.

Mannfall í áhlaupi Talibana á eftirlitsstöð

Tuttugu og þrír hið minnsta fórust í áhlaupi Talibana á eftirlitsstöð í norðvesturhluta Pakistan í nótt. Tíu manna fjölskylda var drepin í árásinni, þar af þrjú börn.

Samið um gerð Vaðlaheiðarganga

Skrifað var undir samninga í gær um gerð Vaðlaheiðarganga á milli Eyjafjarðar og Fnjóskadals.

Trúir ekki á hástemmdan loforðaflaum

Árni Páll Árnason þakkaði Jóhönnu Sigurðardóttur, fráfarandi formanni Samfylkingarinnar, þegar hann tók við formennsku í flokknum í dag.

Katrín Júlíusdóttir nýr varaformaður

Katrín Júlíusdóttir er nýr varaformaður Samfylkingarinnar. Hún hafði betur en Oddný G. Harðardóttirí kosningu sem fór fram á fundinum í dag.

Meintur fíkniefnasmyglari laus úr fangelsi

Einn fimmmenninganna, sem setið hafa í gæsluvarðhaldi í tengslum við rannsókn lögreglunnar á höfuðborgarsvæðinu á umfangsmiklu fíkniefnamáli, er laus úr haldi. Manninum, sem er á þrítugsaldri og var handtekinn í byrjun vikunnar, var sleppt úr haldi lögreglu í gærkvöld.

Lýsti yfir goslokum í ylvolgum gíg Eldfells

Eyjamaðurinn Svavar Steingrímsson var í hópi sex manna, undir forystu Þorbjörns Sigurgeirssonar prófessors, sem fyrstir fóru ofan í gíg Eldfells að kvöldi 2. júlí árið 1973 til að kanna hvort eldgosinu á Heimaey væri lokið.

Grunaðir nauðgarar neita sök

Mennirnir fimm, sem grunaðir eru um að hafa nauðgað konu á Indlandi og veita henni áverka sem leiddu hana til dauða, neituðu allir sök fyrir dómi. Þetta hefur BBC fréttastofan eftir verjanda eins þeirra.

Brotist inn á aðgang 250 þúsund Twitter notenda

Brotist var inn á síður 250 þúsund Twitternotenda í umsvifamiklu netsvindli. Bob Lord, talsmaður öryggismála hjá Twitter, segir að notendanöfnum hafi verið stolið, sem og lykilorðum og öðrum gögnum.