14 ára stúlku haldið í eitt ár sem kynlífsþræl

Grunur leikur á að 14 ára stúlku hafi verið haldið sem kynlífsþræl í íbúð í Gautaborg í eitt ár. Stúlkan, sem lögreglan frelsaði fyrir um viku, segist hafa búið við hótanir, ofbeldi eða nauðganir á hverjum degi. Þrír karlar og ein kona eru í gæsluvarðhaldi vegna málsins. Þau neita öll sök.

Símastarfsmaður er grunaður um hlerun

Póst- og fjarskiptastofnun hefur nú til rannsóknar mál sem varðar meinta símhlerun starfsmanns símafyrirtækis. Þetta staðfestir Hrafnkell Gíslason, forstjóri PFS, við Fréttablaðið. Hann segir þetta mál það fyrsta sinnar tegundar sem stofnunin hafi fengið til athugunar. Því sé ekki lokið en muni ljúka í þessum mánuði.

NASA birtir myndir af smástirni

Smástirnið 2005 YU55 skaust framhjá jörðinni á rúmlega 48.000 kílómetra hraða í gær. YU55 var í einungis 324.600 kílómetra fjarlægð frá jörðinni - smástirnið var þannig nær jörðinni en tunglið.

Ekið á ungan pilt í Kópavogi

Ekið var á ungan pilt í Kópavogi rétt fyrir klukkan átta í kvöld. Slysið varð á Fífuhvammsvegi þar sem beygt er út á Hafnarfjarðarveg. Pilturinn var fluttur á slysadeild en lögregla hefur ekki upplýsingar um meiðsli hans.

Fékk röddina og sagðist elska pabba sinn

Fyrirburinn Bronte Cassell, nú tveggja ára, sagði sín fyrstu orð eftir að læknar fjarlægðu slöngu úr barka hennar. Hún sagðist elska pabba sinn.

Pedro og Buddy aðskildir

Forboðnar ástir finnast ekki einungis hjá mannfólkinu. Gæslumenn í dýragarðinum í Toronto uppgötvuðu fyrir nokkru að tvær karlkyns mörgæsir, þeir Pedro og Buddy, hefðu fellt hugi saman og ruglað reitum.

Var 150 kíló - sá ljósmynd og fékk nóg

Ljósmynd sem tekin var í kvennafélagsferð varð til þess að kona, sem orðin var tæp hundrað og fimmtíu kíló, ákvað að tímabært væri að gera eitthvað í sínum málum.

Tom Cruise fær sumarvinnu á Íslandi

Kvikmyndastjarnan Tom Cruise mun að öllum líkindum dvelja á Íslandi í nokkrar vikur næsta sumar við upptökur á tólf milljarða króna Hollywood-stórmynd. Búist er við að tvöhundruð manna kvikmyndalið frá Universal fylgi honum til landsins.

Fartölvu stolið í innbroti í Grafarholti

Tilkynnt var um innbrot í íbúðarhús í Grafarholti rétt fyrir klukkan átta í kvöld. Þjófarnir höfðu spennt upp svalahurð og farið inn í íbúðina. Þeir höfðu á brott með sér fartölvu. Þjófanna er nú leitað.

Fágætt eintak af smásögu eftir Hemingway boðið upp á Íslandi

Næstkomandi laugardag verður blásið til bókauppboðs á vefnum uppboð.is. Að uppboðinu standa Gallerí Fold og Bókin Klapparstíg.

Hótel hrundi í 5.7 stiga jarðskjálfta í Tyrklandi

Sex hæða hótel og nokkrar aðrar byggingar hrundu í 5.7 stiga jarðskjálfta sem reið yfir austur-Tyrkland nú fyrir stuttu.

FIFA lúffar fyrir Englendingum og leyfir valmúann

Alþjóðaknattspyrnusambandið FIFA hefur dregið í land og ákveðið að leyfa Enska landsliðinu að bera valmúamerki á keppnistreyjum sínum í landsleik á móti Spáni um næstu helgi. Valmúamerkið nota Bretar í ákveðinn tíma á hverju ári til þess að minnast fallinna hermanna.

Stúdentar mótmæla í Lundúnum

Þúsundir stúdenta mótmæltu í Lundúnum í dag. Mótmælendurnir gengu í gegnum miðbæ Lundúna og í átt að Dómkirkju Páls Postula, en þar hafa mótmæli gegn auðvaldi og fjármálakerfinu farið fram síðustu vikur.

Hélt hún væri með flensu en missti fæturna

Fyrst var talið að um hefðbundna flensu væri að ræða, stuttu síðar var hún flutt í skyndi á spítala og um morguninn vaknaði hún án fóta. Í Íslandi í dag heyrum sögu þriggja barna einstæðrar móður sem venst nú algjörlega nýju lífi.

Íslensku menntaverðlaunin afhent við fjölmenna athöfn

Ólafur Ragnar Grímsson forseti Íslands afhenti Íslensku menntaverðlaunin fyrir árið 2011 við fjölmenna athöfn í Sjálandsskóla í Garðabæ í kvöld.

Margt bendir til þess að sjúkur brennuvargur sé á ferli

Brennuvargar ollu milljónatjóni í Vestmannaeyjum í gær þegar kveikt var í síldarnót. Þetta er ein af mörgum óupplýstum íkveikjum í eyjum á undanförnum árum. Bæjarstjórinn segir sjúkan einstakling ganga lausan.

Samverustundir í Hafnarfirði

Boðað hefur verið til samverustunda í Hafnarfirði í kvöld vegna sviplegs fráfalls karlmanns á fertugsaldri sem lést í gær. Ekki er unnt að greina frá nafni mannsins að svo stöddu.

Fannst látinn í Hafnarfirði

Karlmaður fannst látinn á opnu svæði í Hafnarfirði í gærkvöld. Þetta staðfestir lögreglan í samtali við Vísi. Hún segir að maðurinn hafi látist af völdum veikinda og vildi ekki gefa nánari upplýsingar um málavexti.

Allt annað en Teigsskóg, segir Ögmundur

Ögmundur Jónasson innanríkisráðherra hefur fallið frá því að láta Vestfjarðaveg liggja yfir hálsana tvö í Gufudalssveit og er tilbúinn að skoða alla aðra kosti nema þann að fara í gegnum Teigsskóg. Kristján Möller, fyrrverandi samgönguráðherra, segir að leiðin um Teigsskóg sé sú eina færa.

Vilja að lántaka vegna Vaðlaheiðarganga verði heimiluð

Fjárlaganefnd Alþingis veitir fjármálaðherra heimild til þess að taka lán upp á einn milljarð króna vegna Vaðlaheiðarganganna, samkvæmt samþykkt meirihluta fjárlaganefndar. Þetta kom fram í útvarpsfréttum ríkisútvarpsins.

Fær milljón eftir hjartastopp við Fylkisheimilið

Íþróttafélagið Fylkir var í dag dæmt til að greiða karlmanni rúmlega eina milljón króna í bætur vegna slyss sem hann varð fyrir við félagsheimili liðsins í Árbæ í september árið 2005.

Jólageitin risin á fætur

Sænska jólageitin við Ikea er risin á fætur aftur með aðstoð kranabíls eftir óvæntan skell sem hún fékk í rokinu aðfaranótt þriðjudagsins. Hún hefur verið kirfilega fest á sinn stað í Kauptúninu og miklar vonir eru bundnar við það að hún standi af sér það óveður sem hugsanlega kann að koma á næstunni.

Þór heimsækir Ísfirðinga

Nýja varðskipið Þór er nú komið á Ísafjörð en þar var tekið á móti fleyinu með pompi og pragt í dag. Fulltrúar frá bæjarstjórn Ísafjarðarbæjar, björgunarsveitum og lögreglu og slökkviliði fóru fyrst um borð og skoðuðu skipið sem er allt hið glæsilegasta. Skipið var síðan opnað almenningi og verður það til klukkan sex í dag. Stanslaus straumur fólks hefur legið í skipið.

Segir ekki koma til greina að hætta við kjarnorkuáætlunina

Forseti Írans Mahmoud Ahmadinejad segir að ekki komi til greina að hnika um millimeter frá kjarnorkuáætlun landsins en Kjarnorkumálastofnun Sameinuðu þjóðanna fullyrðir í nýrri skýrslu að íranar hafi framkvæmt leynilegar kjarnorkutilraunir.

Tuttugu og sex utanlandsferðir á vegum forsætisráðuneytis

Tuttugu og sex utanlandsferðir voru farnar af forsætisráðuneytinu og stofnunum þess á fyrstu níu mánuðum þessa árs og samtals fóru fjörutíu manns í ferðirnar. Þetta kemur fram í svari við fyrirspurn sem Ásmundur Einar Daðason lagði fyrir á þingi. Ráðuneytið sjálft hefur fór í tuttugu og eina ferð, ein ferð var farin á vegum þjóðgarðsins á Þingvöllum og fjórar á vegum Umboðsmanns barna. Heildarkostnaður við ferðirnar nam ríflega 8,7 milljónum króna. Kostnaðurinn er vegna fargjalda og greiddra dagpeninga.

Ekkert bendir til þess að árásin hafi átt sér stað

Tveir erlendir ofbeldismenn ganga ekki lausir í Vestmannaeyjum og þurfa bæjarbúar ekkert að óttast, segir varðstjóri hjá lögreglunni í bænum.

Eiríkur svarar framsóknarmönnum fullum hálsi

Eiríkur Bergmann Einarsson dósent við Bifröst segir rangt að hann hafi í grein sinni í Fréttatímanum á dögunum "gefið sterklega í skyn að Framsóknarflokkurinn tengist hatursfullri öfgaþjóðernisstefnu,“ eins og þingflokkur Framsóknarmanna heldur fram í yfirlýsingu en framsóknarmenn hafa fordæmt skrif Eiríks. Eiríkur hefur sjálfur sent frá sér yfirlýsingu og þar bendir hann á að umfjöllun sín um Framsóknarflokkinn hafi orðrétt verið á þessa leið:

Á von á sínu 20. barni - vildi ekki hætta í oddatölu

Móðir ein í Arkansas í Bandaríkjunum eignaðist í desember árið 2009 sitt nítjánda barn og hefur nú tilkynnt að hún og eiginmaðurinn eigi von á sínu tuttugasta barni.

Tíu þúsund dómínó-kubbar féllu

Það er ekki á hverjum degi sem þúsundir dómínó kubbar falla en á safni einu í Pennsylvaniu í Bandaríkjunum á dögunum horfðu fjöldi gesta á tíu þúsund kubba falla á hliðina. Það voru bræðurnir Steve og Mike Perrucci sem eyddu yfir 15 klukkutímum í að raða kubbunum samviskulega upp. Þeir eru kallaði Dómínó-bræðurnir enda hafa þeir sérhæft sig í kubbunum síðustu ár. Í myndskeiðinu hér að ofan er hægt að sjá kubbana tíu þúsund hrynja. Ansi mögnuð sjón!

María segir siðareglurnar vera þöggunartæki fyrir Davíð Þór

María Lilja Þrastardóttir, sem skrifaði umdeildan pistil um Davíð Þór Jónsson á vefinn Innihald.is, er hætt að skrifa á vefinn. Ritstjórn Innihalds tók í morgun út hinn umdeilda pistil hennar og bað hlutaðeigandi, bæði Davíð og Maríu Lilju, afsökunar á birtingu hans. Ástæðan er sú að siðanefnd vefsíðunnar komst að því að með pistlinum hafi María Lilja brotið siðareglur.

Segir dreifbýlisbyggðir látnar blæða vegna Álftaness

Ríkisstjórnin er sökuð um að láta þau sveitarfélög í dreifbýlinu sem verst standa ein um að axla byrðar af fjárhagshruni Álftaness með því að taka af þeim 300 milljóna króna framlag og færa til Álftaness.

Framsóknarflokkurinn fordæmir skrif Eiríks Bergmanns

Þingflokkur Framsóknarflokksins fordæmir umfjöllun Eiríks Bergmanns Einarssonar um Framsóknarflokkinn sem birt var í Fréttatímanum um síðustu helgi. Í yfirlýsingu sem Framsóknarflokkurinn hefur sent frá sér segir að umfjöllunin sé villandi og meiðandi. Eiríkur fjalli þar um ýmsar þjóðernisöfgahreyfingar og blandi Framsóknaflokknum í þá umræðu með afar undarlegum hætti.

Heavy D látinn

Bandaríska rappstjarnan Heavy D lést í gær, 44 ára að aldri. Hann hné niður fyrir utan heimili sitt í Los Angeles og lést á spítala skömmu síðar.

Gat ekki klæðst en vann samt úti

Kona í Västerås í Svíþjóð, sem sagðist hvorki geta matast sjálf né klætt sig, fékk á sex ára tímabili greiddar fimm milljónir sænskra króna, jafngildi tæpra 90 milljóna íslenskra króna, í umönnunarbætur. Á þessu sama tímabili starfaði konan sem gengilbeina á veitingastað.

Geta ekki hrellt fyrverandi eiginkonur í verslunum

Danska stjórnin ætlar með nýju lagafrumvarpi að tryggja að erfiðara verði fyrir menn að hrella fyrrverandi eiginkonur sínar.

Segist ekki hafa séð neitt um hagnað ríkissjóðs af jarðakaupum Nubos

Ögmundur Jónasson innanríkisráðherra kvaðst á Alþingi í gær ekki hafa séð neitt sem gæfi til kynna að ríkissjóður myndi hagnast á kaupum Kínverjans Nubo á Grímsstöðum á Fjöllum. Skýrsla Arion banka, um gríðarlega jákvæð áhrif fjárfestinga hans á efnahagslífið, var engu að síður send honum persónulega í síðasta mánuði, en einnig ráðuneytinu og birt opinberlega.

Skálholt skyndifriðað

Skálholtsskóli, Skálholtskirkja og nánasta umhverfi hefur verið skyndifriðað. Ákvörðun um þetta var tekin á fundi Húsafriðunarnefndar í gær. Nikulás Úlfar Másson forstöðumaður nefndarinnar segir að þetta þýði að hætta verði öllum framkvæmdum við Þorláksbúð. Innan tveggja vikna þarf svo að taka endanlega ákvörðun um hvort svæðið verði friðað.

Ábyrgðarlaust að afneita fölskum minningum

Reynir Harðarson sálfræðingur ræddi falskar minningar í þættinum Í bítið í morgun. Fyrirbærið hefur verið mikið rætt síðustu daga í kjölfar yfirlýsingar frá fjölskyldu Guðrúnar Ebbu Ólafsdóttur sem sakað hefur föður sinn Ólaf Skúlason biskup um kynferðisbrot gegn sér. Fjölskyldan heldur því fram að Guðrún Ebba fari með rangt mál og þeim möguleika hefur verið velt upp að um falskar minningar sé að ræða.

Eiríkur Guðnason borinn til grafar

Eiríkur Guðnason, fyrrverandi seðlabankastjóri, verður borinn til grafar frá Hallgrímskirkju í dag. Hann lést á hjartadeild Landspítalans þann 31. október 2011. Eiríkur starfaði í 40 ár við Seðlabankann, var aðalhagfræðingur, aðstoðarbankastjóri og bankastjóri. Hann var bankastjóri þegar mest gekk á í efnahagslífi Íslendinga á árinu 2008.

Ríkt fólk endurnýjar lúxusbílaflota landsins

„Þeir sem eiga peninga eru að kaupa bíla,“ segir Páll Þorsteinsson, upplýsingafulltrúi Toyota á Íslandi.

Ekið á gangandi vegfaranda

Ekið var á gangandi vegfaranda í Reykjanesbæ rétt fyrir klukkan átta í morgun. Samkvæmt upplýsingum frá lögreglunni á Suðurnesjum varð slysið með þeim hætti að karlmaður var að ganga yfir gangbraut, á móts við Íslandsbanka efst á Hafnargötunni, þegar ekið var á hann. Maðurinn var flutt á slysadeild en hann er ekki alvarlega slasaður, samkvæmt varðstjóra hjá lögreglu.

Davíð Þór beðinn afsökunar

Siðanefnd vefsíðunnar Innihald.is hefur komist að þeirri niðurstöðu að María Lilja Þrastardóttir hafi gerst brotleg við siðareglur vefsins þegar hún skrifaði opið bréf til Davíðs Þórs Jónssonar sem birtist á vefnum. Bréfið hefur nú verið tekið úr birtingu.

Forsetinn heimsækir Ísafjörð

Ólafur Ragnar Grímsson, forseti Íslands, og Samtök iðnaðarins munu heimsækja Menntaskólann á Ísafirði og fyrirtæki í bæjarfélaginu á morgun.

Bjarni Ben hjá Audda Blö: Við erum ekki ósátt

"Já, við höfum alltaf verið ágætir vinir,“ segir Bjarni Benediktsson, formaður Sjálfstæðisflokksins, um tengsl sín og Hönnu Birnu Kristjánsdóttur borgarfulltrúa sem tilkynnti um formannsframboð sitt í síðustu viku.

Herðir eftirlit með hlerunum

Ríkissaksóknari, Sigríður J. Friðjónsdóttir, vill herða eftirlit með símhlerunum lögreglunnar. Hún hefur skrifað dómstólaráði bréf þess efnis að embætti hennar verði send afrit af dómsúrskurðum vegna símhlerana og sambærilegra úrræða jafnóðum og þeir eru kveðnir upp, hvort sem fallist er á kröfu lögreglu eða ekki. Þetta er liður í að endurskipuleggja og herða eftirlit embættis ríkissaksóknara með símhlerunum.