Rafmagnslaust á Kjalarnesi og í Mosfellsbæ

Bilun varð í háspennukerfi Orkuveitu Reykjavíkur um klukkan hálftíu í kvöld og er rafmagnslaust á Kjalarnesi og nyrst í Mosfellsbæ.

Gæti verið 80 kíló um jólin - tvö kíló fara að meðaltali á viku

Sigmundur Davíð Gunnlaugsson, formaður Framsóknarflokksins, hefur misst 1,9 kíló frá því á mánudaginn. Hann hefur því misst tæplega fjögur kíló frá því hann byrjaði í megrun fyrir tveimur vikum síðan.

Tollarar fá einkennisskjöld og ný föt

Á morgun munu tollarar fá ný einkennisföt frá embættinu og er helsta nýjungin sú að einkennisskjöldur með starfsnúmeri tollvarðar verður sýnilegur á vinstra brjósti.

Struku af meðferðarheimili og brutust inn í sumarbústaði

Þrír ungir drengir struku af meðferðarheimilinu Geldingalæk um miðjan síðasta mánuð og brutust inn í nokkur sumarhús, höfðust þar við í sólarhring og ollu gífurlegum skemmdum. Sumarhúsaeigendur furða sig á skipulagi starfsemi heimilisins og afskiptaleysi lögreglu.

Alvarlega slasaður eftir kappakstur í Kópavogi

Ökumaður bifreiðar er alvarlega slasaður eftir umferðarslys á Hafnafjarðarvegi við Kópavogslæk um klukkan korter yfir sjö í kvöld.

Fengu sér að borða og skildu barnið eftir í bílnum - málið í skoðun

Ungabarn var skilið eftir bundið í bílstól í bifreið fyrir utan veitingahúsið Rána við Hafnargötu í Reykjanesbæ síðdegis í gær. Barnaverndaryfirvöld í bænum eru nú með atvikið til meðferðar.

Grænland og Ísland ræða samstarf vegna olíuleitar

Grænlendingar vonast til að olía geti leitt til sjálfstæðis. Sameiginlegir hagsmunir Íslendinga og Grænlendinga vegna olíuleitar er meðal umræðuefna í þriggja daga opinberri heimsókn Kuupik Kleist, formanns grænlensku landstjórnarinnar, sem hófst í dag. Kuupik Kleist hóf Íslandsheimsóknina á fundi með Össuri Skarphéðinssyni utanríkisráðherra í morgun og eftir hádegi fundaði hann Jóhönnu Sigurðardóttur forsætisráðherra á Þingvöllum.

Ellilífeyrisþegar gætu þurft að greiða fyrir þvott og mat

Heimilismenn á dvalarheimilum gætu þurft að greiða sérstaklega fyrir sjúkraþjálfun, þvott og mat ef niðurskurðartillögur stjórnvalda ná fram að ganga. Dvalarheimilið Hrafnista þarf að skera niður um allt að áttatíu milljónir ef af verður.

Össur: Forsetinn gekk of langt

Össur Skarphéðinsson, utanríkisráðherra, telur að forseti Íslands hafi gengið of langt þegar hann gagnrýndi ríkisstjórnina í erlendum fjölmiðlum vegna Icesave málsins. Ekki sé hægt að líta ummæli forseta öðruvísi en sem beina árás á stjórnvöld.

Ekki vanur að sitja í réttarsal en það venst

Ákæra á hendur Geir Haarde er stórkostlega vanreifuð, sakborningur hefur enn ekki fengið að sjá öll málsgögn og saksóknari Alþingis er vanhæfur í málinu. Þetta er meðal þess sem verjandi Geirs sagði í morgun þegar frávísunarkrafa hans var tekin fyrir.

Vill að bygging á nýju fangelsi verði rædd í sölum Alþingis

Björgvin G. Sigurðsson, þingmaður og fulltrúi í fjárlaganefnd, segir að ákvörðun Ögmundar Jónasson, innanríkisráðherra, um að nýtt öryggisfangelsi verði byggt á Hólmsheiði eigi að ræða í sölum Alþingis. Hann segir það megi spara mikinn pening með því að byggja nýja öryggisálmum við Litla Hraun.

Snákur og kannabis í húsi í Garðabæ

Lögreglan á höfuðborgarsvæðinu stöðvaði kannabisræktun í húsi í Garðabæ á föstudag. Við húsleit var lagt hald á um þrjátíu kannabisplöntur og ýmsan búnað tengdan starfseminni. Á sama stað var einnig að finna þrjá snáka og voru þeir líka fjarlægðir. Karl á þrítugsaldri var yfirheyrður í þágu rannsóknarinnar.

Vill nánari skýringar frá Evrópusambandinu

Jón Bjarnason, sjávarútvegs- og landbúnaðarráðherra, telur nauðsynlegt að fulltrúar Evrópusambandsins skýri með fullnægjandi og tæmandi hætti hvað átt er við með þeim skilyrðum, sem sambandið setur fyrir því að hafnar verði samningaviðræður um landbúnaðarmál við ESB.

Tveir menn reyndu að tæla barn upp í bíl - buðu dreng sælgæti

Tveir á menn á bíl buðu dreng sælgæti þar sem hann beið eftir strætó í Hlíðarhjalla í Kópavogi, skammt frá Álfhólsskóla, um klukkan eitt í dag.

Hóta að taka fjögur of feit börn af foreldrum

Skosk yfirvöld hafa hótað að taka fjögur of þung börn af foreldrum þeirra eftir að hafa gefið þeim árangurslausar viðvaranir um að börnin verði að léttast.

Mosfellsbær semur við Alexander: Fær að taka leigubíl

Hestamaðurinn Alexander Hrafnkelsson hefur hætt við að stefna Mosfellsbæ fyrir að hafa vanrækt lögboðnar skyldur sínar gagnvart honum, en hann er blindur.

Dæmd fyrir að framvísa röngu vegabréfi

Sómölsk kona var dæmd í eins mánaðar langt fangelsi í héraðsdómi Reykjaness í dag fyrir misnotkun skjals þegar hún framvísa vegabréfi annarrar konu þegar hún kom til landsins á fimmtudaginn í síðustu viku.

Sökuð um að svíkja sex milljónir út úr hafnfirskri fasteignasölu

Kona á fertugsaldrinum hefur verið ákærð fyrir að svíkja rúmlega sex milljónir króna úr fasteignasölu í Hafnarfirði þar sem hún starfaði sem bókari og gjaldkeri á árunum 2007 til 2008.

Harður þriggja bíla árekstur á Miklubraut

Harður árekstur þriggja bifreiða varð á Miklubraut skammt austan við Skaftahlíð í dag. Einn bíllinn skemmdist svo mikið að nauðsynlegt var að flytja hann á brott með kranabifreið. Í tilkynningu frá árekstur.is kvartaði einn ökumanna undan smávægilegum meiðslum. Þá þurfti að kalla út slökkvilið höfuðborgarsvæðisins til að þrífa olíu sem lekið hafði á götuna í kjölfar óhappsins.

Fjórtán stútar teknir um helgina

Fjórtán ökumenn voru teknir fyrir ölvunarakstur á höfuðborgarsvæðinu um helgina. Ellefu þeirra voru stöðvaðir í Reykjavík og einn í Kópavogi, Garðabæ og Hafnarfirði. Einn var tekinn á föstudagskvöld, níu á laugardag og fjórir á sunnudag.

ESB og landbúnaðurinn: Tímasett áætlun forsenda viðræðna

Evrópusambandið segir í nýrri rýniskýrslu að landbúnaður á Íslandi sé mikilvægur vegna dreifbýlisþróunar, fæðuröryggis og sjálfbærni. Þá sé sérstaða íslensks landbúnaðar rík, einkum vegna erfiðra loftslagsskilyrða og strjálbýlis. Því verði nauðsynlegt að leita sértakra lausna fyrir Ísland. Í bréfi frá Jan Tomlinsson, fastafulltrúa Póllands sem fer með formennsku í sambandinu nú um stundir, segir að ekki sé hægt að hefja samningaviðræður um landbúnaðinn fyrr en tímasett vinnuáætlun hafi verið lögð fram.

21 árs karlmaður drepinn af hákarli

Maðurinn var í hópi vina á brimbretti við Bunker Bay, vinsælan ferðamannastað á vesturströnd Ástralíu í gær, þar sem krökkt var af fólki.

Óforsvaranlegt að veita Nubo undanþágu

Guðfríður Lilja Grétarsdóttir þingkona VG segir það óforsvaranlegt fyrir ríkið að veita Huang Nubo, kínverska auðkýfingnum sem vill kaupa Grímsstaði á Fjöllum, undanþágu til þess að kaupin megi ganga í gegn. Guðfríður segir nauðsynlegt að endurskoða lögin um rannsóknir og nýtingu auðlinda í jörðu áður en slíkar undanþágur séu veittar.

Nokkuð um innbrot á Suðurlandi

Lögreglunni á Selfossi barst tilkynning rétt fyrir klukkan sjö síðastliðinn fimmtudagsmorgun um yfirstandandi innbrot í sumarbústað í Reykjaskógi í Bláskógabyggð.

Fjórar milljónir þurfa aðstoð í Sómalíu

Aldrei hafa fleiri þurft matvælaaðstoð í Sómalíu en talan er komin i fjórar milljónir og þar af eru 750 þúsund manns taldir í bráðri hættu að verða fyrir hungurdauða

Stálu verkfærum fyrir þrjár milljónir

Aðfaranótt síðastliðins miðvikudags var brotist inn í hjólbarðaverkstæði við Minni Borg í Grímsnesi og þaðan stolið loftlykli, topplyklasettum, tveimur hjólatjökkum og fleiri minni verkfærum samkvæmt upplýsingum frá lögreglunni á Selfossi.

Stoltastur af einni milljón trjáa

Vallanes á Fljótsdalshéraði er leiðandi bú á sviði lífrænnar ræktunar á Íslandi. Eymundur Magnússon og eiginkona hans Eygló Ólafsdóttir rækta og framleiða vörur undir eigin vörumerki. Þau telja lífrænum bændum betur borgið innan ESB.

Málflutningi lokið í Þjóðmenningarhúsinu

Málflutningi varðandi frávísunarkröfu verjanda Geirs Haarde fyrrverandi forsætisráðherra í landsdómi er lokið. Dómurinn hefur nú fjórar vikur til þess að leggja mat á kröfuna.

Ákærður fyrir að eyðileggja húsið sitt - og svíkja fé út úr fólki

Dómsmál gegn Birni Braga Mikkelssyni var þingfest í Héraðsdómi Reykjaness í morgun en Björn Bragi mætti ekki í þingfestinguna. Björn er meðal annars ákærður fyrir að eyðileggja húsið sitt á Álftanesi í júní árið 2009. Húsið var í eigu Frjálsa fjárfestingabankans.

MI6 og CIA rændu andófsmönnum og fluttu til Gaddafís

Samningaviðræður uppreisnarmanna í Líbíu um að fylgjendur Gaddafis í borginni Bani Walid fóru út um þúfur í gærkvöldi. Breskir og bandarískir leyniþjónustumenn eru nú sakaðir um að hafa aðstoðað Gaddafí í baráttunni við andófsöfl í landinu áður en til uppreisnarinnar kom.

Vill ljúka aðildarviðræðum við ESB

Kristbjörg Þórisdóttir var kjörin formaður Landssambands Framsóknarkvenna á nýafstöðnu landsþingi en aðeins munaði einu atkvæði á henni og Þuríði Bernódusdóttur. Þuríði og Kristbjörgu greindi á um á um næstu skref í ESB viðræðum Íslands.

Segir ótrúlegt að Geir hafi ekki fengið að sjá málsgögnin

Verjandi Geirs H. Haarde, fyrrverandi forsætisráðherra, krafðist þess í morgun fyrir Landsdómi að málinu gegn honum verið vísað frá og sagði ótrúlegt að Geir hefði ekki enn séð málsgögn.

Frestun reglugerðar blaut tuska í andlit neytenda

Samtök lífrænna neytenda og Slow Food Reykjavík gagnrýna Jón Bjarnason, sjávarútvegs- og landbúnaðarráðherra, harðlega fyrir frestun gildistöku á reglugerð um merkingu og rekjanleika erfðabreyttra matvæla og erfðabreytts fóðurs sem átti að taka gildi 1. september. Ráðherra hefur frestað gildistökunni til 1. janúar 2012.

Mótmæla harðlega niðurskurði í velferðarmálum

Samtök fyrirtækja í heilbrigðisþjónustu mótmæla harðlega frekari niðurskurði í velferðarmálum á fjárlögum næsta árs samkvæmt tilkynningu frá aðildarfélögunum en félagsfundur samtakanna var haldinn á Hrafnistu í Kópavogi um helgina.

Ríkisstjórnarfundir verða hljóðritaðir

Ríkisstjórnarfundir verða hljóðritaðir en frumvarp um Stjórnarráð Íslands var samþykkt úr allsherjarnefnd Alþingis í morgun.

Ikea notaði pólítíska fanga í sófasmíði

Ikea notaðist við vinnuafl fanga á áttunda áratugnum, þetta kemur fram í gögnum Stasí. Þýska ríkissjónvarpið segir frá því að upp hafi komist um samstarfið við rannsóknir á gögnum frá austur-þýsku leyniþjónustunni Stasí.

Lýst eftir vitnum á Ísafirði

Lögreglan á Vestfjörðum óskar eftir vitnum að árekstri sem átti sér stað á bifreiðastæði við Brunngötu á Ísafirði. En þá var ekið utan í mannlausa Subaru Legacy bifreið, rauða að lit. Sá er árekstrinum olli keyrði af vettvangi án þess að gera hreint fyrir sínum dyrum. Talið er að áreksturinn hafi átt sér stað á milli kl.03:00 til 15:00 föstudaginn 26. ágúst sl. Sími lögreglunnar er 450 3730.

Fagna áformum kínverska kaupsýslumannsins

Framsýn - stéttarfélag hvetur stjórnvöld og aðra til þess að vinna þétt og styðjandi við þá aðila sem vinni að því að styrkja- og bæta atvinnu- og mannlíf í Þingeyjarsýslum. Á fundi stjórnar og trúnaðarmannaráðs félagsis í gær voru fyrirhuguð kaup kínverska kaupsýslumannsins Huang Nubo á Grímsstöðum á Fjöllum rædd.

Sjö tilkynningar hjá söfnuði Votta Jehóva

Öldungaráð Votta Jehóva hefur fengið sjö tilkynningar um kynferðisbrot inn á borð til sín síðan árið 1960. Eitt málið var kært til lögreglu, en var vísað frá.

Frávísunarkrafa Geirs tekin fyrir í landsdómi

Landsdómur kemur saman nú fyrir hádegi þar sem frávísunarkrafa verjanda Geirs Haarde fyrrverandi forsætisráðherra verður tekin fyrir. Þetta er önnur frávísunarkrafan í málinu en í fyrra skiptið hafnaði landsdómur þeirri kröfu verjandans að vísa bæri málinu frá á grundvelli þess að dómurinn væri ekki rétt skipaður.

Hillary hrífur Cheney

Dick Cheney, fyrrverandi varaforseti Bandaríkjanna, lofar framgöngu Hillary Clinton í embætti utanríkisráðherra í Bandaríkjanna í hástert. Hann segir að áhugavert yrði að vita hvernig forseti hún yrði.

Forsetafrúin setur fjölmiðlabann á börnin sín

Carla Bruni, eiginkona Nicolas Sarkozy forseta Frakklands, segir að hún muni gera hvað sem er til þess að hindra það að barnið sem hún ber undir belti komist í kastljós fjölmiðla. Í samtali við TF1 sjónvarpsstöðina í Frakklandi sagði hún að hún myndi gera hvað sem í hennar valid stæði til þess að koma í veg fyrir að myndir af barninu kæmust í fjölmiðla. Bruni sagðist hafa gert alvarleg mistök í það eina skipti sem hún leyfði myndatökumönnum að taka myndir af tíu ára gömlum syni sínum, sem hún átti áður en hún kynntist Sarkozy. Bruni sagði líka að hún hefði ekki hugmynd um hvort hún ætti von á strák eða stelpu.

Fyrrverandi Frakklandsforseti ákærður

Jacques Chirac, fyrrverandi forseti Frakklands, hefur verið ákærður fyrir að hafa fjármagnað kosningasjóði sína með ólögmætum hætti þegar hann var borgarstjóri í París. Fréttavefur BBC segir hins vegar að óvíst sé hvort réttarhöld yfir forsetanum fyrrverandi geti farið fram því hann sé orðinn 78 ára gamall og berjist við minnisleysi. Ef réttarhöldin fara fram þykir næstum alveg víst að Chirac verði ekki viðstaddur þau. Chirac var borgarstjóri í París á árunum 1977 til 1995. BBC segir að viðurlögin við þeim brotum sem hann er ákærður fyrir geti verið allt að 10 ára fangelsi og sekt sem nemur um 25 milljónum króna.

Þrír merkir minnisvarðar skemmdir

Þrír sögufrægir minnisvarðar hafa verið skemmdir í Róm, höfuðborg Ítalíu að undanförnu. Í einu tilfellinu náðust myndir á öryggismyndavél af manni sem hjó tvö stykki úr gosbrunni í Piazza Navona. Nokkrum klukkustundum síðar sást maður henda steini í hinn fræga Trevi gosbrunn í miðborg Rómar. Lögreglan segist síðan hafa séð námsmann klífa upp vegg á Colosseum hringleikahúsinu fræga til þess að höggva af marmarastykki. BBC segir að lögreglan gruni að í einhverjum fyrrgreindra tilfella hafi getað verið um sama einstakling að ræða. Þrátt fyrir að bæði öryggismyndavélum og lögreglumönnum hafi verið fjölgað segir lögreglann það verða æ erfiðara að vernda ævaforn minnismerki í borginni.

Mengun gæti breytt ásýnd Þingvallavatns

Aukin bílaumferð um Þingvelli í kjölfar vegabóta á Lyngdalsheiði getur haft aukna mengun í för með sér í þjóðgarðinum. Auka þarf eftirlit með mengun frá veginum segir Ólafur Örn Haraldsson þjóðgarðsvörður á Þingvöllum.