Meirihlutinn heldur í Eyjum - lokatölur komnar

Meirihluti Sjálfstæðisflokksins heldur í Vestmannaeyjum eftir að búið er að telja öll atkvæði. Sjálfstæðisflokkurinn er með fjóra bæjarfulltrúa kjörna og Samfylkingin með þrjá.

Áfall fyrir Sóleyju Tómasdóttur

Þetta er mjög skrýtið og ég efast um að þetta sé satt, sagði Sóley Tómasdóttir, oddviti Vinstri Grænna í Reykjavík. Hún var spurð um niðurstöðu VG í kosningunum í umræðum oddvita framboðanna í Reykjavík sem fram fóru á RÚV um tólfleytið í kvöld.

Lokatölur í Kópavogi: Meirihlutinn fallinn

Lokatölur eru komnar í Kópavogi. Nokkrar breytingar urðu frá fyrstu tölum og náði Framsóknarflokkurinn inn sínum manni sem var úti í fyrstu tölum. Sá maður fór inn á kostnað annars manns hjá Næst besta flokknum, sem fær þá einn mann enn ekki tvo. Sjálfstæðismenn fá fjóra menn í bæjarstjórn, Samfylkingin þrjá og Y-listinn kom manni inn, eins og Vinstri grænir.

Fyrstu tölur í RVK: Besti flokkurinn með sex menn

Fyrstu tölur eru komnar í hús í Reykjavík og Besti flokkurinn hefur fengið 8000 atkvæði og sex menn kjörna miðað við þetta. Sjálfstæðisflokkurinn nær inn fimm mönnum og Samfylkingin fær fjóra. Aðrir flokkar ná ekki inn manni.

Baggalútsmaður lofar stuði í Reykjavík

Mikil gleði ríkti á kosningavöku Besta flokksins í Iðusölum, þegar fréttamann Stöðvar 2 og Vísis bar að garði þar í kvöld. Karl Sigurðsson, fimmti maður á lista Besta flokksins, sagðist vera himinnlifandi með árangur flokksins.

Meirihlutinn fallinn í Árborg

Sjálfstæðisflokkurinn bætir við sig manni í Árborg en meirihluti Samfylkingarinnar og Framsóknarflokksins er fallinn. Sjálfstæðisflokkurinn hlaut því 1.369 atkvæði eða 44,5 prósent.

Sjálfstæðisflokkurinn vinnur stórsigur í Reykjanesbæ

Sjálfstæðisflokkurinn í Reykjanesbæ heldur sínum meirihluta. Flokkurinn fékk helming greidd atkvæði eða 52,9 prósent. Alls hafa 3173 atkvæði hafa verið talin.

Akureyri: L-listinn fær sex menn

Fyrstu tölur á Akureyri benda til þess að L-listinn fái hreinann meirihluta í bæjarstjórn og sex menn kjörna. Búið er að telja um 7000 atkvæði og aðrir flokkar í framboði, Bæjarlistinn, Framsóknarflokkur, Sjálfstæðisflokkur, Samfylking og VG, skipta á milli sín atkvæðunum og ná einum manni inn hver.

Bæjarstjóri Hafnarfjarðar úti í kuldanum

Lúðvík Geirsson, bæjarstjóri Hafnarfjarðar nær ekki inn samkvæmt nýjustu tölum í Hafnarfirði en þegar hafa 6800 verið talin.

Sjálfstæðisflokkurinn fær flest atkvæði í Kópavogi

Sjálfstæðisflokkurinn hlaut flest atkvæði í Kópavogi en þeir fengu 3617 atkvæði en búiið er að telja 11964 atkvæði. Þá fékk Samfylkingin 3370 atkvæði. Þá fékk VG 1129 atkvæði. Næst besti flokkurinn hlaut 1687 atkvæði. Listi Kópavogs hlaut 1233 atkvæði. Frjálslyndi flokkurinn fékk 87 atkvæði.

Samfylkingin vinnur stórsigur á Akranesi

Samfylkingin hlaut 873 atkvæði og fengu fjóra menn kjörna. Þeir bæta því við sig tveimur mönnum. Sjálfstæðisflokkurinn geldur afhroð og missir tvo menn en voru áður með fjóra. Vinstri grænir halda sínum manni en Framsóknarflokkurinn bætir við sig einum manni og er því með tvo bæjarfulltrúa.

Meirihlutinn heldur í Skagafirði

Meirihluti Framsóknarflokks og Samfylkingarinnar í Skagafirði heldur miðað við fyrstu tölur þegar búið er að telja rúmlega helming atkvæða. Framsóknarmenn ná fjórum mönnum eins og síðast og Samfylkingin heldur sínum manni. VG ná inn manni og Sjálfstæðisflokkurinn missir einn mann sem færist yfir til F - Lista Frjálslyndra og óháðra.

Hjálmar gleðst yfir árangrinum

Hjálmar Sveinsson, fjórði maður á lista Samfylkingarinnar, er nýr borgarfulltrúi í Reykjavík samkvæmt fyrstu tölum sem birtust rétt eftir klukkan tíu.

Sigmundur Davíð ætlar að kynna sér niðurstöðurnar betur

Sigmundur Davíð Gunnlaugsson, formaður Framsóknarflokksins, vildi ekki veita fréttamanni á fréttastofu Stöðvar 2 og Vísis viðtal þegar hann falaðist eftir því á Austurvelli um ellefuleytið í kvöld. Hann strunsaði yfir Austurvöll og sagðist ætla að kynna sér betur niðurstöðurnar.

Hanna Birna: Sjálfstæðisflokkurinn í stórsókn

Sjálfstæðisflokkurinn er í stórsókn í Reykjavík, sagði Hanna Birna Kristjánsdóttir, oddviti sjálfstæðismanna í Reykjavík, þegar að hún ávarpaði sjálfstæðismenn á kosningavöku á Nordica Hótel.

Dagur: Krafa um breytingar

Dagur B. Eggertsson, oddviti Samfylkingarinnar sagði við Samfylkingarmenn að skilaboðin úr kjörkössunum í dag væri krafa um breytingar. Hann sagði að kosningabaráttan hefði verið ein sú óvenjulegasta sem hann hefði upplifað. Samfélagið hefði gjörbreyst og það væru skrýtnir tímar. Nýtt framboð hefði engið 38% en Samfylkingin hefði hins vegar haldið sínu fylgi frá því fyrir fjórum árum síðan.

Sjálfstæðismenn halda sínu í Garðabæ

Sjálfstæðisflokkurinn í Garðabæ fær tæp 63 prósent atkvæða miðað við fyrstu tölur og nær inn fimm mönnum. M-listinn, listi fólksins í bænum nær inn manni og það gerir Samfylkingin einnir. Framsóknarflokkur nær hinsvegar ekki inn manni.

Fjarðabyggð: Meirihlutinn heldur

Fyrstu tölur úr Fjarðabyggð gefa til kynna að Fjarðalistinn nái inn þremur mönnum og Framsóknarflokkurinn nær inn tveimur mönnum. Meirihlutinn heldur því þar þrátt fyrir að flokkarnir dali. Sjálfstæðismenn ná inn fjórum mönnum.

Staðan í Vestmannaeyjum óbreytt

Sjálfstæðisflokkurinn í Vestmannaeyjum heldur sínum meirihluta en hann hlaut 797 atkvæði eða 55 prósent atkvæða.

Mosfellsbær: D-listi með hreinan meirihluta

Sjálfstæðismenn fá fjóra menn miðað við fyrstu tölur í Mosfellsbæ og Vinstri grænir ná inn einum manni. M-listinn nær einnig inn einum manni og það gerir Samfylkingin einnig. Framsóknarmenn missa hinsvegar sinn mann og ná ekki fulltrúa í bæjarstjórn.

Eldur í heimahúsi í Hafnarfirði

Eldur kom upp í eldhúsi á Hverfisgötu 52 í Hafnarfirði nú á tíunda tímanum. Fólk sem var í húsinu forðaði sér út áður en slökkvilið kom á vettvang sem slökkti eldinn skjótt. Um frekar lítinn eld var að ræða en mikill reykur fór um alla íbúðina en húsið er tvíbýlishús. Þrír einstaklingar eru nú í skoðun hjá læknum en engum varð sérstaklega meint af að sögn slökkviliðs.

Lögreglan innsiglar talningarmenn - fyrstu tölur upp úr tíu

Lögreglan hefur innsiglað talningamenn um allt land. Þessi mynd var tekin í Ráðhúsinu í Reykjavík.

Betri kjörsókn í Reykjavík en fyrir fjórum árum síðan

Alls hafa 55.366 borgarbúar greitt atkvæði klukkan níu í kvöld en það gera 64,54 prósent.

Úrslit í Skorradalshreppi

Úrslit sveitarstjórnarkosninganna í Skorradalshreppi eru ljós. Alls greiddu 22 atkvæði eða 52,30 prósent. Á kjörskrá eru 42.

Eurovision ekki haft mikil áhrif á kosningarnar

Alls höfði 53936 þúsund borgarbúar greitt atkvæði klukkan átta í Reykjavík. Það gera 62,88 prósent en í síðustu sveitarstjórnarkosningunum höfðu 60,84 prósent kosið á sama tíma. Tæplega 86 þúsund manns eru á kjörskrá.

Hera Björk sló í gegn

Hera er búin að syngja á Eurovision. Henni var fagnað ákaft eftir sönginn. Hera söng lagið að sjálfsögðu hnökralaust.

Framsókn dregur kæru til baka vegna auglýsingaspjalla

Vegna umræðu um skemmdir á auglýsingaskiltum Framsóknarflokksins í Kópavogi hefur stjórn fulltrúaráðsins sent eftirfarandi yfirlýsingu frá sér:

Hera Björk fer að stíga á svið - sendir þjóðinni kveðjur

Hera Björk Þórhallsdóttir stígur á stokk fyrir Íslands hönd í Eurovision í Osló í kvöld. Hún er númer sextán í röðinni.

Gunnar Helgi: Kosningarnar verða sögulegar

Prófessor í stjórnmálafræði segir að gömu flokkarnir geti ekki látið eins og ekkert hafi í skorist fái Besti flokkurinn fylgi í samræmi við kannanir.

ívið betri kosningaþátttaka en árið 2006

Alls hafa 45112 kosið í Reykjavík eða 52,59 prósent klukkan sex í dag. Það er um það bil tveimur prósentum meira en kusu í sveitarstjórnarkosningunum árið 2006. Þá voru 50,87 prósent búnir að kjósa eða 43551. Tæplega 86 þúsund eru á kjörskrá í Reykjavík.

Dennis Hopper er látinn

Leikarinn Dennis Hopper er látinn. Hann var 74 ára en hann lést á heimili sínu í Kaliforníu í morgun.

Baldvin Jónsson: Höfum ekki hugmynd um það hvað gerist

„Við höfum fundið fyrir gríðarlegum meðbyr eftir Kastljósið í gær en við höfum ekki hugmynd hvað gerist,“ segir Baldvin Jónsson, oddviti Reykjavíkurframboðsins, en hann segir daginn í dag vera þann fyrsta þar sem frambjóðendurnir framboðsins eru ekki á hlaupum út um allan bæ.

Ólafur F. Magnússon býst við öllu í kvöld

„Við erum búin með okkar vinnu, við erum ekki að smala heldur sitjum við hérna í garðinum mínum og þéttum raðirnar,“ segir Ólafur F. Magnússon borgarfulltrúi H-listans en hann tekur kosningadaginn rólega og segist ekki smala mikið síðustu stundirnar.

Kjörsókn eykst í Reykjavík

Kjörsókn hefur aukist nokkuð í Reykjavík en alls hafa 31827 borgarbúar kosið. Það gera 37,1 prósent. Fyrir síðustu sveitarstjórnarkosningar höfðu 32725 þúsund kosið á sama tíma. Kjörsókn hefur því aukist nokkuð í Reykjavík frá því klukkan tvö í dag.

Sambærileg kosningaþátttaka á Ísafirði og Suðurnesjum

Alls höfðu 3227 kjósendur greitt atkvæði klukkan fjögur í dag á Suðurnesjum. Það gera 34,48 prósent. Það er tæpu prósentustigi minna en á sama tíma fyrir fjórum.

Ívið minni kjörsókn á Selfossi - Eyrarbakki sker sig þó úr

Alls höfðu 40,6 prósent íbúa í Árborg greitt atkvæði klukkan fjögur í dag. Það gera 2217 einstaklingar en alls eru 5450 á kjörskrá í Árborg. Fyrir fjórum árum síðan, eða í síðustu sveitarstjórnarkosningum, höfðu 43,6 prósent kosið á sama tíma.

Framúrskarandi kosningaþátttaka á Akureyri

Kjörsókn á Akureyri hefur verið framúrskarandi góð að sögn formanns kjörstjórnar, Helga Teits Helgasonar, en alls hafa 4452 kosið í bænum. Það gera 34,8 prósent. Í síðustu sveitarstjórnarkosningunum árið 2006 höfðu 32,3 prósent kosið á sama tíma.

Kjörsókn í Reykjavík tveimur prósentum minni en árið 2006

Alls hafa 19266 kosið í Reykjavík klukkan 14:00 í dag en það gera 22,46 prósent. Það er tæpum tveimur prósentustigum minna en fyrir sveitarstjórnarkosningarnar árið 2006 en þá höfðu 20745 manns kosið eða 24,23 prósent færri.

Fundu kannabis fyrir tíu milljónir

Lögreglan á höfuðborgarsvæðinu stöðvaði kannabisræktun og lagði hald á tilbúin kannabisefni á nokkrum stöðum í austurborginni í gær.

Þyrla nauðlenti á Sandskeiði

Þyrla frá Norðurflugi nauðlenti á Sandskeiði í hádeginu í dag. Samkvæmt lögreglunni á höfuðborgarsvæðinu þá varð bilun sem leiddi til þess að vélin þurfti að nauðlenda.

Ók í gegnum vegrið yfir á öfugan vegarhelming á Miklubraut

Ökumaður á þrítugsaldrinum ók í gegnum grindverk á Miklubrautinni við Skaftahlíð rétt fyrir klukkan eitt. Bifreiðin fór yfir á öfugan vegarhelming og ók næstum á tvær aðrar bifreiðar.

The Wire og Ray Ban geta leitt til meirihlutasamstarfs

Ekki er útlit fyrir annað en að tveir eða fleiri flokkar myndi meirihluta í borgarstjórn Reykjavíkur að kosningum loknum.

Kjörsókn minni en í síðustu sveitarstjórnarkosningum

Kjörsókn klukkan ellefu í morgun í Reykjavík var 5,71 prósent en þá höfðu um 4900 manns kosið. Þetta er prósentustigi minna en árið 2006 en þá höfðu um 5800 kosið á sama tíma eða 6,78 prósent.

Kjörstjórn hvetur fólk til þess að ganga á kjörstað

Kjörstjórnin í Laugardalnum hvetur kjósendur, sem koma því við, að koma ekki á bílum heldur fótgandi eða á hjólum. Ástæðan er sú að það er gríðarlega mikið um að vera í Laugardalnum auk kosninganna.

Gleymdi skilríkjunum en fékk samt að kjósa

„Ég fór í sparifötin og gleymdi þess vegna veskinu upp á kosningaskrifstofunni,“ sagði Jón Gnarr, oddviti Besta flokksins, í viðtali á Bylgjunni en hann átti ekki að fá að kjósa í ljósi þess að hann hafði engin persónuleg skilríki á sér. Fyrir vikið kom maður frá yfirkjörstjórninni sem vottaði að maðurinn væri í raun Jón Gnarr. Þess vegna tókst honum að kjósa að lokum.