Conscriptor ritar sjúkraskrár sem boðnar voru út

Eignarhaldsfélagið Conscriptor átti lægsta tilboð í ritun sjúkraskráa fyrir slysa- og bráðasvið Landspítalans sem boðin var út nýverið. Fram kemur í tilkynningu á vef spítalans að ákveðið hafi verið að ganga til samninga við fyrirtækið en það hefur reynslu af ritun sjúkraskráa í Svíþjóð.

Annþór býður í afmæli - löggan leitar að staðnum

Handrukkarinn Annþór Kristján Karlsson sem lögreglan leitar nú eftir að hann strauk úr fangaklefa við Hverfisgötu í morgun, hefur boðið til síðbúinnar afmælisveislu í kvöld.

Ekkert bóluefni gegn HIV

Vísindamenn eru engu nær því að finna bóluefni fyrir HIV veiruna en þeir voru fyrir tuttugu árum.

Útspil ríkisstjórnarinnar hugsanlega klárt um helgina

Geir H. Haarde forsætisráðherra segir að útspil ríkisstjórnarinnar í tengslum við kjarsamninga á almennum vinnumarkaði líti dagsins ljós í fyrsta lagi um helgina en gæti allt eins dregist fram yfir helgi.

Verðlaunamynd úr stríðinu í Afganistan

Mynd af örþreyttum bandarískum hermanni í Afganistan hefur verið valin fréttaljósmynd ársins 2007 hjá World Press Photo Award.

Ýja að stuðningi við sjálfstæðiskröfu Suður-Ossetíu og Abkasíu

Rússnesk yfirvöld gáfu til kynna í dag að þau muni hugsanlega styðja kröfu héraðanna Suður-Ossetíu og Abkasíu um aðskilnað frá Georgíu ef Vesturveldin lýsa yfir stuðningi við Kosovo.

Ríkisstjórnin undirbúi göng milli Súðavíkur og Ísafjarðar

Hafin er undirskriftasöfnun á Netinu þar sem skorað er á ríkisstjórnina að hefja strax rannsóknir og undirbúning að jarðgangagerð milli Súðavíkur og Ísafjarðar út frá samfélagslegum og öryggissjónarmiðum.

Öskureiðir hvalavinir vilja láta kæra sig

Bresk feðgin eru öskureið yfir því að yfirvöld hafa fallið frá málshöfðun á hendur þeim fyrir að hlekkja sig við stigahandrið í japanska sendiráðinu í Lundúnum.

Örninn Zorro til varnar einu af kennileitum Melbourne

Starfsmenn Arts Centre, sem er eitt af kennileitum borgarinnar Melbourne í Ástralíu, hafa fengið örninn Zorro til liðs við sig til að verja kennileitið fyrir ágangi kakadú fugla.

Alvöru neðansjávarbíll

Nú verður James Bond væntanlega glaður. Bond aðdáendur muna allir eftir því þegar hann kom keyrandi upp úr sjónum í glæsilegri sportbifreið sem jafnframt var kafbátur (kafbíll ?).

Raðnauðgari á leigubíl

Lögreglan í Lundúnum hefur handtekið mann sem grunaður er um að hafa raðnauðgað konum sem hann plataði upp í leigubíl sinni.

Rafmagnslaust í skamman tíma á Rjúpnahæð

Rafmagnslaust var í skamman tíma í Kóra- og Hvarfahverfum í Kópavogi í dag eftir að gröfumaður rak skófluna í háspennulínu á Rjúpnahæð.

Rafiðnaðarsambandið greiddi 600 þúsund króna skaðabætur fyrir Guðmund

Guðmundur Gunnarsson formaður Rafiðnaðarsambandsins var dæmdur til þess að greiða 250 þúsund krónur í skaðabætur vegna tiltekinna ummæla í Hæstarétti fyrir skömmu. Einnig þurfti hann að greiða lögfræðikostnað. Upphæðin sem er rúmlega 600 þúsund krónur var greidd af Rafiðnaðarsambandi Íslands.

Kannað hvort eitrað hafi verið fyrir Patarkasishvilis

Lík georgíska kaupsýslumannsins og stjórnarandstöðuleiðtogans Badris Patarkatsishvilis verður krufið í dag til að kanna hvort eitrað hafi verið fyrir honum.

Fjölmargir árekstrar í morgun en lítið um slys

Fjölmargir árekstrar og umferðaróhöpp urðu suðvestanlands í óvæntri hálku, sem gerði snemma í morgun.

Ekki ákveðið hvort bólusetja eigi gegn leghálskrabba

Heilbrigðisráðherra segir enga ákvörðun liggja fyrir um hvort bólusetja skuli gegn leghálskrabba hér á landi.

Tilbúinn í stríð við Ísrael

Leiðtogi Hizbollah-hreyfingarinnar í Líbanon segist reiðubúinn í stríð við Ísraela kjósi þeir átök. Einn af máttarstólpum Hizbollah féll í árás í vikunni. Hreyfingin segir Ísraela hafa myrt hann en því hafna Ísraelsmenn.

Tilgangslaus fundur með ríkisstjórninni

„Ráðherrarnir létu eins og þeir hefðu aldrei fengið þessar tillögur okkar,“ segir Guðmundur Gunnarsson, formaður Rafiðnaðarsambandsins, eftir fund með ríkisstjórninni í morgun.

Kaupmannasamtök styðja kaupmenn til málshöfðunar

Kaupmannasamtök Íslands styðja kaupmenn á Akureyri sem undirbúa málshöfðun gegn greiðslukortafyrirtækjunum. Þá er til skoðunar að talsmaður neytenda komi einnig að málinu.

Engin ákveðin svör frá ríkisstjórninni í kjaramálum

Ekki verður skrifað undir kjarasamninga nema ríkisstjórnin komi að málinu segir Grétar Þorsteinsson, forseti Alþýðusambands Íslands.

Fyrsti kjarasamningurinn hjá ríkissáttasemjara í þessari lotu

Verkalýðsfélag Akraness og Samtök atvinnulífsins undirrituðu í morgun sérkjarasamning vegna starfa í fiskimjölsverksmiðju HB Granda á Akranesi.

Heildaraflinn dróst saman um 14 prósent á milli ára

Heildarafli íslenskra skipa í nýliðnum janúarmánuði, metinn á föstu verði, var 14 prósentum minni en í janúar 2007.

Olían yfir 96 dollara

Olíufatið fór yfir 96 dollara í dag þegar spákaupmenn hengdu sig í þann ólíklega möguleika að Venesúela láti verða af þeirri hótun sinni að stöðva alla olíusölu til Bandaríkjanna.

Kópavogsbær tekur við leikskólanum Hvarfi

Á fundi bæjarráðs Kópavogs í gær var ákveðið að bæjaryfirvöld tækju við rekstri leikskólans Hvarfs þegar þjónustusamningur við einkaaðila rennur út 1. Maí. Óvissa hafði ríkt í Hvarfi frá því í október og var þjónustusamningi við ÓB Ráðgjöf sem rekur leikskólann sagt upp um áramót.

Konur mikill meirihluti vistmanna á öldrunarstofnunum

Konur voru nærri tveir þriðju þeirra sem bjuggu á stofnunum með vistrými fyrir aldraðra í desember árið 2006 samkvæmt tölum Hagstofu Íslands.

8 þúsund fyrirtæki skila ekki ársreikningi

Átta þúsund fyrirtæki skila ekki ársreikningum til Ársreikningaskráar samkvæmt heimildum Vísis. Fons, félag athafnamannsins Pálma Haraldssonar, er eitt þeirra en það hefur ekki skilað ársreikningi undanfarin þrjú ár eins og fram kom í blaðinu 24 stundum í morgun.

Bandaríkjamenn ætla að skjóta niður gervihnött

Bandaríkjamenn hafa ákveðið að skjóta niður einn af sínum eigin njósnagervihnöttum sem er á hægri leið inn í gufuhvolfið.

Annþór hoppaði niður af annarri hæð og strauk

„Hann braut öryggisgler í glugga á ganginum og hoppaði niður af annarri hæð,“ segir Geir Jón Þórisson yfirlögregluþjónn um flótta handrukkarans Annþórs Kristjáns Karlssonar. Annþór átti að koma fyrir dómara seinna í dag þar sem gæsluvarðhald yfir honum rennur út í dag.

Krefjast þess að ráðherrar standi við orð sín

Náttúruverndarsamtök Íslands fara fram á það að ráðherrar og þingmenn Samfylkingarinnar og forsætisráðherra standi við orð sín í tengslum við byggingu álvera á suðvesturhorninu.

Einkaneysla dregst ekki saman

Einkaneysla virðist ekki vera að dragast saman þrátt fyrir lækkandi gengi hlutabréfa og horfur á minnkandi vexti í hagkerfinu. Þetta kemur fram í mælingu á smásöluvísitölu sem Rannsóknarsetur verslunarinnar stendur fyrir.

Einar Jökull fékk níu og hálft ár í Fáskrúðsfjarðarmáli og felldi tár

Sex sakborningar í Fáskrúðsfjarðarmálinu voru í dag dæmdir í tæplega þrjátíu og tveggja ára fangelsi samtals fyrir að flytja inn nærri 40 kíló af fíkniefnum. Dómur í máli þeirra var kveðinn upp í Héraðsdómi Reykjavíkur.

Fáir hafa áhuga á stjórnmálum í Manchester

Stjórnmálamennirnir í Manchester á Englandi virðast glíma við þann vanda að ná athygli fólks.

Fundu eftirlýsta konu á stolnum bíl

Lögreglan á höfuðborgarsvæðinu handtók í nótt par á stolnum bíl og reyndist konan vera eftirlýtst af lögreglu vegna annarra afbrota. Parið gistir nú fangageymslur.

Mitt Romney styður John McCain

Mitt Romney, frambjóðandi í forkosningum repúblikana í Bandaríkjunum, sem dró sig út úr keppninni á dögunum hefur lýst því yfir að hann styðji John McCain í baráttunni fyrir útnefningu.

Trylltist á skóladansleik og réðst á gæslumann

Sextán ára stúlka trylltist á skóladansleik á Gauki á Stöng í gærkvöldi. Hún réðst að gæslumanni og veitti honum áverka.

Enn ólga í Danmörku

Enn eru óeirðir í Danmörku í kjölfar þess að fjölmiðlar ákváðu að endurbirta skopmynd af Múhameð spámanni. Óróinn hefur breiðst út um landið átti lögregla átökum við ungmenni í Kaupmannahöfn, Árósum og á nokkrum stöðum á Norður Sjálandi.

Varað við fljúgandi hálku - lögreglubíll valt á Sandskeiði

Lögregla varar við fljúgandi hálku á Reykjanesbraut og á Suðurlandsvegi. Nokkrir bílar hafa þegar hafnað utan vegar og tveir hafa oltið á Suðurnesjum. Á Suðurlandsvegi valt bíll við Sandskeið og þegar lögregla og sjúkralið mætti á vettvangs óhapps sem varð á Sandskeiði vildi ekki betur til en svo að lögreglubíllinn ók á sjúkrabílinn og valt út af veginum.

Fimm féllu í skotárás í háskóla í Illinois

Fimm féllu í árás byssumanns í Northern Illinois háskólanum í Bandaríkjunum í gærkvöld. Nemendur reyndu að koma sér í skjól þegar hvítur karlmaður vopnaður tveimur skammbyssum og haglabyssu hóf skothríð í fyrirlestrasal skólans. Lögregla segir að maðurinn hafi skotið sjálfan sig áður en þeir komu á vettvang og enn veit enginn hvað manninum gekk til.

Fóður og fjör framundan

Hátíðin Fóður og fjör eða Food & Fun verður haldin um allt land helgina 21. til 24. febrúar næstkomandi. Hótel og veitingahús í öllum landsfjórðungum hafa tekið sig saman með þetta skemmtilega verkefni á landsbyggðinni, verða með sérstök tilboð á mat og gistingu og lofa frábærri lífsstílshátíð og ætla að kynna íslenskt hráefni til matargerða sem lífgar mun upp á skammdegið.

Fóður og fjör á Vesturlandi

Hátíðin Fóður og fjör eða Food & Fun verður haldin um allt land helgina 21. til 24. febrúar næstkomandi. Hótel og veitingahús í öllum landsfjórðungum hafa tekið sig saman með þetta skemmtilega verkefni á landsbyggðinni, verða með sérstök tilboð á mat og gistingu og lofa frábærri lífsstílshátíð sem lífga mun upp á skammdegið. Vestlendingar eru engir eftirbáta

Hátt í 20 manns urðu fyrir árás byssumanns

Byssumaður myrti að minnsta kosti tvo og særði fjölda annarra í kennslustofu í DeKalb nærri Chicago í Bandaríkjunum í kvöld. Byssumaðurinn lést eftir skotárásina. Samkvæmt lýsingum vitna var hann grannvaxinn hvítur karlmaður. Ekki er ljóst hvernig hann lést.

Ingibjörg Sólrún setti Bridgehátíðina 2008

Ingibjörg Sólrún Gísladóttir utanríkisráðherra setti Bridgehátíðina 2008, Icelandair Open, á Hótel Loftleiðum klukkan 19 í kvöld, fimmtudagskvöldið 14. febrúar.

Halldór Sævar Guðbergsson nýr formaður Öryrkjabandalagsins

Halldór Sævar Guðbergsson var kjörinn formaður Öryrkjabandalags Íslands á aukafundi milli aðalfunda ÖBÍ sem haldinn var síðdegis í dag.

Reykur í potti á Rauðarárstíg

Slökkviliðið var kallað að Rauðarárstígur klukkan hálfsjö í kvöld þegar tilkynnt var um reykjalykt í stigagangi í fjölbýslishúsi á þremur hæðum. Við nánari athugun kom í ljós að einstaklingur í einni íbúðinni hafði sofnað út frá potti á eldavél.

100 kíló af stolnum verkfærum fundust í Þýskalandi

Lögreglan í Þýskalandi stöðvaði í dag póstsendingu með rúmum hundrað kílóum af verkfærum sem talið er að hafi verið stolið hér á landi. Að sögn lögreglunnar á höfuðborgarsvæðinu er talið að ætlunin hafi verið að senda verkfærin til Póllands. Ekki er vitað hvort einhverjir hafi verið handteknir í tengslum við þetta tiltekna mál. Samkvæmt heimildum Vísis hefur töluvert verið stolið af verkfærum á undanförnum mánuðum, sem flest eru flutt til Austur - Evrópu.