Glæpum fækkar í Kópavogi

Samkvæmt tölum frá lögreglunni í Kópavogi fyrir fyrstu sex mánuði ársins, fer afbrotum fækkandi í umdæminu.

Eldur í álverinu á Grundartanga

Eldur kom upp í rafmagnsstokk í álverinu í Grundartanga nú fyrir skömmu. Slökkvilið Akranes hefur verið sent á staðinn en ekki er vitað að svo stöddu hversu mikill eldurinn er eða hvort hætta sé á ferðum.

Icelandic Hot Dogs get Guardian vote

Átökum afstýrt í bili

Stríðandi fylkingar í Austur-Kongó ákváðu nú síðdegis að slíðra sverðin og semja um vopnahlé.

Framhaldsskólar hefjast eftir sumarleyfi

Framhaldsskólanemar sneru sumir aftur í skólann í dag, sumir hverjir með fulla vasa fjár eftir sumarið. Þeim er engu að síður ráðlagt að sýna ráðdeild enda langur vetur fram undan.

Ótrúlegt að saksóknari hafi íhugað endurákæru

Jón Ásgeir Jóhannesson, forstjóri Baugs Group hf. segir einkennilegt að hafa þurft að sitja undir því svo vikum skiptir að settur saksóknari í Baugsmálinu segðist vera að íhuga endurákæru. Því verði vart trúað að settur saksóknari hafi hugleitt það í alvöru eftir þá dóma sem á undan höfðu gengið.

Íranar reiðubúnir til viðræðna

Íranar segjast tilbúnir til alvarlegra viðræðna um kjarnorkuáætlun sína en segjast enn áskilja sér rétt til að halda auðgun úrans áfram. Sitji þeir fast við sinn keip er næsta víst að þeir verði beittir efnahagsþvingunum og jafnvel er valdbeiting ekki útilokuð.

Óánægja með fyrirhugaða efnistöku í Hrossadal

Mikil óánægja er meðal sumarbústaðaeigenda í landi Miðdals í Mosfellsbæ vegna fyrirhugaðrar efnistöku í Hrossadal. Þeir óttast að friðurinn verði úti á svæðinu og telja slysahættu aukast stórlega með aukinni umferð flutningabíla um svæðið.

Miklir eldar í Grikklandi

Einn hefur farist og tugir slasast í miklum skógareldum sem geisað hafa á Halkidiki-skaga í norðurhluta Grikklands.

Rússar vilja fagleg vinnubrögð í þyrlukaupum LHG

Victor I. Tatarintsjev, sendiherra Rússlands, staðfestir að hann hafi ekkert svar fengið frá íslenskum yfirvöldum við margítrekuðu boði um að kynna rússneskar björgunarþyrlur sem valkost fyrir Landhelgisgæsluna. Fullbúnar björgunarþyrlur frá Rússlandi kosta innan við fjórðung af verði sambærilegra vestrænna þyrlna.

170 dóu í flugslysinu

Engar líkur eru taldar á að nokkur hafi komist lífs af þegar rússnesk farþegaþota með 170 manns innanborðs fórst skammt frá Donétsk í Úkraínu í dag. Ókyrrð í lofti er sögð orsök slyssins en hryðjuverk er útilokað.

Kárahnjúkavirkjun örugg eftir endurbætur

Kárahnjúkastífla er örugg og mjög litlar líkur eru á því að sprungusvæði undir henni geti skaðað stífluna.

Vill nánari útskýringu á ummælum um ættleiðingu samkynhneigðra

Formaður Samtakanna '78 hefur óskað eftir fundi með stjórn Íslenskrar ættleiðingar vegna ættleiðinga samkynhneigðra á Íslandi. Hún vill fá nánari útskýringar á ummælum forsvarsmanns Íslenskrar ættleiðingar um möguleika samkynhneigðra til ættleiðinga.

Ekki ákært aftur vegna alvarlegustu brotanna í Baugsmálinu

Settur saksóknari í Baugsmálinu ætlar ekki að ákæra í þriðja sinn vegna alvarlegustu brotanna í þessu máli. Hann tilkynnti þessa niðurstöðu í dag ásamt því að benda á að enn væru til efnislegrar meðferðar fyrir dómi, átján alvarlegir ákæruliðir.

Tafir á umferð vegna malbikunar

Búast má við töfum á umferð á Hringvegi 1 milli Akrafjallsvegar og Laxár í Leirársveit á milli klukkan 12:30- 20:00 í dag vegna malbikunar.

Enginn komst lífs af

Allir farþegar og áhöfn rússneskrar farþegavélar af Tupolev gerð týndu lífi þegar vélin hrapaði Austur-Úkraínu í dag. Hundrað og sextíu farþegar voru um borð og tíu manna áhöfn. Flugvélin var á leið frá Suður-Rússlandi til Sánkti Pétursborgar og hrapaði um fjörutíu og fimm kílómetra norður af Donetsk.

Sérfræðingar Landsvirkjunnar telja stíflur við Kárahnjúkavirkjun mjög öruggar

Sérfræðingar Landsvirkjunnar telja að stíflur við Kárahnjúkavirkjun séu mjög öruggar.

Þörf á auknu fjármagni og nýjum fjármögnunarleiðum

Þörf er á fjármögnun til íslenskra háskóla umfram það sem hið opinbera hefur tök á að leggja til þar sem líklegt er að hægi á vexti þjóðarframleiðslu næstu misserin. Aukning fjármagns til háskólastigsins og nýjar fjármögnunarleiðir verða meginviðfangsefni stefnumótunar fyrir háskólamenntun á Íslandi. Þetta er meðal þess sem fram kemur í skýrslu OECD, Efnahags- og framfarastofnunarinnar, um niðurstöður úttektar á íslenska háskólastiginu.

Áheitahringferð til styrktar krabbameinssjúkum börnum gengur vel

Áheitahringferð til styrktar Samtökum krabbameinssjúkra barna gengur vel og eru ferðalangar komnir til Egilsstaða og rúmlega hálfur tankur eftir en takmarkið er að fara hringinn í kringum landið á einum tanki.

Forsætisráðherra afhjúpar minningarskjöld í Tallin

Geir H. Haarde, forsætisráðherra afhjúpaði minningarskjöld á Íslandstorgi í Tallin í dag. Minningarskjöldurinn stendur fyrir að 15 ár eru frá því að Ísland varð fyrst ríkja til að viðurkenna endurheimt sjálfstæði Eistlands.

Kárahnjúkastíflur mjög öruggar

Sérfræðingar Landsvirkjunnar telja að stíflur við Kárahnjúkavirkjun séu mjög öruggar. Á blaðamannafundi sem Landsvirkjun boðaði til með sérfræðingum í dag, kom fram að sérfræðingarnir teldu litlar likur á að stífluveggir myndu leka.

Vinstrihreyfingin-grænt framboð vill rannsókn á byggingu Kárahnjúkavirkjunar

Vinstrihreyfingin-grænt framboð telur að mikilvægt sé að fram fari óháð og gagnsæ rannsókn á þeirri áhættu sem tekin er með byggingu virkjunarinnar áður en vatni verður veitt í Hálslón og tekur þannig undir kröfu náttúruverndarsamtaka þar að lútandi.

Iceland praised in El Pais

SPRON veitir skólafólki ókeypis fjármálaþjónustu

Námsmannaþjónusta SPRON býður skólafólki upp á ókeypis fjármálaþjónustu í dag, fyrir utan bókaverslunina Griffil í Skeifunni, í tilefni þess að skólarnir eru að byrja.

Íranar afhenda svar sitt

Íranar hafa í dag afhent fulltrúum vesturveldanna svar sitt við tilboði þeirra um ívilnanir í stað þess að stjórnvöld í Teheran hætti auðgun úrans.

Grunnskólar settir í dag

Velflestir grunnskólar landsins verða settir í dag.

Tugir líka hafa þegar fundist

Farþegaflugvél með um hundrað og sextíu farþega og tíu manna áhöfn um borð hrapaði í austur hluta Úkraínu í dag. Vélin var á leið frá Suður-Rússlandi til Sánkti Pétursborgar. Vélin hrapaði um fjörutíu og fimm kílómetra norður af bænum Donetsk og er flakið sagt standa í ljósum logum.

Vilja að starfsmenn Orkuveitunnar fái að tjá sig um þjóðfélagsmál

Borgarfulltrúar Vinstri grænna fara fram á að stjórnarformaður Orkuveitu Reykjavíkur beitir sér nú þegar fyrir því að aflétt verði fyrirmælum um að starfsmenn megi ekki tjá sig um brýn þjóðfélagsmál.

Bæjarhátíðin Í túninu heima

Bæjarhátíð Mosfellsbæjar, Í túninu heima, verður haldin dagana 25. - 27. ágúst. Hátíðin er nú haldin í annað sinn og verður fjölbreytt dagskrá í boði

Jafnvel margbrotinn samningur er dýrmætur

Vopnahléssamningurinn á Srí Lanka er enn mikils virði, jafnvel þótt báðir aðilar brjóti ítrekað gegn honum. Upplýsingafulltrúi norræna eftirlitsins telur jafnframt að ótryggt ástand hafi ekki áhrif á fyrirhugaða fjölgun í liði Íslendinga, nema að ástandið versni enn.

Bæjarráð Bolungarvíkur vill sjúkraflugvél á Ísafjörð í vetur

Bæjarráð Bolungarvíkur lýsir óánægju sinni með þá ákvörðun að sjúkraflugvél skuli ekki vera staðsett á Ísafirði í vetur og skorar á heilbrigðisyfirvöld að endurskoða ákvörðun sína.

Tvöfalt fleiri ungir karlmenn vinna í félagsþjónustu

Fjöldi ungra karlmanna sem vinna á leikskólum, félagsmiðstöðvum og grunnskólum hefur ríflega tvöfaldast frá árinu 2000. Byggingarvinnan er samt vinsælust hjá ungu körlunum en konur undir þrítugu eru helst í félagsþjónustu.

Kynferðisafbrot í Kambódíu

Tveir Þjóðverjar og þrír Kambódíumenn voru handteknir í gær fyrir að misnota tvær ungar stúlkur í Kambódíu. Þar á meðal var fjörutíu og tveggja ára gamall grunnskólakennari frá München sem starfaði í einkaskóla í Phnom Penh, höfuðborg landsins.

Um 50.000 nemendur í grunnskólum landsins

Rúmlega fjögur þúsund og þrjú hundruð börn hefja grunnskólagöngu sína í vikunni en grunnskólar landsins verða víða settir í dag. Alls munu hátt í fimmtíu þúsund börn og unglingar stunda nám í grunnskólum landsins í vetur.

Bensínverð lækkar um 1 krónu

Verð á bensínlítranum hefur verið lækkað um eina krónu hjá Atlantsolíu, Esso og Orkunni.

Eldur í blaðagámi

Slökkvilið höfuðborgarsvæðisins var kallað út að blaðagámi við Egilshöllina um ellefuleytið í gærkvöldi. Gámurinn stóð í ljósum logum en greiðlega gekk að slökkva eldinn og verður gámhræið hirt af staðnum af Gámafélaginu í dag.

Whale ship in the shipyard

Styrkir Alcoa til samfélagsverkefna á Austurlandi 150 milljónir

Upplýsingafulltrúi Alcoa telur hugsanlegt að þakka megi Alcoa aukinn árangur lögreglunnar á Austfjörðum í fíkniefnamálum, vegna styrks sem fyrirtækið veitti tveimur lögreglumönnum þaðan til að sækja námskeið hjá lögreglunni á Flórída í Bandaríkjunum.

Ítalir setja Ísraelum skilyrði

Ítalir munu ekki leiða alþjóðlegt friðargæslulið í Líbanon ef Ísraelsher hættir ekki árásum sínum á Suður-Líbanon. Utanríkisráðherra Ítalíu, Massimo D'Alema, greindi frá þessu í morgun.

Árekstur tveggja báta

Árekstur varð þegar Björgunarbáturinn Húnabjörg frá Skagaströnd og línuveiðabátur frá Suðurnesjunum sigldu saman rétt fyrir utan höfnina á Skagaströnd um tvö leitið í nótt.

Lestarslys á Spáni

Lest fór af sporinu á Norður-Spáni í gær með þeim afleiðingum að sex manns létust og um sextíu særðust.

Algengasta atvinnugrein karla og kvenna

Almenn byggingarstarfsemi er algengasta atvinnugrein sem karlmenn undir þrítugu leggja stund á en konur á sama aldri eru flestar í störfum við félagsþjónustu án dvalar.

Ellefur ákærðir fyrir hryðjuverka ráðabrugg

Ellefu einstaklingar voru ákærðir í gær fyrir að leggja á ráðin um að sprengja tíu farþegavélar á leið sinni frá Bretlandi til Bandaríkjanna.

Bæjarins bestu næstbesti matsöluturn í Evrópu

Söluturninn Bæjarins bestu við Tryggvagötu í Reykjavík er ekki einungis í fremstu röð á Íslandi heldur næstbesti matsöluturn í Evrópu, að mati ferðablaðs breska blaðsins The Guardian.

Elsti maður í heimi

Elsti maður í heimi, Rican Emiliano Mercado frá Púertó Ríkó hélt upp á hundraðasta og fimmtánda afmælisdaginn sinn í gær með fjölskyldu sinni.