Auka­fundur borgar­full­trúa: Tugir stöðugilda í nýrri hrinu upp­sagna og niður­skurðar

Samkvæmt heimildum fréttastofu var umfjöllunarefni fundarins hagræðingaraðgerðir og uppsagnir starfsfólks. 

Niðurskurðurinn nær til allra sviða borgarinnar fyrir utan skóla- og frístundasviðs og velferðasviðs sem urðu fyrir hnífnum í sumar.

Erfiðlega hefur gengið að fá svör frá borgarstjórnarfulltrúum vegna málsins. Samkvæmt heimildum fréttastofu munu fulltrúar meiri hlutans ekki veita viðtöl um málið fyrr en að loknum aðgerðum sem standa munu yfir í dag. 

Ari Edwald, oddviti Miðflokksins, ræddi stuttlega við fréttamenn að loknum fundi borgarstjórnar. Hann kvaðst ekki mega greina frá því sem kom fram á fundinum en sagði þó að Miðflokkurinn styddi hagræðingar í rekstri borgarinnar.

Hátt í tuttugu manns var sagt upp hjá borginni í júní og tugum í ágúst. Hildur Björnsdóttir borgarstjóri Reykjavíkur sagði í ítarlegu viðtali við fréttastofu í byrjun september að frekari uppsagnir og skipulagsbreytingar væru fram undan hjá Reykjavíkurborg. Hildur nefndi sérstaklega að þjónustu- og nýsköpunarsvið borgarinnar væri mannafla- og fjárfrekt og að hægt væri að útvista verkefnum þess.

Fréttin var uppfærð eftir að fundi lauk.