Bakgarðsáskorunin: Soðnar kar­töflur besta nestið

Sylwester er 41 árs landsliðsmaður í Bakgarðshlaupi. Hann tekur þátt í landsliðakeppninni sem fer fram þann 17. október. Sylwester hefur mest farið 40 hringi en hlaupið gengur út á að hlaupa 6,7 kílómetra á klukkustund, eins oft og hægt er.

Landsliðakeppni í Bakgarðshlaupi hefst 17. október og verður í beinni útsendingu á Vísi.

Hvenær byrjaðir þú að hlaupa ?

Ég byrjaði að hlaupa mikið árið 2020 þegar ræktin lokaði.

Af hverju ákvaðst þú að taka þátt í Bakgarðshlaupinu? Hvað hefur þú tekið oft þátt?

Ég vildi prófa mig áfram og sjá hvernig er að keppa við þá bestu.

Hvern er best að spjalla við í hringnum?

Í langhlaupum er Adam Komorowski minn besti félagi. Við höfum oft hlaupið saman.

Hvað er best að borða þegar þú tekur þátt í Bakgarðinum?

Soðnar kartöflur með salti, hrísgrjónagrautur og tómatsúpa.

Hvaða liðsmaður er með besta nestið?

Erfitt að segja. Ég pæli ekkert í hvað aðrir borða.

Hvað gerir þú þegar þú ert ekki að hlaupa?

Ég fer í göngutúra, hjóla eða keyri mótorhjól og fer í sjósund.

Hvað ætlar þú þér að fara marga hringi í október?

Metið mitt er 40 hringir, en mig langar auðvitað að gera betur.

Hvað er það vandræðalegasta sem þú hefur lent í í Bakgarðshlaupinu?

Ég man ekki eftir neinu þannig.

Hver er uppáhalds Bakgarðsbrautin þín og af hverju?

Öskjuhlíð. Ekki bara út af leiðinni, heldur af því að veðrið þar í maí er miklu skárra en á haustin.

Hvaða liðsmaður kemur mest á óvart í hlaupinu?

Ég veit það ekki ennþá. Það kemur í ljós í næsta hlaupi.

Hver er þinn stærsti styrkleiki í Bakgarðshlaupi? En veikleiki?

Styrkleiki minn er að ég elska löng og róleg hlaup. Veikleikinn er sennilega þyngdin mín. 😂

Hvað er það skrítnasta sem þú hefur gert til að halda þér gangandi í hlaupi?

Að labba afturábak niður brekkur til að hlífa hnjánum.

Hver er duglegastur í liðinu við að hvetja aðra áfram?

Þorleifur. Hann er mjög rólegur, hvetjandi og alltaf jákvæður.

Ef þú mættir bara hlusta á eitt lag allan tímann, hvaða lag væri það?

„The Sound of Silence“

Hvernig myndir þú lýsa þér fyrir einhverjum sem þekkir þig ekki?

Jákvæður, virkur og alltaf að setja mér ný markmið.

Hvað er best að gera eftir Bakgarðshlaup?

Bara hvílast og slaka á.

Hver er líklegastur til að byrja að syngja á hlaupum?

Ég held að Mari verði sú fyrsta til að byrja að syngja. 😂

Ef þú ættir að lýsa liðinu með þremur orðum, hvaða orð myndirðu velja?

Styrkur, ástríða, bros.