Ísak Berg­mann og Agnes Perla eiga von á barni

„Við verðum þrjú í byrjun apríl,“ skrifaði parið við sameiginlega færslu sem þau birtu á Instagram. Á myndinni má sjá Agnesi með Ísaki sem heldur á sónarmyndum.

Þetta hefur verið afar viðburðarríkt ár hjá parinu sem fagnaði fimm ára sambandsafmæli í apríl og fór Ísak síðan á skeljarnar í sumar. Þau birtu myndir af trúlofuninni sem fór fram við ströndina á Akranesi. 

Sjá nánar: Ísak Bergmann trúlofaður

Ísak Bergmann spilar knattspyrnu með þýska úrvalsdeildarliðinu FC Köln. Hann fór út í atvinnumenskuna fyrst aðeins sextán ára gamall, þá til Svíþjóðar. Agnes Perla er fyrrverandi unglingalandsliðskona í körfubolta og spilaði með Keflavík í stöðu framherja.