Úkraínsk tennisstjarna gagn­rýnir á­kvörðun IOC: „Þetta er hræði­legt“

Á þriðjudag ákvað Alþjóðaólympíunefndin (IOC) að aflétta banni á rússneskum íþróttamönnum og rússnesku ólympíunefndinni.

ROC og rússneskir íþróttamenn hafa verið í banni síðan 12. október 2023 vegna stríðsreksturs Rússlands í Úkraínu.

Ákvörðun IOC opnar fyrir það að rússneskir íþróttamenn geti snúið aftur í alþjóðlegar íþróttir og forkeppni Ólympíuleikanna í stærri stíl, og bendir stjórnin á að ákvörðunin hafi þurft að koma núna, þar sem forkeppni fyrir Ólympíuleikana í Los Angeles árið 2028 er hafin.

„Þetta er hræðilegt. Mér finnst þetta vera mjög, mjög langt frá því sem hægt er að kalla sanngjarna keppni fyrir öll löndin sem þetta varðar, ekki bara Úkraínu,“ sagði Kostjuk eftir að hún tryggði sér sæti í undanúrslitum á Wimbledon.

„Ég er hundrað prósent ósammála ákvörðuninni. En mér finnst margir hafa látið í sér heyra um þetta,“ hélt hún áfram.