Vasaþjófar á ferð í mið­borginni

Þetta er meðal þess sem fram kemur í tilkynningu frá lögreglunni á höfuðborgarsvæðinu þar sem segir frá málum sem komu inn á borð lögreglu í gærkvöldi og í nótt.

Einnig segir frá því að eldur hafi komið upp í bíl, en um var að ræða bíl í Lálandi í Fossvogi eins og sagt var frá á Vísi í gærkvöldi.

Í tilkynningu lögreglu segir einnig að tilkynnt hafi verið um slys á manni sem var á rafhjóli. Mögulegt sé að viðkomandi hafi beinbrotnað og var sjúkrabíll og lögregla send á vettvang.

Þá var maður handtekinn vegna rannsóknar á heimilisofbeldi og afskipti höfð af öðrum vegna vörslu fíkniefna og aksturs undir áhrifum fíkniefna.

Á svæði 2 – sem nær yfir Hafnarfjörð og Garðabæ – var tilkynnt um þjófnað í starfsmannaaðstöðu bókasafns. Vísbendingar séu þó um hver hafi verið þar að verki.