Pólitískur ólgusjór í Bret­landi, hval­veiðar og ban­væn hita­bylgja

Fyrstu langreyðarnar, sem veiðst hafa við Íslandsstrendur í þrjú ár, eru væntanlegar á land í Hvalfirði í nótt. Við ræðum við formann Verkalýðsfélags Akraness sem segir upphaf hvalvertíðar gleðitíðindi og að venjulegt verkafólk geti fengið allt að tvær milljónir króna í laun á mánuði.

Smári Jökull hitti utanríkisráðherra Noregs í dag sem sagði að Norðmenn fylgdust gaumgæfilega með Evrópuumræðunni á Íslandi. Innganga Íslands í ESB myndi gjörbreyta stöðu Norðmanna.

Hitabylgjan sem nú geisar í Evrópu er orðin banvæn. Hólmfríður Gísladóttir fréttamaður okkar er stödd á viðvörunarsvæði í vesturhluta Frakklands en hún lýsir fyrir okkur aðstæðum í óbærilegum hita.

Við verðum í beinni útsendingu bæði norður á Akureyri eftir Bíladaga og á Þingvöllum til að taka svæðið út eftir stórtónleika helgarinnar. Rúsínan í pylsuendanum er síðan rabarbarahátíð á Blönduósi sem Kristján Már kynnti sér.

Í sportinu verður rætt við Frey Alexandersson sem segir það hafa komið sér í opna skjöldu að missa starfið sem þjálfari Brann í Noregi. Hann er þó kominn með nýtt og spennandi starf og á grænni grein.

Í Íslandi í dag ræðir Lilja Katrín við úkraínskan töframann sem missti heimili sitt tvisvar en fann frið á Íslandi. Þetta og margt fleira á samtengdum rásum Sýnar, Vísis og Bylgjunnar á slaginu hálf sjö.