Sport

Dag­skráin: Ís­lensku strákarnir mæta Messi og fé­lögum

Óskar Ófeigur Jónsson skrifar
Lionel Messi var svekktur eftir síðasta leik sinn á móti Íslandi á HM í Rússlandi 2018 þar sem hann lét Hannes Þór Halldórsson verja frá sér víti.
Lionel Messi var svekktur eftir síðasta leik sinn á móti Íslandi á HM í Rússlandi 2018 þar sem hann lét Hannes Þór Halldórsson verja frá sér víti. Getty/Matthias Hangst

Það eru beinar útsendingar á sportstöðvunum í dag og kvöld eins og vanalega á þriðjudögum.

Það styttist í heimsmeistaramótið í fótbolta og í nótt munu sjálfir heimsmeistararnir spila lokaleik sinn fyrir titilvörnina.

Argentínumenn völdu að spila þennan lokaleik sinn á móti íslenska landsliðinu en leikurinn fer fram í Auburn í Alabama-fylki í Bandaríkjunum.

Fyrsti leikur argentínska landsliðsins á HM er síðan á móti Alsír í Kansas City 16. júní næstkomandi.

Lionel Messi er allur að braggast eftir að meiðsli héldu honum frá síðustu leikjum og gæti því komið við sögu í leiknum.

Áður en að leik Íslands og Argentínu kemur má einnig sjá lélegasta fótboltalið heims samkvæmt FIFA-listanum, San Marínó, reyna sig á móti Aserbaísjan.

Hér fyrir neðan má sjá yfirlit yfir beinar útsendingar á sportstöðvunum í dag.

Sýn Sport Ísland

Klukkan 00.50 hefst bein útsending frá vináttulandsleik Íslands og Argentínu í fótbolta.

SÝN Sport Viaplay

Klukkan 17.50 hefst bein útsending frá vináttulandsleik Aserbaísjan og San Marínó í fótbolta.

Dagskráin í dag

Mest lesið


Fleiri fréttir

Sjá meira


×

Mest lesið