Ó­venju­leg fley undan ströndum Reykja­víkur

Önnur svipuð snekkja birtist svo á sama stað í morgun. Sú heitir After You.

Emotional var smíðuð í Tyrklandi og hönnuð af hollenska fyrirtækinu Damen Yachting. Hún er í raun hönnuð sem stuðningsskip fyrir Xplorer-snekkjurnar, sem eru hannaðar fyrir auðuga landkönnuði.

After You er einmitt af gerðinni Xplorer og er stærra skip en Emotional.

Hér að neðan má sjá kynningarmyndband þar sem farið er yfir helstu kosti Emotional.

Báðum snekkjunum var siglt til Reykjavíkur frá Vlissingen í Hollandi.

Samkvæmt upplýsingum á vef Damen Yachting er snekkjan 53 metra löng og tíu metra breið. Hún nær allt að tuttugu sjómílna hraða.

After You er 60 metrar að lengd og ellefu metrar að breidd. Hún nær allt að 19,5 sjómílna hraða.

Þá geta verið allt að tólf gestir um borð og um þrettán í áhöfn Emotional. Svipað rými fyrir fólk er um borð í After You.

Fréttin hefur verið uppfærð eftir að ljóst var að snekkjurnar væru tvær.