Dag­skráin í dag: Mikil spenna í Grinda­vík

Sýn Sport Ísland

Spennan er mikil í einvígi Grindavíkur og Vals enda staðan jöfn eftir fyrstu tvo leikina, 1-1. Bein útsending úr Grindavík hefst klukkan 18:30 og eftir leik er svo Körfuboltakvöld á sínum stað.

Sýn Sport Ísland 2-3

Þróttur og FH börðust fram á síðustu mínútu um 2. sæti Bestu deildar kvenna í fyrra og liðin mætast í Laugardalnum í kvöld, klukkan 19:15. Fyrr í dag, eða 17:30, taka nýliðar Grindavíkur/Njarðvíkur á móti Þór/KA í landsbyggðarslag.

Sýn Sport Viaplay

Ensku liðin Nottingham Forest og Aston Villa mætast klukkan 19 í undanúrslitum Evrópudeildarinnar. Sá slagur gæti einnig skipt fjölda annarra liða í ensku úrvalsdeildinni máli því ef Villa vinnur Evrópudeildina og endar í 5. sæti úrvalsdeildarinnar þá fær liðið í 6. sæti einnig að fara í Meistaradeild Evrópu á næstu leiktíð.

Sýn Sport

Í hinu undanúrslitaeinvíginu mætast Braga og Freiburg í Portúgal, einnig klukkan 19. Þá mætast Rayo Vallecano og Strasbourg í Sambandsdeildinni á Sýn Sport 2.

Allar upplýsingar um beinar útsendingar á sportrásum Sýnar má finna hér.