Besta sætið: Hver leyfir sér að efast um Elías Má?

Þeir Aron Guðmundsson, Sindri Sverrisson og Ágúst Orri Arnarsson settust niður saman í stúdíóinu í dag og ræddu málin en Besta deild karla hefur farið afar vel af stað. Besta deild kvenna hefst í kvöld með tveimur leikjum og eru flestir á því að Breiðablik muni verja titil sinn þar. 

Undanúrslitin í Bónus deildum karla og kvenna eru í fullum gangi og í kvöld hefst úrslitaeinvígi Vals og FH í Olís deildinni í handbolta. 

Þá komumst við ekki hjá því að ræða stöðuna í enska boltanum þar sem að skoruð mörk skilja að topplið Manchester City og Arsenal. Hlusta má á Besta sætið í spilaranum hér fyrir neðan.