Rýma hús á Seyðis­firði

Rýmingin nær til fimm reita á Seyðisfirði. Það eru SE01, SE02, SE04, SE24 og SE26, samkvæmt tilkynningu frá almannavörnum á Austurlandi.

Áhugasamir geta séð reitina hér á kortasjá með því að velja Skipulag og rýmingarsvæði.

Búist er við því að rýmingin verði í gildi til hádegis á morgun, í það minnsta. Þá er búist við að hið slæma veður sem farið hefur yfir austurhluta landsins í dag gangi niður.

Sjá einnig: Fjórðungur Hringvegarins lokaður

Einnig er búið að gera ráðstafanir vegna snjóflóðahættu á einum reit í Neskaupstað. Þar er eingöngu atvinnuhúsnæði.