Eng­land - Ís­land 2-0 | Tveggja marka tap gegn Evrópumeisturunum

England vann 2-0 sigur gegn Íslandi í undankeppni HM kvenna í fótbolta þökk sé marki og stoðsendingu frá Lucy Bronze.

Stelpurnar okkar eyddu mestum tíma í að verjast í dag og gerðu það nokkuð vel, en tvær fyrirgjafir frá Englendingum rötuðu á réttan stað.

Lucy Bronze skallaði boltann í netið í fyrra skiptið eftir fyrirgjöf Laureen James. Georgia Stanway skoraði svo seinna markið eftir fyrirgjöf frá hægri bakverðinum Bronze.

England tyllir sér þar með í efsta sæti riðilsins með fullt hús stiga en Ísland er enn án stiga eftir fyrstu leikina, gegn Englandi og Spáni. Úkraína og Spánn mætast svo síðar í dag.

Nánari umfjöllun væntanleg á Vísi von bráðar…