Allt til­tækt lið slekkur eld í Hafnar­firði

Þetta segir vakthafandi varðstjóri hjá Slökkviliðinu á höfuðborgarsvæðinu í samtali við Vísi. Ríkisútvarpið greindi fyrst frá brunanum.

Hann segir að talsverður eldur hafi verið í húsnæðinu þegar slökkvilið bar að garði en verið sé að slá á eldinn. Slökkviliðsmenn komist ekki inn í húsnæðið vegna hita og unnið sé að því að slökkva eldinn utan frá. Þá segir hann að að svo stöddu sé ekki talin hætta á að eldurinn dreifi sér í nærliggjandi hús en slökkviliðsmenn vinni að því að verja þau.

Húsnæðið sem kviknaði í er steinsnar frá rústum hússins að Hvaleyrarbraut 22, sem brann til kaldra kola í stórbruna árið 2023.

Uppfært: Upphaflega sagði að eldurinn logaði í húsi að Hvaleyrarbraut. Rétt er að eldurinn kviknaði í húsi að Brekkutröð, sem liggur að Hvaleyrarbraut.