Gabríel á bak við lás og slá fram á föstu­dag

Í fréttatilkynningu frá lögreglunni segir að að karlmaður á þrítugsaldri hafi verið úrskurðaður í varðhald en heimildir Vísis herma að um Gabríel sé að ræða. Hann var handtekinn ásamt tveimur öðrum en þeim hefur nú verið sleppt úr haldi.

Í tilkynningu segir að hann sé grunaður um að hafa stungið annan mann með hnífi. Brotaþoli hafi verið færður á slysadeild, en hafi nú verið útskrifaður.

Ekki sé unnt að veita frekari upplýsingar að svo stöddu.

Gabríel Douane á að baki langan sakaferil þrátt fyrir ungan aldur. Hann hefur verið sakfelldur fyrir ítrekuð ofbeldisbrot auk tveggja annarra líkamsárása í fangelsinu á Hólmsheiði. Hann lauk afplánun dóms snemma í síðustu viku og losnaði þá úr fangelsi.