Glæsihús augn­læknis til sölu

Húsið hefur fengið gott viðhald og verið endurnýjað að nær öllu leyti á liðnum árum. Heimilið er prýtt klassískum hönnunarhúsgögnum og fallegum listaverkum, í bland við antíkmublur.

Efri hæðin er opin og björt, með ljósu viðarparketi á gólfi. Franskir gluggar og hurðir  gefa eigninni sjarmerandi karakter og fágað yfirbragð.

Stofa, sjónvarpsherbergi, borðstofa og eldhús mynda samliggjandi rými. Arinn er í stofunni og úr borðstofunni er útsýni hvoru megin, annars vegar upp í Öskjuhlíð og hins vegar yfir miðbæ Reykjavíkur, líkt og úr stofunni.

Úr holi er gengið niður tvö þrep inn á svefnherbergisgang með þremur svefnherbergjum, þar á meðal rúmgott hjónaherbergi með sérbaðherbergi. Á ganginum er stór þakgluggi sem varpar fallegri birtu inn í rýmið.

Frá enda svefnherbergisgangs er gengið út á stóran, skjólgóðan sólpall með heitum potti, auk heitrar og kaldrar sturtu.

Úr holinu liggur steyptur stigi niður á neðri hæð, sem skiptist í sjónvarpsrými, tómstundarherbergi, þrjú svefnherbergi og tvö baðherbergi.

Nánari upplýsingar um eignina má nálgast á fasteignavef Vísis.