Bein út­sending: Bakgarðshlaupið í Heið­mörk

Bakgarðshlaupin ganga út á að hlaupa 6,7 km hring á undir klukkutíma. Ræst er út á heila tímanum og sá vinnur sem stendur einn eftir. Má búast við því að það verði hlaupið alla helgina og jafnvel lengur.

Í fyrra bar Marlena Radziszewska sigur úr býtum í Heiðmörkinni eftir að hafa hlaupið 38 hringi en í ár eru um 230 keppendur skráðir til leiks og verður spennandi að sjá hver hleypur lengst að þessu sinni.

Garpur I. Elísabetarson mun standa vaktina alla helgina fyrir Vísi og uppfæra um gang mála í textalýsingu hér að neðan. Hér að neðan má svo horfa á beina útsendingu frá hlaupinu.