Gámur á ak­rein hringtorgs í Hvera­gerði

Að sögn Einars Sigurjónssonar, aðalvarðstjóra hjá lögreglunni á Suðurlandi, barst lögreglu tilkynning um málið klukkan hálf tólf. Einhverjar þrengingar og tafir eru á umferð en enginn er slasaður. Kranabíll sé á leiðinni.

Vænta má að margir séu á ferð um hringtorgið en útihátíðin Kótelettan var haldinn á Selfossi um helgina og flughátíðin Allt sem flýgur á Hellu. Á vefsíðu Vegagerðarinnar segir að umferðartafir séu á Hringveginum á leið frá Hveragerði til höfuðborgarsvæðisins vegna óhapps við hringtorgið í Hveragerði.

Fréttin var uppfærð er upplýsingar fengust frá lögreglunni á Suðurlandi.