Beckham á spítala

Victoria setti mynd af David í hringrás sína á Instagram og skrifaði við hana „Láttu þér batna pabbi.“

Þá birti hún aðra mynd í kjölfarið þar sem sást í fót kappans stingast út undan sænginni og hann halda í armband þar sem stóð á „Láttu þér batna fljótt“.

Victoria greindi hins vegar ekki frá því hvað kom fyrir kappann en svo virðist sem hann hafi slasað sig eitthvað á handleggnum.

Það er mikið um að vera þessa dagana hjá Beckham sem fagnaði fimmtugsafmæli í byrjun maímánaðar og var sæmdur riddaratign um miðjan júnímánuð. Á sama tíma hafa deilur innan Beckham-fjölskyldunnar skyggt á gleðina en hinn 26 ára Brooklyn Beckham er hættur að tala við foreldra sína.