Jrue Holiday til Portland frá Boston

Holiday er að koma aftur til Portland eftir að hann hafi upprunalega farið þangað í skiptunum við Milwaukee Bucks um Damian Lillard árið 2023.

Simons er að renna út á samning þegar hann kemur til Boston á meðan Holiday á inni um 72 milljónir dollara tímabilin 2026-27 og 2027-28. Þessi skipti spara pening fyrir Boston sem þarf nú ekki að borga 40 milljónir dollara í lúxus skatt á næsta tímabili.

Búist er við að þetta sé bara byrjunin hjá Boston í undirbúningstímabilinu, þar sem þeir muni umbreyta liðinu sínu töluvert. Það sérstaklega eftir meiðslin hjá þeirra stjörnuleikmanni Jayson Tatum í annari umferð umspilsins.

Holiday er góður varnarmaður, en hann var valinn í lið bestu varnarmanna í deildinni. Hann spilaði lykilhlutverk á tímabilinu 2023-24 fyrir Boston þar sem hann var með 42,9% skotnýtingu frá þriggja stiga línunni, og var með 13,2 stig að meðaltali í leik, í leiðinni að titlinum.

Holiday er orðinn 35 ára gamall og er að fara spila sitt 17. tímabil í deildinni. Hann kemur með reynslu inn í ungt Trail Blazers lið.

Boston er að fá töluvert yngri leikmann. Simons er 26 ára gamall, hann er góð þriggja stiga skytta þar sem hann hefur að meðaltali níu, þriggja stiga skot í leik.