Stór­auka þjónustu Strætó í lok sumars

Í tilkynningu þess efnis á vef Strætó segir að þjónustan verði aukin, meðal annars með tilliti til notkunar leiða, álags og áhrifa af framkvæmdum Borgarlínu.

Hlutfall íbúa sem búa innan 400 metra frá stoppistöð með tíu mínútna tíðni á annatíma fari úr um 18 prósentum í rúmlega 50 prósent.

Helstu breytingar:

Aukin tíðni á annatíma:

• Leiðir 3, 5, 6 og 12: úr 15 mín. í 10 mín.
• Leiðir 19, 21 og 24: úr 30 mín. í 15 mín.

Utan annatíma:

• Leiðir 3, 5, 12 og 15: úr 30 mín. í 15 mín.

Lengri þjónustutími á kvöldin á fjórtán leiðum:

• 1, 2, 3, 4, 5, 6, 7, 11, 12, 15, 18, 19, 21 og 24

Tímatöflulagfæringar á nokkrum leiðum, meðal annars 2 og 5.

Leið 4 breytir akstursleið – fer um Kringlumýrarbraut vegna nýrrar forgangsakreinar og ekur því ekki um Miklubraut og Háaleitisbraut.

Aðrar breytingar:

• Vagnar munu ekki bíða eftir tengingum við aðra vagna í Ártúni á annatíma vegna aukinnar tíðni.

Venja fólk við tíðni framtíðarinnar

Í tilkynningunni segir að markmið breytinganna séu að auka notkun almenningsamgangna, bæta aðgengi íbúa að samgöngum með góðri tíðni, venja fólk við tíðni framtíðarinnar og að draga úr umferð með auknum valkostum við einkabílinn.

Þá sé ráðist í breytingarnar núna til þess að draga til baka þjónustuskerðingar vegna Covid-19, þær séu liður í undirbúningi fyrir framkvæmdir fyrir fyrsta áfanga Borgarlínu og til venja fólk við aukna tíðni og hvetja til aukinnar notkunar.

Nánari upplýsingar og uppfærðar tímatöflur verði birtar þegar nær dregur.