Gerðu Bellingham að stór­stjörnu og kaupa nú bróður hans

Bellingham kemur til Dortmund frá Sunderland, en ef árangurstengdar bónusgreiðslur eru taldar með gæti félagið greitt allt að 37 milljónir evra, eða um 5,3 milljarða króna, fyrir leikmanninn.

Aðeins eru um tvö ár síðan eldri bróðir Jobes, Jude Bellingham, lék fyrir Dortmund. Jude kom til félagsins frá Birmingham árið 2020 og var svo seldur til Real Madrid fyrir um 120 milljónir evra þremur árum síðar.

Síðan þá hefur Jude unnið spænsku deildina, spænska ofurbikarinn, Meistaradeild Evrópu og Ofurbikar UEFA.

Eins og bróðir sinn er Jobe einnig alinn upp hjá Birmingham, en hann hefur leikið með Sunderland síðan árið 2023.

Þessi 19 ára gamli miðjumaður hefur leikið 85 deildarleiki fyrir Sunderland og skorað í þeim 11 mörk. Þá hefur hann leikið alls 31 leik fyrir yngri landslið Englands.